Heuheu.... Sumuhun apan, ti kapungkur ge si kuring teu nyebut "bebendon" jrrd teh bari nunjuk pangambung, sagalarupina pinuh ku tatatiti duduga peryoga, si kuring boga dulur (dulur jauh) di pangalengan anu kakenaan bancang pakewuh, si kuring nya ngomong harita kieu, "keun sing sabar we pa ieu teh cobian keur urang anu masih kumelendang keneh di alam dunya, dina inyana aya bebendon, nya sagalarupina urang pasrahkeun kanu Maha Kawasa, emutaneun jeung urang sami-sami omean sagala polah urang kapayunna, keun perkara dunya nu paburantak mah bisa dikipayahan nu penting tegerkeun heula manah, wangun deui kapercayaan diri yen Allah salalawasna nyarengan urang."
Apan dijawabana oge bari carinakdak, sumuhun sumuhun ceunah, padahal mun ngukur umurmah antara kuring jeung si bapa eta asa jauh, tapi ari pinuh ku tatatiti duduga peryoga tea mah sagalarupana moal matak jadi bahala, mereun beda mun nyarita bari tanpa ugeran, sanajan nu diomongan jalma sabar kacida ari ditunjuk bari teu puguh alangujurna yen ieu teh siksaan, azab (sasaha oge baris panuju atuh, naon dasarna manehna nyebut kajadian eta mangrupa bebendon?) pastina si sabar eta ngadon nyabut bedul eh..bedil.... Palebah dieu boh kuring boh bah Waluya sapuk deuk ngaburak barik jalma nu saengabna nyebut kieu, tapi mun nyebutna pinuh ku harti (bil hikmah) nya si kuring nganggap siga diluhur teh ilahar malah komentar2 kuring sateuacanna oge maksudna kitu pisan...teu aya pleus mineus na... Dina salah sahiji hadits disebutkeun, ciri2 jalma syahid teh rupa-rupa, anu maot titeleum, nu ngajuru, nu keuna panyakit beteung, jrrd, tah salah sahijina nyaeta nu keuna bancang pakewuh siga lini ieu, ieu pangna MUI nyebut yen maranehna asup golongan syahid, kuring satuju pisan, ngan kudu di inget teh nyaeta sebutan syahid anu kaluar tina tikoro manusa nu masih keneh harirup (kaasup MUI jeung para masyaikh) teu leuwih ti ngan saukur do'a, mangkana sok dipiheulaan ku kalimah "InsyaAllah", da nu puguhmah mung Pangeran nu kawasa nempatkeun saha2na jaga... From: urangsunda@yahoogroups.com [mailto:urangsu...@yahoogroups.com] On Behalf Of Waluya Sent: 09 Oktober 2009 5:56 To: urangsunda@yahoogroups.com Subject: [Urang Sunda] Lini Bebendon?-->Re: Fw: pusat peradaban Islam? > "Simkuring" <alkarta_...@...> wrote: > Tah sapuk kuring oge mun MUI nyebatkeun korban bencana eta kasebut > syahid sanajan predikat ieu saleresnamah sami mawon mung "kinten- > kinten", ari manusa nu ngaku Islam mah, teu kedah janten murudul > sabulu-bulu mun nyabit-nyabit perkara basa "cobian, azab, sareng > saentraganana" da eta parantos ti karuhunna 'percanten' kana > eksistensi Qur'an, sedengkeun dina > Qur'an eyeub ku ayat nu kararitu, pamohalan mun dijadikeun > referensi teh, > janten teu kedah panas ceuli da nu puguhmah urang mung tiasa > "nginten-nginten" oge, nya kadituna laku waspada janten urgensi > (palebah dieu boh kadunyaan boh kaakheratan kedah nurugcupu tong > dugika patojaiyah) Asa ngambang waleran Akang teh, ongkoh sapuk jeung MUI nu nyebutkeun syahid, tapi keukeuh perkara "cobian, azab sareng saentraganana" teu kudu panas ceuli. Maksadna kumaha? MUI ngaluarkeun sebutan SYAHID ka nu pupus, salian keur mere EMPATI kanu katunggaraan, oge keur alesan kapraktisan, nu maot syahid TEU KUDU DIPULASARA saperti nu pupus normal. Perkara bancang pakewuh disebut COBIAN, COCOBA, UJIAN HIRUP kuring teu masalah jeung satuju pisan, da eta mah sebutan ilahar jeung teu nuduh. Tapi sebutan BEBENDON atawa AZAB kana bancang pakewuh, salaku manusa nu teu daya, teu upaya, kuring teu satuju, sabab eta geus ngahakiman, ngalangkungan Gusti Nu Murbeng Alam. Kuring ngarasa lain hak manusa, nyebut BEBENDON jeung AZAB kana bancang pakewuh. Kaum Nabi Luth kenging bebendon ti Gusti, enya kuring yakin. Tapi sadayana oge teu aya nu terang nganggo naon Gusti teh dina ngahukum kaum Nabi Luth sabab lini (ombak taneuh) teh sumber enerjina rupa-rupa. Tah nu ayeuna diurang mah dipicu ku tubrukan/ gesekan lempeng2 tektonik nu mangrupakeun phenomena alam. Jadi teu tiasa dibanding-banding jeung ditafsirkeun sangeunahna, kajadian ngahukumna Gusti ka kaum Nabi Luth (nu urang teu terang nganggo naon?) jeung kajadian lini ayeuna. Lini nu diakibatkeun phenomena alam, sabenerna ampir unggal poe oge aya, ngan skalana laleutik. Nu dialajar seismologi pasti arapaleun ieu. Tah ayeuna, supaya jelas, Akang masih teu sapagodos jeung kuring atawa ayeuna mah sapagodos, perkara teu satujuna kuring kana sebutan BEBENDON kana bancang pakewuh lini? Baktos, WALUYA __________ Information from ESET Smart Security, version of virus signature database 4462 (20090927) __________ The message was checked by ESET Smart Security. http://www.eset.com
