Angku Saaf jo Angku Akmal, Takana di ambo thaun 1947 sasudah Agressi ke-I Bukittinggi sebagai Ibukota Sumatra sangat rami. Pengungsi dari Pematang Siantar dan Padang batumpuak di Bukittinggi. Ambo waktu itu di SMP No. 1 mancaliak padeknyo penduduk Bukittinggi.
Lupo ambo dimaa dan kamaa Gubernur Sumatra Tengku Muhammad Hasan, salamo waktu PDRI? Baliau sangat populer sahinggo amak ambo kalau mandanga istilah Gubernur, salalu takana jo Tengku Muhammad Hassan. Wakaktu salasai operasi katarak 1985 karano dipinjamkan VW dek Pak Azwar Anas untuak bawo pulang ka Bukittiggi dari RS Yarsi Padang, ambo bawo amak singgah ka Gubernuran di Jalan Sudirman. Wakatu duduak dakek Gubernur alangkah bahagianyo amak; takana di ambo kecek baliau: Ooooh iko nan Gubernur Muhammad Hassan, lah lamo amak danga alhamdulillah kini lai basuo... --- In rantau...@yahoogroups.com, "Dr Saafroedin Bahar" <saafroedin.bahar@...> wrote: > > Bung Akmal, tarimo kasih ateh tambahan bahan hasil wawancara jo keluarga pak > Sjaf, nan indak ado di buku-buku sejarah lainnyo tu. Juo tarimo kasih ateh > tambahan saran ka ambo supayo mamparatikan aspek kontekstual. > Izinkan ambo manambahkan aspek kontekstual iko, khususnya strategi militer, > bukan hanyo soal konflik Mayor Bedjo jo Mayor Malau sajo, tapi dalam rangko > mahadoki Agresi Balando Kaduo. > Ado duo hal nan paralu kito paratikan dalam hal iko, yaitu posisi Yogya sbg > sisa daerah Republik nan tingga 'salaweh daun kelor' dan banyaknyo anggota > Divisi Siliwangi nan hijrah ka Yogya sasudah perjanjian Renville th 1947. > Seluruh pimpinan militer di Yogya wakatu itu sangat sadar bhw capek atau > lambek, Balando akan melancarkan agresi. Panglima Besar Soedirman, KSAP > Simatupang, dan Panglima Komandemen Jawa Nasution - mantan Panglima > Siliwangi- alah mampasiapkan strategi ( " Ermattung", "Wehrkreise"). > Para perwira Siliwangi ikolah yg manyaranankan agar dibuek pangkalan di > Sumatera, khususnyo Sumatera Tengah, nan masih dikuasoi Republik. Aceh memang > indak diduduki Balando tapi jauah bana, sadangkan Tapanuli dan Sumatera Timur > alah diduduki Balando. Saparati kito tahu Kalimantan, Bali jo saluruah > Indonesia bagian Timur alah labiah dahulu dikuasoi Balando. Jadi pilihan ka > Sumatera Tengah memang tapek. Di Ibukota Bukiktinggi ikolah bamarkas Panglima > Komandemen Sumatra Soehardjo Hardjowardojo dan Gubernur Sumatra, Mr. TM > Hasan. > Salain itu, Divisi IX Banteng di bawah Panglima Kolonel Ismael Lengah dan > Dewan Pertahanan Daerah di bawah Chatib Sulaiman basarato jajarannyo nan > tadiri dari Gubernur Militer, Bupati Militer, Camat Militer, sarato > Walinagari Parang alah siap, bukan hanyo jo sanjato nan dibali dari > Singapura, tapi juo Doktrin Gerpolek karangan Tan Malaka nan banyak dibaco > dek perwira-perwira TNI wakatu itu. > Tapi ado masalah yaitu program Re-Ra Hatta thn 1948 utk merasionalisasi TNI, > nan memang paralu di Jawa, dan handak baliau pasokan juo di Sumatera, nan > dalam sagalo hal mampu tagak surang. > Bisa difahami bahaso Panglima Divisi IX Banteng Kolonel Ismael Lengah manulak > rencana Re-Ra Hatta iko, nan salain jaleh baakibat dikuranginyo jumlah > kesatuan, juo banyak nan akan turun pangkek. Padohal kan baru kali itu urang > awak masuak tentara, balain jo urang Jawa atau urang Batak. > Sudah barang tantu Bung Hatta tabik suga, Kolonel Ismail Lengah bukan sajo > langsung dicopot, tapi juo langsuang diangkuik ka Yogya jo rombongan Bung > Hatta. Pokoknyo Re-Ra harus jalan, nan mangarengkang, copot. Urang tapaso > patuah, sahinggo wakatu Balando malancarkan Agresi Militer Kaduo, kondisi TNI > masih bapetai-petai. Untuang ado jajaran BPNK nan mampu bergerilya sacaro > mandiri panuah. > Singkeknyo, baiak dlm bidang ekonomi bahkan dalam bidang militer, Sumatera > bisa tagak surang. Amai-amai Bukik Tinggi bahkan mampu mangumpuakan ameh > sabanyak 14 kg, dijua utk mambali pesawat angkut ringan RI-003 "Avro Anson" > di Songkla, Thailand. Memang indak ado alasan utk melaksanakan Re-Ra di > Sumatera. > Paralu kito ingek, bahaso dalam rombongan pak Sjaf bulan November 1948 tu > bukan hanyo ado anggota nan berlatarbelakang ekonomi, tapi juo ado rombongan > perwira Siliwangi nan mangusulkan pembentukan pangkalan gerilya di Sumatera. > Baliau-baliau ikolah nan mamparatikan aspek strategi militer iko, tantu bukan > pak Syaf nan samo sakali indak ado latar belakang militer. > Mudah-mudahan aspek strategi militer iko (= kontekstual) alah masuak dalam > pertimbangan bung Akmal. > Tantang telegram mandat ka pak Sjaf, bana baliau indak tahu, karano rombongan > PTT mangungsi ka arah Palupuah di Utara, rombongan pak Sjaf ka Halaban di > Timur. Tapi jan lupo, keputusan mambantuak PDRI bukan di Halaban, tapi di > Gedung Tamu Agung tgl 19 Desember 1948, di ateh Ngarai, nan kini jadi Museum > Perjuangan. Ado keterangan bhw nan mausulkan mambantuak PDRI tu justru > Gubernur Sumatra, Mr.TM Hasan. Di Halaban tu mamfinalisasikan susunan PDRI > nan kudian dikirimkan jo radiogram dek unit PHB TNI-AU di bawah pimpinan > Letnan Udara Said Oemar. > Lagipulo mandat mambantuak pemerintahan darurat bukan hanyo dikirimkan ka pak > Sjaf, tapi juo ka Dubes Sudarsono di India, dan Dubes LN Palar di PBB. > Itu bahan-bahan nan ambo dapek dalam rangka mampasiapkan disertasi ambo di > UGM (1996), tantu jo bahan nan dapek dek ambo sampai wakatu itu. Indak > tatutuik kamungkinan ado bahan baru, saparati nan bung Akmal sampaikan. > Jadi maafkanlah ambo kok ambo dianggap indak kontekstual karano masih tetap > takana jo 'Ketua PDRI" tiok ambo mandanga namo pak Sjaf. Manuruik ambo, > nomenklatur ' Presiden Prawiranegara' indak labiah dari rekonstruksi nan > ahistoris, karano memang indak pernah ado wacana ttg itu antaro 19 Desember > 1948 - 13 Juli 1949. Sia pulo nan kamangana soal pangkek itu dalam suasana > bakalibuik tu ? Sakali lai, maafkanlah ambo dek karano masih alun yakin. > Wassalam, > SB. > Saafroedin Bahar. Taqdir di tangan Allah swt, nasib di tangan kita. -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.
