2010/6/8 Wolfram Diestel <[email protected]>: > Nu, en Revo vi trovos multajn ekzemplojn: > > libera je katenoj; mi estas libera de mia pekoZ; esti libera de > maltrankvilecoZ, de zorgoj, pasioj; libera de ŝuldoj, de ĉiu devo, de sia > promeso;
Jes ja, mi tre bone scias tion (en dubaj okazoj mi ĉiam konsultas unue ReVon). Sed en mia okazo temas pri uzo de _substantivo_ "libero", kaj en tiu okazo kaj "de", kaj "je" iĝas dusencaj. Esprimon "libero de perforto" oni povas interpreti 1) kiel "libero perforti", "libero por perforto" (analogie al "libero de parolo", "libero de vojaĝado" ktp) aŭ 2) kiel "libero ne esti perfortata" (tio, kion adjektive esprimas vortoj "liberA de perforto"). Kiel vi vidas, tiu esprimo povas esti interpretita en du, tute _kontraŭaj_, _malaj_ sencoj. Ofte la afero klaras el kunteksto, sen ne en mia okazo. Mi tradukas filozofian artikolon (se tio iun interesas, tio estas "Al la demando pri rolo de persono en historio" de Georgo Pleĥanov), kiu traktas interalie _kategoriojn_ de libero kaj neceso; kaj tial mi devas uzi nemiskompreneblajn esprimojn. > Lau la kunteksto oni povas uzi ankau aliajn esprimojn kiel: > > sendependa de la gepatroj; ne havanta malsaton; ne ŝarĝita de zorgoj; sen la > balasto de ŝuldoj; feliĉo de senzorga vivo... Mi ripetu, ke, unue, ĉe mi temas pri substantiva, ne adjektiva esprimo; due, la teksto mem ne permesas uzi aliajn figurajn esprimojn, ĉar ĝi estas scienca. Feliĉe, prepozicio "disde" solvas la problemon, kvankam el vidpunkto de gramatiko ĝi ŝajnas al mi iom dubinda en tiu ĉi pozicio. Krome, mi ne sukcesis trovi eĉ unu ekzemplon de tia uzo en Interreto. Sed alia solvo, ŝajne, ne ekzistas, do mi uzos ĝin. Por ke tiu ĉi fadeno ne estu nur pridiskuto de miaj personaj tradukproblemoj, mi diru, ke estas dezirinde, ke iu redaktanto aldonu tian ekzemplon aŭ en la artikolo "libero" aŭ en la artikolo "de" (subartikolo "disde"). Aŭ almenaŭ faru avertan noton pri plursenceco de esprimo "libero de". -- Yury Finkel, http://yury-finkel.livejournal.com/ *** A. Grin "La mondo brilanta": http://www.esperanto.mv.ru/Grin/mondo.html *** Verkaro de A. Grin: http://www.esperanto.mv.ru/Grin/index.html *** Verkaro de I. Efremov: http://www.esperanto.mv.ru/Efremov/index.html
