Assalamu'alaikum WW Sanak Yasrul, Mamak Arman dam Mak JB sarato dunsanak nan ado di Palanta.
Sapandapek ambo jo Mak JB dan Mak Arman Bahar. Sanak Yasrul apo nan sanak sampaikantu batua untuak tataran idealnyo manjadi seorang 'ulama nan akan memberikan fatwa sesuai perkembangan zaman karano ulama adolah warisatul anbiya, dan ulama nan sarupo iko masih ado dan banyak sampai kini, jan sanak sangko utuak baraja ilmu alat tu hanyo bisa dan dapek dinagari arab sajo, di tanah minang dan di Indonesiako sampai kini juo masih banyak tampek baraja ilmu alatko dan ilmu keislaman lainnyo. Cubo sanak simak bana dulu apo nan amb tulis di milisko, betapa pentingnyo ilmu alat dan ilmu keialaman nan lainnyo tapi itukan nan seharusnyo nan se idealnyo, tapi kalau indak tapanuhi baa ?.... indak usah para da'ti badakwah baitu nan sanak mungkasuik ?.... Kalau ikolah nan tajadi sanak Yasrul mako samakin saseklah umaik di duyako karano indak kabaralai urang nan kamaagiah penerangan agamo kalau manunggu nan ideal sarupo nan sanak sabuiktu. Khotbah jumat nan sanak sabuiktu nan pantiang dulu cukuik saraik rukunnyo, indak dikarajokannyo nan mambatalkannyo, soal uisinyo nan pantiang lai berdasarkan Al-quran, Sunnah, Ijma' dan kias manuruk ajaran islam alah jadi dulu tu, cobolah dibayangkan kalaulah seorang khatib harus sasuai jo nan sanak sabuiktu baru buliah bakhotbah mako kabanyaklah urang di nagariko mandapek doso karano banyak dimunsajik khatib indak ado, pilo masonyo jumaik kadimulai kalau harus mamanuhi apo nan sanak sampaikantu. Para da'i nan ado kini di nagari awakko indak pulolah saparah nan sanak Yasrul sangkoto satidaknyo lai ado pulo dasarnyo saketek-saketeknyo, nan jaleh kebanyakan dari IAIN dan sejenisnyo atau pernah di pesantren, satidak-tidaknyo pernah di madrasah walau itu hanyo sanawiyah' ado pulo nan dari pangajian halaqah dan jamaah-jamaah pangajian lainnyo sarupo nan dilakuka Mamak Arman Bahar jo majlis Tarbiyah nan alah mambumi sampai kini, dan nan jaleh tantu ado dasarnyo dan indah bodoh-bodoh amat sarupo sangko sana Yasrultu. Namun kito tetap berharap agar para da'i-da'i koto nan ado kiniko meningkatkan kemampuan metodanyo dg memanfaatkan teknologi nan samakin maju dan berkembangko, sarato menambah keilmuan dari sagalo bidang sahinggo para da'i dapek pulo manguasoi dan mendalami berbagai disiplin ilmu tarutamo tantu ilmu-ilmu keislaman supayo indak salah dalam manyampaikan. Disikolah lataknyo peranan para intelektual dan ilmuan Muslim sarupo sanak Yasrul ko dan dunsanak nan lainyo, benahilah berbagai kekurangan nan ado tapi jan mambuang nan lah ado. Bersyukur awak dakwah masih bajalan dan tantunyo akan taruih bajalan mari lakukan perbaikan demi perbaikan baik metoda, materi, akurasi referensi, penguasaan teknologi dll, seoerang juru dakwah harus banyak menguasai ilmu-ilmu pengetahuan ambo setuju karano indak ado suatu aktivitas di duniako nan buliah luput dari pengawasan agamo. Kapado dunsanak-dunsanak muballigh, da'i, ustaz-ustazah taruihlah badakwah tingkatkan kemampuan, perbaharui metoda, perdalam ilmu alat dan ilmu keislaman lainnyo dan nan pantaing jan manyampaikan nan indak tau dan indak dipahami, pahamibana dulu baru disampaikan. Tks Afrijon Ponggok Katik Basa Batuah 43,L,Pekanbaru Powered by Telkomsel BlackBerry® -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/