Karano pertanyaannyo banomor. Ambo jawab langsuang dibawahnyo Tapi iko bukan jawaban seorang pakar/analis politik yang ilmiah dan sistimatis yo
Hanyo bersumber dari bacaan dan diskusi jo pelaku sejarah 1 Ketidak adilan pusat Itu akibat politik sentralisasi Semua penghasilan diopor ka pusat sadonyo Beko awak mintak sidakah ka mereka Akibatnyo pembangunan labiah banyak di Jawa dari pado dilua Jawa Sabananyo ado samacam rapek antaro daerah jo pusat untuak mancari solusi itu (MUNAS) Sasudah itu ado juo Musyawarah Nasional Pembangunan Tapi rapek itu gagal Ado juo issue politisi nan mamimpin PRRI merupakan yang gagal di pusat. Ado karano Masyumi jo Sosialis terdesak dek PKI dalam mempengaruhi Sukarno ado pulo nan diduga Korupsi Dari pado mereka marasai di Pusat mereka bagabuang jo Ahmad Hussein Karano level jo kapasitasnyo. Apolai dari segi ideologi banyak nan sabaun jo awak. Mereka jadi pimpinan PRRI Walau PRRI cuma sabanta bakuaso mulonyo lumayan hasia daerah nan dapek untuak pembangunan itu. Misalnyo Fakultas Kedokteran di Ampuah Baso jo PTPG di Batusangka Klo makNgah kuliah di Kiktenggi Nan lain jembatan penyeberangan di Rantau Berangin Riau Sayang bangunan nan cukup monumental utk maso itu habih dibaka Kapatangko sasudah ado otonomi. Daerah nan maraso kayo ado pulo sabanta mambulek an tinju dalam kain saruang. Mintak otonomi khusus. Tapi cuma sagitu nyalinyo. Hanyo NAD jo Papua nan lai agak barisi puronyo gadang dapek pambagian. Nan lain masih manunggu kasihan ombak juo Peran Amerika Sasudah manang PD II dan mulai ongeh. Amerika takuliciak di Korea Dari pado sasak angoknyo maimbangi Cino jo Rusia nan mulai mempengaruhi Indonesia via PKI. Mulai lah awak dikocoknyo Sabalun PRRI ado beberapa percobaan pembunuhan Sukarno nan diduga didalangi CIA. Diantaronyo peristiwa Cikini jo Alan Pope. Pilot asing nan membom Sukarno Nan Sutan Rajo Angek ko tatap lapas. Walau balapih sarangan ka inyo Tabukti sabalun peristiwa G30S/PKI memang Amerika itu taunjua di Indonesia. Cino jo Rusia nan bapangaruah Apo lai ado poros Jkt-Pnom. Phen-Peking Tapi Amerika masih mendekati lawan komunis diantaranya beberapa jenderal anti komunis Itulah nantinyo nan manumpas PKI Sacaro ekonomi Indonesia memang sumber penghasilan Amerika. Selain minyak bumi. Tambang Tembaga nan labiah banyak mangaluakan ameh. Sangat diharapkan mereka Kalau Tentara Pusat sasudah ambo cubo menklasifikasi mereka Tampaknyo lai disatujui rang Palanta Memang Diponegoro jo Batalyon B nan ganas Antah sangajo atau kebetulan pulo mereka ditempatkan dipusat perlawanan. Sahinggo korban nan jatuah jadi banya Selain beda budaya, mereka juo akhirnyo banyak talibat PKI Sent from my BlackBerry® powered by Sinyal Kuat INDOSAT -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
