Je 9/26/08, jvachey2008:

[...]

> jes, "korekta" klare venas el pluraj okcidenteuxropaj lingvoj kun
> sia formo kaj kun sia duopa signifo.

Ankaux la orienteuxropaj lingvoj pruntis ambaux vortojn; sed probable
ne la aziaj lingvoj.

> mi plu atendas demonstron, ke tio estas iel malbona en la funkciado
> de la lingvo.

La malbonajxo konsistas en tio, ke tia duobla prunto korodas la
derivadan sistemon de Esperanto.

Anglalingve ni havas "to correct an error" kaj "the correct answer";
tio funkcias en la angla.  Poste oni SENDEPENDE KAJ DISE pruntas
"correct" en ambaux signifoj; fakte oni pruntas DU VORTOJN kiuj havas
unu saman formon; tiel ke "korekti" kaj "korekta" estas homonimoj,
posedantaj malsamajn radikojn.

Simile, Z pruntas latinan radikon MORT por la verbo "morti"; kaj
sendepende, latinidlingvaj komencantoj kiuj scias, ke Esperanto estas
la franca lingvo kun la finajxoj -o, -a, -i adaptas sian adjektivon
_mort_ (malviva: nature morte, les feuilles mortes etc) donante al gxi
la formon "morta" (kio, laux la normala sistemo de Esperanto, ja
signifas "mortel").

Poste venas gramatikisto kiu ne konscias cxi tiun homonimecon, kaj
komencas diri stultajxojn pri "la mirinda elasteco de la esperanta
vortofarado" -- kio ebligas prezenti ajnan malkoherajxon kiel pruvon
de tia "elasteco".

La problemo tamen konsistas en tio, ke tiu "mirinda elasteco" ial
funkcias nur en la okazoj, kiam la nacilingvoj prezentas konfuzon: se
"morta" povas signifi "malviva", kial simetrie "naska" ne signifas
"viva"?

Fakte, tia procedo postulas, ke oni duobligu la vortofaran sistemon de
Esperanto: krom la normalan sistemon uzatan por la 99% da vortoj oni
kontrabandas ian anglecan sistemon por la restanta 1% (kaj lauxdas
gxin kiel "mirinde elastan"); tamen la problemo restas, ke por
kompreni, kiu sistemo validu por tiu aux alia vorto, necesas esti en
la kadro de la ekstera sistemo de la euxropaj lingvoj.  Do, la aplikon
de tiaj kromreguloj regas eksteresperanta, fremda tradicio.

> post la eventuala demonstro mi same konkludos, ke "korekta" havas en
> la reala lingvo duopan sencon kaj ke iuj malrekomendas la duan
> sencon, kiel mi proponis ke ni skribu en revo.

Evidente: cxu "korekta signo" estas "correction mark" aux "a correct
sign"?  Cxu "morta malamiko" estas "ennemi mort" aux "mortel ennemi"?
Ktp ktp.

--
Sergio

Rispondere a