leire narbaiza arizmendi <[EMAIL PROTECTED]>: > Neri raruena egitten jata, Eneko, zure jarrera. Bat nator Oier Arekin.
joe, ba ez dakit zer esan, Leire. Bai meritoa nirea, beste batzuen iritziei zalantzak ipintzen hasi, eta azkenean Oier eta Leirekin eztabaidatzen bukatu. Teklatua bibraziño txarrekin geunkan edo, eta baretzeko mezuak trukatu nituen Oierrekin pribatuan, asteazkenean bertan. Futbolarentzat diru gehiagorik ez ematearen aldarrikapena egin zen zerrendan eta orduan bestelako eliteko ekimen askotarako (Rocka, Opera, Zinema, ...) ere ez, esan nuen nik. Antzerako arrazoiak erabili zitezkeela bati edo besteei laguntzak eman edo ez emateko, alde edo aurka egoteko, esan nuen horrela uste dudalako. Eztabaidak beste bide bat hartu du, baina ni nirearekin jarraitzen dut. Estadioen antzekoak dira hipodromoak, esate baterako, leku asko, erabilpen gutxi eta gainera zaldi-lasterketen sariak babesten dituzte Jaurlaritzak, Diputazioak, Udalak, ... Beste adibide asko ipini daitezke, eta inork ez du eskatu haiei laguntzarik ez ematea, footballari bai. Gauza ezberdin asko ditut gustukoak, baina futbola ere. Horregatik ipini ditut hemen nire zalantzak. Uste > dut hirurok sufridu dogula diru banaketen injustiaziak eta hirurok dakigu > zelako miña emoten daben egitten dan lana ganoraz ezin egittia, beste arlo > batzueri gutxiago bihar eginda emoten jakuenian. Kultu-ri laguntza guztiak kentzea eskatu zuen PPko Regina Otaola zinegotzi famatuak iaz (http://tinyurl.com/yshztc). ABC, El Mundo, DV, Udala, ... eta kristo guztira zabaldu zuen eskaera. Erantzun genion. Ni be kexatu naiz. Zezenen adibidea ipini dut ere. Eta beste asko ipiniko nituzke. Gu hirurok egongo bagina laguntzak erabakitzen eta banatzen, uste dut nahiko bizkor ipiniko ginatekeela ados, baina ez dakit beste jende asko gure banaketarekin kexatuko ez ote zen :-) Horregatik pentsatzen dut laguntza kontuetan onena adostutako (edo maioriaz hartuta bestela) kriterio trasparenteak ezartzea dela, bestela boterea daukanaren diskrezionalitatea aplikatzen da. Audientzia, autofinantziazioa, eragin soziala, eraikuntza nazionala, errentagarritasuna, berritasuna, defizita, eskatzailearen eskarmentua, berrikuntza, onuradunen kopurua, ... edo erabakitzen diren kriterioak, baina denok jakinean egon gaitezela: a) zeintzuk diren balorazio kriterioak eta b) kriterio bakoitzaren pisua edo ponderazioa. Eta ez da beti horrela gertatzen. Eta aurretik lehentasunak ipintzea komeni dela, eta garbi esan. Futbola ez bada, oso ondo. Rock-a baldin bada, ederto. Baina ezarrita ez dauden bitartean, eztabaidan ikusi den bezala, zalantzak sortzen dira. Bestalde iruditzen zait kultur kontu denak ezin direla Kultura sailaren menpean egon. Berrikuntza bakarrik berrikuntza sailaren barruan ez dagoen bezala, edo euskararen sustapena bakarrik euskara zuzendaritza edo sailburuordetzaren menpean egon ezin den bezala. > Foballana zoratzekua begittantzen jata. Ez dira ba soziedade pribauak > futbol-taldiak? > Eta guggenheimek galdu dittuan milla millioi euro hórrek? Ez dot iñun > kritukarik entzun. bai zoratzekua da foballa. Zoratzeko aurrekontuak manejatzen ditu. Eta zoratzekoa sortzen dituen zaletasunak: aski ezaguna da Pavarotti Juventus-eko jarraitzaile sutsua zela (http://tinyurl.com/yulaxb) , nahiago omen zuen Juventusaren partida bat ikusi Opera entzutera joatea baino, Elton John-ek Watford foball talde historikoa erosi zuen eta taldearen alde dirua jasotzeko kontzertuak eman zituen, estadioa berrerosteko (http://en.wikipedia.org/wiki/Vicarage_Road) 10 miloi euro bilduz. Tete Montoliu itsua zen eta futbol partidetara joaten zen, itsua eta Barcelona FCe-ko partidak "ikusten" inon baino hobeto pasatzen zuela zioen. Futbol taldeak sozietate pribatuak dira, sozietate pribatuak diren bezala Kultu, Deporra, Eta Kitto, Euskaltzaindia, AEK, Operako ABAO eta beste hamaika mila elkarte. Gertuko bat aipatzeagatik, Kultun, esate baterako, dirua galdu eta zorrak egin ziran. Diru laguntzak defizitarioak diren ekintzen finantziazioan laguntzeko dira normalean. Hori bai, diferentea da zorra egitea eta dirua erretzea, noski. Eta football taldeek dirua erretzen dutela ematen du, egia da eta nola. Aurrekontu beldurgarriak manejatzen dituzte, arrazoi guztia duzu horretaz ari bazara. Baina zinema edo rock&rolla ez dira atzean geratzen. Dena den, eta puntu berria sartuz eztabaidan, askotan iruditzen zait kultur ekimen ezberdinetatik errezegi eta bizkorregi jotzen dugula finantziatzio publikoaren bila, administrazioaren diru-laguntzen eske. Ez dugula finantziatzio pribatua, babesa edo publizitatea nahikoa lantzen, apur bat "prostituitzea" balitz bezala. Adibidez: igandean Gasteiz hiria VIII. herri lasterketan edo Basauriko XXIX. Herri Krosean parte hartzea edo ez pentsatzen nabil. Gaur froga bien iragarkiak ikusi ditut egunkarietan. Babesle zerrenda luzea dago Gasteizen: Berria bera, Elkar, Euskadiko Kutxa, Mendia Optika, Guiaraba, Diario de Noticias, Hala Bedi, Eroski, Seguros Estrella, Radio Vitoria, babesle publiko bakarra EHU da, eta gainera partehartzeileak ordaindu egiten dugu. Basaurin oraindik babesle gehiago daude: 18 babesle zenbatu ditut egunkariko iragarkian. Aldiz Kultu-n 5 baino ez ditugu: Kutxa, Euskadiko Kutxa, Urkotronik, Kultu Taberna eta Udala. BAD-en, El Correo kenduta beste babesle guztiak publikoak dira. Kirolan egiten den bezala, ez genuke gehiago jo behar babesle pribatuen bila Kultur ekitaldietarako? Hitzaldi egitarau bat finantziatzeko Udalera jotzen dugu bakarrik. Erakusketetan, gutxi baina ipintzen dugu publizitatea. Ez dakit nahikoa den. Duela gutxi arte, futbolarien kamisetak garbi-garbiak zeuden, gaur egun Panasonic, coca-cola, Alfa, ... ageri dira. Lehen pentsa ezina zen pelotariak zuri-zuri jantzita ez ateratzea frontoira, edota frontoietako paretetan publizitatea ikustea, gaur egun bbk, kutxa, Berria, Errioxako ardaua, eta ez dakit zenbat marka dauden paretetan. Oraindik udal asko eta enpresa gutxi ageri badira ere, ematen du bertsolaritzak hasi duela publizitatearen bide hori jorratzen (http://tinyurl.com/26wg6b) Hain arraroa litzateke Andoni Egaña, Maialen Lujanbio eta konpania, patxarana, Coca-Cola edo Fagor iragarkia duten kamisetekin ikustea eszenategian? Dantza talde bat enpresa batek finantziatuta? Ez dakit nork finantziatutako liburutegi edo zentro kulturala? Edo antzezlana hasi aurretik, etenaldian eta bukaeran entzutea: "antzerki emanaldi hau ULMA, Iberdrola eta Irizarrek " babesten dute, eta publizitate kontextuala ikustea eszenategian? Arraroa? kalterako izango litzateke? eneko _______________________________________________ Mezuak bidaltzeko: [email protected] http://www.eibar.org/zerrenda harpidetza eteteko: [EMAIL PROTECTED]
