--- In Baraya_Sunda@yahoogroups.com, a_dimya...@... wrote: > > Nya kituna mah, aya nu sieun elmu jeung agama bentrok, mangka > dipisahkeun. Aya nu mandang ngarah teu bentrok kudu dihijikeun! >Kuring keur resep jeung hayang ngajajal nu kadua. Keur dilalanyahan, >dirarasakeun. Acan grand launching. Tantanganana bisa jeung wani >henteu nafsirkeun jeung ngalarapkeun katangtuan agama make rujukan >elmu pangaweruh nu keur berkembang? Umumna kalangan agama nganggap >katangtuan agama mah mutlak teu bisa ditawar-tawar. Kumaha nya mun >katangtuan agama nu tertulis dina wahyu ditafsirkeun jeung >dilarapkeun dina kahirupan kalayan mempertimbangkeun elmu pangaweruh? > >
Kang AD, Rada rineh saeutik yeuh. Urang neruskeun hanca deui, hampura rada kabaler baler yeuh! :)) Kuring mah keukeuh peeuteukeuh Kang AD. Agama jeung sains mah dua hal anu BEDA dadasar na. Jadi keur sakuringeun mah dua hal anu TEU bisa dihijikeun. Tapi kuring satuju, mun agama dina raraga jadi OBYEK studi mah KUDU jeung bisa make metodeu ilmiah. Ngan lebah make mah.... agama teu bisa diilmiahkeun. Sabab na? Enya... lantaran agama mah basis na ukur percaya alias iman tea. Kuring TEU bisa nerangkeun kunaon kuring percaya. Lebah sains mah... lain ukur percaya, tapi KUDU aya bukti fisik jeung urutan sabab-akibat tea. Conto anu sok jadi padungdengan mah perkara alam semesta. Ceuk agama mah pan eta teh diciptakeun ku Pangeran... sim salabim. Dina agama naon wae oge ieu dogma teh jadi tanggeuhan. Kreasionismeu pan identik jeung agama. Oge tingali kapanjangan tina kreasionismeu anu disebut intelligent design. Ieu dogma terus adukeun jeung versi sains anu dikokojoan ku teori evolusi tea. Pan ngajelegur geuning. Rek satuju... rek teu satuju...bukti2 yen kabeh anu aya di alam semesta pernah NGALAMAN evolusi kuat pisan. Kuring ge ningali proses evolusi teh sabage hukum alam. Anu jadi masalah dina ieu conto kongkrit tea. Kumaha atuh carana ngagabungkeun dogma agama jeung sains? Asa moal nyambung sigana mah? Kurring boga analogi sejen. Agama bisa dianalogikeun jeung cai, saisn bisa dianalogikeun jeung minyak. Minyak jeung cai diperlukeun manusa. Ngan mangakahade ULAH nyampurkeun minyak jeung cai, sabab duanana boga sifat nu beda. Mun urang hanaang hayang nginum, KADE... tong nginum minyak! Bisi teler he he he. Mun urang rek ngagoreng lauk, nya atuh ULAH make cai. Lain ngagoreng.... tapi jadi NGULUB lauk ana kitu mah! :)) Bebeneran agama..... BEDA pisan jeung bebeneran sains. Tujuan jeung cara nuju kabeneran na ge beda2 pisan. Tapi ieu bebeneran teh bisa disajajarkeun. Tapi ulah dicampuradukkeun.... bisi tijuralit! ;)) Sakeiu heula, tamba heuay we ieu mah lah! Urang obrolkeun deui mun rada salse...:))) baktos, Rahman
