Kelapa Gading 27 Maret 2007 Assalamualaikm w.w Angku Niniak Mamak, Angku Cadiak Pandai, Angku Alim Ulama sarato Dunsanak Kasadonya nan Ambo Hormati Ambo sangat berterima kasih kapado Angku Saafroedin St.Majolelo, nanlah manjawab beberapa pertanyaan ambo, dari beberapa jawaban Angku ado beberapa hal nan ingin ambo tanggapi. Sebaliknya Angkupun mengajukan pulo beberapa pertanyaan kepado ambo, sabananyo ambo indaklah harus menjawab pertanyaantu, karano ambo tidaklah dalam posisi nan manyapaikan gagasan untuak mangadokan perubahan tentang hal-hal nan mandasar dalam tatanan (ABS-SBK) dan gagasan itu adolah timbul dari Angku, jadi wajarlah jika pertanyaan yang berhubungan dengan itu disampaikan kepada Angku dan Angku memang harus menjawabnyo. Namun bagi ambo itu indak masalah, ambo akan mancubo manjawabnyo, tetapi sabalun ambo manjawab ambo akan mananggapi jawaban Angku terlebihdulu, tanggapan ambo, ambo tulih dibawah jawaban Angku dengan tulisan miring.
1. Apa iyo alasan Bapak seperti tersebut diatas ? JAWAB ; MEMANG BANA. 2. Jika benar, kenapa Bapak masih mempertanyakan dan sangat risau, tentang aturan agama Islam tentang hokum warih, yang sudah jelas-jelas merupakan aturan yang sudah baku dan tidak dapat ditawar-tawar ?. JAWAB: KINI ANGKU INDAK LAI BAKOMENTAR TANTANG ADAT MINANGKABAU, TAPI TANTANG UGAMO ISLAM. ALHAMDULILLAH. ALASAN AMBO ADOLAH KARANO AMBO MANCINTAI SALURUAH ANAK-ANAK AMBO DAN INDAK INGIN MANDISIKRIMINASI ANAK-ANAK AMBO NAN SATU TARADOK ANAK AMBO NAN LAIN. SALAIN ITU JAN LUPO ANGKU AZMI DT BAGINDO BAHASO AJARAN UGAMO KITO MANAMPEKKAN MANUSIA PADO TAMPEK NAN TINGGI SABAGAI "KHALIFATULLAH FI'L ARDHI". ADO CIEK LAI, DALAM KALUARGA AMBO, AMBO TUNDA DAHULU MASALAH PAMBAGIAN HARATO WARISAN AMBO NAN INDAK PULO BANYAK BANA KO. AMBO INGIN BARAJA DULU BAA CARO PARA ULAMA MINANG MANYALASAIKAN MASALAH KO. KABATULAN AMBO HADIR WAKATU BUYA HAMKA MANINGGA DI RUMAH BALIAU DI KABAYORAN BARU, DAN MANDANGA KAPUTUSAN KALUARGA BALIAU TANTANG HARATO WARISAN KO. SAMANTARO KO AMBO DORONG MEREKA UNTUK MANCARI NAFKAH SAKUAIK-KUAIKNYO, DAN JAN BACAKAK SOAL HARATO WARISAN NAN MANJADI 'PINYAKIK MANAHUN URANG MINANG'. TANGGAPAN ATEH JAWABAN ANGKU SAAF St.Majolelo: Jawaban Angku taraso sangat indak Objektif, kalau alasan karano sayang dek anak Angku mempersoalkan satu aturan nan sudah baku yaitu tentang hukum agamo ( hukum Waris). Dalam adat itu dikatokan tantang paruik bakampihkan, tantang dado babusungkan. Disiko ambo manjadi tambah ragu jo pandapek bapak. Angku indak satuju jo system Matrilinial, sedangkan system matrilineal itu sangat kuat kaitanyo dengan system sako jo pusako atau system perwarisan menurut adat Minangkabau. Kemudian angku juga mempersoalkan pulo tentang hokum waris manuruik agamo, dan menginginkan pulo hukumtu disesuaikan jo tuntutan zaman. Apakah ini tidak berbahaya jika satu aturan dibuat sesuai dengan keinginan kito surang. Untuak iko ambo tidak akan bapanjang lebar, sebaiknyo halko kito sarahkan sajo kepado para Ulama untuak mengupasnyo lebih dalam atau lieklah Surat An Nisaa Ayat 11. 3. Apakah manuruik Bapak Sistem Kekarabatan Matrilineal itu, apa bertentangan dengan ajaran Agamo Islam ?. JAWAB: IYO. 4. Dima latak pertentangannyo ?. mohon penjelasan bapak. JAWAB: PARATAMO AMBO MANUNJUAK ALASAN NAN ALAH LAMO DIAJUKAN DEK SYEKH AKHMAD KHATIB AL MINANGKABAUWI, BUYA HAMKA, DAN BAITU BANYAK PANGARANG MINANGKABAU DARI ALIRAN PUJANGGA BARU SAISUAK. INDAK KA AMBO ULANG DI SIKO. ADUO, DALAM MANYUSUN RANJI NAN MANCATAT NAMO-NAMO URANG NAN BATALI DARAH, RANJI SISTEM KEKERABATAN MATRILINEAL INDAK MAMASUAKKAN NAMO-NAMO DARI KATURUNAN ANAK LAKI-LAKI, SASUAI JO AJARAN ISLAM TANTANG NASAB. SAKADAR CATATAN, KOK DIPAIYOBANAKAN BANA, IKO BISA MANJADI MASALAH HUKUM PIDANA ANGKU BACOLAH PASAL 277 AYAT 1 KITAB UNDANG-UNDANG HUKUM PIDANA. Tanggapan atas jawaban Angku Saaf; Aalasan Bapak kurang akurat untuak di tarimo akal, kalau surang jo baduo nan indak satuju ateh satu aturan nanlah hidup baratus tahun dalam satu masyarakat, itu kan hal nan wajar. Tapi itu kan tidak bisa dijadikan sebagai alansan untuak merobah aturan itu. Kemudian tentang Raji nan bapak kamukokan itu juo kurang baralasan, karano indak ado satu aturan atau paksaan untuak urang mambuek atau tidak mambuek Ranji. Jawaban Atas Prtanyaan Pak Saaf. 1. Manuruik Angku, ma nan labiah penting: manusia atau harato? Jawaban Atas Prtanyaan : Kaduo-duonyo penting, manusia dan haroto bando samo-samo penting. Ado harato indak ado manusia buat apa ? ado manusia indak ado harato dimalonyo katingga , jadi kaduo-duonyo harus dijago dan dilindungi. Dalam adat di katokan; Bumi Sanang tanam manjadi, padi masak jagung maupiah taranak bakambang biak, apak kayo mandek batuak , mamak disagani urang pulo. Baldatun Taiyibatun Warabbun Gafuur. 2. Apo iyo bana padusi diharagoi tinggi dalam system kekerabatan matrilineal salamo ko, atau hanyo dijadikan sakadar manjadi rujukan untuak mambuek ranji sajo ? Jawab : Benar, kaum padusi atau perempuan, ditempatkan pada tempat nan sangat terhormat, tingga dirumah gadang dan ma-ambiak hasil harato pusako. 3. Apo Angku Azmi Dt Bagindo mampraktekkan diskriminasi antaro anak Angku nan padusi taradok anak Angku nan laki-laki? Jawaban : Pertanyaan angku sangat pribadi, tapi maaf indak bisa ambo jawab karano ambo indak punyo anak padusi. 4.Baa mako para panghulu indak panah maajak para Bundo Kanduang barundiang dalam rapek-rapek adat ? Kan alah ado nan bapandidikan tinggi, tamasuak nan bagala Prof, Dr ? Jawaban: Sabalun tanyo angku ambo jawab tantang Bundo Kandung, tolong angku jalehkan dulu apo dipenisi Bundo Kandungtu ?, dan Bundo Kandung yang mana nan angku mungkasuik ?. 5.Baa pandapek Angku tantang panghulu nan indak malaksanakan kawajibannyo sacaro baiak, antaro lain nan banyak manggadai dan manjua harato pusako, dan bukan manyalasai tapi malah mambao parakaro harato pusako ko ka pangadilan, saparati dikaji dek baitu banyak panaliti? Jawaban : Sabananyo kito indak bisa manyalahkan panghulu sajo, banyak juo nan bukan panghulu nanlah babuek sakandaknyo tentang harato pusakotu, dengan dalik dan alasan macam-macam. Manjua, manggadai dan memberikan kepado pihak lain. Seperti nanlah tajadi pado ayahda angku dan angku sendiri. Angku sendiri kanlah malakukan hal saparati itu dengan manjua habis harato pusako dalam paruik ibu atau suku angku di Kajai Kampung Dalam Pariaman(MAH hl 36-37 ) Dan nan labiah parah lai adiak kandung angku sendiri nan banamo H.Chairuman Bahar telah berhasil pulo mayakinkan mamak dari pihak istrinyo untuak manjua harato dalam kaum istrinyo (MAH h 39) iko adolah sangat batantangan dengan perinsip dasar adat Minangkabau, sorang urang samando indak baik manuruik adat berbuat demikian. Dalam adat dikatokan harapan terhadap urang samando adolah : Kok elok ratak tangannyo baolah manukuak jo mananmbah, kok elok ratak lidahnyo baolah kusuik manyalasai,baolah karuak manjaniahkan. Kahilia baolah sarangkuah dayung kamudiak baolah saantak galah. Jan tajadi sabaliaknyo; aia taganang jan dikaruah, tali tarantang jan diputuih, kok tibo dikusuik jan maenjo- enjo, kok tibo dikaruah jan mangundak-ngundak. Opo lai manjua manggadai harato an bukan hak kito. Jadi tujuaktu cieknyo nan untuak urang tigo untuak awak. 6. Lai satuju Angku kalau para panghulu nan indak malaksanakan tugasnyo itu di-'lengser' sajo? Tantang Lenser malenser, tunggu dulu angku, Setiap orang boleh sajo bapandapeh tamasuak angku, dan itu adolah hak asasi, tapi apo pandapek itu telah melalui analisan nan mandasar dan objektif, apo alah dikaruak saabih saung dan diawai saabih raso, . ambo agak kuatir dan ragu tantang nantun. 7. Lai satuju Angku kalau kito adokan angket untuak mananyokan panilaian para bundo kanduang dan para kamanakan taradok kapamimpinan para niniak mamaknyo masiang-masing? Jawaban : Itu buliah-buliah sajo kalau tujuan dan niat lai samo elok. Numun kontek dan pendekatanyo harus jaleh dan objektif. Jan jauh-jauh antaro angku jo ambo sajo bisa babeda dalam mengartikan satu permasalah-permasalahan adat. Apolai kalau urang nan malakukan survey dan angket itu urang nan indak suko jo adat atau indak mangrati tentang seluk beluk adat, pasti hasilnyo akan buruak. Iko namonyo mamintak ubek kaurang manuju. 8. Kalau iyo sistem kakarabatan matrilineal salamo ko sabana manghormati kaum ibu, baa mako banyak bana protes dari para bundo kanduang nan terpelajar taradok diskriminasi taradok padusi di Minangkabau ? Jawaban ambo samo jo nan diateh poin 4 9. Manunjuak rintisan Dunsanak Drs.Firdaus Oemar Dt .Maradjo apo Angko ado mampunyai catatan langkok anak kamanakan dan harato pusako kaum Angku ? Jawaban : Ado, sekalipun ambo baru diangkek jadi penghulu pada 5 Juli tahun 2003 nan lalu, namun ambo langsung mempersiapkan atau mambuek Buku Pedoman Pasukuan yang kusus berlaku untuak interen pasukuan ambo, yang isi adalah antara lain tentang, pengertian adat secara umum, hak dan kewajiban diantara pimpinan dan anggota kaum, serta pedoman pelaksanaan adat nan salingka nagari, dan pelaksanaan adat diluar nan alingka nagari. Dan daftar serta alamat anggota keluarga di seluruh Nusantara termasuk keluarga Batik , yang langkok jo nomor teleponnyo, jadi dima sajo dunsanak kemanakan ambo barado inyo bisa maubungi familinyo. 10. Karano Angku bamukim di Jakarta,baa caro Angku malaksanakan tugas Angku sabagai panghulu di Ranah ? Tarimo kasih. Jawaban : Ambokanlah mambuek pedoman Pasukuan, disitulah ado pembagian tugas dan karajo masing-masing. Nan indak ambo berikan adolah tentang Wewenang manjua dan manggadiakan harato usako tinggi, itu harus melalui musyawarah keteh tahu dan gadang pandai, dibao kato jo mumfakat, bulek aia kapambuluah bulek kato jo mumfakat. Nan saeto nan satampok nan sabuah jari. Itulah jawaban nan dapek ambo barikan, mudah-mudahan ado manfaatnyo, salanjuiknyo jiko ado nan kurang pado tampeknyo, indak dibarih nan tapaek indak dirasuak manjariau, indak tasusun nan bak siriah indak taatok nan bak gambiak ambo mohon di maafkan sakitu dari ambo, tarima kasih. Wassalam, Azmi Dt.Bagindo --------------------------------- Kunjungi halaman depan Yahoo! Indonesia yang baru! --~--~---------~--~----~------------~-------~--~----~ Kami mengundang sanak untuk hadir dalam acara: "Wartawan mengajak Berdoa Bersama untuk Keselamatan Negeri" pada tanggal 8 April 2007 jam 08:00 di Masjid Istiglal. Acara ini terpicu oleh musibah terbakarnya Ustano Pagaruyuang dan Gempa di Sumbar. Berhenti (unsubscribe), kirim email ke: [EMAIL PROTECTED] Konfigurasi dan Webmail Mailing List: http://groups.google.com/group/RantauNet Daftar dulu di: https://www.google.com/accounts/NewAccount -~----------~----~----~----~------~----~------~--~---