Assalamu'alaikum w.w.
Bundo Nismah
Alhamdulillah, ambo lai juo di RN ko Bundo, maklumlah namono manggaleh babelok, jadi acok agak katinggalan, tapi lai maikuk-i taruh, saindak-indak mambaco sajo.
Sakali-sakali lai juo mangirim surek, sarupo nan kapatangko. dalam topik : Tawadhu > Pituah. nan isino "Nan Tinggi ditambah nak samo randah jo nan randah, Nan randah dikurangi nak samo tinggi jo nan tinggi"
Adopun ambo manyampaikan pituah sarupo nantun, karano nan ambo baco jo caliak, iyo paralu ditambah nan tinggi sarato dikurangi nan randahtu, supayo nan samo kaduo no
Bundo !, pado kiniko takana pulo diambo pituah usang, untuak dikito nan basamo di RN ko, pituah tu babunyi : "Kok capek indak dapek dahulu, kok lambek indak buliah kudian".
Kalau dapek diawak nan basamo di RN ko, iyo tapacik handakno.
Limbak nan daripado itu, sabanano ambo iyo mancari Minangkabau di RN ko, jadi rasono sasuai jo nan bundo katokan. Insyaallah ! RN ko batambah rancak jo barisi handakno. amieen
Untuak panutuk :
Bakarih si Kati Mudo,
patah lai basimpai bukan,
ratak sabuah jadi tuah
Jikok dibukak PUSAKO Lamo
dibangkik Tareh nan tarandam
lah banyak ragi nan barubah
Wassalamu'alaikum w.w.
Sutan Bandaro Labiah.
==================
Hayatun Nismah Rumzy <[EMAIL PROTECTED]> wrote:
Hayatun Nismah Rumzy <[EMAIL PROTECTED]> wrote:
Assalamu Alaikum W. W.Baru kapatang bundo mamposting maminta bakeh nanda St. Lembang Alam. Sungguahpun Sutan surang nan lahianyo tasabuik batinnyo sado awak nan di Rantau Net iko. Mano Sutan Bandaro Labiah, mano Darwin Bahar, manonyo Arman Bahar Piliang (abp), nanda ZulAmri dengan pantunnyo lah lamo pulo indak bundo danga suaronyo. Bundo memohon pertahankanlah ke khas-an kito salamo iko. Janlah dijadikan RantauNet iko sarupo MinangNet dan Proletar.
Kan iyo bijaksana urang tuo tuo saisuak? Sekian untuak nan mangarati bahaso Minang – kalau indak mangarati harus baraja – dan kalau indak namuah baraja mungkin RN iko bukan tampek nan rancak untuak inyo.
Wassalam dan maaf iko kapalengah puaso.
Bundo Nismah Rumzy
=======
[EMAIL PROTECTED] wrote:Ass,wr,wb.
baa mangko akhir2 ko nuansa ke-Minangan di palanta
kito ko agak pudar ambo caliak, maa nyo Mamak2 dan Uda2 nan biaso ber
pepatah-petitih di palanta kito ko.
=========
Do you Yahoo!?
Exclusive Video Premiere - Britney Spears
Want to chat instantly with your online friends? Get the FREE Yahoo! Messenger