Bundo pulang kampuang – dikampuang ado randai Anggun Nan Tungga si Magek Jabang jo Nan Gondo. Asyik juga semalam suntuk mendengarkan cerita batarak kagunung Ledang mancari tambatan hati. Malam kaduo ado saluang Misramolai – Kalau saluang ko ado pulo daya penariknyo dipantuninyo kito dan caronyo bapantun sado nan hadir kanai sindir untuk urang kampuang.
Dikampuang ado caro manyalasaikan silang sangketo nan kusuik. Bakumpua niniak mamak lalu panghulu mambuka carito sbb:
Sagalo kusuik bisa disalosaikan. Kok kusuik ado 3 macam :
1. Partamo kusuik-kusuik bulu ayam aratinyo disalasaikan dengan mengipeh-ngipehkan bulunyo mako kusuik tu salasai capek.
2. Kaduo kusuik banang caro manyalasaikannyo iyo dicari ujuang jo pangka baru disalasaikan dengan sabar. Kalau sarupo banang dilando ayam iyo agak payah manyalasaikannyo dan kalau indak bisa disalasaikan iyo disalasaikan jo nomor 3.
3. Kusuik sarang burung tampuo yaitu tak bisa disalasaikan tapaso dibaka sarang tampuo tu.Satalah dibaka tantu jadi abu sado nan kusuik tu.
Kan iyo bijaksana urang tuo tuo saisuak? Sekian untuak nan mangarati bahaso Minang – kalau indak mangarati harus baraja – dan kalau indak namuah baraja mungkin RN iko bukan tampek nan rancak untuak inyo.
Wassalam dan maaf iko kapalengah puaso.
Bundo Nismah Rumzy
[EMAIL PROTECTED] wrote:
Dunsanak nan talingkuik dek Rumah Gadang Rantaunet ko, ketek indak ka
basabuik namo, gadang indak ka baimbau gala, salam tatuju ka diri kito
masiang2.
Mumpung dalam suasano puaso, lamaknyo kito maota nan ringan2 sajo, apo nan
ringan2 tu ?, iyo lah, baa mangko akhir2 ko nuansa ke-Minangan di palanta
kito ko agak pudar ambo caliak, maa nyo Mamak2 dan Uda2 nan biaso ber
pepatah-petitih di palanta kito ko.
Do you Yahoo!?
Exclusive Video Premiere - Britney Spears