Mejuah-juah man banta kerina,
Adina ngerana kita kerna merga kalak karo labo baci lalit dasarna, misalna
si i tulis turang/senina/impal/ bere-bere ; Alexander Firdaus iteruh enda
emkap mengenai merga kalak karo lanai bo 5(lima) nina, adi sungkundu man orang
tuanta sendir mungkin ia baci saja merawa man bandu sebab adina merganta kalak
karo labo baci turah - turah bage saja itengah-tengah masyarakat karo, bagi
perturah dukut, kuterari atena turah ije ia turah.
Adina merga kalak karo labo lit tambahena si kutehna kasa paksa enda, emka
ula kam salah, adi kin pe melala macamna turi-turin merga enda labo penambahen
merga kalak karo bagi katandu e, cuma harus i pahamindu makana merga kalak
karo si galangna lit (5) lima merga emkap : Ginting, Sembiring, Karo-Karo,
Tarigan ras Perangin-angin.
Endam merga kalak karo siterutama/terbesar, kencage ibas si lima merga enda
masing-masing lit cabangna ku teruh, sebagai contoh emkap Karo-Karo, : lit
deba karo2 Sinulingga, Karo2 Kaban,Karo2 Kacaribu Karo2 Sitepu ras sidebana,
bage kange merga Sembiring emkap : Sembiring Pelawi, Sembiring Sinulaki,
Sembiring Maha, Sembiring Paropo, Sembiring Depari ras sidebana kuteruh,
bagekange merga Ginting, lit ia Ginting Munthe, Ginting Suka, Ginting Manik,
Ginting Tambun ras sidebana ku teruh, bagekape merga Perangin-angin, ras
Tarigan, kerina lit cabangna.
Cuma saja gundari enda kalak karo buen lanai pakena mergana si utama,
contohna Sitepu lakin ia asalna karo2 sitepu, bage kape Pelawi, lakin asalna
Sembiring Pelawi, tapi gundari enda kalak karo mekisat makeken mergana si
utamana.
Kerina kalak karo gundari enda mulai ngurangi ketutur, adina orang tuanta
si nai arah ketutur nge makana dat arah apai ia maksudna emkap sada contoh
ketutur :
- si A jumpa ras si B, janah ketutur ia duana
- reh nina si A, kai mergandu nina ku si B,
- ngaloi si B mergangku karo2 bang nina,
- bere-berena,
- bere bere ginting,
- eak adina karo-karo, kam karo-karo apai dage kam nina si A ku si B,
- aku karo-karo sitepu bang nina si B,
- oe adi bage erkai nge ndia orat tuturta si ban nina si A ku si B,
- ngaloi ka si B adi kam kai kin mergandu bang nina ka nungkun
- aku pe karo2 ndai kang bere-berena, bere - bere tarigan nina si A,
- reh nina ka si B karo-karo apai kin kam bang nina ku si B
- aku Karo Sekali nina si A,
- adi bage bang enggo me ersenina tuturta bang nina si B ku si A
Bagendam salah sada contoh ketutur gelah dat ia ganjang teruhna tuturta
nandangi sekalak jelma si mbaru sitandai, ijenari kange si dat ia cabang
siapai ia bagi contoh sikuturiken i datas ndai.
Jadi ula kam salah makana merga kalak karo labo lit tambah seh paksa enda,
hanya saja kalak karo sigundari mekisat ia makeken mergana si utama(si arah
lebe), enda situhuna gelah ula kalak nungkun-nungkun arah apai nge ndia cabang
mergana, emaka pakekena merga si arah pudi saja, janah bagi pendapat si
ngirimken berita enda (jrmtony ) keputusen si enggo ibahan kalak karo si
perlebe (yg memperkenalkan marga kalak karo) tidak dapat diganggu gugat, enda
enggo masalah budaya janah kompleks, labo baci si nihen alu sembelah mata
saja, kerina lit dasarna, kerina lit kriteriana, labo asal bunyi saja.
Endam pendapatku, janah mindo maaf aku adi lit kapndu kurang payona kerna
tulisenku/kritikku enda, kai pe labo bagi si mbaliken telapak tan, kerina lit
jalurna nggeluh enda.
sibarem bujur man banta kerina
ibas aku nari
Lesman Ginting Munthe
Alexander Firdaust <[EMAIL PROTECTED]> wrote:
Mejuah Juah
Enda Sitik Tambahen ibas aku nari, ija menurutku kita kalak karo lanai bo
terdiri ibas 5 merga ngenca, tapi enggo lebih ibas si lima merga nari i.
Engkai maka bage ningku sebab gundari kita kalak karo lanaibo erbahan merga
arah pudi gelarna si terdidi ibas: karo-karo, tarigan, ginting, sembiring,
bagepe perangin-angin tapi engo buen si erbahan merga arah pudi gelarna :
Sitepu, Surbakti, Sinuhaji, Tarigan, Ginting, Meliala, Depari, Pelawi, Pinem,
Sebayang, Perangin-angin Ras Sidebanna. Makana adi menurut sienda ndai maka
merga kalak karo gundari enggo lebih dari 5.
Bagem kuakap sitik kerna merga-merga ibas kita kalak karo ibas jaman gundari
enda, janah ija akapndu si kurang tengteng si kutulisken idatas, maka mari
radu ras ka kita pehulisa.
Bujur
jrmtony <[EMAIL PROTECTED]> wrote:
Saya pernah membaca sebuah buku kecil
yang diterbitkan berdasarkan
seminar atau musyawarah (saya sudah lupa) tentang kriteria pencantuman
nama/marga yang harus komplit , contoh : Hendrik Sembiring Meliala.
Sementara sampai saat ini kebanyakan pencantuman adalah Hendrik
Sembiring saja atau Hendrik Meliala saja.
Demikian juga katanya untuk membedakan laki-laki dan perempuan maka
untuk perempuan harus dibubuhi kata "br" contoh: Engelina br Tarigan
Gersang, sementara kalau kita lihat pada saat ini kata "br" jarang
dicantumkan. Contoh penyiar dari VOA menyebutkan namanya Irna
Sinulingga ( bukan Irna beru Karo-karo Sinulingga).
Artinya sesuatu keputusan/ketentuan yang dibuat tapi tidak bisa
efektif.
Ada yang punya pendapat??
Tks & salam
Best Regarts
---------------------------------
Sucker-punch spam with award-winning protection.
Try the free Yahoo! Mail Beta.
---------------------------------
Kunjungi halaman depan Yahoo! Indonesia yang baru!
