Kelkaj inter vi proponis, ke en la difino de kripo (1), de la manĝujo do, ni aldonu: = trogo, = staltrogo.
Se vi verŝajne scias, ke en ReVo oni ne simple aldonas. Oni difinu, ĉu vorto estas sinonimo (per la etikedo <ref tip="sin">), hiponimo (per la etikedo <ref tip="prt">) aux hiperonimo (per la etikedo <ref tip="malprt">). Kelkaj sugestas, ke "kripo (1)" kaj "staltrogo" estas sinonimoj. Mi tamen dubas pri tio. Unu el la diferencoj estas, ke trogo povas enhavi fluidaĵojn (aŭ duonfluidan substancon kiel kaĉon), dum kripo ne povas. Kripo ja havas fendojn, tra kiuj la bestoj povas fortiri ekzemple la fojnon. Do laŭ mi kripo estas hiponimo de manĝujo trogo estas hiponimo de manĝujo sed kripo kaj trogo ne estas sinonimoj inter si (same kiel rozo estas hiponimo de floro, tulipo estas hiponimo de floro, sed tulipo kaj rozo ne estas sinonimoj). Atendante la protestojn de Renato, kore salutas ;-) Paŭl -- Paul Peeraerts http://paul_peeraerts.ipernity.com/?lg=eo
