Asssalamu'alaykum w.w.
D.N. Sutan Marajo
sungguahpun tanyo balayangkan ka urang lain, tapi diakhia kato, basembakan jo
ka badan diri
kok manjambo sapanjang tangan, mangecek sapanjang aka, ambo cubo juo sato
manjaweknyo
tapi kok indak dalam barih makan pahek, indak di lae pasang atok, tolong juo
mamelok-inyo
Satangtangan nan partamo.
kok indak salah ambo ma-asumsikan iko adolah perbuatan / peristiwa hukum
dalam lingkup adat Minangkabau, nan tantunyo tunduak pulo ka aturan / nilai /
norma nan takanduang dalam Adat Minangkabau tu sendiri
ambo cubo ma-aumsikan tadi adolah, apo nan didapek tu adolah untuak "anak
kamanakan" (satu kalimat nan bararti adolah kamanakan dalam artian Adat nan
bisa dikatahui sia sia sajo nan tamasuak dalam pangaratian "anak kamanan " tu.
Dan kalam konteks iko, tantu harus dimangarati dan ditarimo pulo "nan sajangka,
nan sa eto, nan sadapo"
jadi awak harus pahami dan tarimo akibat hukumnyo,
talapeh dari pado alasan untuak mambarikan harato tadi tu, Hal nan paralu
diparatikan, partamo dan utamo adolah Niaik dan buleh kato dari nan mambarikan
nantun.
Tatutuik bagi urang nan ka jadi Ahli Waris apobilo nan Pewaris samaso
hiduiknyo indak manulak atau indak manjadikan masalah suatu nan bekenaan jo hak
inyo
Contohnyo adolah apo nan st Marajo sampai kan di masalah nan kudo, dimano
St. Marajo ikhlas dan indak manulak sarato manyatujui, mako anak Marajo nan lah
lahia tu ndak bisa mampermasalahakan / manggugat doh.
babaliak kapado masalah nan partamo diateh cako, karano diparuntuakkan untuak
"anak kamanakan" (dimano nan dianut adolah "anak kamanakan" dalam sistem adat,
mako disiko lah bamulo jadinyo tanah / harato Pusako Tinggi nantun
sahubungan jo nan St. Marajo sampaikan pulo, kalau tanah / harato tu indak
dimiliak-i doh, tapi dipakai, sakali lai dipakai, mako iyo bapikia-pikia urang
ka manjua harato pusako tinggi, kacuali sasuai pulo nan diatur dalam aturan
adat, yaitu nan 4 pakaro tu. apo lai ka "simanjua-jua", iyo narako tantangannyo
tu, karano bukan hak inyo untuak manjua,. jan kan ka manjua, maaliah lantak
sen, lah banyak nan cengkok tangan tu, kok indak pincang jalanno, peloh lidah,
bisa juo indak salamaik iduik tu.
Satangtangan nan ka duo.
sarupo jo nan ambo sampaikan diateh cako, karano St Marajo alah Ikhlas dan
indak mempermalasahakan, dengan demikian kan lah manarimo namonyo tu, mako hak
(sabahagian) nan saharusnyo manjadi hak bagi St. Marajo, manjadi hak dunsanak
nan padusi-padusi sajo lai,
dalam hal iko balaku hukum faraidz tantang hak ahli waris apo bilo Pewaris
maningga
salanjuiknyo bahubungan jo kalimat dan amanaik rang gaek amboko bisa jadi
ilustrasi mambuek pusako tinggi baru!
manuruik pandapek ambo adolah INDAK BISA dianggap atau diajadikan Pusako
Tinggi, walaupun harato tu lah sampai tigo , ampek, limo katurunan indak
dibagi-bagi, karano tahadok harato tu lah jaleh sia nan mampunyoi hak
kepemilikannnyodan jaleh pulo aturan nan balaku, yaitu para ahli waris. kalau
iko dianggap sebagai harato pusako tinggi (ingek kalau pusako tinggi tantu
dalam artian konteks adat Minangkabau"), mako narako juo tantangannyo tu, sabab
dek hak urang nan bamakan
Untuak gambaran, ambo ilustrasikan pulo, walaupun ka samo jo carito St
Marajo, bantuak iko ha :
dek karano uda ambo lai barasaki, mako dibalikannnyo sawah sapiriang, wakatu
mambali tu lah disabuiknyo "iko untuak anak kamanakan", bukan untuak Uni A,
adiak E, , mako mulai saat nantu lah tajadi dan ado nan namonyo Harato Pusako
Tinggi tu, sungguahpun pitih pambali tu barasa dari pancarian baliau, bahkan
baliau sandiri alah barumah tanggo pulo.
akibat hukum adolah, apobilo di tipak kami badunsanak (sainduak) indak ado
lai dan indak ado pulo "anak kamanakan" manuruik garih padusi, mako nan partamo
berhak adolah tipak (pihak) dunsanak nan sa nenek (amaknyo amak), sudah tu nan
sa "Tuo'", sa suku dst sampai kapado "basapiah babalahan" baitu lah gambarannyo
jadi Harato Pusako Tinggi tu tidak tagantuang kapado lamo indak babaginyo doh
mungkin sakitu nan dapek ambo sampaikan, rilah jo maaf juo nan basampaikan
kalau ado nan indak pado tampaiknyo
Wasssalamu'alaykum w.w.
Bandaro Labiah*
*indak batanyo baliak doh, tapi bajawek langsuang karano nan ditanyo lah jaleh
juonyo
[EMAIL PROTECTED] wrote:
Sanak Rahima,
Batanyo ambo saketek ka sanak rahima satantang harato pusako, karano
pangetahuan agamo ambo buliah dikecekkan indak ado,
Dulu nenek moyang kito manaruko (manggarap harato ndak batuan) sacaro bakaum
(indak suami istri sajo tapi ado beberapa keluarga) dan mereka ndak pernah
mambagi harato itu secara hak milik doh, dan untuak generasi bariukuikno
sapakaik haratotu di turunkan ka garis padusi, dan bagi nan manarimo yang dapek
hak garap indak hak milik doh. Alasan diturunkan ka garis padusi, karano
diminangkabau kalau laki2 babini, inyo masuak jadi keluarga di kaum padusi,
jadi inyo bisa manggarap bagian dari bininyo yang dapek warisan hak garap
taditu (bukan hak milik), dan hak garap iko tajadi taruih manaruih sampai
beberapa generasi. Bahkan haratoko alah mulai ditaruko sabalun islam masuak.
Nan jadi pertanyaan ambo ba'a kedudukan haratoko manaruik Islam ?
Nan kaduo, samaso apak ambo hiduik, baliau lai sempat mambali rumah, satu
katiko dalam duduak2 basamo seluruh keluarga, apak ambo ba umanaik ka ambo,
"waang surang laki2 adiak waang 6 urang padusi sadonyo, dek kamampuan den ndak
ado, rumah ketek nan tabuek nyo, dari kini den kecekkan ka waang, indak ado hak
waang dirumahko doh" dan ambo wakatu itu satuju jo ikhlas. nan jadi pertanyaan
ambo ba'a pulo kedudukan amanaik rang gaek amboko dalam Islam ?
Untuk mamak2 nan lain, mak bandaro labiah, mak Azmi, mak datuak endang, mohon
pitunjuak juo, kiro2 nan ambo tulih diateh jo amanaik keluarga ambo bisa
dijadikan ilustrasi untuak harato pusako tinggi, dan amanaik rang gaek amboko
bisa jadi ilustrasi mambuek pusako tinggi baru!
Untuak nan lain2 masalah tabuik, kawin sasuku, baitu juo harato pusako, saran
ambo ka sanak rahima, pelajari bana dulu adaiktu sacaro mandalam, sasudahtu
buliah sanak mangecek itu ndak sasusai jo islam, jan manjadi fitnah beko karano
ketidak tahuan awak.
Karano nan sanak tahu baru "KATANYA", "SAYA DENGAR" "DARI DISKUSI", tapi sudah
di klain ndak sasuai jo islam.
Sebaiknya "SETELAH SAYA PELAJARI DARI BERBAGAI SUMBER" ternyata adat
minangkabau bertengtangan dalam Islam, boleh lah mengklaim seperti ini.
Sapendek nan ambo tahu adat minangtu banyak tingkeknyo, Adaik nan sabana adaik,
adaik nan diadaikkan dll.
Kok ado nan salah tolong ajai ambo.
Salam
Is St Marajo 39+
www.cimbuak.net
Kampuang nan jauah dimato dakek dijari
____________________________________________________________________________________
Looking for last minute shopping deals?
Find them fast with Yahoo! Search.
http://tools.search.yahoo.com/newsearch/category.php?category=shopping
Send instant messages to your online friends http://uk.messenger.yahoo.com
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Mematuhi Peraturan Palanta RantauNet, lihat di
http://groups.google.com/group/RantauNet/web/peraturan-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Peraturan yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---
