> Kang Iman <firman.raha...@... > kabur wae kitu ? ka luar nagreg .....
Lah nyaeta atuh, sakapeung mah kuring oge sok mikir kitu, ngan mana nagara nu daek narima jeung modalna timana. Lamun urang Cina mah rata-rata gilig paniatanana teh. Lamun henteu keur manehna, anakna nu didorong sina cicing di nagara-nagara maju nu ayeum tengtrem. Kuring loba kawawuhan urang Tionghwa nu barudakna nu geus nincak dewasa teu caricing di Indonesia. Lamun ditanya teh, didieu kurang cenah "masa depan"na.... Tapi aya oge urang asli nu boga prinsip kitu, siga Tionghwa. Pangpangna golongan menengah-keatas. Aya kawawuhan urang Jawa, teu sukses-sukses teuing sih tapi satengah paeh nyakolakeun budakna di Amrik jeung di Inggris make biaya sorangan. Omongna sarua siga Tiong Hwa, didieu masa depanna kurang. Sukses ...teu baralik deui ka Indonesia, naretep diditu. Ngan ayeuna jadi karunya, hulang-huleng sorangan di imah da pamajikanna leuwih sering ngagiridig ka LN, paribasa nempo incu. Mangkaning manehna teh geus kolot. Meus meus nelepon, meus-meus nelepon ka kuring teh, paribasa komputer ngadat atawa ieu aya proyek sanghareupaneun siga nu heueuh, padahal ....hayang kuring ka imahna, maturan ngobrol ...heuheu. Baktos, WALUYA
