Oin dala hilabete bat inguru Inaxio Uria jauna ezagutu neban. Zelako
kasualidadiak. Abokatu batentzat lursail batzuri buruz txosten bat egin
neban aspaldi eta Altuna y Uria enpresa interesaturik zeguanez abokatuak
antolatutako bilera batera deittu ninduen. Jatorra tipua, tratatzeko oso
atsegiña, AHTak AHT. Mikel Laboan heriotza freskuan zala, ondiokan dolu
egunetan, hilketa hau oso gogorra suertatu jatan, tristia.
Euskal Herrixak etsai makiabeliko eta burutsurik baleu, arrazoi
askogaittik (ANV Udalean, pertsonaia euskalduna, abertzaleen zatiketa,
Mikel Laboarenakin gertutasuna...) ekintza hau oso ondo diseñatutakua
litzake. Euskal Herrixan alde lanian diharduan jendiandako kolpe latza.
Halandabe, ondiokan asko dira ezker abertzale barruan hau ikusi nahi ez
dabenak. Euren abanguardia kritikatzia tabu latza da, planteatu eziñezko
zeozer, eta egitekotan..."bai, bai...baiña...eta betiko leloak".
Itxaropentsu, bere fedia noiz edonoiz justifikatuko daben garaipen
antzerako bat amestuz, ilusiñuan munduan edo.
AHT bardin egingo da, baiña PPko Mayorren inguruko segurtasun
enpresentzat irabazi millonarixoz, eta garestixago guztiontzat, bere
bideragarrittasuna hankaz gorago jarriz. AHTren kontrako jarduna
errezago kriminalizatuko da, ekintza baketsuak edo minisabotajiak izan.
Eskabadora batek su hartzen badau: pertenencia a banda armada, atentado,
eta abar...eta aurrekarixak ikusitta gure eritzixa azaltzia be delitu
bidian jarri nahiko dabe...Benetako hausnarketa eta desinformaziño
administratibua gainditzeko aukerak lehen ondo itxita eta akotauta
bazeuazen, oin gehixago. Propaganda ministerixuari lanak errezten.
Barkatu gaixak nahastia 1988ko manifan titulupian, baiña Luistxo eta
Josun mezuek jarri nabe teklauari tratu txarrak emoten: Josu,
moskeatzekua gero itxuraz hain gertuko informaziñua tartian holako
erantzuna jasotzia. Lasai hartu eta animo! Aurrera zure bidiekin! Idatzi
detsunak edo detsuen batzuk ego arazo latzak dittue, zuria kritikatuz
azaltzen dabenez. Eta biharbada ondiokan ez da edo ez dira enterau
norbere egua gainditzeko eta baztertzeko be (biharrezkua dana eboluziño
naturalez), ego horrek gutxieneko tamaña bat bihar dabela, izen
abizendun anonimo horrék edo hórrek bide horretatik iñoiz be eukiko ez
dabena.
Horren harira zure "Etarraren semea" irakurri dot, eta momentu berua
kontuan izanda ulergarrixa ikusten doten arren, garbi esan bihar be,
egin dozun epaiketa ez jatala bape gustau. Gure mundu usteldu honetan,
pertsona "legal" izanda be, kontraesanak nunnahi topau leikez balore
trasmisiñuan. ETAkide batek edo Españako militar batek ez daka ni edo zu
baino hezitzaile txarragoa izan biharrik. Umien hazkuntzaren ardura ez
da makala. Umiak xuxen haztian heziketa hitza be kendu biharko genduke,
edo moldatu zelahala, laguntzaile edo errezte lanetan jarriz (baitta
euren ikasle moduan be). Maittasun baloriak unibertsalak dira,
berezkoak, naturalak, sintropikuak, eboluziño naturala eta
re-eboluziñuakin lotutakuak, bilatu biharreko oreka dinamikuakin; eta
hezitzailiak zentzu horretan, eta hein haundi baten, soberan dagoz.
Umiak edo heltzeko bide amaigabian daguan pertsonak bere egingo dittu
tokatzen jakonian (tokatuko jako eta), baina horretarako naturalak diran
boteria, biolentzia, manipulaziñua, konpetentzia, dominaziñua, gizurra
eta abar, lehenengo pertsonan bizi bihar dira akaso, eroriz ikasten
da-ta oiñez.
Ondo izan,
eta...
AHTrik ez!!
Asier Arregi
_______________________________________________
Harpidetza eteteko, bidali mezua hona: eibartarrak-requ...@postaria.com
izenburuan jarriz 'unsubscribe' (horixe bakarrik, komatxo barik)
Ondoren konfirmazio mezua jasoko duzu harpidetza-etetea berresteko.