Leben kupeseh sentabi man banta kerina. Adi ku oge bas undangen kalak Karo bas alinea terahir lit tuliskenna ije "anak beru", merga induk ngenca ibahanna. Jadi adi singundang e merga Sembiring maka bas kelompok anak beru itulisna : Karo- karo,Ginting,Tarigan, Perangin-angin. Emaka labo ije itulisken Sitepu,Sugihen tahpe Sibero. Ertina keberadaan "merga silima" tetap bage sebutenna. Memang perbendaharaan istilah bas kita Karo (tahpe suku-suku sideban) kurang, jadi siban ijenda istilah sub merga tahpe cabang merga enda istilahta ngenca e, sebab nininta nai labo lit bage istilahna. (contoh sideban tentang kekurangan perbendaharaan kata: warna biru ras warna hijau bahasa Karona meratah ngenca). Jadi adi lit kalak ngatakenca mergaku Sitepu nina, kuakap epe labo tersalahken sebab nggo bage perkembangenna. Labo maka gundari enda ngenca bage bas nai naripe nggo me imulai, ma ingetndu mbarena lit gubernur bas Medan em : Ulung Sitepu, lit ka bupati Matang Sitepu, li ka Pembantu Gubernur Tapanuli/Nias Mbera Barus. Adi ngikutken merga silima ma Karo-karo min ibahanna, tapi enda masalah keinginan/selera/kebiasaan sada-sada keluarga si la perlu ipermasalahken. Tapi labo makana la ia ngaku merga Karo-karo sebab adi bas adat kari merga Karokaro sideban nge sembuyakna. Ngelele gundari sipernah kubegi merga Silima ngenca, lenga bo pernah lit terbegi istilah Merga si enem tah pe sipitu.
Bagem mejuah-juah. In [email protected], Warman <[EMAIL PROTECTED]> wrote: > > Mejuah-juah > > Adina menurutku kai si tulisken Alex lit nge tuhuna. Sebab adi si kataken > merga kalak karo lima, maka selain si lima e atau pe turunen si lima e labo > merga gelarna. Mungkin banci nikataken cabang atau sub merga. Tapi faktana > melala kari sijumpai kalak karo, adi sisungkuni kai mergana, katakenna kari > mergaku barus, sitepu, bangun, manik etc. Artina barus, sitepu, bangun, > manik etc enggo nianggap sebagai merga (selevel ras ginting, karo- karo, > tarigan, perangin-angin, sembiring). > > Bujur > Satiyawarman tarigan > > > > > . > > > > > > >
