On 01.06.10 12:54, mireille corobu wrote: > > La vera problemo estas ke Esperanto ne bezonas ĝin. > > Kial? > Se esperantistoj (inter kiuj mi ne estas) bezonas la vorton, tiam estus > oportune ke Esperanto havus la vorton.
Same kial multaj nacilingvoj ne bezonas ĝin - ĝis nun granda kvanto de parolantoj ne sentis tiun bezonon. Tamen, se multaj esperantistoj sentas ĝin nun, eble ĝi iĝos parto de la lingvo. Sed mi dubas ke tio okazos, ĉar ĝi havas plurajn signifojn (almenaŭ tri laŭ Renato), kaj ĉiu aparta signifo jam povas esti tute bone esprimita en Esperanto. Esperanto estas sufiĉe matura, ke ni ne plu bezonas elpensi aŭ alprunti novajn vortojn krom en certaj situacioj. Se io nova aperas, tiam ni bezonos novan vorton, kiel okazis ĉe "blogo". Nova koncepto aperis, oni ne povis trovi indan vorton aŭ esprimon el inter la tiama radikaro, do nova radiko eniris. Se iu faka koncepto ne uzata en Esperanto eniras la lingvon, same povas okazi. Sed por la situacioj en kiu "magaraŭ" (aŭ kiel ajn oni alpruntus ĝin) utilus, Esperanto jam trovis solvojn (Renato donis ekzemplojn), ĉar tiaj situacioj ne estas novaj. Do mi pensus ke la plejparto da parolantoj ne sentus bezonon de la vorto. Tamen mi akordas ke, se sufiĉe granda kvanto da parolantoj sentas la bezonon de tiu koncepto, la lingvo akiros iun vorton esprimantan tiun koncepton.
