Kang Surtiwa, Sakaterang abdi di bank syariah teu aya layanan pikeun nambutkeun artos.
Anu aya di bank syariah mah: - investasi bagi hasil (mudharabah) - jual-beuli kredit, pembiayaan (murabahah) - sewa/leasing (ijarah) - titipan (wadiah) Kasus 'kiridit' bumi anu disanggakeun ku kang Rahman, kalebetna kana murabahah, nyaeta: Urang nyarios ka bank yen urang hoyong bumi nu eta, SAUR developer hargana P, tapi teu tiasa kontan. Terus bank ngagaleuh bumi eta ka developer. hargana bisa P, bisa Q, tapi nu jelas mah bank teras nawiskeun ka urang hargana R anu dibayarna dicicil dina jangka waktu anu geus ditangtukeun. Saupama cicilanana lancar, teu masalah. Saupama teu lancar, urang nu kudu ngical bumi eta teras mayar sesa hutangna ku artos hasil ngical bumi eta. Janten antara urang jeung bank teh mangrupa akad jual beuli sacara nyicil, sanes akad nambut artos anu dibungaan. Kauntungan pikeun bank nyaeta tina selisih harga beuli ka developer jeung harga ngajual ka urang. Leres, model ieu dianggo ku tukang kiridit ti Tasik :-). Sakali deui, ieu mah sanes nambut artos, tapi jual beuli. Kasus anu disanggakeun ku kang Surtiwa mah nambut artos. Tapi da bank syariah mah teu nambutkeun artos. Pami hoyong modal usaha, nu diperyogikeun teh proposal usaha, sarta kamungkinan balitungan untung-rugina. Bank nu jadi investorna. Untungna engke dibagi gumantung persentase bagi hasil nu geus ditangtukeun dina kontrak. Lamun rugi, bank rugi modal, urang rugi tanaga. Lamun teu jujur, nya hukum pidana anu nyarios. Teras pami aya praktek bank anu kinten-kinten teu sasuai sareng syariah, kantun laporkeun wae ka dewan pengawas bank syariah. Tangtu idin bankna bakal dicabut. Salam, Dian. On 31/01/2008, H Surtiwa <[EMAIL PROTECTED]> wrote: > > Mun abdi nambut artos Rp 5 Milyard ka bank Syariah, ngabejakeun gaduh > bumi > saharga Rp 7 Milyard, certifikat di cepeng sorangan. jangji diats segel > lamun teu tiasa mayar eta bumi anu pasaran harga Rp 7 milyard, kedah > diical > kuabdi kanggo mayar bank Syariah . leres kitu ? > > Lamun leres, eta Bank Syaqriah teh bener2 "t full uncontrollable > risk"....hartosna nasabah teh kedah jalujur...Tiasa henteu didunya ieu > jelema jujur kabeh....Bank Syariah tiasa janten obyek pangbobolan.... > [Non-text portions of this message have been removed]
