Wilujeng tepang deui,
  Hatur nuhun ka Kang Rahman anu tos ngemutan ka sim kuring yen sosiologis anu 
dimaksad nyaeta salah sahiji widang elmu [sanes ngelmu... :)], anu kedah 
obyektif dina nganileina (sim kuring lepat titik berangkatna, tos ngahijikeun 
antara agama jeung sosiologisna, tapi ku sim kuring bade dipedar kunaon sim 
kuring hoyong ngahijikeun terminologi sosiologis agama ieu). Tangtuna 
obyektifitas elmu aya batesna, kusabab elmu dibatesan ku metodologi, makana 
dina kasimpulan-kasimpulanana sok nyumput dina istilah "kirang cekap bukti 
kanggo ngabuktikeun ...xxx..." sanes "kabukti ...xxx...". Janten, bener atawa 
salahna elmu mah seueur faktor anu mangaruhanana atawa bisa diistilahkeun 
"relatif". Ayeuna bisa disebut bener, boa enjing pageto mah jadi salah. 
Ngeunaan istilah "WAJIB" dipisah, sim kuring mah rada kirang panuju, kumargi 
ceuk sim kuring mah kukumaha oge elmu teh ngan saukur "alat bantu" lain 
"standar" bener salahna sesuatu (naon nya sundana?), tetep kedah aya standar 
anu mutlak.
 Kusabab mun euweuh standar nu mutlak, nginjeum istilahna Nietche, bakal aya 
dina "nihilisme", jadi ceuk sim kuring mah teu kudu nyokot jarak pama 
ngalakukeun studi teh, nu penting mah obyektif (menurut elmu tangtuna ge). 
Punten rada ngalantur ngabahas elmu.
   
  Balik deui ka sosiologis agama, emang leres "jelema" anu janten obyek 
kajianana. Tapi "jelema" jeung "agamana" ceuk sim kuring mah teu bisa 
dipisahkeun, kusabab ieu ngeunaan sosiologis agama, dimana hasilna 
digeneralisir (pola induktif), kecuali lamun kajianana spesifik mah teu nanaon, 
misalna "Sosiologis Agama XXXXX di XXXXX", eta mah jelas kondisi sosiologis 
(masyarakat) secara khusus di hiji wewengkon. Lamun sosiologis agama sacara 
umum mah rada hese, obyekna ge kudu sakabeh populasi, soalna lamun teu sakabeh 
populasi bisa nimbulkeun stereotype (punten teu apal sundana), nu ceuk Ulil 
Abshar Abdala mah stereotype teh dzalim. Naha enya sakabeh urang Islam daek 
dicap "Teroris"? Ieu bisa kajadian lamun obyek kajian sosiologisna ngeunaan 
urang Islam anu kabeneran emang jadi teroris. Kaduana ti eta, dina kajian 
sosiologis, karakteristik masyarakat teh heunteu dibentuk ku hiji faktor, tapi 
aya rupa-rupa faktor anu mangaruhanana, misalna budaya, lingkungan, pendidikan, 
jeung
 sajaba ti eta. Tah agama teh ngan jadi salah sahiji faktor anu mangaruhan 
karakter masyarakat, lain hiji-hijina faktor. Janten pikeun nyaho karakteristik 
"jelema" anu ngagem hiji agama, teu bisa ditempo tina kalakuan sapopoe na 
wungkul anu dianggap (diasumsikeun) ajaran agamana, tuluy langsung disimpulkeun 
yen "pemeluk agama x kitu", tetep ajaran nilai agamana ge kudu dijadikeun 
reperensi. Bisa jadi kalakuan eta jelema teh patojaiyah jeung naon nu aya dina 
agamana. Kukituna ceuk sim kuring mah sosiologi agama, can waktuna dijadikeun 
salah sahiji kajian elmu spesifik bagian tina sosiologi.
   
  Kanggo kang Ever, sim kuring ge panuju yen ibadah teh teu saukur ubudiyah 
tapi oge amaliyah, ngan panginten basa sim kuring kirang jelas (<<Basa sim 
kuring: ibadah teh lain ngan ukur tunggang-tonggeng ka kiblat --> ubudiyah, 
tapi oge kalakuanana --> amaliyah>>). Teras nu dimaksud "kaffah" ku sim kuring 
teh kumaha? Kaffah didieu nyaeta ngahijina antara pola pikir, sikap, jeung 
laku, anu hartina antara kayakinan urang dina ngagem agama teh kudu dilakonan 
sakabehna, boh ubudiyahna, boh amaliyahna, ulah milih-milih (anu enak 
dilakonan, anu heunteu mah sabodo teuing). Saleresna pami urang tiasa kaffah, 
urang ge moal muruwah, da muruwah teh teu meunang meureun ceuk agama mah (dina 
agama mah malah sina saling tulung, ulah saling talapung). Trus ngeunaan 
sasalaman jeung anu sok ngadahar babi komo ngajak hahadean mah, nya sasalaman 
we, da anu haramna mah babina, lain jelemana. Da jelema mah beda jeung babi, 
kajeun ngadahar babi. Siga kieu, jinah teh teu meunang dideuketan (lamun
 dilakonan mah meunang meureun... he he he, heureuy ketang), naha ari budak 
hasil jinah oge teu meunang dideukeutan (anak haram)? Ieu mah pamendak sim 
kuring pribadi. Pokona mah panuju ka Kang Ever anu daek ngalayad, nulung batur, 
jeung lianna anu aralus dina ngawangun hubungan bermasyarakat, da emang kudu 
kitu ceuk agama ge, pan?
   
  Kang Ever, ngeunaan guru akang anu teu panuju kana Teori Evolusi Darwin, nya 
sah-sah wae atuh, eta mah pamendakna. Tapi memang ari teras ngalantur ngabahas 
pamendakna tuluy dipaksakeun ka muridna mah, nya eta nu jadi ganjelan oge, 
kuduna mata pelajaranana digentos jadi "Membantah Teori Evolusi Darwin" meureun 
nya, he he he. Ngan ari sim kuring mah rada beda pamahaman ngeunaan teori ieu 
teh, rata-rata sok ngahijikeun teori ieu jeung pernyataan "manusa turunan 
monyet", ari sim kuring mah nangkepna yen "manusa boga kekerabatan paling deket 
jeung monyet". Jadi monyet jeung manusa sajajar (dina hal biologi), sarua ti 
hiji katurunan (teuing saha indukna mah), eta ari nu katangkep ku sim kuring ti 
"Original Species"-na Darwin mah. Tah sakantenan pami tiasa mah pangmedarkeun 
penjelasan ngeunaan kayakinan Budha anu sanes wahyu, emanasi, jeung lain-lain 
lah, menurut Pak Nietche. Hatur nuhun kang.
   
  Terus masalah reana pamahaman jeung panafsiran, ceuk sim kuring mah sah-sah 
bae. Tapi sakali deui, urang teh ulah maksakeun panafsiran urang ka batur, 
jeung ngaklem ngan panafsiran urang wungkul anu bener, da pamahaman jeung 
panafsiran mah sarua jeung elmu, nyaeta "relatif". Mun ngadugikeun pamendak ka 
batur mah teu nanaon, dina hartian "mengemukakan pendapat" atawa "syiar" ka 
batur, tapi tetep ulah maksakeun, da batur oge boga pamadegan masing-masing. 
Anu sok jadi masalah mah lamun urang maksakeun pamadegan urang ka batur anu 
beda pamadegan, tuluy nu beda pamadegan dimusuhan jeung ditenggoran, tah nu 
kieu anu jadi sumber konflik mah. Jadi mun ceuk sim kuring mah euweuh masalah 
lamun rek rea pamahaman jeung panafsiran ge, justru didieu urang bisa diajar, 
naha ageman urang ayeuna teh bener? Ulah sok hayang bener sorangan, lamun bener 
sorangan mah engke teh kasepian geura, soalna engke di sorga (mun aya) ngan 
sorangan oge, euweuh babaturan jang ngadu bako jeung rarahulan,
 he he he.
   
  Kanggo Kang A jeung Kang Waluya panuju lah......, da eta tuda sok misahkeun 
antara kalakuan jeung ajaran agama, jadi we daek mun dititah demo teh, he he he.
   
  Hapunten pami aya undak usuk basa nu teu merenah, tuluy sakabeh anu dipedar 
di luhur teh saukur semi rahul, anu teuing bener teung salah, he he he
   
  Baktos,
  Budak Baong tea

              
---------------------------------
Kunjungi halaman depan Yahoo! Indonesia yang baru!

[Non-text portions of this message have been removed]

Kirim email ke