[R@ntau-Net] Re: Sia nan paling berkepentingan jo ABSSBK

[Dr.Saafroedin BAHAR]

Wassalamualaikum w.w. Bundo jo Sanak Tasril Moeis, Tarimo kasih ateh tanggapan Bundo manganai soal ABS SBK ko. Sapanjang minat ambo sacaro pribadi memang hanyo tabateh pado kainginan supayo tatanan masyarakat Minang tu sacaro formal mangakomodasi ajaran Islam dan hukum nasional tentang keluarga nan tadiri dari ayah, ibu dan anak-anaknyo. Soal suku jo harato pusako ambo samo sakali indak bakabaratan dan indak baminat. Kok dek ambo, Islam sajo alah labiah dari cukuik, dunia dan akhirat. Tapi kan kito haruih mangharagoi adat Minang nan di Sumatera Barat alah ado labiah dahulu. Nan jadi masalah memang baa manyatukan kaduonyo [mungkin iko nan dinamokan urang sabagai 'akulturasi']. Tantang pertanyaan Sanak Tasril Moeis ko sangat menarik, dan memang rancak kito cermati. Kadang-kadang memang timbua pertanyaan dalam hati ambo: kok iyo bana ABS SBK itu 'jati diri Minangkabau" baa mako dipabiakan sajo salamo tu indak jaleh baa rumusan dan limbagonyo ? Sairiang jo pertanyaan Sanak Tasril Moies ko, itu paliang indak ado ampek pertanyaan lanjutan  nan sairiang, yaitu: 1)    baa mako indak basalero urang marumuskan ABS SBK ko ?  2) sia pulo nan paliang anti dirumuskannyo sacaro janiah masalah ABS SBK ko ?  3) kok indak kito rumuskan ABS SBK ko apo eloknyo dan apo pulo ruginyo ? 4) Apo manfaatnyo kalau ABS SBK ko kito janiahkan ? Wassalam, Saafroedin Bahar --- On Wed, 2/6/08, Hayatun Nismah Rumzy <[EMAIL PROTECTED]> wrote: From: Hayatun Nismah Rumzy <[EMAIL PROTECTED]> Subject: [EMAIL PROTECTED] Re: Sia nan paling berkepentingan jo ABSSBK To: RantauNet@googlegroups.com Date: Wednesday, February 6, 2008, 9:58 AM Assalamu Alaikum W. W. Pak Saaf, nanda Tasril Muis nan bundo hormati, Wak bukak kulik tampak isi apo2 bana nan salamoko nan bertentangan antara adat dan agama? Mungkin harus awak pilah ciek2. Salamoko manuruik ambo kami lai baradaik dan lai pulo baragamo, jadi indak ado adaik kami nan manyalahi agamo doh. Batua juo kato pak Saaf awak punyo urang2 nan pintar ambo indak kamanyabuikkan satu persatu takuik tingga beko. Baitu juo banyak rang mudo nanda Dewis nan mangelola Cimbuak tu banyak bahannyo. Awak sarahkan ka nan punyo sawah masiang2. Kecek rang Minang sarupo maelo rambuik dalam tapuang tapuang indak taserak dan rambuik indak putuih. Jadi indak ado nan dirugikan dan kito manduduakkan sesuatu pado tampeknyo. Kalau kiniko indak ado bapak nan indak batangguang jawab ka anaknyo tapi labiah ka kamanakannyo. Kalau dari pak Saaf nampak dek ambo silsilah nan hilang mari kito usahokan dari iko kateh mamakai namo bin atau binti dibalakang namo urang gaek awak. Salam dari jauah Bundo Nismah Tasril Moeis <[EMAIL PROTECTED]> wrote: Assalamu'alaikum Wr. Wb. Pak Datuak Endang, Pak Saaf dan dunsanak sapalanta, Mengikuti diskusi tantang ABSSBK nan indak bisa salasai2 dan kadang2 sangat panas, timbua pertanyaan: sia nan paling berkepentingan jo penerapan ABSSBK ko. Apo kaum adat, kaum ulama atau rakyat badarai. Dan kalau sampai indak ado kasapakatan apo kiro2 nan katajadi. Salah satu kemungkinan jo kasadaran ba agamo makin tinggi di masyarakat apo ndak mungkin adaik ko makin di jauahi. Wassalam Tan Ameh (49+3+13)   Be a better friend, newshound, and know-it-all with Yahoo! Mobile. Try it now.

---

Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK DIPERHATIKAN:
- Mematuhi Peraturan Palanta RantauNet, lihat di http://groups.google.com/group/RantauNet/web/peraturan-rantaunet
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan menyampaikan komitmen akan mematuhi Peraturan yang berlaku.
- Email attachment, DILARANG! Tawarkan kepada yang berminat dan kirim melalui jalur pribadi.
===============================================================
Berhenti, kirim email kosong ke:
[EMAIL PROTECTED]

Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
-~----------~----~----~----~------~----~------~--~---