Assalamu'alaikum.w.w.
Saya galak sengeang melihat sanak Dedi dipersokok kan induk-induk.
Itulah anda, dari pertama sudah saya kecatkan jangan sumbarang berkata.
Garah di kita bukan garah di orang. Mukasut bergarah, tapi kena marah.
Itu balun ikut Niben sama NiDes lagi tu. Kalau sudah terlibat pula beliau
beliau, kemana Dedi mau suruk kan muka ha ha ha :).
Dunsanak ambo kasadonyo, sabananyo sanak Dedi indak bermukasut untuak
malanyau padusi bagai do tu. Dan alah dijalehkan dek baliau. Iko hanya
soal pemahaman dialek. Jan dimasuakkan ka hati. Iba pula saya melihat
inya dipersokokkan. he he he :).
Mari kito lanjuikkan diskusi kito.
Sasudah maliek reply dari dunsanak-dunsanak kasadonyo, ambo maraso indak
ado nan basubarangan pandapek do. Alhamdulillah, kok ado bana paliang-
paliang hal-hal nan ketek-ketek nan bisa di neglect. Dan ambo garis bawahi,
indak ado pemaksaan kehendak sarupo nan disabuik sanak Riri tu do. Nan ado
adolah baraja, mendekati agama, mendalami agama. Dan indak pulo ado debat
sarupo nan ditulih Ustad Syarif. Sabab kalau dibuek sarupo itu, ha ha haha
ambo dipasokokkan induak-induak, tamasuak nan disangko Dedi sebagai
induak-induak ha ha ha ha :). Sauleh sabuik ambo, dikecekkannyo manusuakkan
jarum dek Gamut, langsuang nyo angkek padang bakilek. Alun turun Uni-uni ambo
nan lain lai, kiamat dunie dinyo tu, kama ambo ka manyuruak he he he :).
Dunsanak ambo kasadonyo. Mari kito bahas baliak.
Nan partamo dari Gamut dulu. Ko janno aah.
> Begini pak KY. Yang saya maksudkan dengan kaku adalah sikap taqlid, sikap
>peniruan yang membabi buta. Kalau Al Quran bicara A ya A lah artinya. Kalau
>hadist bicara B ya B lah artinya. Kalau ulama Anu bicara C ya C lah artinya.
>Bila ada gagasan baru, inovasi, refleksi dan pemahaman atas perubahan situasi
>yang terus berkembang dalam masyarakat dianggap sebagai ancaman, sebagai
>rongrongan, sebagai jalan untuk membawa manusia kedalam neraka. Itulah yang
>saya maksud dengan kaku. Jadi kaku disini tak lebih dan tak kurang dari pada
>pembekuan dalam penafsiran Al Quran dan hadist. Dan saya tak tahu apakah pak
>KY termasuk kedalam barisan "uzur" diatas.
Mut, dari mulo ko ambo sabuik dulu untuak indak mambuek urang salah ma inter-
pretasikan. Bahaso ambo bukanlah ahli tafsir sarupo Ibnu Majah, Ibnu Katsir
atau buya Hamka sekalipun, walaupun ambo sadang baraja. Yang ambo tuangkan
adolah persepsi yang diambiakkan dari buku-buku nan banyak ambo baco dari
ulama-ulama salaf maupun ulama-ulama nan ado kini ditambah pengetahuan dunia
ambo yang katanya ter "western" kan.
Apakah iko juo buliah disabuik suatu tafsir dalam bentuk lain, sarupo nan
dikamukokan sanak Riri, silahkan. Tapi nan mukasuik jauah dari itu.
Sudah tu. Kalau banyak hal-hal nan dipasalisiahkan, Allah swt. mangatokan
dalam Al-Qur'an, "kembalikan kepada Allah dan Rasulnya". Kalau dulu, katiko
Rasullah masih iduik, segala sesuatu ditanyokan langsuang ka Rasulullah. Kini
ko, sasudah Rasulullah tiada, tampek batanyo nan indak ado. Kalau keberadaan
Rasulullah di ateh dunia ko manjadi faktor utama, sudah barang tentu risalah ko
bukan untuak sampai akhir zaman. Jadi baa lai ?. Nan ado tantu Al-Qur'an dan
sunnah. Kalau lai bapacik ka nan duo ko, sasuai jo pasan beliau menjelang akhir
hayatnyo, lai indak ka sasek kito doh. Nan kini, baa caronyo mengembalikan
kepada Allah dan Rasul tu ?. Tantu tiada lain adolah baliak ka pokok pangka.
Babaliak ka apo nan tatulih di sinan. Dari situ baru diulang interpretasi tu
baliak. Kalau Al-Qur'an bicara A, yaa tentu A itu dulu nan diambiak sabalun
ditambah jo interpretasi nan lain. Kalau Al-Qur'an bicara B hadist bicara C,
tantu iyo itu nan dipacik labiah dulu. Kalau indak baa caronyo lai ?.
Nah kalau iko pulo nan gamut sabuik sebagai taqlid atau pun kaku ataupun
"peniruan yang membabi buta", iyolah antah.
Atau adokah caro nan lain salain baliak ka apo nan tertulis disitu untuak
melakukan "kembalikan kepada Allah dan Rasul", tolong tunjuak ajari ambo.
Dan kalau hal iko disabuik sebagai "pembekuan dalam penafsiran Al Quran dan
hadist", antahlah. Alun ambo temukan caro nan lain salain dari itu lai.
Ciek lai, seandainyo ado urang nan mentafsirkan, sarupo Ibnu Majah dan lain-
lainnyo, hal nan paliang ambo banyak ambo tangkok adolah bahwa, perbedaan
penafsiran hanyalah di soal furu' (cabang), bukan nan ushul (pokok). Kalau
indak picayo buliah dicaliak di kitab-kitab tafsir tamasuak tafsir buya Hamka.
(cuma sayangnyo dikito,jan kan ka mambaco tafsir, mambaco Qur'an nan tatulih
tu sajo antah lai antah indak, what a pity).
Sacaro logika, bilo ado urang mantafsirkan sesuatu, indak lah mungkin akan
kontradiksi jo apo nan tatulih. Sabab bilo hal itu terjadi, tafsiran tu
langsuang gugur, dan jangankan tafsiran, bilo ado hadist nan balawanan
jo apo nan tatulih dalam Al-Qur'an sudah langsung gugur dan berkategori
maudhu' (palsu). Kunun pulo tafsiran. (Soal iko dulu alah pulo ambo bahas
kalau ndak salah jo Gamut juo ko). Dan dalam menafsir, urang biasonyo
akan maliek ka asbabun nuzul(sebab-sebab turunnyo ayat), hadits-hadits
yang menerangkan. Dan kemudian meninjau dari kaidah bahasa Arab. Salamo
bapacik ka sinan, mustahil tafsiran tadi bertentangan jao nan tatulih.
(kalau memang ado tafsiran yang demikian, tolong agaiah tahu ambo).
Nah, dalam hal iko Mut, ado urang-urang nan bapacik ka zhahirnyo bunyi
ayat, samantaro ado pulo urang-urang nan kadang bapacik ka bhathin nyo ayat
jo hadist.... Ndeeh, tambah dalam kaji ko mah. kito stop kalimaik ko.
Lalu baa ?, urang-urang tu kadisalahkan ?.
Kalau batanyo ka ambo, ambo pacik ka duo-duonyo, dan salamo ambo iduik
lai alun ado nan kontradiksi lai doh. Perbedaan buliah tajadi katiko
tasiran mereka tibo di ayat-ayat yang "mustasyabihat" dan bukan yang "muhka-
mat", dan indak ado urang nan bisa men "judge" nan ma nan batua. (dalam hal
iko hitungannyo lah barupo ijtihad, kalau batua dapek duo pahalo, kalau salah
dapek ciek pahalo). Lalu, tantu Gamut batanyo, baa jo mereka nan dibawah ko.
> Namanya modernisme in Islam. Contohnya dapat diambil dari abad ke-19 seperti
yang dilakukan oleh Jamaluddin Afghani dan muridnya Muh.abduh.
Jan talalu capek maambiak kesimpulan bahwa apa yang dibuat
merekalah yang diinginkan oleh risalah ini. Harus diingek baa kondisi nan
memaksa mereka babuek sarupo itu. Cubo gamut ikuti bana sejarah mereka.
Sayang di ambo indak sado tulisan mereka baduo ado jo ambo, nan ado jo ambo
adolah risalah awal yang nyata-nyata indak basubarangan jo apo nan ambo sabuik.
Ko ambo petikkan diantara kalimat Al-afghani,
"Maka pengobatan yang sukses baginya hanyalah dengan kembali ke dasar-dasar
agamanya, dan mengikuti ajaran-ajarannya, "menurut apa yang ada pada permulaan
agama itu",serta dengan memberi penerangan kepada umum dengan ajaran-ajaran
agama yang sempurna, sambil membersihkan hati dan mendidik akhlak;serta menya-
lakan kembali api semangat, menyatukan tekad dan mengorbankan jiwa, demi kemu-
liaan ummat."
Risalah Muhammad Abduh yang ado jo ambo hanyalah Risalah tauhid. Tapi dari
risalah awal mereka ko indak ado satitiak juo bertentangan jo apo nan ambo
sabuik (nampak dari kalimaik di ateh, kembali ke dasar-dasar agamanya, menurut
apa yang ada pada permulaan agama itu..dst.). Tapi buliah jadi tulisan-tulisan
mereka nan lain mambuek mereka ko sangat kontroversial dikalangan intelektual
Islam
maso itu sampai kini. Kecuali untuak risalah awal tadi, banyak kritikan tajam
yang dialamatkan ka mereka ko. Diantaronyo dari "Maryam Jameelah" pengikut mi-
litan Abu'l A'la Maududi. Tuduhan Jameelah taradok duo urang ko iyolah,
"sebagai pembawa bencana besar kepada Ummat karena telah mengkompromikan
ajaran-ajaran Islam dengan Imperialisme Inggeris, dan telah membuka lebar pintu
Mesir untuk masuknya Westernisasi". (Maryam Jameelah, Islam and Modernism,
Muhammad Yusuf Khan, Lahore 1968).
Kemudian dari Hamid Algar yang mengecam "bahwa sesungguhnya dibelakang itu
sikap tak beriman yang ditutup-tutupi". (Hamid Algar, Mirza Malkum khan, A
Biographical study in Iranian Modernism, University of California Press,
Berkerley, 1973, halamn ix).
Dan banyak tuduhan-tuduhan lain yang memojokkan mereka berdua.
Tapi bagi ambo Mut, al-afghani dan Muhammad Abduh, boleh jadi salah dan boleh
jadi juga benar. Cuma nan nampak terang (obvious) di sinan adolah bahwa mereka
bukan sarupo nan Gamut sabuik. Mereka hanya melakukan ijtihad dari hal-hal yang
bukan ushul (pokok) tapi yang furu' (cabang). Dalam hal ijtihad ko dapek pahalo
salah atau batua, tapi harus diingek, hal itu untuak kondisi yang ditantukan
kutiko itu.
(.... basambuang )
http://lapau.rantaunet.web.id
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
