Inyiak Sunguik, th 1947 tu umua ambo 10 tahun, pernah hadir dalam ' rapat raksasa ' di lapangan di muko markas Komandemen Sumatra di Birugo, mandanga pidato Presiden Soekarno. Sebagai anak ketek, ambo hanyo dapek tagak di balakang, indak nampak Soekarno dan indak tadanga suaro baliau. Nan jaleh sadonyo urang basumangaik, tamasuak ambo ciek, he he. Sudah tu nan takana dek ambo adolah ' Istana Wakil Presiden', nan kini jadi gedung Triarga di muko Jam Gadang. Wakatu Agresi Balando Kaduo 19 Desember 1948, ambo mangungsi ka rumah Inyiak ambo di Silaiang, taruih ka dangau di sawah baliau dakek batang aia. Masih takana juo dek ambo rombongan kami dipergoki dek pesawat pengintai ringan Balando tipe Capuang ( kini ambo tahu namonyo ' Piper Cub' L4J ), tabang baputa-puta di ateh dangau kami. Dek katakutan, ambo indak tahu apo kami ditembak atau indak, tapi nan jaleh sasudah tu dapek salongsong pelor di tangah sawah. Alah agak aman, ambo jo kawan-kawan samo gadang taruih ka Aia Mancua, karano mandanga banyak barang taserak-serak di sinan. Tanyato memang iyo, banyak mariam, pelor sagalo macam, jo pakaian seragam bapetai-petai. Bahan makanan indak ado. Dek kami paja-paja matah tu antah baa lah baambiak pelor dan bamasuakkan ka kambuik, jalan kaki baliak ka Silaiang liwat jalan gadang. Kiro-kiro di Silaiang Kariang - dakek Dufan kini - basuo jo rombongan jeep patroli Balando, dari Padang Panjang manuju ka aia mancua. Ambo baru sakali tu mancaliak serdadu bule Balando, bukak baju, naiak Jeep Willys nan dipasang Bren-gun. Untuang kami anak-anak ketek ko indak dipareso mereka. Kok dipareso mereka, dan basuo pelor dalam kambuik, rasonyo iyo kababayia utang tu. Untuang indak, jadi masih bisa main fesbuk kini iko, he he. Pelor-pelor tu ambo suruakkan di pematang sawah dakek rumah Inyiak ambo di Silaiang. Sasudah Padangpanjang diduduki Balando, keadaan aman, ambo manaruihkan sikola kelas 6 SR dan kelas 1 SMP. Itu nan takana dek ambo ttg th 1947-1948 tu. Wassalam, SB. Saafroedin Bahar. Taqdir di tangan Allah swt, nasib di tangan kita.
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://rantaunet.wordpress.com/2011/01/01/tata-tertib-adat-salingka-palanta-rntaunet/ - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti berlangga...@googlegroups.com . Untuk opsi lainnya, kunjungi https://groups.google.com/groups/opt_out.