Hehehe.......Punten kang Panzi sim kuring mah sanes ahli sajarah. Kuring waktu G30S/PKI kakara kelas opat SD, jadi teu acan terang naon-naon. Ngan ceuk pun bapa we aya jenderal cenah diculik ....saterusna mah lembur kuring "adem-ayem" we saperti teu aya nanaon. Ngan kurang ti sataun ti harita, ka lembur kuring, nu kaliwatan jalan Bandung - Cirebon, sering seueur truk ngangkut panumpang nu ayeuh-ayeuhan, ganyang PKI, ganyang PKI!. Ceuk urang lembur teh eta nu jelema anu sakitu reana teh rek nyerebu imahna Mang S tokoh PKI di Desa Cibeureum, desa tatangga. Di desa kuring mang euwueh PKI, aya oge Aki Cece, nu sok ngaku komunis teh, pedah eta cenah keur ngora ngilu "barontak" ka walanda ( taun 1928 aya pamogokan pagawe Kareta api di Bandung nu disponsoran ku PKI), nepi ka dibuang ka Digul. Urang lembur teh sanajan nu ditanya aya PKI euweuh di lembur ieu? teu daraek narunjuk ka Aki Cece, karunya da geus rada pikun deuih.......
Tapi lembur mah "adem-ayem" wae, ngan ukur aya dongeng cenah ulah dahar lauk asin, da laut pinuh ku mayit nu jadi kahakanan lauk. Ngan nu rada beda teh, nu sok mupu jeung ngala gedang di kebon Nini, Mang Adma, geus sabulan teu katingali. Biasana dua minggu sakali Mang Adma teh sok mupu Gedang terus dipeser ka pun Nini diiangkeun ka Kadipaten. Hiji waktu kuring keur ulin ngala papatong keur si Pacar manuk cangkurileung kameumeut, ningali mang Adma keur jeung pun Nini, ngetang gedang nu rek dipeser ku Mang Adma. Kuring ningali leungeun mang Adma lilinieun pas ngitung gedang teh. Ari sugan teh lilinieun na teh sakeudeung, ari manahoreng teh saterusna. Kuring kacida anehna kunaon leungeun Mang Adma tepi ka lilinieun kitu da tadina mah teu kitu. Sabalikna Mang Adma, kuring naros ku pun Nini, " Nini Kunaon ari panangan mang Adma lilinieun kitu?" "Budak teh loba tatanya, soak eta teh!", ceuk pun Nini teh "Soak ku naon Nini?" "Soak basa imah Mang S diserebu, pan Imah Mang Adma teh gigireun Mang S nu PKI tea" "Mang Adma pan sanes PKI nini?" "Nya meureun bakting ku sieun we, hayoh kadituh ngala papatong deui!", ceuk pun Nini teh, pedah kuring tatanya wae. Tah eta Kang Panzi, nu diemut dugi ka ayeuna ku kuring mah, Leungeun Mang Adma, tukang gedang jadi lilinieun! Salam, WALUYA --- In [EMAIL PROTECTED], "BâsmÄñï" <[EMAIL PROTECTED]> wrote: > abah willy.... > abdi mah palay terang sajarahna PKI, > naha kapungkur di tatar sunda aya pemberontakan PKI teu..?? > kumaha situasina basa zaman harita..?? > > saurna PKI mah mung korban "perang dingin" Angkatan Darat zaman harita, > oge saurna aya campur tangan ti pihak intelejen asing, > mangga bah willy diguar sejarahna... > > Panzi > *Nembe emut pami kamari teh tgl 30 september... > ----- Original Message ----- > From: waluya56 > To: [EMAIL PROTECTED] > Sent: Friday, October 01, 2004 9:18 AM > Subject: [Urang Sunda] Re: Aya naon jeung Urang Sunda ? > > > Ngenes oge maca dongeng Neng Ani. Tapi Neng Ani tong leutik manah, > Indonesia teh merdeka salah sahijina ku pangorbanan wanoja Sunda, > nyaeta Ibu Inggit Garnasih. Melaan sang caroge nu dibuang kamana- > mana,apruk-aprukan sangsara. Na ari geus rek hasil, anjeunna > dipirak sasatna dipiceun. Nu bela ka Presiden kahiji teh hirup ngan > ukur ngajualan wedak, anjeunna teu menta tanda jasa jeung henteu > dendam. Moal aya "Sukarno" anu hebat upama teu aya Ibu Inggit! > > Basa anjeunna pupus, Neng An, urang Bandung sanajan henteu aya nu > miwarang, masang bandera satengah tiang sapanjang jalan nu kaliwatan > ku layonna, kulantaran terang jasa-jasa anjeunna ka Republik ieu. > > Tah Neng Ani, upami aya nu ngahina ka wanoja Sunda, carioskeun > riwayat Ibu Inggit, atawa sina maca buku "Kuantar ke Pintu Gerbang" > karangan Ramadhan KH. > > Salam, > WALUYA ------------------------ Yahoo! Groups Sponsor --------------------~--> $9.95 domain names from Yahoo!. Register anything. http://us.click.yahoo.com/J8kdrA/y20IAA/yQLSAA/0EHolB/TM --------------------------------------------------------------------~-> Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/