Haturan Kang AD,
Wah... sarua atuh Kang, kuring ge pan dina raraga NYANYAHOANAN ieu teh
he he he. Keun bae lah, urang ngadu rahul nyanyahoanan we lah! Ngarah
rame....
Resep aya batur ngawadul yeuh.... ;)))
<Urang cindekkkeun heula saeutik. Kang AD boga upaya hayang
ngagabungkeun agama jeung sains. Sabalikna, kuring boga sikep anu
misahkeun agama jeung sains dina domain masing2. Ieu kabutuh manusa
kana agama jeung sains ... ngancik INTRINSIK dina manusa.>
Satuju Kang!
<make akal teu make hate? maksudna kumaha Kang AD? Hate teh maksud na
emosi manusa tea kitu? Ceuk kuring mah antara emosi jeung logika jalan
sewang2an Kang. Mun urang keur ngitung matematika misal na, teu kudu
mamawa emosi. Ngitung bari aduglajer ambek2an kitu? he he he he....
Coba ah terangkeun deui Kang, bisi kuring salah ngahartikeunana.>
Memang rada hese nerangkeun soal ieu. Keun urang cobaan wae hese ge, mun salah
mah meureun aya nu menerkeun, boh Kang Rahman atawa nu sejen. Bisa jadi logika
jeung emosi misah tempat ngolahna dina awak manusa, bisa jadi beda proses
fisiologisna, tapi duanana aya dina diri manusa nu sarua, lain? Bisa ngitung
bari ngahaleuang, ceurik bari ngitung-ngitung, ngitung bari ambek-ambekan bari
hoream bari senang jeung sajabana.
<Lebah BEBENERAN ABSOLUT tea, tah... justru ETA pisan anu ngabedakeun
sacara fundamental antara sains jeung agama. Klaim agama BOGA
bebeneran mutlak2an, ari sains mah pan beneberan na ge kaitung
RELATIF. Ganjelan ieu pisan anu ngahalang kuring boga sikep ngawinkeun
agama jeung sains teh. Analogi cai vs minyak kuring ge ngacu kana ieu
perbedaan tea.>
Nu nganggap agama boga bebeneran mutlak teh manusa, oge manusa nu nganggap
bebeneran ilmu kaitung relatif. Nu ngalarang manusa boga pamadegan yen
bebeneran nu kapanggih ku jalan agama teh relatif eta oge manusa pan? Atawa
paling jauh oge nu ngalarang teh Pangeran ceuk anggapan manusa deui wae! Aya
kitu manusa nu bisa nyaruaan elmu Pangeran? Nu bebeneran pamanggihna nyaruaan
BEBENERAN PANGERAN (sabenerna teu cukup sigana simbul HURUF KAPITAL KABEH ge
keur ngagambarkeun BEBENERAN MUNGGUHING PANGERAN mah). Meureun jadi musyrik
jalma nu ngaku kitu teh nya?
<Mistik Kang? Mistik bisa nyambung jeung agama.... tapi gagal mun
disambungkeun jeung sains. Kumaha kudu nerangkeunana nya? Bari teu
nepi ka olab? :)))>
Urang mimitian wae ku ngaguar tulisan kang Jalal nu pernah beredar di Tempo
jeung dialungkeun di milis ieu ku kang Waluya. Ceuk kang Jalal (sigana nyutat
pamanggih para psikolog jeung orientalis) pangalaman mistis teh mangrupakeun
(ah, Sunda lain nya?) akibat tina kerusakan syaraf di otak nu ditimbulkeun ku
kurang sare jeung goreng dahar. Aya oge tulisan ngeunaan G-spot dina otak
manusa, atuh oge pabalatak pedaran ngeunaan kecerdasan spiritual.
Saeutik-saeutik wae nya Kang ngarah teu olab mah.
<Hayu atuh Kang, iraha rek ka NL? Cai atah2 wae mah aya lah! Ngan
sigana mah ulah di usum tiis, teu rame lah di NL mah! Usum semi (naon
Sunda na?) mah genaheun lah!>
Insya Alloh, 9-14 Maret kuring ka Wina, nyarengan Kapolri sebagai Ketua BNN ka
pertemuan ngeunaan narkoba internasional (poho deui judulna). Ngilu teh pedah
wae kuring ilubiung ex officio di BNN ti taun 2005. Rek ngusahakeun meunang
visa Schengen ngarah bisa ka ditu ka dieu (sanajan prakna mah hese da waktuna
samporet, jeung jadwalna padat). Aya pun dulur di Rotterdam, Emma nu kungsi
katempatan basa pertemuan warga US di NL tea.
baktos,
Rahman
PS:
Ngahaja di cc-keun ka urangsu...@yahoogroups.com ngarah dibaca kang Nana jeung
kang Oman. Bilih kang mh bade forward ka kisunda oge mangga. Atuh upami abdi
digabungkeun ka kisunda oge hatur nuhun, bade ditumutkeun.
Get your preferred Email name!
Now you can @ymail.com and @rocketmail.com.
http://mail.promotions.yahoo.com/newdomains/aa/
[Non-text portions of this message have been removed]
