Assalamu’alaikum.w.w
Bismillahirrahmanirrahim.
Dunsanak kasadonyo. Ambo punyo ukatu saketek ka
mangaji-ngaji, ka maulang-ulang kaji nan lah lamo
lupo (dik Rahima, kalau ado bahaso Arab nan salah
ketik atau salah lafal tolong batuakan).
Baa sabananyo awak kiniko awaklah maklum baa awak
mandapek bamacam persoalan dalam iduik ko.
Bamacam-macam masalah, bamacam hal nan tajadi dalam
dunia ko. Tingga awak maranuang jo mamikiakan, sarupo
jo carito dalam kitab suhuf nabi Musa as. nan
dicaritokan dek Nabi Muhammad saw. supayo awak
urang-urang nan baraka maranuangkan suasana zaman
awak.
“Wa-al ‘aqi” dan orang-orang yang berakal itu
“ay yakuuna basiiran ‘ala zamanih”, hendaklah ia
memikirkan suasana zamannya. Kiniko kan macam-macam
nan
tajadi, nan manjadi bahan renungan awak sebagai
seorang
Islam dan awak tahu bahwa sasungguahnyo Allah Maha
berkuasa. Apo sajo nan Allah kehendaki pasti tajadi.
Urang heboh soal kawin ciek lai, awak khawatir ado
urang nan barani mengomentari hukum Allah swt.
Soal Polygami sibuk ndak abih-abih, ado nan setuju ado
nan indak setuju. Timbua lo masalah kini ummat Islam
terancam, aratinyo dunia ndak bisa manga-manga lai jo
ancaman Amerika. Memang batua nan dikecekkan Nabi saw.
“nanti akhir zaman ummat Islam sarupo buiah, buliah
diotak atik dek urang kapia”, Walaupun awak liek kini
ummat Islam sapatigo panduduak bumi ko. Aratinyo kalau
manusia misalnyo ado 3 milyard mako ummat Islam ado 1
milyard, kan banyak tu. Tapi baa kok urang Islam ko
lamah. Babarapo ulama manjawek dek karano keimanan
mereka makin lamo makin luntur-makin luntur. Nan
dipikiakannyo baa ka mambangun Negara, ndak nyo
pikiakan baa mambangun manusia tu do. Mako nan tapikia
dek nyo baa ummat Islam bisa maju dalam eknomi. Memang
pembangunan ekonomi penting, tapi pembangunan rohani
labiah penting. Urang banyak mamikian nan lahir nan
bathin ndak nyo pikiakan.
Sabab nan nampak pembangunan jasmani. Panyakik
takah iko lah menular.
Co tuan-tuan bayangkan. Panyakik jasmani ado rumah
sakiknyo, klinik mato ado, klnik jantuang ado,
tenggorokan ado, paru-paru ado. Tapi panyakik rohani
ndak ado rumah sakiknyo do. Lai ado special rumah
sakik
nan maubek panyakik sombong ?,
Ndak ado. Klinik special nan maubek panyakik rohani
ndak ado do. Jadi aratinyo, panyakik takah iko
sabananyo nan jadi masalah dalam masyarakat. Misalnyo,
dalam bab ilmu. Adabnyo urang nan berilmu itu
hendaklah
jan riya jan sum’ah, jaan ujub dan jaan sombong.
Handaklah inyo ikhlas handaklah inyo bana, handaklah
inyo tawadhu’, wakatu manuntuik ilmu itu. Barulah
masyarakat manjadi elok, indak sibuk jo materi do.
Kini awak caliak mereka takuik baagamo (Islamophobia)
dan takuik manyakolahkan anak ka sakola agamo.
Sabananyo urang basakolah agamo tu akan tawadhu’.
Tantu dengan persepsi awal skola agamo. Indak kalang
kabuik jo dunia ko do. Itu sababnyo kito liek,
“Man aradat dunia wat taral akhirah”, barang siapo
nan menghendaki dunia ko dan mautamoannyo dari
akhirat,
“ ‘aqarallahu bis sitti uquban” nanti Allah siksa inyo
jo anam siksaan. Sia sajo nan sibuk jo dunia ko dan
diutamokannyo dari akhirat, beko nyosiksa dek Allah jo
anam siksaan. Aa nan anam tu ?,
“Fa-amalul laisalahu muntaha” nan partamo
angan-angan nan indak bakasudahan
Sibuk jo dunia ko bilo kabarantinyo, angan-angan.
Urang
nan bapitih sajuta nak duo juta, Urang nan bapitih
duo
juta nak nio ampek juta. Urang nan bapitih sa milyard
nak nio duo milyard, urang nan bapitih duo milyard nak
nio sapuluah milyard, bilo kabarantinyo. Co tanyo
urang nan bapitih tu bilo nyo kabaranti. Lah kayonyo,
nyo ndak kabaranti nyo nio kayo ciek lai, bilo nyo
kabaranti sabananyo ?. Kalau lah ndak nio nyo lai lah
kayonyo tu. Kalau inyo masih nio ciek lai nio ciek lai
indak kabaranti nyo do.
Bukan mukasuiknyo awak manyuruah baranti mancari
pitih,
pitih dicari, tapi jan sampai angan-angan indak
baranti. Baitu.
Sudah tu,
“wahiisun ghalibun laisalahu qadarah”, nan kaduo
talalu loba (tamak) nyo ndak cukuik-cukuik.
Ba angan-angan nio tinggi nio tinggi cieklai, lah jadi
kapalo bagian nio manjadi kapalo nagari, lah jadi
kapalo nagari nio jadi kepala negara pulo. Lah jadi
kepala negara ndak nio turun-turun lai.
Cubo tuan-tuan caliak baruak tu. Lah mamanjek
karambia, nyo ambiak buah karambia, sudah tu nyo turun
dek lah tinggi. Pernah basuo baruak nan indak
turun-turun ?, eh pandainyo turun. Sabab lah tinggi
nyo
nio turun. Kalau awak ndak nio turun-turun, labiah
elok lo baruak tu pado awak lai. Co itu kaedah nyo.
Nan
loba tadi takah itu lah. Nyo nio ciek lai nio ciek
lai.
Sarupo dalam kisah pendidikan. Surang urang kayo
punyo tanah laweh dan nio nyo bagi-bagikan ka urang.
Dibuek lah pengumuman ka urang-urang nan nio jo tanah
tu.
“tuan-tuan buliah maambiak tanah tu ambo lah ndak
nio
lai do, tapi dengan syarat, harus pai pagi katiko
matoari tabik dan lah tibo ditampek samulo katiko
matoari tabanam, sabanyak apo nan tuan-tuan ukua
sabanyak tu lah tuan-tuan dapek tanah tu”.
Salah sorang diantaronyo lah mambao baka.
……. Eh tunggu lu, (maaf) bisuak kito sambuang….
Wassalam
St. Sinaro
__________________________________
Do you Yahoo!?
Yahoo! Search - Find what you’re looking for faster
http://search.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
