>>Dari curito Ustadz dibaruah, tasirat baraso antaro kaum laki-laki jo padusi
>>itu indak samo. Kaum laki-laki tu sacaro lahiriah jo sunnatullah sabanano
>>ditinggikan sarantiang jo didahulukan salangkah.
... Oops choto matte, kecek rang Japang, ambek cah kecek rang darek.
Dek indak hati-hati awak jo pernyataan awak, bamacam bisa kalua
dari rang padusi, sarupo nan di bawah ko.
>Halko saharusnyo kaum
>>padusi harus tahu dan mamakluminyo. Sabanano paralu jo ditanyoan ka kaum
>>padusiko apo sabanano nan dikandak-inyo jo emansipasi tu.
> NOT MUCH
>wassalam,
>annisa
Dunsanak ambo kasadonyo. Tuhan Allah mambuek sesuatu tu indak sio-sio doh.
"Rabbanaa ma khalaqta hadzaa baathila...." (QS:3:191).
Alah jaleh di awak kasadonyo dan pernah pulo ambo sabuikkan dulu, bahaso
ugamo nan kito yakini ko adolah agama fithrah (natural), alami sasuai jo
keadaan masiang-masiang makhluk ciptaan tu. Sudah tu baa ?.
Hal itu bukan berarti Allah indak berlaku adil, dan bukan berarti urang
laki-laki ditinggikan sarantiang. Nan jaleh sacaro logikanyo tinggi sarantiang
ko bararti indak samo, tantu manuntuik urang baa mangko indak disamokan, elok-
elok kito mangecek, samantaro yang dimukasuik sasuai jo fithrah tu bukan itu.
Perbedaan garisan hukum dari Allah tu bukan berarti Allah memuliakan urang
laki-laki. Niak ambo jalehkan.
"Inna akramakum 'indallahi atqaakum",
"Sesungguhnya orang yang paling mulia diantara kamu adalah orang yang paling
taqwa diantara kamu". (Al-Hujurat 13).
Sabananyo dari ayat ko lah jaleh nan ma nan disabuik mulia.
Alah dijadikan Adam as. dari tanah dek Tuhan Allah, sudah tu Siti Hawa dari
tulang rusuak. Sacaro tasireknyo iko lah mambayangkan bahaso kaduo jinih urang
laki-laki jo padusi ko samo (tulang rusuak aratinya sairiang). Tapi, dari kaja-
dian nan sarupo itu Allah swt. punya kandak, kandak ko indak sia juo nan dapek
mambantah. Dari kajadiannyo tu urang padusi rato-rato mandaulukan perasaan
dari logika. Dari kajadian nyo tu aratinyo sacaro fithrahnyo ado hal-hal nan
indak dapek ditangani atau dikarajokan atau disalasaikan dek urang padusi.
Ma contoh ?, ko contoh.
Ingatan urang padusi dalam soal muamalah biasonyo labiah lamah dari urang
laki-laki. Urang padusi kok mancaliak kejahatan dimuko matonyo, nyo capek manu-
tuik mato atau lari tunggang langgang sambia mamakiak histeris. Kok diminta ka
mereka baa kajadiannyo, sulik bagi mereka manjalehkan baa sabananyo kajadian.
Itu sababnyo dalam soal kesaksian ko saksi surang laki-laki samo jo saksi
duo urang padusi, surang padusi indak dapek dijadikan saksi. (QS:2:282).
Banyak contoh-contoh lain nan indak bisa diuraikan ciek-ciek disiko
dek karano akan panjang bana jadinyo. Tiok-tiok hukum bisa dikaji sabab musa-
babnyo baa mangko Allah swt. mamutuihkan sarupo itu. Apakah dalam soal harato
waris, kepemimpinan di rumah tanggo bahkan sampai ka pemimpin negara. Disiko
sabananyo latak keadilan Tuhan. Alah difirmankan "Tuhan tidak membebani
seseorang kecuali sesuai dengan kesanggupannya" (QS:2:286).
Malah kalau diinok ranuangi indak adil jadinyo kito kok karajo urang laki-
laki diagiahkan ka nan padusi. Kalau dalam urusan iko Allah swt. tantu labiah
santiang dari awak. Kok nyampang pulo batanyo, "kan ado juo padusi-padusi nan
kuek, bisa mangarajokan karajo laki-laki, atau nan mampu manahan perasaan man-
dahulukan logika jo pikirannyo ?". Eh, tantu lai, tapi jarang. Untuk nan jarang
ko indak bisa ditatapkan hukum, sasuai jo kecek para 'aalim ulama, "sesuatu yang
jarang terjadi tidak ada hukumnya".
Jadi jaleh dikito bahaso empasipasi nan didiskripsikan dek Islam alah sasuai
sabananyo dan indak paralu diago-ago lai. Baa juo kaindak, co baco ayat dibawah
ko
"Barang siapa yang mengerjakan amal shaleh baik laki-laki dan perempuan dalam
keadaan beriman, maka sesungguhnya akan Kami berikan kepadanya kehidupan yang
baik, dan sesungguhnya akan Kami berikan kepada mereka pahala yang lebih baik
dari apa yang telah mereka kerjakan. (An-Nahl:97).
Banyak ayat-ayat lain nan senada jo iko. Alah jaleh kasadonyo, alah samparono
konsep nan diturunkan dek Sang Pencipta yakni Allah swt. Lai pulo kamungkin
buah pikiran manusia dapek mangalahkannyo ?.
Kini tingga dikito, nan ma nan kadipiliah, konsep urang lain, atau konsep nan
awak punyo, konsep Allah swt. atau konsep manusia, konsep barat atau konsep
Islam, konsep kuffar atau konsep mu'min, hizbus Syaithaan atau Hizbullah.
Tingga mandabiah.
Wabillahi taufiq wal hidayah
Wassalam
Khairi Yusuf
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
