Assalamu'alaikum WW Pak Saf dan sidang sapalanta,
Dalam pemahaman Win, visi itu adalah sesuatu yang satu, tidak terpecah-pecah.
Dua alternatif yang Pak Saaf sampaikan, "ABS SBK minus Hukum
Kekerabatan jo Hukum Waris" atau "ABS SBK sacaro panuah", bisa dipandang
berbeda secara prinsipil (masalah waris diatur secara jelas oleh Allah SWT
hingga jumlahnya secara menditail).
Win melihat kecenderungan perkembangannya, masalah ABS SBK ini dipabiakan
indak ado kepastian.
Data dan analisa yang pak Saaf sampaikan sebelumnya, bahwa sekitar 90 persen
warga minang di rantau telah meninggalkan sistem kekerabatan dan waris sesuai
adat (mohon dikoreksi jika salah) menunjukkan perkembangan telah
ditinggalkannya bagian dari sistem adat ini di kehidupan rantau.
Yang Win khawatirkan adalah adanya suatu kecenderungan seseorang meninggalkan
suatu sistem keseluruhan karena ketidaksetujuannya atas sebagian sistem
tersebut. Kondisi ini pun sudah diutarakan pak Chaidir yang melihat banyaknya
anak muda Minang yang tidak peduli lagi asal usulnya.
Padahal, masih banyak hal-hal positif lain yang harus diwariskan dari sejarah
dan budaya minang ini ke generasi penerus.
Paling tidak, para tokoh agama dan tokoh adat, harus menjawab salah satu di
antara dua hal ini: Masalah ini dibiarkan saja sehingga adat minang semakin
ditinggalkan seperti fakta yang ada atau berupaya mencari jalan keluarnya
secara serius.
Setelah itu baru kita teruskan apakah kita bisa berbicara soal visi ke depan.
Wallahu'alam bis shawab
wassalam
erwin z
On Friday 23 March 2007 23:28, Saafroedin BAHAR wrote:
> Waalaikumsalam w.w. Dunsanak Erwin dan para dunsanak
> sapalanta,
>
> Alhamdulillah, indak ado nan paralu ambo tambahkan ka
> pandangan Dunsanak Erwin ko lai. Ambo satuju saratuih
> persen, dan tarimo kasih ateh sambutan Dunsanak ka
> usul ambo agar ado "Visi Minangkabau 2020" , nan
> ditindaklanjuti untuak tiok-tiok bidang.
>
> Cuma ado nan alun tasabuik lai, yaitu apo visi kito
> tantang ABS SBK ? Apo bisa kita susun "Visi ABS SBK
> 2020" ?
>
> Nan jaleh, dalam tahap pakambangan wacana kito kini --
> satidak-tidaknyo dalam milis RantauNet -- rumusan
> informal dalam taraf taganang kini kiro-kiro babunyi
> " ABS SBK minus Hukum Kekerabatan dan Hukum Waris".
> Jadi kaadaannyo indak baranjak dari taraf sajak Syekh
> Akhmad Khatib al Minangkabauwi dahulu manyampaikan
> kritik baliau nan sangat tajam taradok duo masalah ko.
> Apo buliah buat.
>
> Bisa iko disalasaikan ? Tantu bisa, yaitu kito
> salasaikan surang-surang sajolah, manimbo ilham dari
> ajaran agamo kito Islam: "lakum dinakum waliyadin".
> Walau dianjurkan sumbayang bajamaah, tapi kito kan
> indak dilarang sumbayang surang-surang.
>
> Namun ambo tagalitik juo untuak mangatahui ma nan
> bamanfaat untuak kamajuan urang Minang, apo Rumusan A
> nan sacaro informal ado kini [" ABS SBK minus Hukum
> Kekerabatan jo Hukum Waris"] atau Rumusan B nan ambo
> ingin sato mandorong {"ABS SBK sacaro panuah"].
>
> Sakadar informasi, disertasi Prof Dr. Keebet von
> Benda-Beckmann nan alah diterjemahkan ka dalam bahaso
> Indonesia, bajudul "Goyahnya Tangga Menuju Mufakat",
> alah merekam dan manganalisis sacaro janiah baa bana
> wujudnyo dalam palaksanaan apo nan ambo namokan
> Rumusan A ko . Ringkasnyo: panuah jo silang sangketo,
> dan dalam kasaluruhan silang sangketo nan lazimnyo
> balaruik-laruik sampai ka Mahkamah Agung tu, indak
> sakali juo para "Bundo Kanduang" diajak barundiang.
> Aratinyo, sistem kekerabatan matrilineal hanyo maagiah
> peranan administratif sajo kapado perempuan Minang,
> tanpa peran nan bararti. Sungguah sadiah.
>
> Indak lain doa ambo, sumago Allah s.w.t marahmati kito
> urang Minang, nan nampaknyo sarik bana manarimo ajaran
> Islam tantang hukum kakarabatan jo hukum waris ko.
> Satidak-tidaknyo kan rato-rato urang awak kan lai
> rajin sumbayang, bazakat, dan naiak haji. Lumayan. Kok
> indak panuah kateh, panuah ka bawah kan lai. Untuak
> samantaro bia kito parambunkan dulu soal ko.
>
> Kalau buliah ambo maagiah usul ciek lai. Mangingek
> mandasarnyo pambicaroan kito di RantauNet tantang
> barbagai hal nan manyangkuik adat jo budaya Minang,
> kok ado dunsanak nan kaluangan waktu dan baminat, ambo
> sarankan agar pakambangan wacana ko dihimpun jadi satu
> buku, dan ditabikkan. Kalau nak biayanyo murah meriah,
> pabanyak sajo dalam bantuak CD Rom. Supayo janiah
> duduaknyo parakaro, bisa kito minta Kato Pandahuluan
> ka Prof Dr Taufik Abdullah atau Prof Dr Azyumardi
> Azra, MA. Sayang kalau indak dihimpun, nanti bisa
> hilang baitu sajo.
>
> Mukasuiknyo adolah kalau nanti alah ado niaik untuak
> bana-bana ka malaksanakan ABS SBK ko sacaro labiah
> murni, indak usah mulai dari awal bana. Bisa
> malanjuikkan dari taraf kito mamparambunkan ko sajo.
>
> Wassalam,
> Saafroedin Bahar
>
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
