Nyambung deui obrolan kamari ah Kang AD. Itung2 hiburan we lah nya Kang? :)) <<Punten Kang Rahman, kuring geus lila (pisan) tacan kaburu ngarespon postingan kang R dina jejer ieu. Geus sababaraha minggu ider-ideran nuturkeun "boss" ka daerah. Aya eta ge akses internet mah, ngan waktu jang nulisna nu teu aya.>>
Ngitung bari ambek2an mah .... bisa2 kerok atuh Kang he he he. Tapi lebah dinya mah kuring satuju. Ngan anu rada ngaganjel teh... kumaha ngagabungkeun sistem theistik jeung nu atheistik? Setengah theis? ;)) <<Meureun keur kang R mah, sains mah pasti atheistik kitu? Keur kuring mah ari soal theis jeung atheisna sains (atawa leuwih pasna mah scientistna) mah tergantung ka hidayah Alloh. Seratan GM tentang Darwin dina Tempo nu kungsi dipostkeun ku kang Waluya ngebrehkeun yen Darwin teu pernah atheis.>> Sains mah sacara umum TEU aya hubungan jeung urusan perpangeranan. Hipotesis dina hiji teori sains mah kudu dibuktikeun ku panca indra: diukur, ditimbang dites jeung make alat eksperimen sejen na. Tah... nerapkeun metodeu sains kana agama, kudu dikumahakeun? Kuring mah masih keneh can kaharti. << Leres sains teu mempelajari perpangeranan, nu nyangkut Dzat Pangeran, tapi leuwih mempelajari makhluk ciptaanana, karakteristikna.>> Contona mah kieu meureun. Kumaha urang NGABUKTIKEUN (make salah sahiji prasyarat metodeu sains) ayana Pangeran? <<Tangtu moal bisa ngabuktikeun ayana Pangeran make alay deyektor energi atawa materi mah, da Pangeran mah lain materi atawa energi nu sarua jeung makhluk nu bisa dideteksi ku alat-alat tea>> Keur sakuringeun mah urusan Pangeran TEU perlu dibuktikeun. ... pan ngaran na ge PERCAYA alias iman tea. Iman kuring ka Pangeran anu dingaranan Allah ge.... ah, eta mah sakadar kabeneran kulantaran kuring digedekeun diu kulawarga Muslim. Mun kuring lahir di Jepun moal salah iman kuring dina sistem Shinto atawa Budha? <<Tapi teu sakabeh jalma siga kang R kan? Nabi Ibrahim percaya kana ayana Pangeran, bahkan bisa berkomunikasi jeung Pangeran, sanggeus melalui pentahapan mikir, mengamati, mikir, nyoba, jeung sajabana>> Hanjakal lain sakadar ukur anggepan manusa Kang. Coba perhatikeun ayat2 anu dianggap suci tea. Teu dina Kitab suci urang... teu dina kitab suci nu sejen na, loba pisan teks anu nyebutkeun diri na jadi jalan PANGBENERNA. Nu sejen mah sok disebut jalan MABAL. Mumutlakan siga kieu aya jeung hadir intrinsik di tiap agama mana bae oge. Mun tea mah enya, Pangeran teh ( nu mana bae oge!)teu nganggap maneh pangbenerna, naha atuh bet nurunkeun ayat2 anu ngarasa pangbenerna? Pan lieur ngabandunganana ge. Antuk na.... manusa kalah jadi parasea alatan NGARASA pangbenerna. << Sakabeh ayat ge muncul maknana nu kaharti ku urang sanggeus ditafsirkeun ku urang. Kalah kumaha oge makna ayat teh kacampuran ku persepsi nu macana. Aya nu nganggap naon wae nu aya dina Al Quran teu boga makna sejen sajaba nu kauni dina ayatna. Ceuk sebagian ulama, Al Quran nu hakiki ngan aya dina elmuna Pangeran, Al Quran nu dibaca ku urang mah kudu dimaknaan dina konteks persepsi Rosululloh SAW dina lingkungan budaya Arab jaman harita.>> Pangeran nu lieur .... atawa urang nu lieur ieu teh? he he he... Enya cenah Kang, pangalaman mistis teh aya hubunganana jeung fisik oge. Utamana mah jeung susunan syaraf manusa. Ceuk panalungtikan mah, Orakel Delphi di Yunani kuno ge lain urusan mistik, tapi geuning cenah kappangaruhan ubar teler! :))) << Balik deui kana seratan kang Jalal, manehna jeung umumna orientalis jeung modernis ningali mistik teh, ngan dina efek fisik jeung psikis tina latihan mistik. Kurangna sare jeung barangdahar dihubungkeun kana kerusakan syaraf otak. Umumna teu ningali kana kemungkinan perbedaan pengaruh keur jalma nu beda dina kapasitas genetikna. Meditasi, wiridan berulang jeung solat tahajud keur sebagian jalma matak ngaruksak syaraf otak, tapi keur sabagian jalma sejen matak ngadatngkeun kalinuwihan nu kaluar tina wewengkon manusa biasa. Mun dianggap panalungtikan naskah wahyu minangka studi literatur, diteruskeun kana musyawarah, debat jeung diskusi, ditungtungan ku proses latihan mistik minangka eksperimantasina, maka keseluruhan proses beragama teh bisa disaruakeun jeung proses ilmiah. Kitu oge lamun dihartikeun mistik teh pendekatan ngawujudkeun kayakinan ayana Pangeran ku jalan usaha komunikasi langsung jeung Mantena ku cara nu pernah dipilampah ku para Nabi/Rosul. Puncak hasil latihan teh dina kasus Rosululloh SAW mah turunna wahyu ti mimiti nepi akhir, jeung peristiwa Isro Mi'roj nalika anjeuna tiasa "tepang" sareng Pangeran. Kuduna mah urang ge tepang jeung Mantena dina sholat urang, ngan lolobana urang - kaasup kuring - sholat teh loba malaweungna, jadi bororaah mi'roj nya? Loba buku nu medar ngeunaan ieu, di antarana tulisan Agus Mustofa oge Abu Sangkan. Keur awal pemahaman "mistik" secara ilmiah mah meureun leuwih ti cukup.>> Sempetkeun ka NL atuh Kang! Ti Rotterdam ka tempat kuring mah ukur 45 menit. Ke ku kuring dijapri nomer telepon kuring. Ngan sigana mah saung kuring can rengse, masih paburantak! << Insya Alloh Kang. Ngan ari ka NL mah pan tos tilu kali, sanajan teu kungsi tepang jeung kang R. Mun pareng mah hayang oge ningali Eropa sejenna. Jeung eta deuih,.................. sieun diajak babantu ngecet! >> baktos, Rahman Sembah baktos oge kang, AD New Email names for you! Get the Email name you've always wanted on the new @ymail and @rocketmail. Hurry before someone else does! http://mail.promotions.yahoo.com/newdomains/aa/ [Non-text portions of this message have been removed]