Assalamu'alaikum.w.w ... Ndeeh, lega ambo, dek karano memang nan diduga nan tajadi, salasai kasus SBN. Kini hati-hati sajo lah kito lai. Teknologi semakin canggih, mako para pencuripun makin canggih. Kito sambuang nan kapatang, mudah-mudahan jo mangaji ko tibo juo rahmat Allah swt. ka awak.
(Jazakumullahu khaira yaa akhwati Rahima, again you should correct my mistake in Arabic). ..... Carito ko mancaliakkan baa urang-urang dulu barabuik-rabuik pahalo. Kecek Nabi saw. "Lau ya’lamun naas ma fin nidaa wa shafi-ul awwal, summa lam yajidu illa ay yastahyilu ilastahmu", haw qama qaal. Kalau orang ramai tahu, pahala mendengar azan itu dan duduk di saf yang pertama, kemudian tak mereka dapat, melainkan cabut undi, maka orang akan sanggup cabut undian. Baitu sabananyo pahalo nyo. Tu sababnyo manusia ko tabagi tigo, nan partamo, disabuik "saabikun bil khairat", urang nan balumbo-lumbo babuek kebajikan. Nan kaduo disabuik "Muqthasib", sederhana, nan katigo disabuik "zhaalimun li nafsihi", urang nan manzhalimi dirinyo surang. Dimaa awak sabananyo tagak ?. Nan partamo urang nan balumbo-lumbo babuek kebajikan, kok sumbayang jamaah inyo paliang dulu tibo, puaso nyo karajokan, Qur’an nyo baco, zikir nyo buek, kebajikan nyo buek, amar ma’ruf nyo buek, nahi mungkar nyo buek. Awak baa ? nan ka bara ?. Baa supayo awak tahu martabat awak di sisi Allah swt ?. Caronyo liek diri awak. Baa awak manilai Allah, kalau awak manilai Allah tu tinggi berarti Allah manilai awak tinggi pulo. Jaan diarok Allah swt.manilai awak tinggi samantaro awak ndak manilai Allah tu tinggi. Kalau awak manilai Allah itu tinggi, aratinyo apo nan disuruah dek Allah dikarajokan, apo nan dilarang dek Allah swt dijauhi. ndak barani awak mambueknyo do, walaupun dosonyo ketek. "iko doso ketek ndak baa do" , ...eh ndak namuah tu doh. Baru awak tahu sia awak sabananyo, baru awak tahu martabat awak di sisi Allah swt. bilo basuo jo larangan Allah swt. ndak barani awak mambueknyo do. Kito khawatir pertanyaan di padang mahsyar nantik macam-macam. Tantu awak arok supayo pertanyaan Allah swt. tu murah-murah. Ado duo model pertanyaan di padang mahsyar tu nantik. Partamo soalan hisab nan murah, nan kaduo nan payah. Urang nan ditanyo jo hisab nan payah, alamat ndak kasanang nyo do tu. "Man nuukisal hisab 'udziba", Barang siapo nan disusah-susahkan hisabnyo akan diazab. Soal tu kalaunyo murah misalnyo, "lai sumbayang".,.."lai.",.. "aaa taruihlah" Kalau soal susah "Lai sumbayang" , "lai",. "dimaa awak sumbayang ?", "pakaian awak tu baa ? babali apo bacilok ?, dapek korupsi ? atau ribaa ?"... kan susah manjawek. "Awak makan baa?, dari pitih saham ?, atau pitih aa ?, saham tu halal atau ndak halal ?". Kalau lah takah itu, alamaik sansaro badan. Bantuak urang malewati bea cukai, "Ado barang pak", "lai", "ado surek", "lai", aa taruihlah". Tapi kalau, "lai ado surek ?", "lai", "co liek", "surek ko lai batua ko ?, palsu ko ndak ?", Tu alamaik ka nyo tangkok tu mah. Kan payah. Hisab nantik nan partamo dengan dialog, tu nan partamo sakali. "Laa tazuulu qadamal ‘abni yaumal qiyamah hatta an yus-al an arbaina hisal" Kaki anak Adam tegak di padang mahsyar sampai ditanya empat persoalan.. "An ‘umri fi maa atsnah", ditanyo umua, kama umua tu dipagunokan. Diagiah umua sekian-sekian kama bapagunokan, duduak di kadai kopi ?, main domino ?, kalau lah di lapau duduak, tibo pukua lapan sampai pk sapuluah ndak baranjak-ranjak, lah dingin lo kopi tu, urang kadai lah paniang pulo mancaliak. Kama umua dipagunokan ?. Sudah tu, "Wa an jasadihi fi ma ablah", ditanyo badan tagok- tagok untuak aa?. Untuak manumbuak urang ?, jadi jeger awak ?. "Wa an ‘ilmi fi ma ‘amila bihi", ditanyo ilmu, banyak ilmu lai di amalkan ?. kama diamalkan?. Sudah tu, "Wa an maali min aina tasawu fima arzaq", dan harato dari maa dapek kama dibalanjoan. Mako urang kayo ko ado ampek golongannyo. Nan partamo dapek pitih dari nan halal, dibalanjokannyo ka nan haram. Inyo badagang, inyo bakarajo, dapek pitih banyak-banyak, dibalanjokan ka nan haram, mambali minuman kareh, mambali buntuik lo nyo, bajudi lo nyo. "Intajhu ilan naar", engkau masuk neraka. Dek karano dibalanjokannyo ka nan haram Nan kaduo, dapek pitih dari nan haram, dibalanjokannyo ka nan halal pulo. ..Aaa elok lo nyo ko, dapek pitih haram eh basidakah ka urang nyo.Urang sakik nyo bantu, urang susah nyo datang maagiah pitih. Urang sakik jantuang nyo bantu maubek, macam-macam. Bukan main bangganyo tu, keceknyo lo, "awak banyak kebajikan nan awak buek".. hooo.. :) "Walaupun awak buek karajo nan indak batua tapi kan elok", pai umrah lo nyo bagai. Kecek Allah swt. "Intajhu ilan naar", Ang pai lah kanarako. Nan katigo dari nan haram dibalanjokan ka nan haram, iko lah jaleh, narako tampeknyo. Nan ka ampek, datang dari nan halal, dibalanjokan ka nan halal, ....eh iko pun alun tantu juo lai, dek karano ado juo nan ka ditanyo baru, baa dek bitu ? Sumbayang agak talambek, Sanak sudaro pun lah barek datang ka rumah, dek karano awak risau taruih pitih banyak. Katiko tibo sanak sudaro "Assalamu’alaikum", ..."mlikum mlikum ... ko ka maminjam lo ko mah"..:) Urang marokok pun akan ditanyo dek Allah swt... :) "Lai sumbayang ?..." "Lai.." "puaso ?...", "Lai.." "Sumbayang jumaik ?...".."Lai ' "Zakat….?"...."Lai" "Ka Makkah ?" ..."Alun lai" "Baa kok ndak ka Makkah ?".. "Pitih ndak ado " "Ooo pitih ndak ado, marokok ?".. "Marokok lai juo.." "Bara sa-ari ? ",.."Ndak banyak do sabungkuih 5000 nyo" "Oo sabungkuih ndak banyak tu do, Sabulan ?".. "150.000" "Satahun ? '..."1.800.000" "Lah bara lamo marokok ?"..."Baru 40 tahun.."... :) "40 tahun lah bara abih ?"..."72.000.000" Sajak umua 20 tahun lah marokok sampai umua 60 ndak baranti-ranti, Lah abih dek nyo 72 juta. "Baa kok ndak ka Makkah ?"... "pitih ndak ado" ..aaaa jawek lah bisuak... :) Aratinyo lah 72 juta, ditanyo dek Allah swt. Baa kok dibaka pitih sabanyak tu. Mako kini ko, kito ndak manyuruah baranti marokok do, sambuang lah dulu, tapi baranti mambali sajo. Kok ka marokok mintak ka kawan. Kawanpun beko, "den lah baranti lo mambali"... :) aaa kan salasai masalah. .... ndeeh tunggu lo dulu dih,... bisuak lo lai Wassalam Khairi Yusuf __________________________________ Do you Yahoo!? Yahoo! Search - Find what you’re looking for faster http://search.yahoo.com ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________