Je 9/25/08, jvachey2008:

[...]

> mi konsentas.  por bona priskribo de la lingva situacio mi
> rekomendus prezenton per du sencoj kun la unua senco aktiva kaj la
> dua senco pasiva kun la proponata rimarko, do proksimume:

>  veka
>  1. kiu vekas, sendormigas, vigligas: [ekzemploj]
>  2. vekita, ne dormanta: [ekzemploj]
>    rimarko: cxi tiu pasiva senco estas laux kelkaj evitinda, cxar
>  "veki" signifas sendormigi, ne sendormigxi.

Via priskribo de la diferenco ne estas trafa.  La diferenco ne
konsistas en kontrastigo "aktiva//pasiva", sed en la kontrastigo
"statŝanĝa//stata".

"Veka" rilatas al "maldorma" kiel "naska" rilatas al "viva".  Por mi
la konfuzo inter la du unuaj estas ne pli ebla ol la konfuzo inter la
du lastaj.

1. "La patrino naskis lin; li estas naskita" (ĉu do "li estas naska"?)
2. "La patrino vekis lin; li estas vekita" (ĉu do "li estas veka"?)

Simetrie pri "morta" (rilata al statŝanĝo, "mortel(le)") kaj
"malviva" (koncernanta la staton, "mort(e)").  "Morta" povas esti kaj
aktiva kaj pasiva -- sed nepre rilata al statŝanĝo; "malviva" estas
pura adjektivo, kiu neniel implicas statŝanĝon (ekz-e "la malviva
naturo").

--
Sergio



      

Rispondere a