--- In [email protected], mh <[EMAIL PROTECTED]> wrote: > Magnet yang berkekuatan besar itu sampai sekarang masih misteri.
Dina urusan magnet Bumi, sabenerna mah bumi teh ngaluarkeun medan magnet, asalna teu pati jelas, ngan ceuk salah sahiji hipotesis dina inti bumi teh aya arus listrik alam nu "kukurilingan" nu ngakibatkeun mucunghulna medan magnet ( lir ibarat gulungan kawat tambaga nu dibere arus listrik). Akibat medan magnet ti jero ieu, kulit bumi nu beungeutna (permukaan) ayeuna dicaricingan ku urang material-material kaimbas (kainduksi) tepi ka oge ngaluarkeun medan magnet tambahan (Persis siga beusi nu dideukeutkeun kana magnet, beusi ieu oge bakal ngaluarkeun medan magnet). Gedena medan magnet gumantung ku materialna. Lamun materialna ngandung sabangsa beusi, tambahan medan magnet bumi bakal nambahan gede. Lamun aya material keuna imbas medan magnet, sanajan medan magnet nu ngimbasna geus euweuh atawa ngaleutikan, material ieu sakapeung tetep ngaluarkeun medan magnet, gumantung kana sifat materialna. Di alam aya batu-batu nu ngaluarkeun medan magnet sorangan, akibat kaimbas ku medan magnet, mangjuta-juta taun katukang. Elmu nu nyilidik sesa magnet ieu disebut "PALEOMAGNETISM" Batu-batu nu ngaluarkeun medan magnet sorangan, umurna geus kolot, kapanggihna di batu-batu nu aya di benua. Di Indonesia moal kapanggih kulantaran umur batuanana umumna kaitung "ngarora" keneh. Di Arab Saudi, kulantaran ayana di benua heubeul, mungkin wae aya batu nu ngandung medan magnet. Ngan masalahna naha eta medan magnet teh mani gede pisan tepi ka bisa narik beus? Aya oge kamungkinan, Arab Saudi teh nagara beunghar, bisa wae nyewa para akhli jeung insinyur ti Barat keur nyiptakeun kaajabian "buatan". Sabab sabenerna mah lain hal nu aneh, kareta api super cepat make prinsip-prinsip medan magnet, lamun teu salah mah disebutna ge MAG-LEV kitu? Kang Budi, Kang Trias, Kang Tata Nur atawa Kang RH nu ngalalanjrek di LN sigana leuwih terang kumaha cara gawe ti Kareta Api Cepat ngamanfaatkeun Magnet .... Baktos, WALUYA
