Mak Zul Amri, Nofen, Kalau awak caliak dikampuang kiniko dalam hal baralek, banyak juo kini nan mamakai organ tunggal, sabagian ketek organ tunggaltu memang indak sasuai jo agamo lai dalam caro banyanyi jo bapakaian.
Tapi hal iko bukan adaik lai. Baliak ka pribadi masiang2. Kok adaik juo nan salah satantang hal iko, iyo ndak mangarati pulo ambo doh mak! Pamahaman ambo nan singkek tantang ABS BSK iko lah adaik nan sabana adaik, adaik nan indak lakang dek paneh indak lapuak dek hujan, disabuik juo adaik nan babuhua mati. indak ado tawar menawar lai dalam hal iko. Salabiahnyo tantu adaik nan babuhua sentak, kok ndak sasuai jo syarak, bisa dirubah. ado pintu perubahan nan ambo liek. Kalau ndak salah ado nan disabuik "Tabuah larangan", kok ado adaik nan ka dirubah, alah sapakaik nan patuik, digua lah tabuah laranganko, diumumkan ka nan rami baso ado adaik ka dirubah. Pamahaman ambo sabagai rakyaik badarai satantang pusako tinggi. Di adaik minangkabau, alim ulama tamasuak pilar adaik dalam 3 tungku sajarangan. Sabagai rakyaik badarai tantu tunduak ka hasil keputusan urang nan batigoko. Sajak bukik marapalam 170 tahun nan silam, antah alah bara banyak ulama minangkabau, nan kapasitasnyo indak awak ragukan lai. Ambo yakin sakali ulama minangkabau dulu sangaik paham adaik, kondisinyo saat itu pemahaman adaik urang masih tinggi. Sebagian ketek dari ulama2ko ado nan indak sasuai satantang harato pusakoko, sabagai konsekwensi inyo ndak sasuai, pai marantau dan indak pulang2 lai. Mayoritas ulama2ko ndak mempermasalahkan lai. bisa awak caliak pusako tinggi masih berjalan sarupo itu di minangkabau. Di hadapan Allah tantu ulama2ko labiah barek tangguangjawabnyo mambiakan nan salah tatap bajalan, karano ulama punyo otaritas untuak bersuara. Sadang rakyaik badarai wajib mangikuti pemimpin. (itu pangajian nan ambo danga sisuak) Kasimpulan ambo sacaro pribadi ndak ado nan salah di pusako tinggi manuruik syarak, karano mayoritas ulama indak menggugat. Kok di "raso" ado nan salah dalam pelaksanaan di "pareso" dulu, alah pelaksanaannyo manuruik adaik?. Dari situ awak mancaliak adaik nan salah atau personno yang salah. Sakitu dari ambo nan masih naif pulo. Salam Is St Marajo 39+ www.cimbuak.net Kampuang nan jauah dimato dakek dijari "zul amry piliang" <[EMAIL PROTECTED]> Sent by: RantauNet@googlegroups.com 12/03/2008 09:59 Please respond to RantauNet@googlegroups.com To RantauNet@googlegroups.com cc Subject [EMAIL PROTECTED] ABS BSK di Banuhampu Rahima dan sanak palanta ! Dima sajo dimuko bumi Allah ko , kalau urang malaksanakan parkawinan sasuai jo syariat Islam samo sen nyo : Ado mempelai pria dan wanita , ado wali ( buliah urang tuo padusi atau diwakilkan ka angku kali kalau ditampek awak , saya tidak manyabuik panghulu karano panghulu --~--~---------~--~----~------------~-------~--~----~ =============================================================== UNTUK DIPERHATIKAN: - Wajib mematuhi Peraturan Palanta RantauNet, mohon dibaca & dipahami! Lihat di http://groups.google.com/group/RantauNet/web/peraturan-rantaunet. - Tuliskan Nama, Umur & Lokasi anda pada setiap posting. - Hapus footer & bagian yg tidak perlu, jika melakukan reply. - Email attachment, DILARANG! Tawarkan kepada yg berminat & kirim melalui jalur pribadi. - Posting email besar dari >200KB akan dibanned, sampai yg bersangkutan minta maaf & menyampaikan komitmen mengikuti peraturan yang berlaku. =============================================================== Berhenti, kirim email kosong ke: [EMAIL PROTECTED] Daftarkan email anda pada Google Account di: https://www.google.com/accounts/NewAccount?hl=id Agar dapat melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---