Tarimo kasih ambo ucapkan bung Firdaus. Masukan sarupo itu sangaik diparalukan
dek panitya untuk mameloki ma nan masih kurang. Di bawah iko ambo cubo manjawab
sacaro langsuang, sahinggo mudah mangikuti alur masalahnyo.
Wassalam,
Saafroedin Bahar
(Laki-laki, Tanjung, masuk 73 th, Jakarta)
________________________________
From: Firdaus HB <daus...@yahoo.com>
To: rantaunet@googlegroups.com
Sent: Thu, June 24, 2010 5:15:06 PM
Subject: Re: Bls: Bls: [...@ntau-net] KONGRES KEBUDAYAAN MINANGKABAU 2010
Ass.W.W...
Ingin pulo rasonyo mengeluarkan pendapat utk diskusi KKM2010 ini.
Ambo juga menerima banyak masukan dan kritikan terhadap penyelengaraan KKM2010
tsb termasuk dari para Tokoh Minang di kampuang dan di Rantau. Kito pun sudah
tahu bagaimana dari dulu sampai sekarang SEMANGAT yg tak pernah pudar dari Pak
Saaf utk memajukan Ranah Minang. Dari tulisan (buku), seminar, diskusi,
organisasi sekan bisa kita istilahkan "PENGBDIAN YG TAK PERNAH HENTI".
Seandainya tdk ada semangat pengabdian itu maka mungkin lebih nyaman bagi
P'Saaf basanang2 se jo anak cucu di rumah.
Kembali ke persoalan KKM2010...ambo cubo sarikan kiro2 kama arah pembicaraan
tokoh2 kita tsb :
1. Timbul pertanyaan mereka mengapa harus Gebu Minang yg
mengadakan/menyelenggarakan acara tsb. Mereka mengikuti kepemimpinan di Gebu
Minang dimana Ketua Umum beberapa kali mencalonkan diri utk kegiatan politik,
sehingga ini dihubung2kan ke situ. Lagian kata mereke bukankah masih banyak
Program2 kerja Gebu Minang yg lain yg belum dilaksnakan ? Kenapa urusan "rumah"
orang yg diurus ? Jangan sampai nanti terkesan bahwa "kelompok" lain itu
seakan2 tak mampu mengurusnya.
Jawab: Ambo juo alah acok kali manarimo pertanyaan iko, dan alah ambo cubo
manjawabnyo, antaro lain sabagai barikuik:
1) Batua sakali prakarsa iko diambiak dek Gebu Minang, karano
manjalang habih maso jabatan bulan Desember 2010 iko ado kainginan untuak
mampasambahkan sumbangan konsepsional nan agak mandasar taradok kampuang
halaman kito. Nan dipandang mandasar antaro lain masalah rumusan ABS SBK,
masalah pembangunan nagari jo kesejahteraan petani; pembangunan sumber daya
maritim dan kesejahteraan masyarakat pesisir, sarato masalah kebencanaan. Iko
nan manjadi tema dasar KKM 2010. Jan lupo, bahaso perhatian Gebu Minang
taradok masalah mendasar iko indak tibo-tibo sajo, alah babarapo kali Gebu
Minang mandorong dan manangani masalah mendasar Minangkabau iko, antaro lain
maadokan Semiloka Perang Paderi basamo jo Arsip Nasional tahun 2007, dan
mangusulkan kapado pak Gebernur Gamawan Fauzi untuk mambuek Panitia Parumus.
Panitya Perumus iko alah bakarajo, dan berhasil merumuskan persandingan 100
ayat Quran jo 100 pepatah. Salain itu Gebu Minang juo mandorong
tabantuaknyo Lembaga Kajian Gerakan Paderi nan alah manabikkan limo buku
tantang Gerakan Paderi itu, ditangani dek bp Drs Syafnir Aboe Nain Dt Kanjo
Marajo dan Drs Nurmatias.
2) Pencalonan pak Asril Tanjung adolah sabagai pribadi, bukan
sebagai ketua Gebu Minang. Lagi pulo, sakironyo jadi, Kongres bulan Agustus
iko kan sasudah pemilukada bulan Juni, sahinggo inda ado kaitannyo satu samo
lain. Kan baliau indak jadi manaruihkan pancalonannyo doh.
3) Tantu samo sakali indak batua kalau ado urang mangatokan bahaso
kebudayaan Minangkabau adolah 'rumah' orang lain. Seluruh jajaran Gebu Minang
kan urang Minang juo, dan ABS SBK itu kan dasar organisasi Gebu Minang ? Lagi
pulo, sia pulo nan maraso bahaso kebudayaan Minangkabau tu 'rumah' miliknyo
surang ?
4) Soal banyak program Gebu Minang nan alun salasai itu jaleh ado.
Jan kan program Gebu Minang, program umat Islam, program negara kesatuan
Republik Indonesia, program provinsi Sumatera Barat, program LKAAM, program
MUI, juo banyak nan alun salasai. Kan indak bararti bahaso kalau alun salasai
program sektoral tu jan dikaca dulu soal kebudayaan Minangkabau iko ? Kalau
itu ukurannyo, sampai hari kiamaik indak katatangani doh masalah kebudayaan
Minangkabau iko.
5) Apo iko untuak manunjukkan 'kelompok' lain itu seakan-akan indak
mampu mengurusnyo ? Tantu indak sarupo itu. Soalnyo kan salamo iko indak ado
nan alah baprakarsa untuak maadokan Kongres Kebudayaan Minangkabau saroman nan
kini digagas Gebu Minang iko ? Baa mako indak labiah dahulu maambiak prakarsa,
sahingga Gebu Minang tingga maangguak-angguak sajo lai ? [ A namonyo sikap
sarupo iko ? Urang mamulai awak bangih. Awak ditunggu urang indak manggarik, he
he.]
2. Oleh krn itu, semua ok saja dg Peran Gebu Minang sebagaik Penggagas Acara,
namun Penyelenggaraan / Kepanitiaan dan Penanggung Jawab Acara sebaiknya
SK-Bersama antara Gebu Minang-LKAAM-MUI Sumbar-Pemprov Sumbar. Sehingga semua
Agenda, Visi-Misi dan Target Jangka Pendek-Menengah-Panjang dari Acara tsb sdh
merupakan Program Bersama. Bisa saja Gebu Minang menyurati lembaga2 tersebut,
kalau ada penolakan dan persetujuan akan menjadi bagian penting yg tak
terpisahkan dari "Perjalanan" kerja mulia ini.
Jawab : Iko bana mukasuik tim Gebu Minang bolak baliak ka Sumbar, manamui
langsuang batatap muko -- indak jo surek sajo doh -- pak Gubernur, panguruih
LKAAM (duo kali !), MUI, Unand, IAIN, sambia manyarahkan saluruah dokumen
disertai penjelasan langkok. Pak Gubernur satuju, IAIN satuju, Jo MUI indak ado
masalah. Unand nanpaknyo setuju. Nan agak ado masalah adolah jo LKAAM, nan
sampai kini masih manulak, antah apo alasannyo.
Pengurus Gebu Minang jo sanang hati manamui baliau-baliau baliak,
untuak mambuek SK Bersama nan disarankan tu. Kok baiyo bana, tolong bung
Firdaus manghubungi baliak baliau-baliau tu. .Dari fihak Gebu Minang labiah
dari siap, malah basyukur ado kasadioan untuak barek samo dipikua rungan samo
dijinjiang.
3. Karena Acara Besar ini dan output yg diharapkan nanti merupakan Hal Teramat
Penting bagi Minangkabau tentulah dimintakan ketulusan,keikhlasan dari para
penggagas. Sangat dibutuhkan bijaksana dlm hal ini. Kalau semua benar2 utk
ibadah kepada Allah SWT maka dg kepala dingin semua bisa diatasi.
Jawab : sarupo nan ambo jawab di ateh, Gebu Minang labiah dari tulus dan
ikhlas. Kami malah alah manghadap, ado malah nan duo kali.
4. InsyaAllah kegiatan KKM2010 akan menjadi sejarah penting bagi Minangkabau,
perlu pertimbangan2 strategis dlm hal ini krn juga akan menjadi pembelajaran
bagi Generasi Muda Minang melihat bagaimana para pemimpinnya, seniornya dalam
mengelola perbedaan pendapat.
Jawab : Setuju sekali, bung Firdaus. Labiah dari itu, penggagas malah
menginginkan agar Kaum Mudo dan para Bundo Kanduang diakui sabagai bagian dari
kepemimpinan sosial masyarakat Minangkabau, duduak dalam Forum Adat Basandi
Syarak/Forum Tungku nan Tigo Sajarangan. Ikutilah selalu perkembangan persiapan
KKM iko, paratikanlah dima talataknyo 'bottleneck'-nyo. Nan jaleh bukan di
pengurus Gebu Minang atau dari panitya penyelenggara. Btw ambo kini sadang
mampasiapkan Draft 17 Kesepakatan Bersama, mangolah saran-saran masukan dari
para sanak kito. Pak Mochtar Naim alah malewakan Draft 4 dari Ikrar Bersama nan
marupokan intisari darui saluruah dokumen Kongres.
Demikian pendapat ambo, kebetulan ambo ado di Panitia KKM2010 sebagai Wakil
Ketua Bidang Persidangan. Ambo selalu pantau ke Sekretariat Panitia
perkembangan persiapan acara, dan masih blm bisa hadir dalam rapat resmi
panitia.
Tarimo kasih ateh masukan dan saran, bung Firdaus. Tolong jo doa sumago salah
sangko dan miskomunikasi nan ado salamo iko bisa disalasaikan sacaro
baiak-baiak. Sagalo kagiatan untuak KKM 2010 ko kan marupokan amal jariah
sajo, walau bahabih pitih, wakatu, tanago, jo pikiran. Walau indak diharokkan
dek kawan-kawan jo ambo, namun rasonyo ado juo manfaatnyo kalau ado apresaiasi
agak saketek, sakadar paubek jariah. Kalau porsi kritik talampau banyak, iyo
panek-panek juo badan ko deknyo.
Wassalam dan maaf.
Firdaus HB (42)
Ketua Gebu Minang Jatim
Sent from my BlackBerry® smartphone from Sinyal Bagus XL, Nyambung Teruuusss...!
________________________________
--
.
Posting yang berasal dari Palanta RantauNet ini, jika dipublikasikan di tempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. E-mail besar dari 200KB;
2. E-mail attachment, tawarkan di sini dan kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur dan Lokasi pada setiap posting
- Hapus footer dan seluruh bagian tidak perlu dalam melakukan reply
- Untuk topik/subjek baru buat e-mail baru, tidak me-reply e-mail lama dan
mengganti subjeknya.
===========================================================
Berhenti, bergabung kembali serta ingin mengubah konfigurasi/setting-an
keanggotaan di: http://groups.google.com/group/RantauNet/subscribe.
