Teh Maria, Perkawis hukum. Urang terang yen aturan hukum teh kawajiban pikeun sakabeh warganagara, boh mayoritas boh minoritas. Sanaos ngaroko teh hak urang, mangka ulah nyobi-nyobi ngaroko di tempat anu aya tanda dilarang ngaroko. Kitu deui perkawis homoseksual atanapi seksual, pami dina hukumna kasebat teu kenging nembongkeun seks atanapi homoseks di tempat umum, mangka ulah dilakukeun. Ieu teh pikeun kapentingan kasaean masyarakat sadaya, sanes pribadi wungkul.
Ari nikah nu normal peryogi dicatet sacara hukum soteh margi engke bakal aya kaitanana lamun ngahasilkeun turunan. PIkeun barudakna jadi bakal aya catetan nu jelas. Ari pikeun nu homoseksual mah da moal gaduh turunan, janten kanggo naon disahkeun sacara hukum oge? Toh tanpa diangken sacara hukum oge maranehna tetep laluasa di tempat pribadina sewang-sewangan. Tiasa wae abdi nampi yen homoseksual teh bawaan genetik. Nanging tetep kedah ditarekahan pikeun dilandongan. Nu utamana ku jalan atikan. Dina agama Islam ngobrolkeun perkawis seksualitas teh sanes tabu. Malihan Nabi saw nyalira sok nampi patarosan perkawis seksualitas di tempat umum. Kukituna salaku kolot, kawajiban urang pikeun ngajarkeun perkawis seksualitas ieu ka barudak. Teu hilap urang sami-sami nyalindung ka Alloh mugia barudak urang teu keuna ku panyawat ieu. Mun seugna aya nu homoseks, emutan teras yen kabagjaan peryogi ditarekahan ku cara nu sae. Sangkan teu ngagugu napsu. Yen kalakuan eta teh taya mangpaatna boh ka diri pribadi boh ka masyarakat umum. Tangtosna oge bakal ngadatangkeun katugenah di ahir hirup. Pokona ditarekahan teras sangkan damang. Hanjakal ka abdi teu acan aya nu kungsi ngaku homoseksual, tapi ke pami aya seja dicobian diteuleuman. Perkawis anu agamis tea, ieu mah teu lebet kana logika. Ongkoh terang dosa tapi tetep dipilampah. Teu konsisten pisan. Baktos, Dian. 2008/7/4 Maria Astati <[EMAIL PROTECTED]>: > Eta pisan maksad sikuring Teh kang Dian.., keun wae antepkeun kaum homosex > rek kitu rek kieu.., da urusan ranjangnamah pan sami2 di tempat nu buni, di > kamarna masing2.., nu abdi teu satuju kaum ieu ditindes, komo aya nu dugi ka > dipenjara sagala, sapertos nu kajantenan di sababaraha nagara : di mexico nu > mayoritas katolik, oge di salah sahiji nagara di afrika (hilap namina) nu > mayoritas muslim, nu ayeuna lalumpatan ka Kanada, da kulantaran di nagara > asalna ngarasa teu aman. Abdi nyamikeun kaum homosexual sareng kaum > minoritas lianna, sapertos didieu, kaum muslim dianggap minoritas, oge urang > sikh, yahudi jsb.., abdi teu satuju pami kaum minoritas ieu dikucilkeun.., > sadayana gaduh hak nu sami sabage warna nagara.., ning sanaos teu nyirikeun > manehna minoritas.., tapi da buktosnamah keukeuh we kaum mayoritas sadar > kana keberadaan kaum minoritas., ku kituna sok aya bae diskriminasi ka kaum > minoritas ieu. > Abdi emut kang Dian kantos nyarios dina email sateuacanna.., sakedahna > urusan homosex diatur ku pamarentah? maksad na kumaha? naha sapertos di > Iran, di Mexico atanapi disababaraha nagara lianna nu ngahukum homosex? > atanapi abdi salah ngartoskeun? > > Tah.. pami Kang Dian kantos kenal teu acan sareng salah sauran nu ngaku > gay?, atanapi neuleuman kaum ieu?, naros2 naon problemna? kumaha kawitna > nepika janten gay?, kumaha Kang Dian yakin yen homosex teh sanes kulantaran > genetik? tapi kulataran dikawitan ku gaya hirup teu lumrah? pan di Jerman > mah tos lumrah ieuh, nu ngaku terang2an ge pasti seueur.., teu kawas di > Indonesia, nu abdi yakin teu seueur nu wantun teranga2an ngaku gay... geura > saenamah kenal heula, pan saurna tak kenal maka tak sayang hehehe, dina > acara Oprah ge kantos sababaraha kali dibahas, malah dugi ka aya sadudulur > lalaki tiluan, ngaku gay akhirna, padahal eta barudak di leuleutikna dididik > dina ajaran agama nu ketat ku kolotna. > > Sual dosamah abdi yakin kaum homosex ge tos terang pisan ieu teh dosa, malah > ning seueur oge kaum homosex agamis, malah dugi ka aya garejana di amerika > sarikatmah.., di milis sapalih mah kantos aya nu nyarita uninga saurang > lesbian nu agamis, malah dugi ka dikurudung sagala.., namung nya kumaha > atuh.., ari hasratna tetep hoyongna ka istri deui.., seueur oge nu > ngabendung hasratna heunteu dugi ka ngalakukeun hubungan sexual.., mung dugi > ka iraha??? > dilakukeun digerebeg batur.., teu dilakukeun : nyaeta teu sehat tea..sanes? > leuheung mung ukur digerebeng, nu pasangan heteromah pan biasana di > nikahkeun langsung.., kumaha lamun kaum homosex.., nu kajantenan nyaeta > kitu, dipenjara, malah ngadangu beja di Iranmah di paehan. > > Dina pangemut abdi, boh kaum homosex boh kaum hetero sarua boga hak neang > kabagjaan.., kaum hetero ngaraos bagja pami hasrat sexualna kasalurkeun, pan > oge saurna langkung sehat pami disalurkeun.., tah pami kaum homo kumaha?? > teu berhak kitu? susulumputan wae kitu? pan saurna teu raos susulumputan wae > teh.., enya kawas kaum hetero we.., sanaos dina prak2an ngalakukeun hubungan > sexualnamah teu aya batur nu uninga.., tapi batur terang yen eta jelema > hetero, ngaikrarkeun diri sacara teu langsung, yen manehna hetero, gaduh > pasangan lain jenis, teras nikah.., tah nu homo kumaha? tetep susulumputan > wae kitu.., bari hirup pinuh ku kasieun, sieun kanyahoan, sieun dikucilkeun, > lah.. sieun sagarupa we, matak dina masyrakat nu nabukeun homosexualitas, > kahoyong kang Dian yen kaum homosex kedahna cicing2 wae teh moal mungkin > kalaksanakeun.., da kulantaran kasieun eta, demi ngahindarkeun tuduhan > batur.., tungtungnamah maksakeun maneh nikah ka lain jenis..., leuheung nu > ditikahna sadar yen pasanganana teu normal, teras ngajukeun cerai, da > ngaraos teu bagja.., kumaha pami teu sadar? (ieu kamungkinannana ageung oge, > pami pasanganana teu kantos nikah sateuacanna, atanapi teu kantos > berhubungan sexual sareng jalmi lianna), sanes nu kieu nu matak > nyangsarakeun batur saumur-umur malahan.., komo ditambih teu diajar masalah > sexualitas, da kulantaran ditabukeun tea.., kumaha tah? malah tambih > pabaliut pan?? > > Ari sual ngadidik anak abdi.., enya tantos bae ku abdi bade dididik janten > hetero.., tapi duka buktosnamah.., pami enya leres kulantaran genetik.., > abdi teu tiasa kukumaha, mung paling heunteu abdi tos siap.., abdi kersa > nampi sadaya, moal bade ngaheruk nyeungceurikan budak, komo nepika teu diaku > deui eta budak ku abdi.. > > Ayeuna abdi naros ka Kang Dian, pami murangkalih kang Dian nu kantenan tos > dididik janten hetero, nu tos pasti dididik kedah sieun ka Pangeran, tah.. > kumaha pami engke katohyan yen murangkalih kang Dian ternyata homosex? naon > nu bade dilakukeun ku kang Dian? > > Baktos, > Maria >
