Waalaikumsalam w.w. Dunsanak Erwin dan para dunsanak
sapalanta,
Alhamdulillah, indak ado nan paralu ambo tambahkan ka
pandangan Dunsanak Erwin ko lai. Ambo satuju saratuih
persen, dan tarimo kasih ateh sambutan Dunsanak ka
usul ambo agar ado "Visi Minangkabau 2020" , nan
ditindaklanjuti untuak tiok-tiok bidang.
Cuma ado nan alun tasabuik lai, yaitu apo visi kito
tantang ABS SBK ? Apo bisa kita susun "Visi ABS SBK
2020" ?
Nan jaleh, dalam tahap pakambangan wacana kito kini --
satidak-tidaknyo dalam milis RantauNet -- rumusan
informal dalam taraf taganang kini kiro-kiro babunyi
" ABS SBK minus Hukum Kekerabatan dan Hukum Waris".
Jadi kaadaannyo indak baranjak dari taraf sajak Syekh
Akhmad Khatib al Minangkabauwi dahulu manyampaikan
kritik baliau nan sangat tajam taradok duo masalah ko.
Apo buliah buat.
Bisa iko disalasaikan ? Tantu bisa, yaitu kito
salasaikan surang-surang sajolah, manimbo ilham dari
ajaran agamo kito Islam: "lakum dinakum waliyadin".
Walau dianjurkan sumbayang bajamaah, tapi kito kan
indak dilarang sumbayang surang-surang.
Namun ambo tagalitik juo untuak mangatahui ma nan
bamanfaat untuak kamajuan urang Minang, apo Rumusan A
nan sacaro informal ado kini [" ABS SBK minus Hukum
Kekerabatan jo Hukum Waris"] atau Rumusan B nan ambo
ingin sato mandorong {"ABS SBK sacaro panuah"].
Sakadar informasi, disertasi Prof Dr. Keebet von
Benda-Beckmann nan alah diterjemahkan ka dalam bahaso
Indonesia, bajudul "Goyahnya Tangga Menuju Mufakat",
alah merekam dan manganalisis sacaro janiah baa bana
wujudnyo dalam palaksanaan apo nan ambo namokan
Rumusan A ko . Ringkasnyo: panuah jo silang sangketo,
dan dalam kasaluruhan silang sangketo nan lazimnyo
balaruik-laruik sampai ka Mahkamah Agung tu, indak
sakali juo para "Bundo Kanduang" diajak barundiang.
Aratinyo, sistem kekerabatan matrilineal hanyo maagiah
peranan administratif sajo kapado perempuan Minang,
tanpa peran nan bararti. Sungguah sadiah.
Indak lain doa ambo, sumago Allah s.w.t marahmati kito
urang Minang, nan nampaknyo sarik bana manarimo ajaran
Islam tantang hukum kakarabatan jo hukum waris ko.
Satidak-tidaknyo kan rato-rato urang awak kan lai
rajin sumbayang, bazakat, dan naiak haji. Lumayan. Kok
indak panuah kateh, panuah ka bawah kan lai. Untuak
samantaro bia kito parambunkan dulu soal ko.
Kalau buliah ambo maagiah usul ciek lai. Mangingek
mandasarnyo pambicaroan kito di RantauNet tantang
barbagai hal nan manyangkuik adat jo budaya Minang,
kok ado dunsanak nan kaluangan waktu dan baminat, ambo
sarankan agar pakambangan wacana ko dihimpun jadi satu
buku, dan ditabikkan. Kalau nak biayanyo murah meriah,
pabanyak sajo dalam bantuak CD Rom. Supayo janiah
duduaknyo parakaro, bisa kito minta Kato Pandahuluan
ka Prof Dr Taufik Abdullah atau Prof Dr Azyumardi
Azra, MA. Sayang kalau indak dihimpun, nanti bisa
hilang baitu sajo.
Mukasuiknyo adolah kalau nanti alah ado niaik untuak
bana-bana ka malaksanakan ABS SBK ko sacaro labiah
murni, indak usah mulai dari awal bana. Bisa
malanjuikkan dari taraf kito mamparambunkan ko sajo.
Wassalam,
Saafroedin Bahar
Wassalam,
Saafroedin Bahar.
--- Erwin <[EMAIL PROTECTED]> wrote:
>
> Assalamu'alaikum WW
>
> Mohon maaf, ikut sato pulo ambo Pak Saaf,
>
> Manuruik ambo, visi adalah sesuatu nan dinamis dan
> memerlukan penyempurnaan waktu demi waktu sesuai
perubahan zaman. Alhamdulillah, pembicaraan di milis
> rantaunet ini dari waktu ke waktu sarat dengan visi
> yang dalam. Tidak aneh, karena sebenarnya orang
minang terkenal sebagai para visioner.
>
> Visi Minangkabau 2020 pada dasarnya dapat diperinci
> atas berbagai aspek, seperti:
> -Visi Perkeretaapian Sumbar 2020
> -Visi Pariwisata Sumbar 2020
> -Visi Pendidikan Sumbar 2020,
> -Visi Tanggap Gempa Sumbar 2020
> -Visi Menghadapi Kristenisasi di Sumbar 2020
> -Visi Kesejahteraan Sumbar 2020,
> -dll
>
> Visi Perkeretaapian dan Pariwisata, Alhamdulillah
> telah banyak dibahas di milis ini, bahkan untuk
jangka yang sangat jauh ke depan. Mungkin visi-visi
> yang lain perlu juga dibahas atau dijelaskan di
> milis ini, seperti visi dari GM, DAMI, untuk
melengkapi.
>
> Setelah ada visi, mau apa?
> Kita bentuk dan jalankan menggunakan organisasi,
> seperti MPKAS dan MAPPAS, GM dll.
>
> Cukup sampai di situ? Tidak, orang minang terkenal
> susah bekerja sama, ingin prestise sendiri.
Hasilnya? Kiprah organisasi minang redup dan sayu
(mudah2an MPKAS tidak), tidak bisa mengangkat harkat
dan martabat warga di ranah. Minang lambat laun mulai
tertinggal dalam kungkungan kebesaran masa lalu.
>
> Apa yang kita perlukan?
> Ambo berpendapat yang perlu dilakukan adalah
> penguatan organisasi-organisasi minang yang
bertebaran di mana-mana, yaitu mendahulukan sinergi,
> produktivitas, orientasi kemajuan, dll, atau dengan
> kata lain profesional.
>
> Perlukah organisasi?
> Rasanya perlu, karena tidak mungkin menjalankan
> visi-misi itu bergantung pada perorangan. Visi dan
misi hanya dapat dijalankan oleh tim yang solid dan
> profesional.
>
> Adakah organisasi nirlaba yang solid dan
> profesional? ataukah ini hanya khayalan?
> Untungnya ada, partai politik lagi, yaitu PKS, yang
> tidak memiliki tokoh-tokoh sekaliber Amien Rais,
SBY, dll, dengan infrastruktur dari nol karena tidak
> punya kader penguasa dan pengusaha. PKS pertama
> berkiprah 1998 dengan nama Partai Keadilan, gagal
memenuhi electoral threshold. 2004 berhasil mendapat
> 47 kursi DPR. Setelah itu wakilnya memenangkan
> Pilkada di Depok, Bekasi, sehingga mengurung DKI.
Tahun ini menjadi satu-satunya partai yang berani
> maju sendirian di DKI.
>
> Pertanyaan tinggal satu. Mungkinkah organisasi orang
> Minang profesional?
> No comment.
>
> Cat: Profesional di sini artinya dilakukan dengan
> manajemen modern, penggunaan data statistik yang
benar (bukan asumsi), program-program yang jelas dan
> terarah, pemberian reward yang pantas, kerja sama
> yang solid, dll.
>
> wassalam
> erwin z
>
>
>
> On Friday 23 March 2007 15:53, Saafroedin BAHAR
> wrote:
> > Assalamualaikumsalam w,w. Ananda Hanifah,
> > >
> > Cuma ado masalahnyo, yaitu masalah nan maliputi
> saluruah Minangkabau akan susah pulo untuak
direspons basamo, apolagi untuak dirancang basamo.
Contoh konkrit, sia di antaro kito -- nan wawasannyo
> hanyo tabateh di tingkek nagari sajo -- nan amuah
mancurahkan paratiannyo taradok ancaman gampo nan
> > baasa dari patahan Semangka nan mambujua sapanjang
> Bukik Barisan ? Atau sia di antaro kito nan amuah
mamparatikan sungguah-sungguah baa strategi
> > kristenisasi taradok Minangkabau dan baa
> palaksanaannyo di lapangan, sarato baa pulo
mangambangkan counter-strategy nan tapek untuak
> > mahadokinyo? Iko jaleh manganai masalah
> supra-nagari, masalah nan di ateh
> > nagari. Rasonyo alun ado lai nan batua-batua
> mananganinyo.
> >
> > Tantang kurangnyo orientasi ka maso datang, itu
> alah bakali-kali tabukti. Macam-macam seminar,
lokakarya, diskusi, capek atau lambek baputa-puta di
> > masalah maso lampau nan gamilang juo. Hampia indak
> ado garak nak marancang -- apolagi nak mawujudkan
-- maso datang sacaro labiah realistik. Tipak di
> > ambo, kalau memang itu nan katuju dan dipiliah
> sacaro sadar, sakali lai, yo apo buliah buat.
> >
> > Tapi supayo jan taicia bana Ranah kito nan
> tacinto tu, rasonyo kito paralu mandorong para
Dunsanak kito di Ranah untuak manyusun samacam "Visi
> > Minangkabau 2020", supayo sagalo tanago, pikiran
> jo sumber daya biso kito konsentrasikan ka arah
realisasi visi itu. Alternatif lain, bak kecek adiak
> > ambo nan kini bamukim di Padangpanjang, adolah
> "Dima ka tibonyo sajolah", atau baa kecek dunsanak
kito urang Sunda: "kumaha engke awe".
> >
> > Tantang usul Ananda agar ambo maubah gaya bahaso
> ambo agar sasuai jo bahaso kampuang, iko iyo agak
sulik komah, karano ambo indak gadang di kampuang.
Ambo gadang di pasa. Pusek paratian ambo adolah kapado
usaho manjaniahkan kompleksitas masalah Minangkabau ko
> sacaro konseptual (a ko bahaso kampuangnyo,
Ananda?). Jadi iko bukan soal malapehkan atribut nan
> > malakek di badan, karano indak sadonyo masalah
> bisa disampaikan dalam bahaso kampuang. Lagi pulo
kito kan disuruah mampraktekkan ajaran "alam
> > takambang jadi guru", dan jan jadi "katak di bawah
> tampuruang", kan Ananda ?
> >
> > Sampai disiko dahulu.
> >
> > Wassalam,
> > Saafroedin Bahar.
> >
>
____________________________________________________________________________________
Need Mail bonding?
Go to the Yahoo! Mail Q&A for great tips from Yahoo! Answers users.
http://answers.yahoo.com/dir/?link=list&sid=396546091
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
