Eu non son persoa que use moito o corrector, xa que escribo poucas
cousas que precisen o seu uso, e porque considero que non son tan
inútil que me faga falta un corrector.
Pero considero moi importante non gastar unha chea de cartos nun
corrector que despois só rule cun único programa, cunha única versión,
ou nunha única plataforma. Non sei exactamente como funciona un
corrector, pero supoño que hai unha especie de regras e uns datos cos
que traballa, pode que estes datos se poidan aproveitar sen romper
moito a cabeza para outros correctores máis estendidos e integrados
con máis programas, se non se puidera usar un corrector que se integre
con moitos programas... non sei se me explico.
Por outra parte sempre flipei ca cantidade de correctores que hai pola
rede, é que con cada versión lle cambian o nome ó corrector? Non
habería forma de aunar recursos para non ter que reinventar a roda
cada vez?
Hai algún tempo cando se fixera un corrector para o OpenOffice lera
moitas queixas sobre que había un traballo que non se podería
aproveitar para outros correctores porque a empresa á que se lle
encargou dito traballo o fixo de xeito que fora case imposible
aproveitar dito traballo. Se imos ter un servidor de memorias de
tradución e terminoloxia que todos poidamos aproveitar o traballo de
todos, non se deberían facer públicos estes traballos de forma que
todos poidamos beneficiarnos dese traballo xa feito??
Ata logo,
Leandro Regueiro
