Assalamu'alaikum.w.w.
Ndeeh, Sabalun kito taruihkan kaji ko, tarimo
kasih
banyak dik Rahima, sanang hati ambo, lamo-lamo bisa
juo
ma mastered bahaso arab ko, apo lai kok dibimbiang dik
Rahima. Dan maaf SBN, ambo ndak bisa melayani inyo
doh,
banyak komen nyo nan ka mambuang-buang ukatu awak kok
dijawek (dik Rahima tak usah jawab juga kalau mau).
Dan e-mail nyo nan sabanta ko, sulik untuak
dimaafkan. Ok lah kito sambuang nan kapatang
(mohon dik Rahima cek penggunaan kata arabnya lagi,
terima kasih sebelumnya).
.... Sarupo dalam kisah pendidikan. Surang urang kayo
punyo tanah laweh dan nio nyo bagi-bagikan ka urang.
Dibuek lah pengumuman ka urang-urang nan nio jo tanah
tu.
“tuan-tuan buliah maambiak tanah tu ambo lah ndak
nio
lai do, tapi dengan syarat, harus pai pagi katiko
matoari tabik dan lah tibo ditampek samulo katiko
matoari tabanam, sabanyak apo nan tuan-tuan ukua
sabanyak tu lah tuan-tuan dapek tanah tu”.
Mako banyaklah urang nan pai.
Salah sorang diantaronyo lah mambao baka.
Subuah-subuah lah start, bajalan jalan jalan
jalan, lah banyak dapek tanah. Takana dek nyo, “bara
jauah tuan-tuan bajalan, sabanyak tu lah tuan-tuan
dapek”.
Manga itu nyo bajalan taruih sampai pukua satu lapeh
tangah hari. Lah lapa paruik, tapikia dek nyo, kalau
den makan kini kan rugi dek kurang jauah bajalan. Kok
baranti makan bara lamo lo kabaranti. Kok indak lah
bara jauah lo dapek. Jaan makan, nan tapikia dek nyo
tanah harus banyak dapek. Mako bajalan lah nyo taruih
sampai paruik lah lapa bana, ndak takao bajalan lai
baru baranti, baru nak makan. Lah nio makan, ndak
takao
makan lai do dek paruik lah masuak angin. Awak lah
kababaliak ka tampek samulo lai ko. Akhirnyo mati nyo
di tangah jalan tu. Bara meter nyo dapek tanah ?. Satu
satangah meter sajo nyo.
Nampak ndak tuan-tuan ?, urang nan indak cukuik-cukuik
dek lobo.
Samo lo jo carito zaman Nabi ‘Isa as.. Sorang
urang
bajalan jo Nabi ‘Isa as. Tapi malangnyo inyo ndak
kenal
jo nabi Isa. Ndak kenal kawan bajalannyo Nabi ‘Isa
do.
Basipokoklah mambaok baka 4 buah roti. Bajalanlah jo
nabi Isa. Bajalan bajalan bajalan,
Lah panek, Nabi ‘Isa mintak istirahat baranti makan,
lalu makan lah roti. Nyo agiah nabi ‘Isa ciek nyo
ambiak tigo. Nabi ‘Isa batanyo, roti duo lai maa nyo
?.
Nyo icak-icak ndak tau sajo padahal inyo nan mamakan.
Sudah tu bajalan lo baliak, bajalan bajalan bajalan.
Basuo kambiang sikua, Nyo dabiah kambiang tu dek Nabi
‘Isa, mati kambiang tu. Tapi sabanta sudah tu tagak
kambiang tu baliak. “Eh, baa kambaiang ko bisa tagak
baliak”. Batanyo nabi ‘Isa, “Waang heran ndak ?”.
Jaweknyo, “Iyo lah heran, lah mati iduik baliak”.
Kecek
nabi ‘Isa lo, “Ang heran ndak urang mancilok roti tadi
?”. Nyo pura-pura ndak tau. Tu bajalan baliak, bajalan
bajalan, basuo jo sungai. Nabi ‘Isa elok lo bisa
mamijak sungai tu bantuak mamijak simin sajo. Inyo pun
bisa bajalan di ateh aia tu, “Eh bisa lo sungai takah
iko”. Kecek nabi ‘Isa “waang heran ndak ?”. Jaweknyo
“ Heran”. Kecek nabi ‘Isa “Ang heran ndak ado urang
mancilok roti tadi ?”. Nyo malengah pura-pura ndak
tau. Sudah tu bajalan bajalan bajalan basuo ameh. Tigo
onggok ameh. Memang banyak ameh tu, kok digunokan 40
keturunan ndak abih. Kecek nabi ‘Isa, “Awak bagi ameh
ko, saonggok untuak waang, saoongok untuak den”.
Keceknyo “saoonggok lai ?”.
“Saonggok lai untuak urang nan mancilok roti tadi”,
kecek nabi ‘Isa pulo. Aa keceknyo
“Aden nan mancilok roti tu tu ma”.
Nampak dek tuan-tuan, tadi ndak mangaku do, nio
ameh
baru mangaku.
Kecek nabi ‘Isa, “ndak baa do den ka pai”.
Kecek nyo pulo “ Eh ameh ko baa ?”
“Ndak baa ang kok nio ambiak lah sadonyo, den ndak nio
do” jawek nabi ‘Isa.
Nabi ‘Isa pai, tingga lah inyo manunggu ameh tu.
Duduak
baangan-angan jadi urang kayo, bayang kan tigo onggok
ameh ndak abih 40 keturunan cubo bayangkan.
Tibo-tibo datang 3 urang panyamun, nyo samun lah tigo
onggok ameh tadi, nyo bunuahlah kawan tu, mati lah
inyo. Nabi ‘Isa selamat. Ndak gilo jo ameh salamaik,
inyo mati.
Panyamun ko tigo urang lo, elok lo mambagi saonggok
sorang, ang ciek ang ciek den ciek, cukuik. Salah
sorang panyamun tu mangecek, “Awak makan dulu lah,
sorang diantaro awak pai mambali roti”. Pai lah sorang
mambali roti, duo tingga. Nan duo manunggu ko
basipakaik, kalau awak bunuah kawan nan mambali roti
tu, awak dapek satu satangah sorang. Baliak kawannyo
ko, nyo sarang dek duo nan manunggu tu, mati lah inyo.
Nyo bagi lah ameh ko satu satangah sorang. Kawan nan
mambali roti tu ruponyo lah barencana pulo, kok den
agiah racun roti ko, den dapek tigo onggok. Aaa lai,
sudah makan roti, matilah nan baduo tu.
Ikonyo tuan-tuan, balasan urang nan indak maraso
cukuik-cukuik.
Iko nan disabuik, “wahiisun ghalibul laisalahu
qana’ah”. Lobo nan indak cukuik-cukuik.
Iko balasannyo. Aratinyo, sia sajo nan sibuk jo dunia
ko, ndak kamaraso cukuik-cukuik.
Itu sababnyo manusia ko, nan awak caliak sakik
jantuang, darah tinggi dek karano itu lah.
Dek indak batanang, manyababkan inyo dengki, sombong,
pamberang, dangki jo urang.
Ndak sanang maliek urang lain sanang.
Tuan-tuan ingek yo, kalau ado urang nan sanang,
kana lah itu takdir Allah swt. Itu lah rasaki nan
diagiah untuak inyo, mudah-mudahan dapek lo awak
manompang. Baa mangko urang nio banyak banyak banyak
dek karano inyo ingin labiah dari urang.
Nan katigo, “Wa qukhiza min halawatul ‘ibadah”, dan
dicabut dari padanya kemanisan beribadat. Nyo lah
sibuk jo dunia ko, lah ndak lamak sumbayang lai. Kok
sumbayang nio capek-capek, lai sumbayang juo,
ooo sumbayang. Tapi ndak tanang nyo doh. Dek karano
dunia ko panuah dalam dadonyo, panuah. Sumbayang ndak
khusuak, sumbarang se lai. Hati lah ndak tanang lai.
Sabab awak ko memang, dunia ko ado dalam kapalo.
Padahal kok dibayangkan hiduik antaro akhirat jo dunia
ko, aa nan ado di dunia ko ?. Dunia ko 60 tahun, 70
80 tahun, 100 tahun lah latak kan. Padahal di padang
mahsyar duo puluah limo ribu tahun. Awak tagak salamo
25000 tahun. Sarugo narako kan salamo-lamonyo, di
padang mahsyar sajo 25000 tahun, cubo tuan-tuan
bayangkan. Tagak, indak makan, ndak minum, ndak lalok,
ndak duduak, ndak mangecek, indak baistirahat, indak
sajuak, indak bapakaian, tilanjang bugil.
Baa ?, lai katakao ?. Tapi Allah swt. Maha berkuasa,
ado urang nan diagiah-Nyo pakaian, ado nan dilatakkan
di bawah ‘arasy, sajuak, indak bahondoh-hondoh jo
urang. \
Nah, sia urang-urang ko ko,
Nan partamo... Imam yang ‘adil, aratinyo pemimpin
yang
‘adil. Makna pemimpin yang ‘adil ko urang yang
melaksanakan hukum Allah swt. Urang nan melaksanakan
hukum Allah swt. adalah pemimpin yang ‘adil, tapi
kalau
pemimpin indak ikuik hukum Allah swt. indak dietong
pemimpin yang ‘adil do. Zhalim nyo tu.
Eh kan lah ‘adil tu kecek nyo,... ndak...ndak bisa.
Dek karano bermakna inyo malangga hukum Allah swt.
Ndak dapek nyo doh. Indak sajo pemimpin negara, tapi
juo pemuka masyarakat dan lain-lain.
Nan kaduo….
……. Ndeh tunggu lo dulu, bisuak kito sambuang….
Wassalam
__________________________________
Do you Yahoo!?
Yahoo! Search - Find what you’re looking for faster
http://search.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
