[budaya_tionghua] Soal Cina... lagi.... hmmm
Koq kalo boeat saja ada baeknya Orang Cina + Tionghoa DI Indonesia pake aja nama "Hoakiauw" (Jang djoega pernah di pake boeat nama Madjalah dan boekoe) dari pada moesti adoe oerat leher atawa oerat di kening kepala haroes melendoeng, djangan2 bisa petjah neh. Karena kita adalah Hoakiauw (Cina + Tionghoa yg ada di Perantoean) Saya pernah djadi "toekang anter2" satoe cina dari Shanghai jang ke djakarta dalem oeroesan mesin Textile taue mereka anggep kita apa... Tida laen dari kita poenja leloehoer di anggap sebage Penghianat Negeri dalem oeroesan politik. mampoes dah! (siapa yg soedi di potong leher sama pengikoet2 Dr Sun pada taon 1911) pengen rasanya saat itoe gw tinggalin itoe 3 manoesia (kalo tida inget toegas kantor) Dan mereka tida mengerti Hokian (kebeneran boekan dari itoe soekoe :)) Moelai sekarang mari kita propagandakan Istilah Hoakiauw yg kini saya lagi jalanin, Dah lama neh nga bikin email Tabe dah Hoedjin Tjamboek berdoeri
[budaya_tionghua] Re: Soal Cina... lagi.... hmmm
Astaga... roepanya ada doea baba yg tanggepin ik poenja cerita, Tjoema kenapa djadi ke oeroesan orang Shanghai (ini hanja tjontoh) oentoek perdjelas djati diri Hoakiauw Di Indonesia. baek kita tinggalken doeloe itoe orang Shanghai. Kalo kita ada ketoeroenan Hoakiauw, kenapa kita moesti mangkir atawa modifikasikan lagi jang kita ini Hoakiao? Soal.. itoe hoakiao di Singapore. ketjolongan lagi kita, Istilah Baba itoe di poluler di Indonesia jang toelis Oleh almarhoem Kwee Hing Tjiat, di soerat kabarnja "Matahari edisi ke 1 taon 1934" dengen djoedoel "Baba Dewasa" bener kata baba lebih lama dan ada sebelon Ouheer Hing Tjiat toelis, tapi populer hingga taon 70an masih kita temoei boejang2 kita seboet madjikannya Baba (hm enak dan simpel sekali kedengeranja) Oentoek Nyonya atawa Hoedjin dari mana pasalnja Singapore bisa pake itoe seboetan? Tapi biarlah masing2 poenja pendapet, ini tjoema pendapet saja sadja yg beroesaha Populerkan Istilah Hoakiau di Indonesia minimal djangan sampe terkoeboer. Nb: Hoakiau dan segala baba2 Tida perloe bisa lantjar berbahasa Cina dan paham betoel tradisi2 jang ada di sana tapi telah tjiptakan sendiri, (oempama tatjie2 di Malang saking kepinginnja makan steak belanda, tapi resia tida diberikan, dengan ia poenja akal soedah tjiptakan jang ia beri nama Rawon enaknja tida kalah boeng) Hoedjin Tjamboek berdoeri --- In budaya_tionghua@yahoogroups.com, ANDREAS MIHARDJA wrote: > > Saya kira istilah Huakiao hanya dpt dipakai utk first generation atau mereka > yg dilahirkan diChina. Kadang² memang 2nd generation masih dipakai jikalau > masih fasih dlm bahasa dan kebudayaan - tetapi setelahnya tidak dianggap > sebagai huakiao. > Ini Kita juga lihat dgn bangsa jepang yg hanya mengakui first generation - > It-sei dan yg 2nd generation jikalau kelahirannya dicatat di tempat kelahiran > OT mereka. >  > Yg tinggal diIndonesia sering mungkin sudah 3, 4, 5 atau lebih dan menurut > saya adalah 100% indonesian native [bumiputra] Karena itu mereka sudah > menjadi salah satu dari puluhan suku² negara Indonesia. Di Singapora mereka > yg sudah menjadi native menyebut diri mereka Baba dan Nyonya [= å³å³å¨æ¹ > / BÄ-bÄ Niû-liá ] dgn kebudayaan dan tradisi tersendiri. Mereka malah > sangat bangga dgn istilah ini --- silahkan kalian selidiki sendiri diInternet > Baba-culture mereka. Dibawah ada info dari wikipedia.
[budaya_tionghua] Re: Soal Cina... lagi.... hmmm
Buat David Sianseng, Kalo memang kata Hoeajin atawa Hoearen leboh soeroep dan mendekati artinya ik tida keberatan sama sekali... tjoema koq jah rada asing dan djarang kedengeran (maap kalo ik kebanyakan bergaoel sama Ingnidjen2) sementara kata Hoakiauw loemajang akarab di koeping ik Tabe Hoedjin Tjamboek Berdoeri
[budaya_tionghua] Re: Soal Cina... lagi.... hmmm
Sianseng David K, Tida ada kata selaen Kamsia atas jij poenja pendjelasan. Di pikir lebih tertib, sanget bener jij poenja alesan, bahken bertentangan keras dengen Istilah Hoakiauw. Ada baeknja Itoe istilah Hoadjin di propagandakan oentoek meredam pertentangan Istilah Cina dan Tionghoa jang tida pernah beroedjoeng Malah ik rada seneng itoe kata beda2 tipis dengan kata Hoedjin (Nyonya) :) Tabe toean Hoedjin Tjamboek berdoeri --- In budaya_tionghua@yahoogroups.com, "David Kwa" wrote: > > Hoedjin yang terhormat, > > Sebenernya nama Huajin è¯äºº (of Hoa Djin) bukannya barang baru di kupingnya > kaum Baba-Nyonya di ini kapuloan. Itu nama Hoa Djin è¯äºº ternyata ada nama > pedengan (pseudoniem) dari Tuan Phoa Keng Hek æ½æ¯èµ«, putra Paduka Baba > Kapitein der Chineezen Phoa Tjeng Tjoan æ½æ¸ æ³ (1866-1878), siapa terlahir > di Buitenzorg (Bogor) di dalem tahon 1857 dan menutup mata di Batavia di > dalem tahon 1937. Ia ini ada sala satu pendiri (oprichter) dari Tiong Hoa > Hwee Koan Batavia å§åä¸è¯æ館 yang diberdiriken pada tanggal 17 Maart > 1900. Di dalem tahon 1907 ia ada tulis bebrapa artikelen yang menjambung di > dalem surat khabar Perniagaan dengen pake itu pseudoniem. > > Owe punya kiongchiu æ±æ, > DK
[budaya_tionghua] (Ask) Soal Tatji..... dan Tjabolang
Sianseng2 yg Terhormat, Ada yang taoe awal moelanja kata "Tatji" jang biasa digoenaken oleh Hoadjin2 di Djawa Tengah dan Timoer? Kapan moelai di pake ini kata? [:-/] Rasanya enak sekali terdengernja... jang hingga kini masih sering kita dengar, semoga tetep terdengar teroes Apa masih ada satoe pria Hoadjin pake kata "Tjabolang" pada ia poenja istri? [:-/] Semoga ik dapet pentjerahan Tabe Hoedjin Tjamboek berdoeri [:-&]
[budaya_tionghua] Re: (Ask) Soal Tatji..... dan Tjabolang
Yth Sianseng David K Sebelonnja kamsia neh, meski koerang poeas, Kalo soedara katakan berasal dari kata Toeatji (kakak prempoean terbesar) moestinja ada Djietjie, satjie ...dst tapi kenapa di poekoel rata dengen sapaan "Tatji"..?, beda dengan saja poenja mama (hanja beberapa sepoepoe saja jang sama mama saja dengan Kata "Djiem" jang kebetoelan papa anak ke doea) Djadi inget Kwee Thiam Tjing bertjerita soal Hoop Haap di Bandoeng (1935an) di mana ia dapet djabatan "Djiko" (djelas di atasnja ada TwaKo dan di bawahnja SahKo, Siko) Memang hokian2 di Djawa doeloe poenja banjak sekali seboetan boeat njapa2 familie sesoeai deradjat dlaem itoe keloeraga, seperti jang pernah saja batja di weekblad Sin Po, tapi kini satoe persatoe loentoer, toeman jang tenar sadja jang bertahan, seperti Tatji, entjim, engkin, engkoh entah setaoe apa lagi. Oentoek Tjabolang, konon katanja Hokian Medan masih pake itoe seboetan. Tabe Hoedjin Tjamboek berdoeri > Hoedjin yang terhormat, > > Jikalu owe tida sala tebak, itu panggilan âTaciâ mustinya ada beratsal dari perkatahan Hokkian "Tuaci 大å§â, yang artinya ângci yang paling besarâ; panggilan mana sampe sekarang masi terpake di kalangan Baba-Nyonya di bilangan Jawa Tengah dan Jawa Wetan. Cumah tida terang kapan ini kabiasahan mulai timbul. Di luar negri, kita nanti katemuken itu panggilan kapan kita nonton DVD kaluaran Singapore 2008-2009 yang ceritaken prihal kahidupan sahari-hari dalem kalangan Baba-Nyonya di Singapore en Malacca pada jeman dulu dan sekarang berjudul âThe Little Nyonyaâ, di dalem DVD mana ada tokoh yang disebut Tua Ji (Tuaci 大å§) dan juga Tua Koh (Tuakou 大å§`, âswami punya ngci yang paling besarâ atawa âorang tua lelaki punya ngci yang paling besarâ). > > Owe memang perna denger ada itu kabiasahan yang orang lelaki Tionghoa jeman dulu suka sebut iapunya istri dengan perkatahan âCaboulang æ¥æ人â (artinya âorang prampuwanâ atawa âistriâ) di blakangnya yang bersangkutan, bukan dengen berdepan. Di depannya, rasanya satu swami nanti panggil iapunya istri dengan satu sebutan laen, upamanya dengen iapunya nama kecil. > > Kiongchiu æ±æ, > DK > > --- In budaya_tionghua@yahoogroups.com, "hoedjin_tjamboek_berdoeri" hoedjin_tjamboek_berdoeri@ wrote: > > Sianseng2 yg Terhormat, > > Ada yang taoe awal moelanja kata "Tatji" jang biasa digoenaken oleh Hoadjin2 di Djawa Tengah dan Timoer? Kapan moelai di pake ini kata? [:-/] > Rasanya enak sekali terdengernja... jang hingga kini masih sering kita dengar, semoga tetep terdengar teroes > > Apa masih ada satoe pria Hoadjin pake kata "Tjabolang" pada ia poenja istri? [:-/] > > Semoga ik dapet pentjerahan > > Tabe > Hoedjin Tjamboek berdoeri [:-&] >
[budaya_tionghua] Toeloeng kabarin
Apa pembatja ini milis ada jang mengetahoei dimana makam2 mereka dalem artian tempat (boekan kota) Toean Liem Koen Hian, Kwee Hing Tjiat, Yap Thiam Hin, Kho Wan Gie, Siauw Giok Tjhan (kalo tida salah ada diluar dari ini negeri jang moengkin selamanja ia tjintai), Kho Ping Ho, Kho wan Soe dan Ang Jan Goan (directure Sin Po) sekiranja pembatja ada jang taoe boleh kasih kabar jang moengkin ini ada faedahnja. Saja tjoema taoe makamnja Auwjong Peng Koen (PK Ojong) ini ada di tanah koesir djakarta selatan. Kamsia dari hoedjin.
[budaya_tionghua] Re: Setelah membaca...........
Hehhee beli njesel dong? saja djoega batja, tapi biarlah lawong orang tjari redjeki koq, tjoema kalo dilengkapi lebih detail ini ide sanget baek (tjontoh bisa liat boekoenja Harry Poeze "Orang Indonesier di negeri Penjajah" ditanggoeng poeas dan sajang dia tida konsen oentoek oeroesan Tionghoa). Tjoema menoeroek ik kenapa orang2 seperti Auw Jong Peng Koen, Kwee Hing Tjiat, Pak Oei Tjoe Tat, Auw Jang Goan, dan tentoenja Sianseng Kwee Thiam Tjing dan Kho Wan Gie MESTI DIRENDENGKEN dengen segala "TOKOH" Edy Tanzil, Soedono Salim (jang kangkangin Asemka 29, 30 Kantor Redaksi Sin Po Djadi BCA sekarang) dan banjaklah. Tapi jang terpenting itoe penjoesoenan djangan telen boelat2 dari beberapa soember mesti banjak soember djadi bisa keliatan mana jang pantes dan tida. satoe lagi. hm mereka tjari gambar asal jang gampang adja hehehe oentoeng ik poenja laki (Kwee Thiam Tjing) potretnja ada jang terbaek, kesian potretnja "nko Koen Hian dan Kho Wan Gie tida pada kondisi jang baek. Tabe ach dari hoedjin --- In budaya_tionghua@yahoogroups.com, Harry Adinegara <[EMAIL PROTECTED]> wrote: > > .buku:..." Tokoh-tokoh etnis Tionghoa di Indonesia"...kesan-ku yang mencuat sementara aku memandang kulit muka buku tebal ini, yang selain terpapar aksara2 Tionghoa, juga bisa dibaca nama pengarangnya, Drs.Sam Setyautama, penyunting: Suma Mihardja dan Kata Pengantar: Harry Tjan Silalahi. Setelah membaca separoh buku tebal ini kesan dan pendapatku
[budaya_tionghua] PUT ON hanja orang biasa sadja.
Put On... Ditjitak oelang wah ide baek dan mesti di doekoeng. tjoema koq saja kita sependapet kalo toean Kho Wan Gie dan Put On nja di lebih-lebihken dimana kebenerannja belon tentoe, Put On ada satoe prototive atawa gambaran orang tionghoa kebanjakan (tida heran banjak disoeka) tida merasa dirinja paling djagoan bahken Pantjawarna pernah teropong tabeatnja dimana di sitoe ada sedikit sifat litjik (Tapi tida bikin ia masoek noraka. Tjontoh jang dilebih=lebihken dimana dikataken KWG (1928) ikoet bantoe lagoe "Indonesia Raya" astatataga... taon 1928 sianseng KWG masih bersekoetoe dengen Kwee Tok Hay (PANORAMA) dan ia jang bikin covernja "Boenga Ros dari Tjikembang" Panorama ada seteroe (maksoednja Kwee Tok Hay saling mendjatoehken dengen Kwee Kek Beng) jang kita KKB ada Hofredakture Sin Po. ini fakta. Siapa Pernah batja Put On sebelon perang dan setelah perang aken terliat djelas (Kenapa tokoh Dotji tida pernah moentjoel lagi?) ditaon 1947 Put On ada doekoeng pembetoekan Pao An Tui!! dan setiap kekedjeman atawa diskriminasi jang diderita orang Tionghoa pasti Put On ikoet bertjerita. KWG dari taon 1934 - 1942 setiap saptoe ada bikin kritik karikatur baek ditoedjoeken pada semoea moesoeh2nja Sin Po (teroetama Djepang) dan saja saloet KWG bisa selamet dari kempetai (sajang aktifitasnja ditaon 1942 - 46) tida pernah ada jang taoe. Pada Tahun 1971 (oesianja 64taon) KWG ada di wawantjarai oleh Tempo tentoe daja ingetnja masih terang saja sanget pertjaja dengen kata2nja. maka kalo sekarang ada jang maoe bikin ia serasa lebih agoeng apa nanti tida aken djadi boemerang sendiri. saja inget kata2nja "Biarlah Put On jang diachir hidoepnja berbaoe Politik, Om tida menyesal" Sambil membetoelken letak katjamatanja. dan di taon 1983 Tempo sekali lagi toelisa: "Bila Put On ditahun 1950an mungkin justru karena ia berjuta orang biasa, yang "TIDA PUNYA NAMA" seperti bapa Kho. Ia tida pernah adjar orang harus begini-begini, biar segala resiko meskipun "SIAL" ia tanggung sendiri. Konon kabarnja beberapa kali Pak Ojong adjak toean Kho di Kompas tapi itoe pernah terdjadi, bahken dari toelisannja Arswendo sewaktoe ia kabarin wafatnja PK Ojong, ia hanja djawab (Kompas 1983) : "Mungkin Omm tida bisa melayat Jakarta sekarang panas sekali" segini doeloe dari Hoedjin, salam hanget
[budaya_tionghua] Re: Si Put On (djangan asal pasang omong)
--- In budaya_tionghua@yahoogroups.com, liang u <[EMAIL PROTECTED]> wrote: > > Maaf, karena kesibukan pribadi, sudah lama saya tak nongol. Hari ini juga sebentar saja yah. > > Contoh Put On yang tidak marah atau sakit hati mau dipukul si enne atan `nne (ibu dalam dialek Hokkian Ciangciu), karena budaya Tionghoa yang sangat menghormati orang tua. Hihihihi... tjoema batja sekilas Put on jah? ia ada satoe anak jang bandel tida ketoeloengan dan ia taoe tabeat 'Ne-nja jang tida segan2.. ini ada boedaja Hoakiuw toelen tokoh Ne ada satoe pembahasan menarik. Toean batja banjak2 doeloe siapa si Put On Hoedjin
[budaya_tionghua] Sama-sama U Hauw (Astaga djadi Rantjoe)
Astaga toean ABS saja boekan toeroenan sapa2 (karena saja tida peladjari lebih dalem). Boekan soal Poedji memoedji tjoema saja maoe kataken ada baeknja kita dapet dari berbage soember dimana mesti ada kesamaan soal jang belon tentoe ada baeknja di pinggirken doeloe. Soal siaseng Liang hm. saja sementara pertjaja apa jang ia bitjaraken soal Hauw, bisa djadi ia ada satoe anak jang oehaoew, hanja soal Tiongkok ia ik rasa banjak taoe, sedeng Put On ada satoe Hoakiuw Toelen (entah berapa tetes darah indramajoe jang mengalir dalem toeboeh Kho Wan Gie. Kho Wan Gie ik belon pernah taoe kalo ia ada bermoesoehan dengen Kwee Kek Beng, tjoema jang ik taoe Kwee Kek Beng kerap berseteroe salah satoenja dengen Kwee tek hoay (PANORAMA) saja tida heran kalo Sin po banjak moesoehnja (lawong koran besar). toean ABS tjoba batja pelan2 posting milis saja jang berdjoedoel Si Put On, ik jakin nanti jij aken paham apa jang ik poenja pendapetan. Salam hanget dari Hoedjin > Soalnya bukan di situ Liang-heng. > Tetapi soal sama-sama u hauw... > > Put On adalah karya yang mengemuka dari Kho Wan Gie. Dan kemarin-kemarin ini di milis ini karya sastra tersebt sempat dipuji-puji banyak orang. Termasuk orang juga jadi memuji-muji Kho Wan Gie, sebagai penciptanya. > > Tetapi dalam sejarah perseteruan sesama Tionghoa Indonesia hampir seratus tahun yang lalu, Kho Wan Gie ini ada bentrok dengan Kwee Kek Beng, yang sesama tokoh jurnalistik tionghoa Indonesia masa lalu. . >
[budaya_tionghua] Berita Reuni
Sekiranja ada sobat2 disini jang pernah mendjadi mahasiswa/i di Fakultas HUKUM UNPAR (UNIKA Parahyangan)Bandung, entah setaoe angkatan berapa, saja atas nama Panitia mengoendang dengen hormat Pada Tanggal 14 November 2008 (djoema'at) di Wisma BNI46 lantai 4 Poekoel 7 malem sampe selesai Ditoenggoe kedatengannja bisa temoe kangen salam hanget Hoedjin Tjamboek Berdoeri
[budaya_tionghua] Re: Kosakata Hokkian
ngomong soal Hokkian memang mengasiken, tjoema Hokian tida meloeloe dari medan, Owe poenja leloehoer dari Hokian jang lama berdiam di tangerang djoega owe soeka sama Hokian Djawa baek jang timoer maoepoen jang tengah, memang bahasa hokian poen lebih moedah diserep sama laen bangsa dimana hitoengan oewang lebih asik pake bahasa hokian dari pada i.. el.. san... se... oe. lebih oke It... Nji... sa... si.. go.. lak... :D:D salam dari hoedjin
[budaya_tionghua] Re: Hoedjin Terpeleset Nih? (Was: Kosakata Hokkian)
Hahaha.. sianseng-sianseng disini banjak bener atoerannja jang ini salah jang itoe salah, hm saja tida apa sianseng dan tatji2 disini mesti toelis setjara tertib... tjoba artiken setjara bener ini kata "ROMUSHA OF TJAPTOEN" rasanja satoe profesorpoen aken goleng2 kepala liat itoe kata. ada jang bilang gado2 betawi dan tjap tjai ada makanan jang paling enak! apa setiap gado mesti pake 4 atawa lima sajoeran apa tjap tjai mesti pake daging jang ini atawa jang itoehm tapi biarlah ik terima ik poenja salah, biar tatji dan sianseng disini jang bener2 pahamin hal2 jang berbaoe tempo doeloe, lawong ik tjoema kelahiran taoen 1974 hihihihihihi --- In budaya_tionghua@yahoogroups.com, "Tantono Subagyo" <[EMAIL PROTECTED]> wrote: > > Jadi itu ada hoedjin nyang boekan hoedjin atawa hoedjinnya kurang pahami itu > adat tempoh dulu. Udahlah cara ngomong biasa saja, bagaimana enaknya, > dibuat-buat malahan syuuusyh dan kliatan salahnya. Salam, Tan Loo Kay >
[budaya_tionghua] Re: OOT: Buku Di Negeri Penjajah & Buku Tokoh-tokoh Etnis Tionghoa di Indonesia
Ohhh.. Ik poenja laki ada ditoelis atawa tida jah?. hm kalo jang djadi soember dari boekoenja Sianseng Tan Hong Boen, hm boleh djadi termoeat. apa lengkap atawa tida jang ini hari "Tjamboek Berdoeri" soedah poenja web hihihihihhihi > * Tokoh-tokoh Etnis Tionghoa di Indonesia > Penulis : Sam Setyautama > Penyunting : Sumamihardja > ISBN : 9799799101259 > Harga : Rp 250.000 disc 15% Rp 212.500 > > > Tokoh-tokoh yang masuk dalam buku ini terutama karena kehidupan atau karyanya pernah dikenal luas oleh masyarakat pada zamannya, baik melalui media massa atau publikasi lainnya. Masuk dalam buku ini, para usahawan, wartawan, pendidik, sarjana, olahragawan, politikus, pendekar, seniman, sampai prajurit. Semua informasi tentang kehidupan dan karya mereka ditulis singkat berdasarkan berbagai sumber data. > > Dengan sedemikian banyaknya tokoh yang masuk dan cakupan rentang waktu hampir lima abad lamanya, buku ini termasuk buku pertama dan paling lengkap tentang tokoh-tokoh etnis Tionghoa di Indonesia yang pernah ditulis dalam bahasa Indonesia. Buku ini pada dasarnya disusun untuk memberi gambaran yang jernih perihal sepak-terjang tokoh-tokoh etnis Tionghoa kepada generasi muda Indonesia. > > Namun menilik kelengkapan data yang ditulis, informasi dalam buku ini juga dapat dipakai sebagai sarana menjalin kemitraan, menghubungkan tali persaudaraan yang sempat terlupakan, menulis artikel, bahkan tulisan ilmiah sekali pun. > > Data tokoh yang masuk dalam buku ini dihimpun dari berbagai sumber, termasuk buku klasik Tan Hong Boen berjudul Orang-orang Tionghoa yang Terkemoeka di Djawa (1935) sampai Prominent Indonesian Chinese (1960) karya Leo Suryadinata; dari Who is Who (Roeder) sampai Literature in Malay by the Chinese of Indonesia (Claudine Salmon). Ikut menjadi sumber data buku ini adalah Apa & Siapa (Tempo, 1985), Apa & Siapa Sejumlah Orang Bulu tangkis Indonesia (1989), termasuk artikel-Âartikel di mingguan Sin Po, Star Weekly, Hoa Kiauw, Swa Sembada, Eksekutif, Matra, Gatra, Tempo, Kompas, dan Kontan. > > Anda bis klik di http://jendelaonline.multiply.com/reviews/item/8 > > Bila anda berminat bisa pesan via email, pm, ym dan sms. Kami tunggu kabar pesanan dari anda. Salam buku . > > Nb. : Untuk ongkos kirim daerah Jabotabek & Bandung gratis > > :) > Toko Buku Alternatif Jendela > Jl. Cikabuyutan No. 6 > Baranangsiang BOGOR > Telp. 0251 ~ 8379439 > Hp. 02514299728 > Hp. 081380488110 > Hp. 08179002066 > email : [EMAIL PROTECTED] > http;//jendelaonline/multiply.com > > > New Email addresses available on Yahoo! > Get the Email name you've always wanted on the new @ymail and @rocketmail. > Hurry before someone else does! > http://mail.promotions.yahoo.com/newdomains/aa/ >
[budaya_tionghua] Re: Astaga jij ada di sini
Astaga sianseng ophoeng jij ada djoega disini? gimana jij poenja kabar? soal siapa hoedjin rasanja tida perloe di teloesoeri sama dengen jij poenja Head Spot jang doeloe boerem kini loemajan boeroem djoega hahaha. poen orang poen awalnja tida aken kenal toean Kho seterkenal 'nko Put On hahaha. toean Kho dan toean Auw doea tokoh pentjipta Put On poen tjoekoep poeas denger komentar2 soal Put On. bahken Toean Kwee baroe 50 taon boeka kedok siapa penoelis jang pake nama pandengan Tjamboek Berdoeri salam dari Hoedjin Tjamboek Berdoeri
[budaya_tionghua] Re: Fw: sekali lagi soal SGT. pro pak Martin
Siau Giok Tjan, Astaga anak kapasan asli seoemoer sama Tjoa tjie Liang jang belon lama ini meninggal doenia di Semarang, maoe di djadiken bapa Tionghoa satoe jang namanja Peminpin, jang ampe lari terbirit-birit keloear tinggalken ia poenja kaoem, atas djaminan soedara Adam Malik sewaktoe ia djadi Wapresssekitar taon 70an hm! Tapi itoe semoea terserah pada koemoenitas jang maoe djadiken ia satoe pahlawan. tjoema saja ada banjak sekali data beliaoe sewaktoe djadi Redaksi di Kwee Hing Tjiat poenja koran (Matahari semarang) dan sewaktoe ia tinggal di Malang setelah ia poenja pelarian di Djaman Dai Nipon tingga di Kajoe tangan boeka toko kelontong hm bekas satoe orang ternama satoe journalist mendadak ganti boeloe djadi pedagang kelontong sebab. hm dai Nippon. sekiranja djadi itoe orang diabadiken namanja djadi pemimpin besar Tionghoa baroe saja aken keloearken apa sadja jang Sin Tit Po toelis tentang satoe siansing asal Soerabaia atas bantoeannja Liem koen Hian di djadiken pembantoe pada Kwee Hing Tjiat (satoe Naga Journalist Tionghoa) baroe setelah KHT wafat ia ambil alih Matahari tapi tida brani toenggoe kantoor Redaksi sampe Kempetai masoek, malahan ia serahken pada anak boeahnja oentoek di djadiken tameng, sementara dengen berdjingkrakan ia sipat koeping lari ke... laloe ke Soerabaia hingga berachir di Malang. segitoe doeloe Hoedjin Tjamboek berdoeri
[budaya_tionghua] Re: Tanggapan untuk Sdr Hoedjin Tjamboek Berdoeri (ngawoer)
melainkan karena kenegatifan itu datang dari sdr Hoedjin Tjamboek Berdoeri yang menurut keterangannya sendiri adalah cucu Tjamboek Berdoeri alias Kwee Thiam Tjing almarhum. > > Juga cukup banyak orang mengetahui bahwa Kwee Thiam Tjing almarhum sealiran > dengan tokoh-tokoh peranakan di zaman itu yang mencanangkan konsep: > Indonesia adalah tanah air komunitas Tionghoa. Diantaranya adalah Liem Koen > Hian, Tan Ling Djie, Tjoa Sik Ien, Tjoa Tjie Liang dan Siauw Giok Tjhan > pimpinan Partai Tionghoa Indonesia yang juga banyak berperan di dalam > memimpin dunia jurnalistik yang berorientasi ke Indonesia, ketimbang > Tiongkok dan Belanda. > Liem Koen Hian, Kwee Thiam Tjing dan Siauw Giok Tjhan banyak bekerja sama > di harian Sin Tit Po dan Matahari. Tidak janggal bahwa mereka sering > berhubungan dan saling mengirim tulisan ke harian-harian yang dipimpinnya. > --- Ini pernjataan jang sanget ngawoer, baek saja maoe loeroesin satoe pernjataan jang rada bengkong semoga toean Siauw tida ketjil hati jang semestinja ini pernjataan di toedjoeken pada gondal jang sanget tida setoedjoe korek-korek masa laloe. Poen saja djoega tida keliwat moefakat sama itoe gondal. Saja boekan tjoetjoe Opa Kwee, saja hanja orang loear jang sanget konsen sama semoea toelisan Opa Kwee. Beh saoedara sanget lantjang kaloe bilang Opa Kwee sehaloean sama Nko Koen Hian, Tan Ling Djie, Siauw Giok Tjan, bahken kaloe boleh di bilang sama Ouwheer Kwee Hing Tjiat belon tentoe waloe dengen Koen Hian dan Kwee Hing Tjiat Opa sering sependapet. jang Pasti Opa Kwee pernah djadi sahabat, pembatoe oetama dari kedoea orang terseboet dengen toean Liem di Pewarta Soerabaia, Soeara Publik, Sin Tit Po bahken sampe di Nanjang society. heheh sematjem kasino kaloe didjaman kini. dengen Ouwheer Kwee Hing Tjiat djelas, Opa sampe rela tinggalin Pembrita djember oentoek bantoe Matahari sewaktoe pertama kali berdiri 1 agustus 1934 (itoe karena permintaan langsoeng toean Kwee) jang tida tiga boelan berdjalan ia tinggalin setelah ia taoe dalemnja ( batja Indonesia raja bahasa bogem mentah: jang ia kataken setiap pagi sewaktoe menghadep tjermin makin djelas ia poenja goeratan moeka bertoelis oportunitis kapitalis.. hehe) laloe ia tinggalken itoe Matahari saja saran sebelon Toean siauw pentang omong silahken batja toelisan opa Kwee semoea dari Pewarta, Sp, STP teroetama Indonesia Raja taon 1971-73. saja ada denger dari 1 prof sewaktoe saja tanja kenapa Opa Kwee di taon 1960 malah keloear dari indo. moengkin ia tida sependapet sama para peranakan tionghoa saat itoe terlebih ia poenja sobat kekel Koen Hian dan nko Hing Tjiat soedah meninggal dan rasanja ia tida poenja senderan lagi, dan dimana tjinglinja toean Siauw kataken Opa Kwee sedjalan dengen Siauw Giok Tjan?? rasanja kaliwat pandjang kaloe saja toetoerken dengen detail seperti Opa Kwee bertjerita dalem Indonesia dalem api dan bara, ada baeknja kaloe soedara belon banjak taoe sekarang semoea toelisan opa kwee bisa di batja di ini web http://hoedjien74.multiply.com/ dan ini http://tjamboek28.multiply.com/ atawa kaloe maoe kenang webnja Kwee Hing tjiat bisa liat di sini http://tjamboek28.multiply.com/ disini banjak koempoel orang berkepala batoe hehehe.. kaloe di batja pelan-pelan saja tida sekali-kali halangin orang maoe ini maoe itoe maoe dit maoe doet, lawong dia poenja kemampoean masa maoe di halangin, tjoema saja kebetoelan ada toelisan-toelisan jang otentik apa salah kaloe saja terangken apa adanja?? oentoek soesaana dimalang taon 1940 dimana ada seorang bekas Stadwacht tionghoa kamoedian djadi Tonariguchio bersamaan ada satoe pedagang kelontong diwaktoe jang bersamaan kenapa tida ada toelisan jang bertjerita tentang meraka berdoea saja ingin berdikoesi sekiranja anda poenja waktoe loeang. dari saja hoedjin tjamboek berdoeri
[budaya_tionghua] Pemoedjaan Hio-Hwee. (Aboe leloehoer)
Pada riboean taon jang laloe sebelon ada itoengan Masehi, ja, pada sebelon'nja bangsa Barat berpakean seperti sekarang dan mempoenjai gedong² jang indah, Bangsa Tionghoa soedah mengerti sopan santoen dan tjara bagimana menghormat orang toea, malah penghormatan atawa kebaktian itoe tida meloeloe di toedjoeken pada masa si orang toean masih hidoep. Orang jang soedah berpoelang ke alam aloes dipandang masih idoep roh'nja dan roh'nja orang mati ini jang mendjadi pemoedjaan bangsa Tionghoa. Sanget boleh djadi zaman poerbakala, di Tiongkok orang mati itoe di bakar dan aboe'nja di simpen baek² dalem seboeah tempat jang di namaken Hio-Low seperti gambar omslag dari Bok Tok" nommer ini dan pemoedjaan aboe-leloehoer itoe dinamaken pemoedjaan Hio-Hwee. Sampe sekarang, maskipoen djinasah dikoeboer, orang masih pelihara Hio-low, dalem mana ada tersimpen aboe dari alat persembahan jang di bakar di koeboeran. Hio-low (tempat aboe leloehoer) itoe dapet tempat istimewa dalem roemah tangga koeno, di taroh diatas medja dan di bikin tinggi kaki'nja, medja mana biasa'nja di taroh dalem roewangan pertengahan. Medja ini sebener'nja bersoesoen tiga; doea medja ketjilan sama tinggi'nja (lebar 60cm, pandjang 115cm, dan kira² tinggi'nja 90cm) sementara hio-low itoe ditaroh diatas medja besar, dimana satoe standaard ketjil, inilah jang di seboet Sam-kay (tiga soesoen) symbool dari doenia kasar, langit dan doenia aloes tempat'nja roh soetji. Sesoeatoe Hio-low ada mempoenjai doea gagang jang mengoendjoek keatas; doea gagang ini ada sembojan kematian" dan mengoendjoek keatas maoe di artiken roh manoesia naek keatas. Di sebelah Hio-low biasa'nja orang pasang pelita jang moesti teroes meneroes menjala. Doeloe orang pake minjak katjang dengen soemboe'nja dari lawee dan api'nja pelita ini didjaga ati² sebage pelambang dari Yang (tjahja jang kekel abadi) atawa pokok penghidoepan, sedeng Hio-low dianggep sembojan dari Im (tida kekel). Dengen laen perkata'an dimaksoedken Hio-low mengoendjoek segala apa di doenia tida kekel, jalah habis'nja segala djenis mendjadi aboe, tetapi disamping tiada kekelan ada apa² jang bersifat kekel, jalah api atawa Noer tjahja. Maka tiap² orang Tionghoa jang bersoedjoet di hadepan Hio-low itoe agak'nja di pringetin, bahwa manoesia poenja hidoep dialam doenia tida kekel dan maskipoen raga'nja soedah mendjadi aboe, tetapi roh'nja masih tetep hidoep. Tiap² boelan Imlik, orang Tionghoa bikin oepatjara sembajangan doea kali dihadepan Hio-low itoe, jaitoe tanggal 1 (tjee-it) dan tanggal 15 (tjap-gouw). Sebage sadjen di medja sembajang tertampak beberapa tjangkir ketjil isi aer teh, boeah²an jang keloear pada moesim itoe, koewee², manisan dan doea lampoe ketjil di kanan-kiri Hio-low, djadi sama pelita djadi ada 3 penerangan. Ketiga penerangan ini memperoempamaken Thian (langit), Tee (boemi) dan Djin (manoesia). Moela² ada langit, kamoedian tertjipta boemi dan baroe belakangan manoesia. Dalem kepertjajaan Hindoe ini di seboet Trimoerti dan dalem kepertjajaan Kristen Bapa, Poetra dan Roh soetji. Pada waktoe diadaken persembajangan besar, seperti pada perajaan Tjhing Bing, Tjio-Ko dan Sin Tjhia (Taon Baroe) tiga penerangan ini di tambah lagi dengen doea lilin, djadi sekarang ada 5 penerangan atawa Ngo Sing dan ini 5 pokok ada 5 element (anasir) jang penting dan di oempamaken 5 bahan, misal'nja: Kiem (emas); Bok (kajoe); Soei (aer); Hwee (api); Tow (tanah). Lima pokok ini jang mendjadiken segala djenis di doenia. Dalem pengetahoean modern Kiem itoe boleh di kataken barang anorganisch, mineralen seperti besi, emas, perak, timah dsb. Bok barang organisch jang berasal dari pepohonan. Soei jaitoe mildden-stof atawa barang tjair dan dengen tida ada barang tjair, pasti segala machloek tida bisa hidoep, kerna semoea aken kering dan mati. Hwee adalah energie atawa tenaga, hawa anget, api dan sebage'nja jang senantiasa membri tenaga pada manoesia dan laen-laen machloek aken mengerdjaken ini dan itoe. Poesat dari tenaga ini adalah pada Matahari. Tow adalah tanah atawa asal dari segala apa. Semoea poelang ke tanah, dari jang paling haloes sampe paling kasar. Badan manoesia ini mengandoeng 5 pokok anasir dan 75% dari barang tjair. Djikalaoe orang mengerti semoea ini, sebener'nja tiap² roemah tangga Tionghoa soedah meroepaken gredja atawa klenteng ketjil, dimana orang Tionghoa dapet mendjalanken kepertjajaan'nja dengen soenggoeh hati. Barang² sadjen jang di sediaken pada tiap² sembajang itoe hanja sekedar pringetan pada jang mati poenja kesoekaan di waktoe masih hidoep, djadi tida boleh di artiken dengen tentoe² makanan itoe nanti dimakan oleh roh² jang sedeng di sembajangin. Tiap² roh jang soedah tida mempoenjai badan kasar, sebener'nja tida bisa makan atawa itjipin itoe segala koewee² dan laen² makanan, tapi roh itoe moengkin merasa minat dari orang hidoep jang menjadjiken segala makanan itoe. Orang Barat jang koerang koeas pemandengan'nja mengataken pemoedjaan Hio-Hwee itoe ada kepertjajaan tachajoel, sebener'nja meleset djaoeh sekal
[budaya_tionghua] Re: Tjetjeran Riwayat Negri Tiongkok
--- In budaya_tionghua@yahoogroups.com, "david_kwa2003" <[EMAIL PROTECTED]> wrote: > > Hoedjin Tjamboek Berdoerie jang boediman (tida taoe apa Hoedjin masi > ada katoeroenan dari Toewan Kwee Thiam Tjing?), > > Dengan senang hati kitaorang kapengen taoe itoe hikajat negri > binoewa Tjina jang ada termoewat dalam weekblad Bok Tok kloewaran > tahon 1913, sebab itoe Weekblad jang kita perna liat ada kloewaran > dari djeman sasoedanja Perang Doenia II. Djadi, di dalemnja sama > sekalih tida ada dimoewat itoe hikajat-hikajat jang sanget menarik > hati boewat dioewarken kapada kaoem moeda Tjina pranakan jang tida > mengarti soerat Tjina saoemoemnja. Tida loepa kita hatoerken kamsia > sablonnja atas Hoedjin poenja tjape-lelah. > > Kiongtjhioe, > DK --- soedara Dapit Kwaa sebelonnja saja kasih kabar Bok Tok di Indonesia terbit doea kali tapi satoe sama laen tida ada hoeboengannja Bok Tok pertama terbit taon 1913 5 journalist tionghoa berkoempoel oentoek bitjara poelitik dan agama Khong Tjoe. dan Bok Tok Kedoea terbit di Malang oleh ach saja loepa jang pasti di sitoe Boediman Soedjatmika ada pernah toelis tentang Opa Kwee Thiam Tjing. jang belakangan terbitken pake Nama Bok Tok karena meliat haloean Bok Tok Pertama sanget moelia dan gagah brani (kwee Hing tjiat ada disana). soal riwayat Tiongkok di Bok Tok ada begini ( saja salinken doeloe soeb djoedoelnja ) kaloe ada kesempatan baek boleh-boleh sadja. Tionghoa Liksoe atawa Riwajat Tiongkok : Riwayat Tiongkok Inilah hikayat Negri Tiongkok poenja sedjarah ringkes jang hanja tertoelis di dalem Weekblad Bok Tok" satoe Weekblad terbit di Soerabaia Oktober 1913. Saja rasa sanget bergoena boeat kita mengenal boedaja kita poenja leloehoer jang sanget kaja aken tjerita² jang bermoetoe, tjoema sajang saja hanja menemoeken 75 % sadja dari itoe Weekblad. Saja tida taoe apa siansing² disini bekenan menjamboet tjerita jang aken saja salinken sesoeai asli (sanget Bootjenglie kaloe saja mengoebah-oebah edjaan) jalah bahasa Melajoe rendah tjampoer Hok Kian plus sedikit Belanda jang sanget sedap oentoek di batja, seperti kaloe saja liat sekarang koempoelan tjerita silat sadoeran jang djelas bergaja Hok kian jang kentel. Jang pasti ini tjerita aken dapet tempat khoesoes di Web'nja Tjamboek Berdoeri. Dimana aken salah sekali kaloe orang doega jang saja ini tjoema bisa memaki atawa boeka boroknja bangsa Tionghoa sadja. Inilah sebagian djoedoel jang dapet saja selametken dari kebinasaan'nja sang waktoe: 1 18 tida dapet di selamatken. 19. Han Koo Tjo boleh dapet Negri. 20. Han Koo Tjo poenja aken madjoeken Negri'nja. 21. Bahaja jang terbit lantaran Permisoeri Loe Ho 22. Baginda Han Boen Tee dan Han King Tee. 23. Han Boen Tee madjoeken peladjaran. 24. Han Boen Tee memoekoel loear Negri. 25. Han Swan Tee bagoenken poela dinasty Han 26. Sebab'nja Han Dinasty djadi Lemah dan Lembek. (I) 27. Sebab'nja Han Dinasty djadi Lemah dan Lembek. (II). 28. Ong Bong merampas dinasty Han. 29. Binasa'nja dinasty Sien dan Ong Bong. 30. Dinasty Tong Han (Han seb'lah timoer) atawa banginda Han Kong Boe membangoenkan poela dinasty leloehoer'nja. 31. Baginda Han Kong Boe boleh'nja mengatoer Negri. 32. Kegagahan dinasty Han sampe poela pada seblah Barat dan Oetara. 33. Hoeroehara Familie Iboe Soeri dinasty Tong Han. 34. Hoeroehara orang Kebiri dinasty Tong Han. 35. Hoeroehara perserekatan Tong Ko. 36. Ilmoe pengetahoean dalem zaman dinasty seh Han dan Tang Han. 37. Peladjaran dan Agama dinasty Seh Han dan Tang Han. 38. S A MK O K. 39. Berdiri Soe Ma (Orang Seh Soe Ma). 40. Keriboetan 8 Radja. 41. Lima Bangsa Asing (I). 42. Lima Bangsa Asing (II). 43. Binasa'nja dinasty Tong Tjin. 44. Keradjaan Oetara dan Selatan. 45. Peladjaran dalem zaman dinasty Tong Tjin dan Keradjaan Oetara dan Selatan. 46. Dinasty Soe dengen Tiongkok jang djadi loeas. 47. Binasa'nja dinasty Swie. 48. Tong Koo Tjo atawa Radja dinasty Tong I. 49. Bagimana baginda Tong Thay Tjong mengoeroes dalem Negri. 50. Tong Thay Toe (Lie Sie Bien) poekoel Negri asing. 51. Dimana tempat jang keangkeran'nja dinasty Tong telah sampe. 52. Hoeroehara seh Boe dan seh Oei. 53. Kedjadian dengen Tong Hian Tjong. 54. Hoeroehara An Lok San. 55. Hoeroehara Hwan Tien (Plaats Bestuer). 56. Hoeroehara orang Kebiri. 57. Party seh Gioe dan seh Lie. 58. Binasa'nja dinasty Tong. 59. Peladjaran zaman dinasty seh Tong. 60. Agama di zaman dinasty Tong. 61. Ngo Kwie (5 pemerentahan). 62. Berdiri dinasty Tio Song. 63. Dinasty Tio Song. 64. Perhoeboengan Negri Song dan Liauw. 65. Perhoeboengan Keradjaan Song dan He. 66. Ong An Sik mendjalanken atoeran baroe. 67. Atoeran'nja Ong An Sik. 68. Soe Ma Kong kombali djadi Minister. 69. Kaoem Hie dan Gwan Yoe. 70. Kaoem Moeda dan Toea di zaman dinasty Song. 71. Bangsa Kiem berdiri. 72. Binasa'nja Negri Liauw. 73. Baginda Hwie Tjong dan Kiem Tjong tertawan. 74. Keradjaan Song pindah ke Selatan. 75. Tjien Kwee bikin perdamai'an. 76. Han Thok Tioe pegang tali pemerentah'an. 77. Bangsa Mongol berdiri (I). 78.
[budaya_tionghua] Re: Jawaban untuk Hoedjin Tjamboek Berdoeri
--- In budaya_tionghua@yahoogroups.com, "Siauw Tiong Djin" <[EMAIL PROTECTED]> wrote: > > Banyak terima kasih atas jawabannya. > oentoek siansing STD, seperti jang Opa Kwee kataken dalem di Indonesia raja 1972, setelah bermoengkin 10 taon di loear Indonesia (Malaysia kata tante Jean) Opa Kwee soedah lepas dari kegiatan Politik, dan saja sependapet sama Om Ben jang katakem moengkin karena ia Poenja Bos sekaligoes sobat kekelnja LKH dan KHT soeda djadi aloes makanja ia segan oentoek tampil di politik atawa jang kebetoelan Tionghoa peranakan2 satoe angkatan di bawahnja jang sedang pasang omong seperti SGT, TLD, TTL, TSI dll (siangkatan itoe semoea rasanja siansing paham) opa lahir taon 1900 jang laennja 12-20 taon diatas itoe, atawa emang oerat nja Opa Kwee jakni seorang Journalist toelen ( boekan journalistr jang pengen berpolitik tjari kekoeasaan) makanja tida heran 14 hari sebelon Opa Kwee wafat ia masih beroesaha masoeken toelisan di Sinar Harapan ( kerna Indonesia raja di bredel peristiwa malari). hm djadi inget kata-kata Kwee Hing Tjiat seorang journalist toelen tida haroes selesaiken oeroesan pemerentah tjoekoep kritik setjara abis-abisan agar djang di sabet djadi marah dan tergerak oentoek berbakti, karena toch ia (joernalist) boekan seorang penentoe kebidjasanaan. soal: Tanggapan yang saya sampaikan minggu lalu berdasar pembicaraan saya dengan Siauw Giok Tjhan almarhum tentang Kwee Thiam Tjing almarhum. ASTAGA!!! sementara siansing pernah toelis boekoe soal papa siansing, saja loepa taonja (jang pasti setelah papa siansing djadi aloes) dan tida sepotong kata siansing seboet Kwee Thiam Tjing dari mana siansing bisa toelis pernjataan diatas. sementara kaloe siansing batja toelisannja liem. dalem boekoe Radja Goela Oey Thiong Ham taon 1979 nama papa siansing dan nama Opa Kwee di seboetken berbarengan. soal laen: Walaoepoen perawakan SGT sebesar LKH ditambah djago "kung fu" saja sanget jakin nada negatif tida aken moentjoel, sama koetika Om Ben koendjoengin Tjoa Tjee Liang setaon jang laloe hehe paling banter itoe engkong bilang Opa Kwee kaloe masoek kantor di Sin Tit Po atawa Matahari tida tahan lama sebentar maoe tjepet-tjepet keloear dan sering kaloe makan bakso atawa soto bahken bakmi goreng (ini opa paling soeka) selaloe tida maoe bajar dan soeroeh TTL jang bajar!!! selebihnja Opa Kwee baek-baek sadja itoe dari moeloet langsoeng TTL. hehhe pertjaja, lawong selisih 13 taon djelas joenior moesti talangin doeloe jang kebetoelan si senior loepa bawa oewang, ingetnja tjoeman topi Borsalino. dan jang pernah saja batja toelisannja Baswedan Nko Thiam Tjing bersama Joenoer syramoeal (anak Ambon) sering djail, dan tjoema Liem Koen jang berani bales itoe kedjailan Opa Kwee... segitoe doeloe siansing STD tabe dari ssja Hoedjin tjamboek berdoeri
[budaya_tionghua] Den Heer Siansing Siauw Tiong Djin
Trima kasih atas siansing poenja poedjian dan soemanget. Dan roepanja siansing soedah paham apa jang owee maoein, tjoema sajang siansing tjoema bisa bilang "gagal", akibatnja ilang satoe kesempatan taoe bagimana sesoenggoehnja tindak tandoek Tjamboek Berdoeri baek itoe di Semarang, maoepoen di Malang. (jang saja maksoed dari pihak laen orang) Dan saja denger katanja om Ben Anderson sedang tjari djedjak Opa Kwee di Malaysia. oh jah apa siansing soedah liat webnja Kwee Hing Tjiat? di http://hingtjiat39.multiply.com/ moengkin siansing perloe kenang bekas ouwheer papanja siansing. segitoe doeloe laen waktoe kaloe ada kabar-kabar tentang Opa Kwee, soeka kiranja siansing kasih sama owee. Dan soal SGT dari djawaban diatas owee tida aken tarik oerat lagi sama siansing. mewakili ik poenja soeami jang soedah kesepak dari ini milis kamsia banjak atas siansing poenja waktoe maoe berbagi tjerita soal kita poenja pendahoeloe2 jang boleh di kasih doea djempol tabe Hoedjin tjamboek berdoeri
[budaya_tionghua] R.A. Kartini mendjadi Botjah Boedha.
Dalem soerat jang terkirim oleh R.A. Kartini pada tanggal 27 Oktober 1902 pada njonja R.M. Abendanon Mandri, soerat mana orang bisa batja dalem boekoe Door Duisternis tof Licht", Iboe Kartini mengakoe diri'nja ada Botjah Boedha" (*anak tepekong) berhoeboeng dengen kepertjaan'nja pada kongtjo Welahan (deket koedoes), tempat berziarah dari segala bangsa seperti Goenoeng Kawi di bilangan Malang. Salinan dari soerat itoe ada sebage berikoet: Saja ada satoe Botjah-Boedha maka itoe ada mendjadi satoe alesan mengapa saja kini tida makan barang berdjiwa. (* red: sanget salah kaloe sekarang orang bilang RA Kartini ada satoe Vegetarian). Koetika saja masih kanak² saja telah dapet sakit keras, dokter² tida bisa menolong, mereka poetoes asah. Waktoe itoe, seorang Tionghoa (seorang hoekoeman dengen siapa kita masih anak² soedah bersobatan) tawarken diri'nja boeat menolong saja. Saja poenja orang toea menoeroet dan saja betoel mendjadi semboeh. Apa jang obat² dari orang² terpeladjar tida mampoe, djoestroe obat-tachajoel jang bisa menolong, ia menolong saja dengen tjoema², saja di soeroeh minoem aboe dari hioswa jang di bakar sebage sembah-bakti pada satoe Tepekong Tionghoa, lantaran minoem obat itoe, saja djadi anak'nja Orang Soetji itoe, San Tik Kong Welahan. Pada kira² satoe taon jang laloe saja mengoendjoengi Orang-Soetji itoe. ia ada hanja satoe Patoeng Emas jang ketjil dan siang-malem dilipoeti asep hio. Bilamana ada berdjangkit wabah penjakit heibat, patoeng ketjil ini di gotong² kesana-sini dengen pake oepatjara boeat oesir pengaroeh djahat dari Iblis²". Demikian boenji'nja soerat Iboe R.A. Kartini. Jang dimaksoedken San Tik Kong" sebetoel'nja Hian Thian Siang Tee atawa Siang Tee Kong. Djoega orang soeka pendekan dengen seboet Kongtjo Welahan sadja. Tentang orang hoekoeman Tionghoa jang mendjadi sahabat" R.A. Kartini dan mengoesoelken kepada Boepati Djepara, ajahanda'nja Iboe Kartini, soepaia tjoba minta obat dari Kongtjo Welahan, betoel ada orang perantean jang pada zaman itoe soeka di pekerdjaken boeat bikin bersih pekarangan kaboepaten atawa gedong² Negri laen'nja. Kongtjo Welahan poenja seedjit (hari dan taon'nja) adalah boelan ke tiga hitoengan imlik (Sama-Gwee). Jang Kongtjo Welahan di djoeloekin Boedha, tentoe djangan diartiken Boedha Gautama, tetapi oemoem'nja segala tepekong itoe berasal dari orang² Tionghoa jang pada masa idoep'nja anoet igama Boedha atawa djoega igama Too (Tookauw) jang Nabi'nja adalah Lou Tjoe (Lao Tze). Hoedjin Tjamboek Berdoeri.
[budaya_tionghua] A Tjin
Aha pembatja moengkin soedah banjak jang taoe, siapa itoe siansing jang di maksoedken dari ini djoedoel, kali ini saja moengkin berbeda dengen kebanjakan pembatja dalem menjikapi seorang bernama Atjin, biar ini kali soedoet laen jang pandang itoe siansing, satoe pemoeda Tionghoa jang sanget , ditambah, barangkali ia poenja njali ada 10x dari oekoeran njali orang biasa. Di sini saja moelai dari ia poenja kedjahatan jakni pemboenoehan berentjana, maka otomatis pasal 340 KUHP moesti ia pikoel, ditambah poetoesan jang tida bisa di goegat oleh siapapoen, di sebabken paloe hakim telah ketok itoe medja oentoek selesaiken" djiwa'nja Atjin. Boeat Atjin sendiri tida poenja pilihan laen katjoeali pertahanken ia poenja napas jang tjoema satoe kali ia bisa rasaken di ini doenia jang di beriken oleh Allah tampa orang laen boeat ikoet tjampoer. Bermoela ia mampoe kaboer dari pendjara di Tjirebon, selang beberapa lama roepa'nja bintang'nja Atjin sedeng redoep, hingga ia ketangkep (hm! saja liat pembatja keroetken moeka apa perloenja ini siansing di bitjaraken di ini toelisan). Tapi ini lakon belon berachir pembatja! Kali ini oesaha Atjin belon soeroet, di waktoe ia di besoek oleh ia poenja mama'nja setaoe gimana satoe pestol berhasil di seloendoepken oentoek anak'nja jang kandoeng selama 9 boelan wah ! Maka sewaktoe ia selesai persidangan, ia bikin pertjobaan lariken via auto boewi tjilaka itoe, tapi sajang itoe oesaha belon berhasil, lebih tjilakanja itoe pestol mengenai ia poenja kaki sendiri. Baroe taon laloe 2006, dengen setaoe tjara apa di tambah dengen Atjin poenja ketjerdikan hingga ia bisa bikin kontji palsoe dan tjoema dengen keloearken oewang 2,5 djoeta roepia, Atjin sambil berdjingkrak-djingkrak tinggalken itoe roemah boewi tjilaka. Di sini moesti diakoe ini siansing keloearken ia poenja ketjerdikan di tambah ia poenja njali jang besar'nja 10x dari njali orang biasa dan biar saja tambahken bahwa rasa tida kapok atawa djera tida pernah terdapet dalem otak pikiran Atjin. Sekarang saja maoe tjoba roendingken pada pembatja, satoe bekas boeroenan jang pernah lariken diri (boekan boeroenan jang belon pernah rasaken boewi) pasti aken di djaga sanget ketat djoega boekan perlakoean istimewa" jang ia dapetken seperti oepamanja satoe orang koroeptor jang tida kenjang²nja makan doewit ia poenja Negara diperlakoeken seperti kandjeng toean kendati ia berstatus Narapidana. Malah saja kadang denger satoe Tjongtiepo" kakap setelah ia djalanken hoekoeman jang tida seberapa lama, langsoeng bikin boekoe pengalaman jang ia pikir bisa apoes dan minta belas kasian pada masjarakat jang ia soedah pernah rampas doewit'nja. Hm pembatja bisa pikir sedirilah. Streeet ! stop saja tida maoe pandjang lebar roendingken itoe Tjongtiepo" karena boekan ia jang pantes di bitjaraken di toelisan ini. Dan sekarang kita kombali ke tokoh kita jalah Atjin. Setaoen berlaloe kombali bintang'nja Atjin goerem lagi, belon lama ini ia ketangkep lagi di satoe poesat perbelandjaan termodern di Djakarta. Sementara toenggoe meledaknja pelor di dada'nja Atjin, kira² apa jang ada di dalem batok kepala'nja Atjin??? Tjoema boeat orang jang pertjaja hidoep manoesia boekan berada di tangan satoe machloek jang bernama manoesia, tetapi ada di tangan jang Maha Koeasa aken liat apa Toehan Allah maoe tjaboet goenoengan atawa ini masih dalem goro-goro dalem penghidoepan seorang jang sedari ketjil di panggil sama ia poenja mama'nja bernama Atjin. Kaloe nanti telah poetoes njawa'nja seorang jang bernama Atjin. Rasanja segala manoar para pedjabat jang djelas-djelas di mata rakjat ini terlihat sanget terang belon lebih pantes, dan moengkin sanget mendjemoeken djika di bandingken kisahnja seorang pemoeda Tionghoa bernama Atjin, ini ada l00x lebih menarik boeat di bikinken toelisan beroepa boekoe. Sajang saja tida kenal dan tida poenja data djelas, dan rasa'nja di perloeken satoe penoelis jang maoe dan berpikiran djelek baek toch masih kita poenja kaoem oentoek boeatken kisah'nja sedari Atjin ketjil hingga (The study of mankind is man dan boekan maksoed saja boeat kesampingken perasaan korban jang telah di roegiken oleh Atjin, kerna itoe soal laen lagi) atawa itoe penoelis moesti toeggoe lebih lama lagi (red siapa taoe). Hoedjin Tjamboek Berdoeri
[budaya_tionghua] Re: Warga Tionghoa agar Gunakan Hak Pilih
> > Pilkada DKI > Warga Tionghoa agar Gunakan Hak Pilih > > > > > Jakarta, Kompas - Gubernur DKI Jakarta Sutiyoso meminta warga Tionghoa di Jakarta yang jumlahnya cukup signifikan agar menggunakan hak pilihnya dalam pilkada 8 Agustus 2007. Milih...Hm pilih adalah A atawa B, Manis atawa Pait, Dingin atawa Panas (karena memang tjoema 2) sekarang saja tanja kaloe doea-doeanja manis, atawa doea-doeanja panas atawa dingin. sekarang ini doea-doeanja sama-sama djandji jang belon tentoe (bahken kerap kali ingkar) boeat apa dipilih, seoempama kedoeanja poenja program jang berbeda sama sekali nah disitoe seorang aken goenaken haknja karena jang ini berbeda sama jang itoe. tapi jang sekarang koq sama jah? dan itoe pilihan tida perloe di minta-minta apalagi dipaksa. orang poenja mobil kaloe ia tida maoe goenaken itoe mobil malah ia pake tjelana boentoeng mondar-mandir di Prtjinan, pedoeli setan maoe omong apa, itoe kerap diomongken sama saja poenja paman. hoedjin tjamboek berdoeri
[budaya_tionghua] Fifi Young jang koekenal.
1975 Tan Kim Nio telah berpoelang ke Maha pentjipta. Satoe pranakan Tionghoa dari bapa seorang Prantjis dan iboe peranakan Tionghoa Atjeh, bekas satoe anak wajang jang soedah keliling berbage tempat di Indonesia bahken sampe keloear negri. Pada taon 1920an, sandiwara keliling Miss Riboet's Orion" pimpinan toean Tio Tik Djin jang sanget terkenal sedeng singgah di kota Soerabaia nampak seorang gadis penari" dari Atjeh, berkoelit poetih bermata tjeli soedah tarik perhatian satoe penoelis handal jang poenja nama pena Monsieur d'Amour (Njoo Cheong Seng), maka bergaboenglah Njoo Cheong Seng pada sandiwara Orion jang djelas disamboet baek oleh Tio Tik Djien. Pada taon 1927 Tan Kim Nio resmi mendjadi memvrou Monsieur d'Amour dan moelai saat itoe nama Fifi Young melesat ke langit tinggi, sampe satoe kali Njoo Cheong Seng berkata Setelah akoe pandang ketjantikanmoe, rasa'nja akoe boeta'poen ikhlas" Astaga! Ternjata oetjapan Njoo Cheong Seng itoe seperti terkaboel toetoer Fifi (jang lambat laoen memang Njoo Cheong Seng mendjadi myopik boeta kaloe meliat dari djarak deket). Sekarang kita maoe toetoerken asal moeasal nama Fifi Young dimana Njoo Cheong Seng mentjeritaken ada begini: Njoo ada nama ketoeroenan owee dalem dialek hokkian dan menoeroet dialek Mandarin diseboet Young. Dan owee poenja bintang poedjaan dari Franch bernama Fifi d'Orsay" dan diwaktoe kita patjaran biasa kita memanggil dengen seboetan bintang² saat itoe, begitoe poen owee selaloe panggil Kim Nio dengen panggilan Fifi" Roepanja nama Fifi belon lekas loentoer, malah sebalik'nja tetep ada di langit, ini bisa diboektiken dari seroean populer ditoedjoeken pada Kim Nio, jang oentoek pertama kali diperkenalken oleh satoe Goebernoer Selangor jang selaloe beroetjap begini: One, two, three, we want Fifi !!!" Dan pada taon 1937 Fifi bersama soeami'nja dibantoe oleh Henri.L.Duart bentoek rombongan sandiwara baroe jang diberi nama Fifi Young Pagoda" jang dapet doekoengan dari beberapa anak wajang terkenal saat itoe. Demikian penoetoeran sandiwara keliling jang dilakonin Kim Nio, dan sewaktoe doenia perfilman sedeng berkembang maka Kim Nio poen toeroet mengikoeti, dimoelai dari Keris Mataram" dimana Kim Nio bersama poetrinja (Sally Young) dan di soetradarai oleh sang soeami. Bakat'nja Kim Nio di doenia film terlihat pada film Aer Mata Iboe" disitoe ia berperan sebage Iboe toea jang pake badjoe tjompang-tjamping, ramboet di tjat poetih, gigi di tjat item dari sini Kim Nio soekses peranken itoe Iboe. Dan sanget dipoedji oleh orang kalangan perfilman dan dikataken sebage artis jang tida pilih² peran dan sanget profesional jang pada saat itoe soelit ditjari. Setelah Aer Mata Iboe" Kim Nio termasoek artis jang paling laris, tida koerang 200 djoedoel ia peranken baek itoe peran oetama atawa peran ketjil. Berpaa besar honor bintang film oeloeng ini??? Saja tida kolok'an soal honor, saja tida poenja tarip. Berapapoen saja diberi oleh produser saja trima" Hampir 30 taon Kim Nio mendjanda dan hidoep atas ia poenja kringet sendiri, jang satoe kali ia berkata: Oewang honor, saja beliken emas²an di waktoe moesim panen, adakala'nja film sepi maka barang emas itoe saja djoeal lagi oentoek ongkos hidoep" toetoer Kim Nio dengen khas jang merdoe empoek dan tjampoer haroe. Terachir² kita bertemoe Fifi ke pekoeboeran Tjina di Kebon Nanas Djakarta Timoer dimana ia sedeng doedoek kesel ditemanin anak tjoetjoe'nja jang toenggoe tampil depan kamera pada pemboeatan film Mei Lan akoe tjinta padamoe" dimana pendoedoek kampoeng berdoejoen-doejoen sambil senjoem dan berbisik-bisik, malah ada jang memanggil-manggil Tante Fifi tante Fifi ", Kim Nio jang di panggil dengen moeka letih masih bisa tersenjoem dan berkata pada salah satoe anak kampoeng terseboet Tolong tante diambilken aer se-ember jah" Tak lama dari itoe seorang gadis tjilik mendatengin dan serahken aer setimba, kamoedian Fifi dianter ke podjokan koeboeran boeat mentjari lokasi" jang tjotjok oentoek memboewang aer ketjil. Karena awan sanget mendoeng dan itoe tjoeatja dianggep tida tjotjok boeat shooting maka terpaksa ditoenda esok'nja. (*hm sanget sengsara sekali djadi artis djaman'nja Kim Nio) Dan film terachir dari Kim Nio ada berdjoedoel Bagong Moedjoer" garapan soetradara Tjasmadi, produksi Sugar Indah Film. Dimana Fifi maen bersama Tan Tjeng Bok alias si Item dan bintang tjilik Zainuddin. Saat menjaksiken Priview film itoe Fifi dateng bersama tjoetjoe'nja, sambil bersalaman saja liat wadjah'nja tampak poetjat dan toeboeh'njapoen rada koeroesan: Saja baroe sakit, badan saja tjepet koeroes belakangan ini, karena pengen taoe bagimana saja maen sama si Item" Ternjata 10 hari setelah ini pertemoean jakni 8 Februari 1975 Fifi tida sadarken diri dan langsoeng diangkoet ke R.S. Liang Seng Ie (Hoesada) jang tida seberapa djaoeh dari roemah'nja (Gang Komandan) dan semendjak tanggal itoe Tan Kim Nio alias Fifi Young tida liat doenia pertoendjoekan lagi. Itoelah sepenggal ketjil kisah Fifi Young jang p
[budaya_tionghua] Sedikit Riwajat Lagoe Indonesia Raja.
Djikalaoe kita memikirken hal² jang terdjadi dalem penghidoepan manoesia, djalan'nja kebangasaan, hikajat doenia dan sebage'nja barangkali kita aken merasa tertjengang dengen peristiwa jang gandjil, ajaib atawa aneh. Soedah di ketahoei bahwa Proklamasi di siarken pada tanggal 17 Agustus 1945 dimana Sang Merah Poetih dikibarken dan tentoe'nja Lagoe Kebangsaan Indonesia Raja" di njanjiken. Aneh'nja djoestroe tanggal 17 Agustus poela tepat'nja hari Rebo taon 1938 sang pengarang (W.R. Soepratman)lagoe Indonesia Raja berpoelang ke Rahmadtoelah di Soerabaia. Tepat 7 taon setelah W.R Soepratman masoek ke lobang koeboer, maka bangkitlah, tapi kali ini boekan djasat'nja melaenken soemanget jang masoek ke sanoebari seloeroeh rakjat Indonesia! (hm ini bisa dinamaken satoe kegandjilan boekan? Dan ini boekan satoe kesengadjaan jang sengadja di tjotjok²en). Lagoe Kebangsaan" dan Bendera" tida bisa dipisahken dalem riwajat tiap² bangsa merdaeka!" maka itoe soenggoeh adjaib peristiwa ini seolah-olah toean W.R. Soepratman hidoep kombali di tengah-tengah bangsa'nja. Sajang saja tida poenja tjatetan tentang penghidoepan toean W.R. Soepratman, selaen sedikit toelisan jang mengataken ia ada mendjadi pembantoe SIN PO". (maka pasti Sin Po" lah jang pertama kali aken siarken itoe lagoe dalem bentoek media berita) Dalem toelisan itoe lebih landjoet ada di kataken bahwa toean Wage boekan ada seorang terpeladjar, tetapi siapa kira nama'nja tida aken di loepaken dari tinta emas sedjarah bangsa Indonesia. Asal moeasal lagoe Indonesia Raja" jang telah di salin ke dalem bahasa Tionghoa, Inggris dan Djerman, ada ditoetoerken begini: Waktoe pergeraken pemoeda² Indonesia belon menjiptaken Indonesia Moeda". Pada tanggal 26-28 Oktober 1928 diadaken Congres Pemoeda Indonesia (jeugd-congres) jang kedoea di Batavia atas pimpinan toean Soegondo. Disaat itoelah toean W.R. Soepratman ada soembangken satoe lagoe jang ia tjiptaken dan di beri djoedoel Indonesia Raja" laen tida, dan tentoe dengen pengharepan kelak lagoe ini djadi lagoe kebangsaan. Menoeroet toean Wage jang ia kataken bahwa sebetoel'nja itoe lagoe bertoedjoean oentoek mengandjoerken persatoean dalem kalangan bangsa Indonesia jang pada saat itoe ada terpetjah-petjah menoeroet pergerakan² jang bersifat mementingken segolongan² sendiri (provincialistisch) Adapoen boenji'nja lagoe terseboet ada begini: Indonesia tanah aerkoe, Tanah toempah darahkoe; Disanalah akoe hidoep, Mendjadi pandoe iboekoe; Indonesia kebangsaankoe, Kebangsaan, tanah aerkoe; Marilah kita berseroe: Indonesia bersatoe". Hidoeplah tanahkoe, Hidoeplah negerikoe, Bangsakoe, djiwakoe semoea; Bangoenlah rakjat'nja, Bangoenlah badan'nja Ontoek Indonesia Raja" Indonesia, tanah jang moelia, Tanah kita jang kaja; Disanah akoe berada, Oentoek selama-lama'nja; Indonesia tanah poesaka, Poesaka kita semoea'nja; Marilah kita mendoa, Indonesia bahagia" Soeboerlah tanah'nja, Soeboerlah djiwa'nja, Bangsa'nja, ra'jat'nja semoea; Sadarlah hati'nja, Sadrlah boedi'nja' Oentoek Indonesia Raja" Indonesia tanah jang soetji, Bagi kita disini, Disanalah akoe berdiri, Mendjaga iboe sedjati; Indonesia tanah berseri, Tanah jang terkoetjintai, Marilah kita bernjanji: Indonesia berdiri" Slamatlah ra'jat'nja, Slamatlah poetra'nja, Poelau'nja, laoet'nja semoea, Madjoelah negri'nja Madjoelah pandoe'nja Oentoek Indonesia Raja" (oelangan refrein) Indonesia Raja, moelia, moelia, Tanahkoe negrikoe jang koetjinta, Indonesia Raja, moelia, moelia, Hidoeplah Indonesia Raja 2x Begitoelah syair pertama jang ditoelis oleh toean W.R. Soepratman. Kaloe kita agak perhatian pada lagoe² kebangsaan beberapa negri, maka terliat djelas irama lagoe Indonesia Raja dari awal pelan dan diachiri dengen irama soemanget jang menjala-njala ini ada mentjiriken dimana satoe bangsa terdjajah jang maoe berontak oentoek lepas dari itoe iketan pendjajah jang moesti diachiri dengen satoe REVOLUSI jang gagah berani, seperti kaloe kita denger irama lagoe kebangsaan Franch, rasa soemanget jang menjala aken timboel di kita poenja benak. Ini lagoe pada masa Dai Nippon telah ada sedikit peroebahan, dan lebih lagi pada masa kini soedah dioebah syair'nja (tampa si pentjipta taoe). Sekarang saja bertanja apa nanti generasi mendateng bisa lagi dioebah syair'nja menoeroet selera pengoeasa saat itoe??? karena toch ia pikir doeloe orang soedah dengen lantjang oebah syair jang belon tentoe sependapet sang pentjipta. Sanget ironi sekali. Hoedjin Tjamboek Berdoeri
[budaya_tionghua] Kenangan oentoek Basoeki Soedjatmiko.
Sedjak taon 1750 dan sampe sekarang setjarik kertas tetep di boetoehken oentoek memboektiken diri'nja seorang WNI. Soal WNI ketoeroenan Tionghoa. Apa lagi jang maoe di toelis!? Sebage seorang WNI ketoeroenan Tionghoa statoes hoekoem saja pastilah sama dengen statoes hoekoem WNI Tionghoa jang laen'nja. Oentoek memboektiken diri sebage orang Indonesia saja haroes menoendjoeken soerat boekti tanda kewarganegaraan Indonesia. Ini berlakoe bagi ajah saja, saja sendiri dan anak² saja nanti'nja kaloe mereka dewasa kelak. Dan oentoek itoe diperloeken sedjoemlah oewang jang tida sedikit. Kapan pemboektian soerat tanda kewarganegaraan Indonesia itoe aken berachir? Sampe generasi keberapa lagikah? Bitjara generasi ke berapa ini memboeat saja iseng oentoek mengetahoei soedah sampe generasi keberapa diri saja ini. Keisengan ini menghasilken data² sebage berikoet: Ketoeroenan pertama. Melatjaki garis ketoeroenan mempoenjai keasjikan tersendiri. Pamilli² jang soedah djaoeh mendjadi deket lagi, karena ada komoenikasi. Tertjatet taon 1750 sebage taon pertama kali'nja seorang lelaki jang dikenal dengen nama Liem Pay menapaken kaki'nja di Toeban. Ia dateng dari kampoeng Sien Gwat Siah, bilangan Hay Ting Kwan, keresidenan Chiang Chioe, propinsi Hok Kian di Tiongkok. Dari istri satoe²nja jang bernama Tan Soen Nio, Liem Pay mempoenjai doea poetra masing² bernama Liem Djoen Swie dan Liem Tiang Sing. (anak tertoea tida poenja ketoeroenan) Makam Liem Pay terdapet didesa Popo'an Toeban, sedeng istri'nja di makamken di desa Djati Rengel Bodjonegoro. Ketoeroenan kedoea: Seperti diatas dikataken, maka Liem Tiang Sing jang lahir taon 1780 beristri doea orang jang pertama dengen Tan Wan Nio berpoetra masing² Liem Khee Soen dan Liem Khee Thay. Istri kedoea bernama Auw Swat Nio. Dengen istri kedoea tida mempoenjai ketoeroenan. Liem Tiang Sing di makamken di desa Djati Bawerno dikota Bodjonegoro. Ketoeroenan ke tiga. Sebage toeroenan ke tiga jang menetep di Indonesia adalah Liem Khee Soen dan Liem Khee Thay. Saja ada pada garis ketoeroenan'nja Liem Khee Soen jang lahir taon 1810 mempoenjai anak berdjoemlah 10 dari seorang istri jang bernama Tan Yoe Nio ada begini: Liem Gwan Hoei; Liem Gwan tik; Liem Gwan Djien; Liem Gwan Sioe; Liem Gwan Tjing; Liem Gwan Hok; Liem Gwan An; Liem seneng; Liem Tjhiook. Semasa hidoep'nja Liem Khee Soen pernah mendapet pangkat Luitenant der Chineesen dan memperoleh gelar Tjwie Hong Kong dan bertempat tinggal di aloen² Gresik serta meninggal taon 1896. Ketoeroenan keampat. Dari sepoeloeh anak Liem Khee Soen jang djadi garis ketoeroenan saja adalah Liem Gwan Hoei lahir taon 1827 menikah dengen Tan Tjhing Nio, disamping itoe Liem Gwan Hoei poenja istri kedoea dan ketiga jang masing² bernama Tio Kiem Nio dan Tio Siem Nio dari ketiganja didapet 25 (doea poeloeh lima) poetra dan poetri. Liem Gwan hoei semasa idoep'nja memperoleh pangkat kapten tituler dengen gelar Hong Ing dan tinggal di alon² Gresik dan di makamken di desa Gending Gresik taon 1911. Ketoeroenan ke lima. 25 orang jang masoek generasi ke lima ada sebage berikoet: Dari istri pertama Tan Tjhing Nio ada (10) : Liem Tjien Ing; Liem Tjien Siang; Liem Tjien Khing; Liem Tjien Gie; Liem Tjien Bo; Liem Tjien Loen; Liem Khoen Nio; Liem Bola Nio; Liem Khien Nio; Liem Lien Nio. Dari Tio Kien Nio ada (7) Liem Siauw Tjhiang; Liem Siauw Tjong; Liem Siauw Tjang; Liem Siauw Ing; Liem Siauw Ling; Liem Siauw Liong; Liem Siauw Nio. Dari Tio Sien Nio ada (8) Liem Tjhong Sik; Liem Tjhong Tjioe; Liem Tjhong Siang; Liem Tjhong San; Liem Tjhong Tjwan; Liem Tjhong Yan; Liem Hong Nio; Liem Hook Nio. Dari ke 25 anak ini jang djadi garis ketoeroenan saja ialah Liem Tjien Khing jang mempoenjai lima poetra dan seorang poetri (Liem Giok Khoen; Liem Giok Tien; Liem Giok Tjiang; Liem Giok Lian; Liem Giok Kiem dan Liem Lioe Nio). Lebih dari ini informasi ada koerang lengkep, tjoema saja ketahoei beliau meninggal doenia di makamken di Koepang Goenoeng Soerabaia. Ketoeroenan ke enam. Dari ke 6 jang poenja garis loeroes keloearga adalah Liem Giok Kiem di lahirken 25 Januari 1888 dan meninggal doenia tnaggal 24 Oktober 1966, semasa idoep'nja ia tinggal di Malang, saja mengenal'nja dengen baek, boekan sadja ia ada kakek saja, tetapi saja pernah mondok diroemah'nja koetika saja menempoeh pendidikan SMA Katolik di Malang. Kakek saja mempoenjai doea istri jang pertama bernama Tjan Siek Nio jang meninggal pada oesia 30 taon jakni pada tanggal 4 Nov 1920 dan di makamken di Koepang Goenoeng Soerabaia dengen ia, kakek saja dapet 4 anak. Kamoedian kakek saja menikah lagi dengen Tan Tjay Nio jang lahir tanggal 28 Jan 1904 dan meninggal pada 20 September 1952. Ketoeroeanan ke toedjoe. Ini ketoeroean jang sanget tida asing lagi bagi saja karena statoes toeroenan ke toedjoe ini salah satoe'nja ada ajah saja sendiri. Mereka dari istri pertama ada (4) Liem Pheek Hwan; Liem Pheek Biauw; Liem Pheek Sien; Liem Pheek Tjing. Dari istri kedoea ada (5) Liem Pheek Hiap; Liem Tjiam Nio; Liem ay Nio; Liem Pheek Khee;
[budaya_tionghua] Apa toean Taoe?
Bahwa lagoe kebangsaan Indonesier Indonesia Rajah" dari toean W.R Soepratman bermoela terbit tertjitak dalem weekblad Sin Po dari 10 November 1928?. Bahwa Multatuli poenja Saidjah dan Adindah" telah di salin oentoek pertama kali dalem bahasa Melajoe oleh weekblad Sin Po no 91 27 Desember 1924 dan seteroes'nja hingga tamat? Bahwa dalem journalistiek Tionghoa disini ada lebih dari satoe losin orang jang she Kwee jalah Kwee it, Djie, Sah, Sie, Go, enz, enz? Bahwa satoe tjerita pendek dari weekblad Sin Po tanggal 5 Februari 1927 Tahan Harga" telah dimaenken oleh Miss Riboet" pada tanggal 11 Februari 1927 di Batavia? Bahwa jang pertama kali dari soerat-kabar Tionghoa Melajoe jang pertama bikin komikstrep. Bahwa tjoema Sin Po jang poenja hoofdredacteur jang pernah kena presdelict doea kali dari sekali waktoe ia mendjadi redactie dan sekali lagi sewaktoe ia pegang hoofdredacteur jalah toean Tjoe Bou San. Bahwa dalem Encyclopaedie van Ned Indie" jang besar (afl 47; September 1935) dalem artikel tentang partij² politiek di Indonesia, Sin Po poen diseboet sebage pemimpin dari Ultra-nationalistsche groep". Memang tida salah Sin Po soeka apa jang Ultra" dan teroetama apa jang non plus ultra (*red hahhahahah ..)
[budaya_tionghua] Waktoe Djamblang moelai di kotjok.
Kapan rubriek Djamblang kotjok" moelai moentjoel dalem Sin Po, Garem soedah tida inget betoel, tapi kaloe tida salah 30 Nopember 1929 ia moelai di kotjok bersamaan dengen Garem jang djoega terlahir dalem itoe boelan. Tapi kaloe tida kliroe doeloe almarhoem toean Tjoe Bou San pernah moentjoelin djoega Djamblang Kotjok" jang kamoedian linjap dan sekarang bangkit lagi dan ini djadi kebiasa'an'nja Asemkade. Djamblang Kotjok" dinamaken begitoe, sebab ada manis'nja, ada pait'nja, ada sepet dan getir, hingga menoeroet si Tay Pwee ada sematjem Symphonie in smaken". Sebentar ketjoet dan waktoe orang ampir meringis lantas merasa manis dan waktoe orang lagi isep² manis goela'nja, mendadak rasain garem jang asin melekek atawa pait'nja djamblang jang boekan maen. Dan sebab Djamblang kotjok tida compleet zonder garem. Garem dipilih sebage toekang kotjok'nja, boekan sebab ia selaloe pittig (jang selaloe pittig alias berbidji ada soedara" djamblang), tapi sebab dojan asin'in diri sendiri. Tapi Multatuli kata orang jang blaga tida maoe poedji diri'nja ada orang jang kepingin di poedji bahwa ia begitoe taoe diri" Dalem Djamblang kotjok jang moentjoel 30 Nopember orang² jang dapet kehormatan di kotjok boeat pertama kali ada toean T(hio Soei Sen) dari Djawa Tengah", salah satoe hoofd der Chineezen dan Mr Rodney Gilbert, penoelis dari What is wrong with China" hingga mereka di kotjok hingga mateng biroe. Dan bikin orang mateng biroe" memang ada kesoekaan'nja specifiek dari Djamblang, lantaran ini ada ia poenja warna sedjati: mateng biroe. Isi'nja Djamblang kotjok" tida ada apa² jang penting, tapi maski begitoe, Garem amat sering dipanggil menghadep resident djoestroe lantaran perkara Djamblang kotjok" sadja, hingga lebih selamat kaloe orang kotjok dadoe atawa kotjok kartoe dalem sostet djoedi, sebab kotjok demikian masih dapet izin dari kandjeng Goebernemen, tapi Kotjok Djamblang" sering koerang dapet moefakat dari kandjeng dan laen orang, jang maoe telen Garem idoep² sadja, tjoema kaloe telen garem orang bisa mati keasinan. Rubriek Djamblang kotjok oemoer'nja baroe anem taon, jalah masih botjah alias anak², tapi sebage enfant terrible ia sering bikin darah orang jang di kotjok djadi berbajang, maski dibawah koelit jang pengabisan tebel'nja. Hingga sering Garem sendiri anggep diri'nja djahat, tapi lantas inget sebalik'nja ia kadang² djoega bikin orang tertawa terpingkel² serta geli hati, hingga djalanken rol sebage dokter, sebab sebage satoe penoelis jang Garem soedah lama loepa nama'nja bilang: A laugh a day keeps the doctor away" (Saban hari tertawa, penjakit bisa di gebah) Dari itoe sebisa'nja Dr Garem" saben hari tjoba bikin pembatja tertawa, katjoeali hari Senen. Sebab di itoe hari biasa'nja Garem sendiri sakit, sebab kekenjangan plesir hari Minggoe. Garem. NB: Ini toelisan sebage kenangan atas Garem alias..
[budaya_tionghua] Kenangan Pao An Tui
Sin Po 11 Agustus 1947. Kita tida bisa bajangken satoe bangsa jang nasib'nja psling sial dangkalan, begitoe memiloeken hati seperti Hoakiauw di Indonesia pada saat ini. Dibakar soedah!, dirampok soedah!, ditjoelik soedah!, disembeleh soedah!, diperkosa soedah!, malahan di soenat poen soedah!. Hina'an apa, sebetoel'nja jang kita belon alamken! Seksa'an apa jang belon kita rasaken! Kepedihan apa jang belon kita trima!. Baek, kita mengakoe itoe semoea ada perboeatan sekean anasir² jang djahat dan tida bertanggoeng djawab tapi, katjoeali djika kita boeta, kita haroes insaf, bahwa penderitaan² itoe teroetama ada akibat dari kita poenja sikep sendiri. Sekean lama kita berharep bisa menjelamatken diri kita dengen mengalah dan merendah, dengen silahken diri kita diperes sampe kering dan dihina-dina. Ditendang kita menjembah, dirangket kita memohon ampoen. Tida heran djika sekean kepala begal beranggepan, bahwa tida ada satoe benda di doenia jang lebih moerah dari kehormatan dan djiwa orang Tionghoa. Apa arti hoekoem-internasional atawa pri-kemanoesiaan bagi segrombolan binatang sebage mereka? Banjak tongpauw kita sansiken, apakah kita bisa berboeat laen. Kata'nja golongan kita ada golongan jang sanget ketjil dan lemah, dimana kita tida poenja sendjata jang serba lengkep. Pada mereka kita maoe tanja: Djika kita oepama dioetan lebat maoe diterkam oleh binatang boewas, apakah kita moesti menjerah sadja dan silahken diri kita dimakan mentah² tjoema kerna kita ada di fihak jang lemah dan tida poenja sendjata sepotongpoen? Boekankah pada saat demikian kita belaken dengen segala alat jang kita bisa dapetken, apa itoe sepotong ranting, seboetir batoe dan djika kepaksa malahan meloeloe dengen kepelan-kosong?" Kedoedoekan kita pada saat ini tida beda dengen peroempamaan diatas. Boekan soal'nja kita maoe atawa tida, kita mampoe atawa tida, tapi kita moesti siap-sedia aken belaken diri dan kehormatan kita atawa Hoakiauw di Indonesia aken mendjadi satoe bangsa jang paling terhina diseloeroeh doenia. Hoakiauw di Medan soedah lama insaf aken keada'an ini. Mereka telah mampoe membentoek satoe Pao An Tui atawa barisan pendjaga keamanan. Bener harta benda'nja djoega banjak jang moesnah, penderitaan jang mereka alamken djoega tida koerang heibat'nja, tapi berbeda dari keada'an di Djawa, mereka djoeal djiwa dan harta'nja jang paling mahal, maka mampoe pertahanken deradjat dan kehormatan'nja. Kita pertjaja, malahan kita mengetahoei, bahwa di Djakarta poen pada waktoe ini banjak sekali pemoeda² Tionghoa jang bersedia oentoek membentoek sematjem barisan terseboet. Boekan teroetama oentoek kota Djakarta, jang sampe saat ini soekoer tjoekoep sentosa. Maksoed mereka jalah aken bantoe mendjaga keamanan dikampoeng Tionghoa di pedalaman dan desa² jang telah didoedoeki tentara Belanda, dimana pendoedoek Tionghoa terantjem bahaja. Sekarang mereka tjoema menoenggoe panggilan resmi", dan menantiken satoe pimpinan jang mampoe didik dan pimpin mereka oentoek woedjoetken maksoed'nja jang soetji. Kesoekaran technisch dan material memang sebesar goenoeng, sedeng sang waktoe sanget mendesek. Tapi kita jakin tida ada kesoekaran jang kita tida bisa petjahken, asal kita insaf, bahwa kelambatan saban detik, moengkin berarti menambah ilang'nja satoe djiwa Tionghoa jang tida berdosa. Bangsa Tionghoa soedah tjoba semoea daja, sampe jang paling hina, oentoek menjelametken djiwa dan kedoedoekan'nja. Sekarang tjoema tinggal satoe tjara jang kita belon lakoeken jaitoe: Bitjara dengen itoe grombolan pendjahat dalem bahasa satoe²nja jang mereka djoega mengerti" Bahasa" itoe bernama P A O - A N - T U I!! Pemoeda Tionghoa di Djakarta! Sesama bangsamoe di seloeroeh Indonesia siang-malem hanja mengharep kaoe poenja bantoean dan pertoeloengan! Bersiaplah dan madjoekenlah dirimoe oentoek memperkoeat kita poenja Pao An Tui! Oentoek menjelametkan kita poenja soedara dan harta benda jang kita peroleh dengen tjara halal! Oentoek melindoengi anak bini kita! Dan teroetama oentoek mempertinggi kombali deradjat dan kehormatan kita, jang pada waktoe ini terseret-seret di loempoer dan tjomberan kehinaan dengen tjara jang keliwat dari moesti! Tjamboek Berdoeri 28
[budaya_tionghua] Kenangan Pao An Tui
Sin Po 11 Agustus 1947. Kita tida bisa bajangken satoe bangsa jang nasib'nja psling sial dangkalan, begitoe memiloeken hati seperti Hoakiauw di Indonesia pada saat ini. Dibakar soedah!, dirampok soedah!, ditjoelik soedah!, disembeleh soedah!, diperkosa soedah!, malahan di soenat poen soedah!. Hina'an apa, sebetoel'nja jang kita belon alamken! Seksa'an apa jang belon kita rasaken! Kepedihan apa jang belon kita trima!. Baek, kita mengakoe itoe semoea ada perboeatan sekean anasir² jang djahat dan tida bertanggoeng djawab tapi, katjoeali djika kita boeta, kita haroes insaf, bahwa penderitaan² itoe teroetama ada akibat dari kita poenja sikep sendiri. Sekean lama kita berharep bisa menjelamatken diri kita dengen mengalah dan merendah, dengen silahken diri kita diperes sampe kering dan dihina-dina. Ditendang kita menjembah, dirangket kita memohon ampoen. Tida heran djika sekean kepala begal beranggepan, bahwa tida ada satoe benda di doenia jang lebih moerah dari kehormatan dan djiwa orang Tionghoa. Apa arti hoekoem-internasional atawa pri-kemanoesiaan bagi segrombolan binatang sebage mereka? Banjak tongpauw kita sansiken, apakah kita bisa berboeat laen. Kata'nja golongan kita ada golongan jang sanget ketjil dan lemah, dimana kita tida poenja sendjata jang serba lengkep. Pada mereka kita maoe tanja: Djika kita oepama dioetan lebat maoe diterkam oleh binatang boewas, apakah kita moesti menjerah sadja dan silahken diri kita dimakan mentah² tjoema kerna kita ada di fihak jang lemah dan tida poenja sendjata sepotongpoen? Boekankah pada saat demikian kita belaken dengen segala alat jang kita bisa dapetken, apa itoe sepotong ranting, seboetir batoe dan djika kepaksa malahan meloeloe dengen kepelan-kosong?" Kedoedoekan kita pada saat ini tida beda dengen peroempamaan diatas. Boekan soal'nja kita maoe atawa tida, kita mampoe atawa tida, tapi kita moesti siap-sedia aken belaken diri dan kehormatan kita atawa Hoakiauw di Indonesia aken mendjadi satoe bangsa jang paling terhina diseloeroeh doenia. Hoakiauw di Medan soedah lama insaf aken keada'an ini. Mereka telah mampoe membentoek satoe Pao An Tui atawa barisan pendjaga keamanan. Bener harta benda'nja djoega banjak jang moesnah, penderitaan jang mereka alamken djoega tida koerang heibat'nja, tapi berbeda dari keada'an di Djawa, mereka djoeal djiwa dan harta'nja jang paling mahal, maka mampoe pertahanken deradjat dan kehormatan'nja. Kita pertjaja, malahan kita mengetahoei, bahwa di Djakarta poen pada waktoe ini banjak sekali pemoeda² Tionghoa jang bersedia oentoek membentoek sematjem barisan terseboet. Boekan teroetama oentoek kota Djakarta, jang sampe saat ini soekoer tjoekoep sentosa. Maksoed mereka jalah aken bantoe mendjaga keamanan dikampoeng Tionghoa di pedalaman dan desa² jang telah didoedoeki tentara Belanda, dimana pendoedoek Tionghoa terantjem bahaja. Sekarang mereka tjoema menoenggoe panggilan resmi", dan menantiken satoe pimpinan jang mampoe didik dan pimpin mereka oentoek woedjoetken maksoed'nja jang soetji. Kesoekaran technisch dan material memang sebesar goenoeng, sedeng sang waktoe sanget mendesek. Tapi kita jakin tida ada kesoekaran jang kita tida bisa petjahken, asal kita insaf, bahwa kelambatan saban detik, moengkin berarti menambah ilang'nja satoe djiwa Tionghoa jang tida berdosa. Bangsa Tionghoa soedah tjoba semoea daja, sampe jang paling hina, oentoek menjelametken djiwa dan kedoedoekan'nja. Sekarang tjoema tinggal satoe tjara jang kita belon lakoeken jaitoe: Bitjara dengen itoe grombolan pendjahat dalem bahasa satoe²nja jang mereka djoega mengerti" Bahasa" itoe bernama P A O - A N - T U I!! Pemoeda Tionghoa di Djakarta! Sesama bangsamoe di seloeroeh Indonesia siang-malem hanja mengharep kaoe poenja bantoean dan pertoeloengan! Bersiaplah dan madjoekenlah dirimoe oentoek memperkoeat kita poenja Pao An Tui! Oentoek menjelametkan kita poenja soedara dan harta benda jang kita peroleh dengen tjara halal! Oentoek melindoengi anak bini kita! Dan teroetama oentoek mempertinggi kombali deradjat dan kehormatan kita, jang pada waktoe ini terseret-seret di loempoer dan tjomberan kehinaan dengen tjara jang keliwat dari moesti! disalin kombali oleh hoedjinTjamboek Berdoeri 28
[budaya_tionghua] Pao An Tui dibenak Kwee Thiam Tjing
Sebagimana pembatja taoe, Pao An Tui dilahirken diatas toempoekan poeing² dan majat² sebage soembangan decoratie dari fihak'nja pendoedoek Tionghoa boeat bikin lengkep Djamino dan Djoliteng Indonesier jang poenja pertoendjoekan lelakon dipanggoeng doenia. Menoeroet pemandengan saja, koewadjiban jang diberiken pada Pao An Tui ada pendek, tapi terang. Ja itoe, seberapa bisa lindoengin djiwa dan milik Tionghoa terhadep pada kaoem peroesoeh jang mana djoega. Djika oepama Djamino dan Djoliteng Belanda samperin kita dengen maksoed djahat, Pao An Tui jang moesti tjoba oesir mereka pergi. Ande kata Djamino dan Djoliteng Indonesier maoe tjoba oelangken poela perboeatan'nja, Pao An Tui jang moesti berdaja gagalken itoe niatan. Dan Djamino dan Djoliteng Tionghoa ? djoega terhadep mereka, Pao An Tui koedoe ambil ini pendirian, makin banjak jang dibasmi makin baek. (*disini toean Kwee, kasih liat kaloe kita maoe berboeat sesoeatoe, maka tjontoh diri sendiri moesti jang paling oetama. Kita aken inget sewaktoe seorang pembesar di negri Tiongkok maoe brantas korupsi maka satoe peti disediaken oentoek'nja) Pembatja ini boekoe (*toelisan), jang masoek golongan Tionghoa, djangan mengimpi jang diantara kita orang tida aken bisa didapet Djamino dan Djoliteng'nja. Begitoe menoeroet pendapetan saja, ada'nja Pao An Tui poenja kewadjiban, djika maoe dilakoeken zonder-djidor dan tengloleng (*disini djelas opa Kwee tjerita bahwa Pao An Tui sanget bergoena kaloe didjalanken soenggoeh². Ekses zonder djidor dan tengloleng bisa diliat pada kenjata'an mentjoreng'nja tjitra dari Pao An Tui). Tapi sepandjang kabar (*bener boekan kabar boong hm) dari Djawa Koelon, jang di riboetin jalah apa dalem kalangan Pao An Tui baek diadaken pangkat Kolonel, Luitnant Kolonel, Majoor enz² atawa tida!! Sedeng Academi'nja beroepa latihan sekean minggoe lama'nja di tangsi Tjimahi!. Kaloe toch pangkat² jang dipentingken dan koewadjiban jang dinommer-doeaken, saja harep voorstel ! (*oesoel) soepaia bisa dipertimbangken lebih djaoeh oleh fihak jang bersangkoetan. Soepaia pangkat² itoe bisa keliatan lebih menjolok mata lagi, boeat jang pangkat Kolonel disediaken gadjah sebage binatang toenggangan'nja; boeat Luitnant Kolonel, oenta; boeat Majoor koeda tedji; boeat Kaptein, koeda katjang; boeat Luitnant, kalde; sedeng boeat onder officier tjoekoep dengen naek betjak sadja. Dan boeat pringetan djasa'nja Pao An Tui poenja geestevader (*bapa spritual) hendak'nja dipersembahken pangkat Maarschalk Titulair !" NB: boeat pembatja jang anggep ini tjerita loetjoe sanget disajangken, tjoba perhatiken maksoed'nja ini sanget dalem, dan tjara bertjerita Opa Kwee memang soedah begitoe tetep seger dan penoeh humor Kwee Thiam Tjing.
[budaya_tionghua] Mohon Bantoean
Boeat Toean2 pakar, pemimpin, pembina setaoe pem apalagi dalem oeroesan Tionghoa, saja hampir setaon kesoelitan mentjari biografi jang lengkep soal KHO WAN GIE sekiranja ada bisa bantoe saja sanget bertrima kasih apalagi kaloe sampe dapet Potretnja toean KHO, saja pertjatja di ini komoenitas jang sanget pande dalem diskoesi bisa memberi djalan dimana ahli warisnja Toean KHO WAN GIe saja ingin beladjar kenal. Teroetama saja pingin mendapetken sepotong potretnja. sebelonnja trima kasih. Hoedjin Tjamboek Berdoeri
[budaya_tionghua] Kombali Djamino Djoliteng beraksi
Peristiwa Pontianak Hm. belon genap i taon Republik ini merdeka telah terdjadi satoe tragedi jang sanget bersifat Rasialis bagi orang Tionghoa, siapa jang tida inget atawa tida taoe Peristiwa Tangerang ?, kemoedian berlandjoet-berlandjoet entah setaoe berapa kali hingga Tragedi Mergosono di Malang 22 orang aken bisa tjioem wanginja "SATE Tjino", kombali sang djamino djoliteng jang kaloe masih boleh diseboet manoesia, tapi itoe mahloek adanja 1/2 graad diatas jang mananja monjet. Saja poen heran sampe kapan dan kapan itoe tindakan Djamino Djoliteng aken berachir? dan kenapa orang Tionghoa mesti dijadiken tempat sasaran antara sebelon sampe ketoedjoean jang tjoema ia dan Allah jang Taoe. achir kata waspadalah pada para Djamino Djoliteng dari bangsa mana djoega!!!
[budaya_tionghua] Tjetjeran Riwayat Negri Tiongkok
Inilah hikayat Negri Tiongkok poenja sedjarah ringkes jang hanja tertoelis di dalem Weekblad Bok Tok" satoe Weekblad terbit di Soerabaia Oktober 1913. Saja rasa sanget bergoena boeat kita mengenal boedaja kita poenja leloehoer jang sanget kaja aken tjerita² jang bermoetoe, tjoema sajang saja hanja menemoeken 75 % sadja dari itoe Weekblad. Saja tida taoe apa siansing² disini bekenan menjamboet tjerita jang aken saja salinken sesoeai asli (sanget Bootjenglie kaloe saja mengoebah-oebah edjaan) jalah bahasa Melajoe rendah tjampoer Hok Kian plus sedikit Belanda jang sanget sedap oentoek di batja, seperti kaloe saja liat sekarang koempoelan tjerita silat sadoeran jang djelas bergaja Hok kian jang kentel. Jang pasti ini tjerita aken dapet tempat khoesoes di Web'nja Tjamboek Berdoeri. Dimana aken salah sekali kaloe orang doega jang saja ini tjoema bisa memaki atawa boeka boroknja bangsa Tionghoa sadja. Inilah sebagian djoedoel jang dapet saja selametken dari kebinasaan'nja sang waktoe: 1 18 tida dapet di selamatken. 19. Han Koo Tjo boleh dapet Negri. 20. Han Koo Tjo poenja aken madjoeken Negri'nja. 21. Bahaja jang terbit lantaran Permisoeri Loe Ho 22. Baginda Han Boen Tee dan Han King Tee. 23. Han Boen Tee madjoeken peladjaran. 24. Han Boen Tee memoekoel loear Negri. 25. Han Swan Tee bagoenken poela dinasty Han 26. Sebab'nja Han Dinasty djadi Lemah dan Lembek. (I) 27. Sebab'nja Han Dinasty djadi Lemah dan Lembek. (II). 28. Ong Bong merampas dinasty Han. 29. Binasa'nja dinasty Sien dan Ong Bong. 30. Dinasty Tong Han (Han seb'lah timoer) atawa banginda Han Kong Boe membangoenkan poela dinasty leloehoer'nja. 31. Baginda Han Kong Boe boleh'nja mengatoer Negri. 32. Kegagahan dinasty Han sampe poela pada seblah Barat dan Oetara. 33. Hoeroehara Familie Iboe Soeri dinasty Tong Han. 34. Hoeroehara orang Kebiri dinasty Tong Han. 35. Hoeroehara perserekatan Tong Ko. 36. Ilmoe pengetahoean dalem zaman dinasty seh Han dan Tang Han. 37. Peladjaran dan Agama dinasty Seh Han dan Tang Han. 38. S A MK O K. 39. Berdiri Soe Ma (Orang Seh Soe Ma). 40. Keriboetan 8 Radja. 41. Lima Bangsa Asing (I). 42. Lima Bangsa Asing (II). 43. Binasa'nja dinasty Tong Tjin. 44. Keradjaan Oetara dan Selatan. 45. Peladjaran dalem zaman dinasty Tong Tjin dan Keradjaan Oetara dan Selatan. 46. Dinasty Soe dengen Tiongkok jang djadi loeas. 47. Binasa'nja dinasty Swie. 48. Tong Koo Tjo atawa Radja dinasty Tong I. 49. Bagimana baginda Tong Thay Tjong mengoeroes dalem Negri. 50. Tong Thay Toe (Lie Sie Bien) poekoel Negri asing. 51. Dimana tempat jang keangkeran'nja dinasty Tong telah sampe. 52. Hoeroehara seh Boe dan seh Oei. 53. Kedjadian dengen Tong Hian Tjong. 54. Hoeroehara An Lok San. 55. Hoeroehara Hwan Tien (Plaats Bestuer). 56. Hoeroehara orang Kebiri. 57. Party seh Gioe dan seh Lie. 58. Binasa'nja dinasty Tong. 59. Peladjaran zaman dinasty seh Tong. 60. Agama di zaman dinasty Tong. 61. Ngo Kwie (5 pemerentahan). 62. Berdiri dinasty Tio Song. 63. Dinasty Tio Song. 64. Perhoeboengan Negri Song dan Liauw. 65. Perhoeboengan Keradjaan Song dan He. 66. Ong An Sik mendjalanken atoeran baroe. 67. Atoeran'nja Ong An Sik. 68. Soe Ma Kong kombali djadi Minister. 69. Kaoem Hie dan Gwan Yoe. 70. Kaoem Moeda dan Toea di zaman dinasty Song. 71. Bangsa Kiem berdiri. 72. Binasa'nja Negri Liauw. 73. Baginda Hwie Tjong dan Kiem Tjong tertawan. 74. Keradjaan Song pindah ke Selatan. 75. Tjien Kwee bikin perdamai'an. 76. Han Thok Tioe pegang tali pemerentah'an. 77. Bangsa Mongol berdiri (I). 78. Bangsa Mongol berdiri (II). 79. Bangsa Mongol membinasaken Kiem. 80. Keradjaan Mongol marampas Song. 81. Ilmoe peladjaran dinasty Song. [Non-text portions of this message have been removed]
[budaya_tionghua] OMEDETO GOZAIMASU!!
Bok Tok, Sorabaia, 24 Januari 1914. Bersama Bok Tok dalem ke doea tangan kita hatoerken pada pembatja: Sinning-ni-nari-mashite Omedeto-Gozaimasu!". Kira² pembatja kaget dapet batja ini beberapa perkata'an asing dan doega jang kita hendak goenaken bahasa boeroeng gredja di ini soerat tjerita. (tijdschrift) Sengadja pembatja, kita goenaken itoe beberapa perkata'an Japan, kerna kita taoe tida banjak orang Tionghoa kenal bahasa itoe, tapi begitoe djoega kapan orang Tionghoa masih berhati asli, masih tjinta pada leloehoer dan adat'nja, pasti aken mengerti sendiri apa maksoed'nja. Lebih 50 taon jang laloe di dalem satoe roemah di Negri Roes, ada berkoempoel satoe familie, papa, mama dan ampat siotjia jang manis bersama satoe tetamoe nama'nja graaf Leo Tolstoi. Tiba² itoe tamoe toelis di atas sepotong kertas tiga hoefoef : S, T, K, dan minta toean roemah poenja poetri²nja tebak apa maksoed'nja. Beberapa tempo soedah di boewang aken mendoega antara langit dan boemi, achir'nja tjoema satoe jang soedah bisa tangkep maoe'nja si tetamoe, jaitoe nona jang kamoedian djadi istri jang soetji dari itoe Goeroe Besar (Leo Tolstoi). Arti'nja itoe tiga hoeroef adalah djaoeh bagi orang loear, tetapi boeat itoe nona ada di dalem hati'nja: (S)aja (T)jinta (K)aoe. Waktoe orang Tionghoa tiada bisa merasa itoe, njata hati'nja soedah djaoeh dari adat'nja(kebangsa'an). Satoe manoesia jang ilang agama'nja(principes, haleoan) soedah tiada berharga satoe apa poen, kerna'nja satoe bangsa jang ilang adat'nja(tabeat), poen demikian. Dalem waktoe belakangan bangsa Tionghoa soedah banjak boewang atoeran'nja jang baek, adat'nja jang haloes dan si-boen djadi kakoe dan kasar, Hao poen soedah ampir ilang, Kongpo soedah tida di soekain lagi. Sekarang moelai di oesik kalender (Im Lik) jang soedah di pake beriboe taon dengen tiada koerang sesoeatoe apa, hingga boleh di bikin kaloet sama sekali atoeran, sembajang leloehoer soedah boleh di bikin ilang djoega peladjaran Khongtjoe berhoeboeng dengen angka 2465 (*2558 sekarang) jang soetji. Dalem politiek dan perniagaan kita boleh loepaken itoe semoea, tapi djadi dalem familie atawa antara bangsa sendiri (Tio Tji Tong) boewang atoeran sembajang kerna hedak himpasken tachajoel sebage djoega boenoeh anak di seloeroeh doenia kerna maoe ilangken penjakit batoek! Sementara kita poenja pendapetan, bangsa Tionghoa kebanjakan soeka menoeroet Yang Lik (*masehi) tiada laen kerna segala penanggalan di madjoeken, tjoba Im Lik (*im lek) lebih doeloe dari Yang Lik, kita boleh pastiken, orang aken pegang tetep atoeran lama, seperti djoega anak ketjil, jang lebih soeka dapet sepeser sekarang dari pada besok trima sepipis!! Terlaloe sekali! itoe semoea menoendjoeken bangsa Tionghoa hidoep zonder haloean dan tiada berpikir, anoet sadja djalan'nja angin, jang mana boleh bawa bahaja di belakang hari. Di Negri Fransch doeloe djoega soedah di adaken kalender sendiri menoeroet pringetan Revolutie, seperti sekarang di Tiongkok atoeran: Bin Kok enz. kamoedian njata tiada haroes terpake. Fatsal adat di Negri Inggris orang pegang keras sekali dan antara'nja ada satoe jang loetjoe dan manis: Tiap taon satoe hari di tetepken orang lelaki di antero negri Inggris boleh tjioem segala orang prempoean di bawah daon mistletoe jang di pasang di segala tempat. Itoe adat soedah banjak menjiarken penjakit syphilis hingga sekalian thabib di sana soedah protest, tapi pertjoema, rakjat negri tiada soedi robah adat'nja. Kaloe orang menanja pada kita kenapa negri Inggris djadi besar, kita djawab: kerna adat itoe!! Tenaga Tiongkok aken dateng dari dalem dan boekan dari loear, maka itoe sekali lagi kita hatoerken: Omedeto Gozaimasu Kwee Hing Tjiat [Non-text portions of this message have been removed]
[budaya_tionghua] Re: Gold, Glrory, dan Gospel.
Haloo 'Nsoo, ada salam dari ik poenja laki, hehehe... wah ternjata ensoo sanget soeka adjaran KhongTjoe, nanti ik kabarin ensoo dari Rubriek "Rontok Boenga" (dipegang oleh Lie Biauw Kie) di Weekblad Bok Tok, jang isinja meloeloe ketok para moerid2 KhongTjoe jang berhati Srigala pake mantel boeloe Domba, ik belon barani omong soal adjaran jang keliwat soetji dari tenglang poenja Nabi. tjoeman ik terkesan sewaktoe Sang Nabi wafat di toenggoein sama 3000 moeridnja sampe 3 taon!! di koeboeran, malah ada satoe moeridnja jang landjoetin sampe 3 taon kamoedian, tjoema ik loepa nama itoe moerid dari sang nani, hm salan hanget soo dari ik hoermat saja Hoedjin Tjamboek Berdoeri --- In budaya_tionghua@yahoogroups.com, "idakhouw" <[EMAIL PROTECTED]> wrote: > > Sejauh saya perhatikan, di MILIS INI tak ada yang menghujat budaya > leluhur dengan memakai kacamata Kristen. > > Jadi kenapa Anda menabuh genderang perang di tempat yang tak ada > musuhnya? kenapa Anda membuang energi bersilat melawan angin? apa itu > yang diajarkan Sun Tzu? >
[budaya_tionghua] Orang Tionghoa Pelit????
Orang seringkali bilang, bangsa Tionghoa ada satoe bangsa jang pelit, jang sekaker. Tapi saja, sebage satoe orang Tionghoa, maoe bantah itoe omongan. Bangsa Tionghoa tida pelit, tida sekaker. Bangsa Tionghoa sampe tjoekoep royal!!. Maoe boekti? sebentar malem di Kranggan di adaken bacarat, roulette dan laen² matjem perdjoedian. Di sitoe nanti orang bisa boektiken jang orang Tionghoa tida pelit, tida sekaker, tapi sanget royal. Orang Tionghoa ini waktoe anggep doeit seperti pasir. Gotjeng, tjeban, noban-toen ada satoe perkara ketjil. Laen boekti lagi, dalem oeroesan prempoean djoega orang Tionghoa terkenal sebagi satoe bangsa jang royal, 10, 20 atawa 100, 200 boeat si nona manis, ada perkara ketjil. Kongkoan, soehian, djangan koeatir boekan poeloehan lagi, tapi ratoesan. Ini boekti soedah tjoekoep boeat bantah itoe toedoehan dari orang banjak, bahwa orang Tionghoa boekan'nja bangsa sekaker, tapi orang Tionghoa sampe tjoekoep royal. Tida sajang keloear doeit, tjoema sajang itoe keroyalan boekan'nja di oendjoek ditempat'nja jang benar, seperti djoega si boeta jang baroe melek, begitoe djoega orang Tionghoa poenja tjara hamboerken oewang ada di dalem djoeroesan jang salah. Tapi kaloe orang bilang bangsa Tionghoa sekaker, saja moesti bialng itoe toedoehan ada omong kosong. Hoedjin Tjamboek Berdoeri [Non-text portions of this message have been removed]
[budaya_tionghua] Re: Polemik Imlek, IMLEK bukan punya Matakin
Dear, Nsoo! "Bila ada sekelompok yang tidak bisa lagi menerima budaya secara 'full', hormatilah pilihan itu. Hanya dengan saling menerima dan menghormatilah saya kira kita bisa berjalan bersama." Kaloe sentil-sentil dikit biar doenia ini makin berwarna boleh nga 'nsoo?, atawa boeat jang soeka paksa biar di sabetin sama gamang ik poenja laki boleh ini ensoo moefakat atawa tida ?? --- In budaya_tionghua@yahoogroups.com, "idakhouw" <[EMAIL PROTECTED]> wrote: > > Bung Kris Tan, > Sudah lama saya menaruh simpati baik pada penganut KHC, Tao atau agama > leluhur lainnya yang di waktu lampau sering disudutkan. > > Adalah baik kalau Matakin berbahagia bahwa segala lapisan etnis Cina > sekarang lebih bisa menerima lagi budaya leluhur (Imlek dll.), karena > itu rangkulah mereka, carilah harmoni. Bukankah harmoni adalah > filsafat leluhur kita? > > Anda harus menerima bahwa etnis Cina Indonesia itu tidak satu. Ada > totok vs. peranakan; dari segi geografis ada Cina Jawa vs. Cina > Sebrang; dari segi agama ada Cina Kristen, Cina Islam, Cina Buddhis, > Cina KHC, Cina beragama warisan tradisi leluhur lain dll.. Masing2 > dengan keragamannya. > Terimalah itu, janganlah dipaksakan satu ragam pada ragam lainnya. > > Bila ada sekelompok yang tidak bisa lagi menerima budaya secara > 'full', hormatilah pilihan itu. Hanya dengan saling menerima dan > menghormatilah saya kira kita bisa berjalan bersama. > > Salam, > Ida Khouw
[budaya_tionghua] Re: Gold, Glrory, dan Gospel.
Dear Nsoo Ida, Soelit di poengkirin kaloe Adjaran Kong Tjoe sanget moelia, kendati saja tida taoe banjak tentang itoe adjaran (Makanja laki ik soeroe ik masoek ini mulis, djangan tjoema taoemja oelek trasi Sidoardjo boeat bikin petis adja). Ik bisa bajangin sewaktoe bangsa Ibrani gentajangan di goeroen Sinai, sang nabi Kong Tjoe oedah adjar tjara2 hidoep sopan dan Beradab, apa itoe tida tjoekoep boekti? oh jah soeara nsoo boeat Toean A ketjeng banget, hehehe + singkat djadi inget Almarhoem Kwee Hing Tjiat... segitoe doeloe, tabe Hoedjin TB. --- In budaya_tionghua@yahoogroups.com, "idakhouw" <[EMAIL PROTECTED]> wrote: > > Ik aken sanget goembira andekata Ntjim bisa adjar mij soal Nabi Kong > Tjoe, Ik pertjaja adjaran-adjarannja Nabi ada moelia poenja. > > Ini Ik ada sedikit maoe tanja terdjemahan satoe-satoe kata dari kita > orang poenja oetjapan "Sin Tjoen Kiong Hie". > Sin = baroe > Tjoen = musim semi > Kiong = ? > Hie = ? > > Banjak kamsia kaloe Ntjim ada taoe artinja en maoe kasi taoe mij. > > Salam lagi boeat Ntjek Tjamboek > > > > --- In budaya_tionghua@yahoogroups.com, "hoedjin_tjamboek_berdoeri" > wrote: > > > > Haloo 'Nsoo, > > ada salam dari ik poenja laki, hehehe... > > wah ternjata ensoo sanget soeka adjaran KhongTjoe, nanti ik kabarin > > ensoo dari Rubriek "Rontok Boenga" (dipegang oleh Lie Biauw Kie) di > > Weekblad Bok Tok, jang isinja meloeloe ketok para moerid2 KhongTjoe > > jang berhati Srigala pake mantel boeloe Domba, ik belon barani omong > > soal adjaran jang keliwat soetji dari tenglang poenja Nabi. > > tjoeman ik terkesan sewaktoe Sang Nabi wafat di toenggoein sama 3000 > > moeridnja sampe 3 taon!! di koeboeran, malah ada satoe moeridnja jang > > landjoetin sampe 3 taon kamoedian, tjoema ik loepa nama itoe moerid > > dari sang nani, > > hm salan hanget soo dari ik > > > > hoermat saja > > Hoedjin Tjamboek Berdoeri > > > > --- In budaya_tionghua@yahoogroups.com, "idakhouw" wrote: > > > > > > Sejauh saya perhatikan, di MILIS INI tak ada yang menghujat budaya > > > leluhur dengan memakai kacamata Kristen. > > > > > > Jadi kenapa Anda menabuh genderang perang di tempat yang tak ada > > > musuhnya? kenapa Anda membuang energi bersilat melawan angin? apa itu > > > yang diajarkan Sun Tzu? > > > > > >
[budaya_tionghua] Kenangan Toean Lauw Giok Lan
Harian Sin Po" Tionghoa-Melajoe sampe pada boelan Oktober jang aken dateng, oemoer'nja djangkap 41 taon dan menghadapi oemoer 42 taon. Menoeroet adat istiadat bangsa Tionghoa djika orang soedah 41 taon, haroes merajaken jang oleh bangsa Tionghoa di seboet Thoe Shedjit" (oelang taon besar jang haroes dirajaken dengen serba goembira). Bangsa apa sadja jang berada diwilajah Indonesia, teroetama sekali pada waktoe jang terachir ini, berhoeboeng tertangkep'nja soedara Ang Yan Goan directuer Sin Po". Tertangkepnja toean Ang dari harian Sin Po", membikin saja terkenang pada koetika poelaoe ini didoedoeki Djepang. Menoeroet pendapet saja bangsa Djepang sampe takoet dengen Sin Po", kerna boekan sadja anggota redactie, anggota administratie, sampe sadja ex-pedituer di tangkep dan di tawan oleh Djepang. Sesoedah'nja Djepang tekoek loetoet baroelah mereka dimerdekakan. Kenapa hal ini moesti teroelang lagi apa Pemerentah Republik ini takoet poela dengen Sin Po" jang di zaman pendjadjahan sanget membela ini negri dari pendjadjahan Belanda. Ini menarik boekan? Sin Po" telah lahir pertama dalem angen²nja toean LAUW GIOK LAN, jang sampe sekarang masih hidoep (*wafat 1953) dan soedah mentjapai oesia 69 taon. Adanja hal diatas, boekan tida moengkin pembatja tanja saja, siapa gerangan Lauw Giok Lan itoe? Apakah ia anak seorang hartawan jang mendapet peladjaran sekolah tinggi? T i d a k ! ! Toean Lauw Giok Lan ada anak toenggal dari toean dan njonja Lauw Tek Kim, seorang peranakan soekoe Hakka, pekerdja'an dagang ketjil, Lauw Giok Lan di lahirken di Djakarta taon 1882. Koetika Lauw Giok Lan baroe kira² beroemoer 7 taon, sang ajah meninggal doenia. Lauw Giok Lan hidoep dengen iboenja jang menoentoet penghidoepan dengen djalan koeli penjoelam moeka'nja selop dari mote dan menjoengket, pekerdja'an mana memang sanget digemari oleh siotjia² atawa hoedjin² di zaman doeloe. Tapi djoestroe ia pekerdja'an sanget diserioesin oleh mama'nja Lauw Giok Lan jang sanget piawai dalem kalangan'nja, maka boekan tida moengkin satoe pekerdja'an jang sanget tenar di zaman itoe dapet menghidoepi dan membesarken toean Lauw Giok Lan jang tjoema satoe²nja, sekalian bisa kasih masoek sekolah partikoelir dengen bahasa Belanda sebage bahasa penganter. Waktoe Lauw Giok Lan beroesia 16 taon, ia keloear dari sekolah, ia maoe beladjar bekerdja pada seboeah toko makanan dan minoeman Khouw Koan" di Glodok, kamoedian pindah ke pertjetakan dan toko boekoe Van Dorp" jang koetika itoe didiriken di Javache Bank Straat. Pertjetakan ini mentjetak soerat-kabar Java Bode" dan Pantjaran Warta". Di toko boekoe van Dorp ia bekerdja sebage djoeroe-toelis dengen mendapet gadjih jang sanget ketjil. Maskipoen demikian di toko boekoe van Dorp, Lauw Giok Lan seneng dengen ini pekerdja'an, kerna ia mendapet kesempatan oentoek beladjar salin berita dari Java Bode ke dalem bahasa melajoe oentoek dimoeat di Pantjaran Warta. Moelanja ia tjoema salin sadja tampa dapet hasil apa², selandjoetnja kerna salinan'nja baek sekali, boekan tida moengkin ia dapet honorarium jang loemajan djoega boeat membatoe iboe'nja dalem oeroesan roemah tangga'nja. Dalem taon 1900 angkatan moeda dari bangsa Tionghoa, moelai mendoesin goena mempersatoeken diri, maka lahirlah Tiong hoa Hwee Koan (T.H.H.K) goena menjiarken angen² jang dikandoeng dari anggotanja T.H.H.K., ontoek itoe perloe didiriken N.V. pertjitakan Hoa Siang In Kiok" dan menerbitken soerat-kabar harian jang diberi nama Perniagaan". Adanja harian Perniagaan" memboeat persatoean Tionghoa lebih koeat dan memboeatoehken orang² jang bisa mengerti beberapa bahasa, teroetama jang bisa menjalin dari doea bahasa (Inggris dan Belanda) ke bahasa Melajoe rendah (*saat itoe belon dikenal bahasa Indonesia EYD), maka banjak peranakan Tionghoa jang mentjeboerken diri kedalem peroesahaan bangsa sendiri. Jang poenja kepandean mengoeroes pekerdja'an administratie, dikerdjaken dibagian administrasi. Jang menjalin dengen baek bahasa barat (Inggris Belanda) seperti toean² Gaouw Peng Liang, Lauw Giok Lan, Phoa Tjoen Hoat, Phoa Tjoen Hoay, Tio Ie Soey di pekerdjaken dalem redactie Perniagaan", kerna ketika itoe soerat² kabar jang berbahasa Melajoe, kebanjakan isinja meloeloe salinan dari soerat² kabar bahasa Belanda. Dalem triwoelan ke doea dari taon 1910, oleh kerna adanja satoe laen sebab jang membikin toean Lauw Giok Lan tida senang bekerdja pada itoe soerat-kabar, maka ia brenti sebage redactie Perniagaan", sebage oemoem poen mengetahoein bahwa orang jang telah tjeboerken diri dalem doenia journalistiek soelit memboewang itoe-doenia oentoek selama'nja. Oentoek masoek kombali pada laen soerat-kabar seperti Pantjaran Warta", Berita Betawi" dan laen-laen, roepanja toean Lauw Giok Lan tida maoe. Maka bersama toean Yoe Sin Gi, ia mentjari kapitaal dan pertjitakan jang sanggoep memenoei maksoed ini djiwie siansing. Toean Kho Tjeng Bie, jang memiliki pertjitakan dan toko boekoe di Pantjoran, telah menjanggoepi aken tjitak dan terbit
[budaya_tionghua] Riwajat Dr. Sun Yat Sen (I)
Penganter. Banjak jang soedah taoe nama Dr. Sun Yat Sen, bener itoe nama sanget populair, tapi belon banjak jang taoe riwajat sedjati'nja pada sang pendekar bangsa Tionghoa, apa lagi bagi para Tionghoa di lamjang (Tjina Perantaoean) karena dimana ia tinggal pasti tida aken diadjar dalem lingkoengan sekolah² rendah (*batja sekolah dasar) di negri tempat ia merantaoe, paling² hanja adjaran'nja jang bernama Sam Min Tjoe Ie" di bahas sekilas sadja, maka tida ada salah'nja boeat orang toea jang kasih pengetaoean pada ia poenja anak², dimana ia poenja satoe leloehoer ada sanget heibat bisa meroeboehken keradjaan jang beroemoer ratoesan taon dan membikin Tionghoa mendjadi modern, tampa pernah meloepaken ia poenja leloehoer. Tida berpandjang lebar inilah kisah Dr. Sun Yat Sen jang saja aken soegoehken setjara berkala. (*agar pembatja tida bosen dan meresapin bener²), djoega saja tida aken merobah toelisan asli'nja ke edjaan EYD (*jang mana belon tentoe betoel dan lintjah kaloe boleh ambil istilah Romo Sindoe dalem boekoe Kambing Hitam) I. Seorang anak tani mengoembara ke-poelaoe-poelaoe jang djaoeh dan di sini ia dapet pengetahoean dan pengaroeh dari bangsa asing jang tida brenti'nja bergoelet. Satoe pemoeda jang ber-otak terang dapet itoe pikiran boeat bikin roeboeh satoe keradjaan jang sanget koeat dan jang poenja perboeatan² dosa jang tida sedikit. Dengen berpakean sebage satoe thabib, satoe revolutioner moeda bisa bikin antjoer satoe Monarchi jang soedah berdiri poeloehan abad lama'nja dalem doenia. Satoe Student jang tida terkenal menoblos ke dalem satoe astana boeat kasih oendjoek djalan-djoedjoer pada satoe pemerentah'an jang paling berpengaroeh, pemerentah mana bisa berlakoe sewenang-wenang. Zonder ada wet jang lindoengken pada'nja, ia mengoembara di seloeroeh doenia, dan boeat ia poenja kepala disediaken tarohan oewang banjak'nja setengah millioen dollar!!, satoe djoemlah jang belon pernah di tawarken boeat ia poenja kepala. (*hm! kepala termahal di antara bangsa Tionghoa bagi siapa jang bisa menangkep atawa menghinatin perdjoeangan Dr. Sun Yat Sen) Bersama kawan²nja ia ambil poetoesan boeat bikin pembalesan pada itoe orang² jang biasa menindes; ia mengilang kaloe orang maoe tangkep pada'nja. Belakangan ia ketangkep, terlepas dan ketangkep lagi, bergitoe beroelang kali. Ia merdika kombali dengen sendjata satoe²nja jalah ia poenja bitjara jang loekisken kesoenggoehan hati'nja dan dengen ia poenja alesan² jang benar serta tjengli (*masoek akal) Dengen sekonjong-konjong ia, jang tida ada satoe wet maoe lindoengken, di oendang poelang oleh satoe bangsa jang bergoembira (*batja Tiongkok telah mendjadi Republiek) dan ia laloe di angkat sebage pendoedoek jang paling agoeng. (*President pertama Republiek Tiongkok) Dalem satoe oepatjara jang menarik hati ia beritaoeken pada aloes'nja (*batja roh'nja) pendekar² di zaman doeloe jang ia soedah bikin merdika negri'nja Demikian beberapa garis perkata'an sadja, dengen djitoe, Upton Close, satoe pengarang boekoe² politiek-internasional jang termashoer nama'nja, telah loekisken diri dan penghidoepan dari Dr. Sun Yat Sen, Ajah dari Republiek Tiongkok. Dalem itoe beberapa baris perkata'an, setiap orang liat, tida ada dapet perkata'an dari mana orang bisa dapet pengoendjoeken Dr. Sun Yat Sen, semasa idoep'nja telah toentoet penghidoepan jang senang. (*batja enak²an) Sebalik'nja, ia telah toentoet penghidoepan jang soekar, penghidoepan jang berbahaja, penghidoepan dari satoe pendekar bangsa dan negri jang sedjati, kerna kerna ia bersedia boeat korbanken diri'nja soepaia bisa lepasken Tiongkok dari gentjetan (*batja tekanan) pemerentah'an asing dan boeat bikin rakjat Tiongkok dapet satoe kedoedoekan jang sepatoet'nja di bawah sinar'nja Matahari!!. Pada tanggal 12 November 1866 ia telah lahir, dan pada hari²nja patoet sekali oentoek di bikin peringetan dari ia poenja penghidoepan dan djasa² jang besar! Djasa²nja jang besar sebage satoe pendekar negri dan bangsa telah membikin Dr. Sun djadi di djoendjoeng di sana-sini, sampepoen mereka jang mendjadi Dr Sun poenja lawan politiek tida bisa tida moesti mengakoei ini semoea, dan di dalem doenia politiek tida ada satoe orang tida kenal nama'nja, selaen'nja besar ada'nja harga jang orang beriken pada ini Pendekar rakjat. Ini ada satoe hal jang tida oesah di boeat heran djika orang taoe, ia ada sebage motor" dari gerakan boeat sesoeatoe orang menentoeken ia poenja nasib'nja sendiri. Bangsa² di Asia, boekan satoe atawa doea jang berkata pada perboeatan'nja Dr. Sun Yat Sen dan nama'nja ada mendjadi andjoeran di banjak negri di bilangan Timoer. (bersamboeng; Tida salah dibilang jang Dr ) [Non-text portions of this message have been removed]
[budaya_tionghua] Riwajat Dr. Sun Yat Sen (II)
Tida salah di bilang jang Dr. Sun Yat Sen ada seoepama soember dari ide² baroe dan salah satoe dari ide'nja soedah membikin tertjipta'nja satoe Republiek Tiongkok, memang sedari ketjil Dr. Sun Yat Sen telah kasih oendjoek ia poenja perangi pengrasa'an jang berbeda dari orang² biasa. Tempo ia masih ketjil ia telah berbantahan keras dengen ia poenja soedara prempoean, lantaran ini tatji (*kakak prempoean) telah boengkoes ia poenja kaki, sehingga ia soesah oentoek berdjalan. Di sini dalem kalangan famillie'nja, ia telah kasih oendjoek ia ada seorang jang tida maoe di paksa oleh kebiasa'an koeno. Orang toea'nja Dr. Sun Yat Sen perlahan-lahan mengetahoein jang anak'nja boekan ada anak sembarangan", lebih² di waktoe ia namaken dirinja Hung Hsiu Chuan ke II; orang taoe jang Hung Hsiu Chuan adalah jang telah berichtiar boeat berdiriken pemerentah Taiping, tapi achir'nja soedah membikin binasa doea millioen djiwa Dr. Sun Yat Sen poenja penghidoepan mengasih kentara (*liat djelas) jang ia tida hidoep sebagimana biasa'nja orang Tionghoa tjap koeno, Dr. Sun tida bersedia boeat trima warisan dari traditie koeno, tapi ia maoe bawa pikiran'nja sendiri, pikiran'nja jang sehat. Lantaran begini maka penghidoepan'nja Dr. Sun Yat Sen tida aman dan tida tetep. Ketjil'nja, Dr. Sun Yat Sen dapet didikan Barat, dan di satoe tempo ia mendjadi pendekar civilisatie Barat jang paling heibat, tapi kamoedian ( dari mana tertoendjoek jang ia tida bersedia boeat menoeroet apa jang di adjar, djikaloe (*kendatipoen) pikiran'nja jang sehat menjoeroeng ia bertindak ke laen djoeroesan -) ia soedah tempoer segala kepintjangan social dalem kalangan Barat jang tertoendjoek di ini tempo; perlawanan'nja pada ini soedah ia lakoeken sama heibat'nja sebagimana ia tempoer kedoedoekan'nja pemerentah'an Manchu jang tjoantji. Kita inget lebih djaoeh jang satoe kali ia telah andjoerken soepaia pemoeda² pake badjoe tjara barat, tida pake thungsha lagi, di mana kerna andjoeran'nja kraag jang menempel pada badjoe demikian, setjara militair, sampe dinamai kraag Sun Wen", tapi beberapa taon kamoedian ia soedah balik poedjiken kombali thungsha. Sebage seorang biasa Dr. Sun Yat Sen ada seorang jang aloes, tapi orang tida bisa sangkal jang sedikit sekali ada djoemlah'nja orang di kolong langit jang telah bisa bikin bergolak keada'an begitoe roepa sebage satoe Sun Yat Sen. (bersamboeng; Oedjan rintik² )
[budaya_tionghua] Riwajat Dr. Sun Yat Sen (III)
III. Oedjan rintik² jang membasahi tangke² (*batang) padi jang soedah mendjadi separoh mateng telah toeroen sedari siang di sebidang tanah sawah ketjil di samping dari roemah. Seorang tani; ia tida bisa dibilang kajah, tapi tjoekoepan serta terhormat di itoe bilangan. Boeat bilang jang itoe orang toea tani tinggal dalem satoe roemah" sebagimana sekarang kita biasa nampak; lebih betoel di bilang jang ini ada satoe goeboek, dari sebab samping'nja terbikin dari bamboe dan merang, dari bekas padi jang habis di giling. Ini goeboek pernah'nja (*batja lokasi'nja) ada di pinggiran dari satoe bagian jang tinggi dari bilangan soengai Moetiara, terkiter oleh sawah, lantaran apa ini bagian di namain Hsiang Shan". Laen² goeboek djoega ada terdapet di ini bilangan, tapi ada tanda² mengoendjoekin jang ini goeboek ada berbeda dengen laen² jang pernah'nja di sitoe; di samping'nja ada satoe tempat jang terawat boeat tempat'nja kerbo, sementara sedikit lebih kedalem, di tengah djoebin dari tanah-lempoeng ada terdapet doea batoe gilingan padi. Kita bilang jang ini goeboek ada beda dengen keada'annja jang laen di sitoe, kendati tida di tinggali oleh satoe famillie jang hartawan; ini keada'an gampang orang bisa dapet liat dari loear lantaran bagian pranti masoek ke dalem ada terapit dengen doea tiang batoe jang ter-tjat merah, teroekir sama kembang² mas. Satoe tanda jang boekan orang tani sembarangan ada tinggal di sitoe. Sampe sekarang orang² tani jang liwat di sitoe pasti meliat ini semoea pada berbisik sambil mena'nja: Boekan'nja ini ada roemah'nja itoe Toean jang mempoenjai Poetra jang telah bangoenken Tiongkok dari tidoer jang lelap sekali?" Djawaban dari orang jang taoe adalah: Betoel begitoe". Dan demikianlah, satoe goeboek jang tida banjak harga'nja, mendjadi perendahan bagi sesoeatoe orang jang taoe siapa soedah terlahir di itoe goeboek jang hanja terbikin dari bamboe dan merang. Papa dari anak jang terlahir di sitoe ada seorang jang beribadat; boekoe² koeno jang berharga ada disimpen baek² di dalem kalangan itoe famillie, dan di antara'nja ada terdapet satoe boekoe jang soedah koening warna'nja lantaran toea. Pada waktoe jang kita maksoedken di sebelah atasan itoe boekoe jang soedah koening serta separoh dekil warna'nja telah di ambil poela dari koempoelan boekoe² laen dan di batja dengen teliti oleh seorang lelaki jang soedah beroemoer, ia perloe batja dan balik² lembaran dari ini boekoe toea, sebab menoeroet itoengan'nja ia menantiken berkah dari Toehan. Betoel djoega, selagi balik² lembaran itoe boekoe toea dan sembari oesap² djidat'nja, tiba² doekoen-beranak jang itoe Toean sedari tadi telah panggil dateng di roemah'nja, membri kabar jang ia poenja hoedjin telah melahirken satoe anak satoe anak lelaki. Sambil mengepal kedoea tangan'nja (tanda sodja dari orang Tionghoa) ia berkata: Madjikan, slamat ! Madjikan, satoe anak lelaki jang pinter, Toehan telah koerniaken pada Famillie Sun". Itoe Toean djadi sedikit kaget, sebab baroesan ia lagi batja isi'nja itoe boekoe dengen pikiran penoeh dan ia kaget tapi tertjampoer rasa girang lantaran berbarengan ia dengen soeara menangis'nja ia poenja anak lelaki jang baroe terlahir dengen njaring sekali Itoe Toean jang boekan laen ada Mr. Sun, laloe basahin ia poenja pit di mana moeloet'nja (*batja oedjoeng koewas oentoek menoelis), kamoedian di bikin lantjip ini di atas sepotong barang item dan kamoedian toelis beberapa hoeroef dalem itoe boekoe toea jang masih ia pegang. 12 November 1866 ia toelis dalem ini boekoe tapi nama ia tida toelis, hanja satoe angka sadja, lantaran nama'nja itoe anak nanti dapet dari goeroe sekolah'nja, sesoedah'nja ketaoean perangi'nja Satoe anak jang roepa'nja begitoe pinter tida pantes kaloe tida dapet nama jang pantes, demikian Mr Sun beroending bersama ia poenja hoedjin. Kamoedian itoe soeami istri bitjara satoe sama laen boeat dapetin nama bagi anak'nja jang baroe terlahir. Kedengeran'nja Mr Sun berkata: Akoe ada mempoenjai itoe pengrasaan, jang terlahir ini anak mengasih kepastian jang Toehan bersedia boeat lindoengken kita orang. Boleh djadi tida lama lagi tempo tentrem aken mengantiken tempo riboet sekarang ini. Tachta keradjaan Naga soedah berdiri kombali dan harep sadja keada'an seteroes'nja tentrem". Sedari berkata begini, Mr Sun berpikir di dalem hati, sebab sesaat kamoedian ia mengoetjap: Baek kita namai pada'nja Yat Sen" (*bisa diartiken pembawa ketentreman atawa perdamaian"). Mendengar ini hoedjin Mr Sun moefakat Ternjata seperti itoe orang toea dari Hsiang Shan bisa meliat djaoeh di hari kamoedian dan sesoedah briken ini nama pada anak'nja itoe, ia mesem (bersamboeng; Hari terganti dengen hari )
[budaya_tionghua] Riwajat Dr. Sun Yat Sen (IV)
IV. Hari terganti dengen hari dan Sun Yat Sen berangkat besar, kaliatan njata dari aer moeka'nja, Sun Yat Sen ada satoe anak jang pinter. Kaloe orang toea'nja lagi minoem teh, di pinggir dari medja-teh, Sun Jr, mendengerken dengen tertib apa jang papa'nja tjeritaken, seperti itoe perang pertama antara bangsa² koelit poetih dan koelit koening (1842), pada waktoe mana kapal² meriam mengasih oendjoek kekoeasaan'nja dari bangsa², jang sampe pada waktoe jang paling belakangan, di anggep boewas. Laen² orang lagi, seperti goeroe Sun Jr, ialah poenja paman sendiri, sering tjerita tentang pengalaman'nja di waktoe Hung Hsiu Chuan mengamoek melawan kekoeasa'an'nja Manchu pada taon 1850 sampe pada taon 1862, dari semoea ini Sun Yat Sen dengerin dengen per-data (*batja seksama) sekali. Ketarik betoel batin'nja Sun Yat Sen djadi mendenger bagimana foreign devils" (setan² asing) menoblos di Peking dan bikin moesnah singgasana'nja Radja. Dari orang² dagang dan soldadoe² jang kebetoelan ia berpapasan, Sun Yat Sen denger dengen tjara bagimana roepa orang² Fransch tjaplok daerah² Tiongkok jang masoek dalem bilangan Indo-China. Kaloe ini anak" denger itoe semoea ia merasa darah'nja meloeap. Amarah'nja timboel terhadep pada keradjaan Naga jang dengen ini semoea, kasih liat dengen njata lemah'nja boeat bisa lindoengken bangsa jang ada di bawah perentah'nja agar tida sampe pikoel rasa maloe. (bersamboeng; Tiga poeloeh paal djaoeh'nja )
[budaya_tionghua] Re: Riwajat Dr. Sun Yat Sen (VI)
Ampir berbaraengan dengen balik'nja Sun Yat Sen di roemah'nja, sesoedah berdiam di Hawaii sekean waktoe lama'nja, mama'nja jang sekarang mendjadi kepala roemah-tangga dapet trima satoe soerat dari ia poenja anak jang lebih toea, dalem mana di bilang: Ming-day alias Sun yat Sen kaliatan terlaloe pro asing sekarang" Sementara ini Sun Yat Sen jang ada kandoeng anggepan tinggi boeat peladjaran agama jang ia djoega soedah dapet di Honolulu, masih ada dalem perdjalanan. Ia poenja pikiran masih moeda, ia menjetoedjoei betoel agama Kristen, dan tiba² tempo sampe di Hongkong, dengen kaget ia merasa seperti di tempatken dalem keada'an jang menjakitken hati'nja, sebab di sini Sun Yat Sen berhadepan dengen kasombongan Barat. Di Hongkong dan di Canton, officier² Inggris dari dinest Pabean Tionghoa telah gledah pada'nja dan bersama ia, laen² penoenpang Tionghoa dengen tjara jang sanget kasar sedeng penoempang² koelit poetih" boeat liwat zonder di langgar. Bisa di terangken di sini, dengen seliwatan jang pada ini tempo tida ada satoe pemoeda Amerika ada pikiran soal pergaoelan atawa politiek, tapi Sun Yat Sen dalem oesia jang begitoe moeda ada kandoeng angen² jang pasti boeat meliat sesoeatoe orang bisa berdiri merdika dan sesoeatoe bangsa mendapet tempat'nja jang patoet di kolong langit, ia poenja amarah timboel kerna itoe perlakoean jang meliwati wates, di rasai oleh diri'nja sendiri dan oleh laen² penoempang Tionghoa (perboeatan mana terdjadi dalem daerah ia poenja kakek-mojang sendiri, teges'nja boekan di laen orang poenja negri) dan ini telah membikin Sun Yat Sen menetepken satoe ideaal: BIKIN TIONGKOK DAPET SATOE TEMPAT JANG SEPATOET'NJA DI ANTARA LAEN² NEGRI BESAR DI DALEM DOENIA. Sesoenggoeh'nja djoega, boekan satoe atawa doea orang merasa di persakiti hati'nja dengen perboeatan orang jang menampak dan di rasai di kalangan Pabean, tapi sedeng laen orang tjoema menampak dan merasai serta diam, Sun Yat Sen poenja pikiran bekerdja, dan hidoep'nja ini pikiran (orang tida kira) tida sedikit membikin soerem pamoer Barat di mata'nja orang Tionghoa. Sun Yat Sen balik ke doesoen'nja dan di sini ia tjoba petjahken soal² jang telah lama ia kena hadepken. Beberapa kedjadian telah bikin lebih panas Sun Yat Sen poenja hati; pada itoe taon kaize Manchu telah perserahken Annam dengen mentah² pada Frankrijk. Dalem pikiran'nja Sun Yat Sen timboel ini pikiran; Pemerentah Manchu di Peking tida mampoe djaga kehormatan dari bangsa jang ia (*kaizer Manchu) prentah hingga dengen perboeatan'nja itoe, pemerentah Manchu tentoe nanti teroes di boeat hina²an . Sun Yat Sen tida lantas (bilang sadja) (*tida tjoema dengen omong sadja) Masoek politiek"; di doesoen'nja ia di pekerdjaken djadi toekang trima gadean dan ini pekerdja'an ia lakoeken dengen baek, hingga ia amat di sanjang oleh ia poenja thauwkhe. Boeat bilang jang Sun Yat Sen ilang ia poenja poelitiek" tida kena, lantaran segala keada'an dan kedjadian jang tida pantes senantiasa ini pegawe pegadean jang sederhana tentangin, sedeng kepertjajaan jang boekan² poen mendjadi Sun Yat Sen poenja moesoeh besar. (*pengertian'nja segala hal jang tida patoet aken di tentang oleh Sun Yat Sen jang saat itoe djadi pegawe pegadean) Berhoeng dengen ini, ternjata bagimana lantaran kepertjajaan ketachajoelan dari pendoedoek itoe doesoen keada'an tida nanti bisa mendjadi lebih madjoe, pada satoe waktoe ia (Sun Yat Sen) soedah obrak-abrik roemah-sembajang itoe doesoen, lantaran ini roemah-sembajang, Sun Yat Sen anggep ada mendjadi sebab dari terbit'nja roepa² kebiasa'an jang lebih baek tida terpake lagi. Perboeatan'nja Sun Yat Sen jang demikian telah membikin ia dapet onslag dari pekerdja'an'nja. Tapi boeat ini Sun Yat Sen tida mendjadi menjesel; dengen tabah ia trima tjomelan dan brenti, tapi sebelon'nja, tatkala mendenger seselan; Kaloe kaoe tida moefakat dengen tjara²nja merika, kaoe toch boleh ketawain sadja, habis perkara", Sun Yat Sen telah djawab: Akoe tida dapet djalan boeat mengetawain bangsa koe sendiri". Madjikan'nja pada itoe tempo separoh boengkem, dan mendenger djawaban itoe pegawe moeda ada berisi tjingli, madjikan tida bisa bilang laen dari mengoetjap: Boleh djadi sekali zaman jang baroe perloe mendapet seorang seperti kaoe". Sun Yat Sen dan madjikan'nja diam sebentaran, dan segera madjikan'nja berkata: Ada sebab boeat pertjaja nanti kaoe mendjadi orang besar. Ini ada oewang boeat pergi ke Hongkong, dan djika di belakangan kali kaoe perloe sama akoe, dateng lagi, tapi djangan kaoe tinggal di ini doesoen ", lantaran pendoedoek Hsiang Shan kalap kerna satoe pegawe pegadean" berani bikin antjoer boneka sakti, kepertjaja'an'nja orang banjak. (besamboeng; Demikianlah Sun Yat Sen meninggalken )
[budaya_tionghua] Re: Riwajat Dr. Sun Yat Sen (V)
Tiga poeloeh paal djaoeh'nja dari Hsiang Shan terletak Canton, satoe pangkalan dagang Arab jang rame sedari abad ke sembilan, sekarang poesat dari perdagangan di Asia. Macao adalah tempat jang tida terpisah terlaloe djaoeh dengen Canton; ini tempat tjoema lakoe dengen seboetan Pangkalan djoedi dan tjandoe" di Timoer, lantaran goevenoer² Portoegis dengen gampang kasih idjin boeat keperloean demikian, tida seberapa djaoeh dari Macao terletak Hongkong. Sun Yat Sen berdiam di doesoen, tapi sering ia trima soerat dari ia poenja soedara jang lebih toea, dalem soerat mana di tjeritaken tentang ia poenja perhoeboengan sama anak²nja goeroe² Indjil di Amerika, jang bekerdja boeat desek dinastie Kamehameha di Hawaii. Beberapa goeroe Indjil sering dateng mertamoe pada Sun Yat Sen dan begitoelah ia poen sering koendjoengin Canton bersama ia poenja papa; tjakep'nja Sun Yat Sen (di bilang membikin ketarik hati'nja njonja² Inggris dan Amerika dan adalah di sini Sun Jr, dapet tangkep dan mengarti beberapa perkata'an asing). Dalem keada'an begini roepa, tida kliroe di bilang, Sun Yat Sen ada salah satoe poetra Tiongkok jang paling pertama terkoeroeng sama pengaroeh asing. Tapi Sun Yat Sen tida ambil banjak poesing; ia taoe ia orang bangsa apa, ia taoe bagimana ia moesti pegang tegoeh, hingga lantaran pengaroeh'nja ini ia tida bisa loepai ia poenja darah dan negri sendiri!!. Kaloe ia poelang, sehabis beladjar di sekolah, ia pegang tjangkoel dan tanem padi dari papa'nja. Dalem keada'an seperti ini, ia poenja pikiran mentjiptaken seroepa angen² jang kamoedian telah berwoedjoed begitoe roepa, hingga membikin doenia mendjadi gontjang. Tida terlaloe lama Sun Yat Sen tinggal di doesoen, sebab satoe tempo telah dateng di sitoe ia poenja soedara jang lebih toea, ini engkoh soedah bisa dapet idjin dari papa'nja boeat adjak soedara'nja, Sun Yat Sen ke loear dari doesoen. Dan itoe waktoe boekan maen ada girang'nja itoe anak jang memang kepengen liat lebih banjak keada'an di loear ia poenja kalangan tinggal. Demikian Sun Yat Sen djadi tinggal di Honolulu, dan tempo oemoer tiga belas (13) ia masoek sekolah: Bishop's School, Sun Yat Sen dengen gampang bisa masoek dari sebab papa'nja ada kenal pengoeroes dari ini sekolahan. Di ini sekolahan Sun Yat Sen telah bisa reboet Bintang boeat anak pinter", tanda jang mana ia telah trima sendiri dari tangan'nja Radja Hawaii. Sedari itoe waktoe ia dapet alias Wen" (soerat) boeat ia poenja kepinteran. Dari ini sekolah ia telah pindah kesekolah jang lebih tinggi, jalah Saint Louis School" di sini ia trima permandian" dan masoek kristen. Dalem ini kalangan Sun Wen poenja pikiran ketarik boeat hal² jang ada hoeboengan'nja dengen penghidoepan sociaal. Sanantisa, pada itoe tempo orang liat Sun Wen kempit Bijbel dan tatkala beroemoer belapan belas (18) taon ia berada dalem perdjalanan poelang ke Tiongkok, Bijbel tida pernah lepas dari tangan'nja. (bersamboeng; Ampir berbaraengan dengen baliknja)
[budaya_tionghua] Re: Riwajat Dr. Sun Yat Sen (VII)
Demikianlah Sun Yat Sen meninggalken ia poenja doesoen dan mengoembara; ia pergi balik pada soedara'nja. Sebab dapet soerat baek dari wijkmeester di doesoen'nja ditrima kombali oleh soedara'nja dan ia dapet peladjaran baek, does itoe taon Sun Yat Sen sekolah di Imperial Benevolence Academij" dan Hongkong Academij, dari mana ia loeloes. Zendeling² di Canton soeka kasih studiebeurs pada'nja dan begitoelah ia pilih peladjaran dokter. Pada itoe tempo Dr James Cantlie boeka satoe sekolah thabib jang ada mempoenjai hoeboengan dengen Alice Memorial Hospital, Hongkong, belakangan di tjampoerken dengen Hongkong University, di sini Sun Yat Sen trima pimpinan dan komandan; kamoedian ia balik lagi ke Honolulu, dimana ia beladjar dokter lima taon; pada taon 1892 Sun Yat Sen loeloes sebage dokter, dan ia laloe kombali ke Tiongkok. Hongkong ada satoe tempat berkoempoel dari student² jang mempoenjai ideaal. Begitoe djoega Hongkong ada mendjadi tempat berhimpoen'nja orang² jang soedah ada oemoer tapi masih mempoenjai tjita² jang belon dapet di bikin terkaboel. Pada itoe waktoe, student² bangsa timoer jang baroe balik; baroe sadja moelai toeroet tjampoer bitjara dalem oeroesan² politiek, kataoean, student² Japan djadi satoe bangsa jang berserikat, tapi tida mempoenjai pengalaman. Angen² Sun Yat Sen telah membikin ia dapet perhoeboengan dengen student² jang baroe balik; ini student² adalah mereka jang beranggepan, pemerentah moesti kasih kewadjiban pada'nja boeat bikin Tiongkok modern, atawa djika ini kedjadian, itoe pemerentah moesti dibikin roeboeh. Sun Yat Sen dengen tiga pemoeda laen bermalem-malem roendingken tjara merobah keada'an di Tiongkok, tapi belakangan tiga kawan laen'nja tjeboerken diri'nja dalem kalangan dagang dan piara goendik, dan Sun Yat Sen tida robah ia poenja haloean. Lantaran begini tida kliroe di bilang Dr Sun Yat Sen ada poetra Tiongkok modern satoe²nja jang tetepken hidoep boeat merobah negri. Boleh djadi dengen bantoean wijkmeester dari doesoen dimana ia telah bekerdja sebage pegawe pegadean, Dr Sun Yat Sen bisa masoek dalem kalangan perkoempoelan² resia. Ini perkoempoelan² ada mempoenjai pengaroeh besar di doesoen² dan tida djarang perkoempoelan² ini jang djalanken pemerentahan". Ternjata kekoeasaan'nja ada besar sekali di Tiongkok Selatan, sementara di loear Tiongkok poen ini perkoempoelan² mempoenjai tjabang, seperti di Tanah Melajoe, Filippijnen dan di Amerika, begitoe poen di Europa. Bisa di terangken di sini, jang di ini perkoempoelan² telah sokong, toendjang² dari dinastie Ming terhadep pergoeletan lawan pemerentah Manchu, lantaran apa-djadi di moesoeken betoel, tapi pemerentah Machu tida berhasil boeat membasmi, lantaran keada'an jang demikian, orang² jang ada gandjelan terhadep pemerentah Manchu tida merasa berat boeat menghoeboengi diri'nja dengen perkoempoelan² itoe, Dr. Sun Yat Sen telah tjeboerken diri'nja dalem ini kalangan dan telah bikin diri'nja mendjadi berpengaroeh; ia telah atoer keada'an'nja itoe perkoempoelan² resia sehingga mendjadi bergoena boeat ia poenja tjita². (bersamboeng; Dr. Sun Yat Sen merasa jang ia perloe mempoenjai oewang boeat toetoep ongkost² )
[budaya_tionghua] Re: Riwajat Dr. Sun Yat Sen (VIII)
Dr. Sun Yat Sen merasa jang ia perloe mempoenjai oewang boeat toetoep ongkost² jang perloe, lantaran-apa ia boeka praktijk dokter di Macao, daerah Portoegis, tapi apa maoe praktijk'nja di boeat iri. Dokter² Portoegis di Macao telah kilik pemerentah'nja boeat adaken wet jang melarang dokter Tionghoa boeka praktijk di sitoe, begitoelah Dr Sun Yat Sen terpaksa pindah ke Canton. Lantaran ini kedjadian di Macao, lebih² ia merasa sakit hati kerna tida merasa poewas jang ia sebage orang Tionghoa tida boleh hidoep di daerah'nja sendiri, tjoema kerna itoe daerah teritoeng sebage kota verdrag". Dalem tempo satoe taon, Dr. Sun Yat Sen soedah mempoenjai tempat praktijk jang baek dan ampat roemah-obat. Betoel ia lakoeken praktijk dokter, tapi pikiran'nja boeat bikin Tiongkok mendjadi satoe negri jang merdika masih belon ilang atawa loepa. Boeat sampeken ini niatan, ia toetoep praktijk'nja di Canton dan bersama satoe soedagar ia pergi ke Tientsin dengen menoempang kapal. Apa orang kira Dr. Sun Yat Sen soedah berboeat sewaktoe ada di Tientsin? Ia telah koendjoengi orang jang paling berpengaroeh dan agoeng di Tiongkok markies Li Hung Chang, tangan kanan dari Kok Bo Tsu Shi (djanda-Keizer). Di Tientsin, Dr. Sun Yat Sen jang saat itoe masih moeda oemoer'nja baroe 27 taon (*1893), dengen berpakean setjara Europa menghadep itoe pemerentah jang angker, jang dengen kekoeasaan'nja telah gentjet Tiongkok lama'nja 30 taon, ia ada markies Li Hung Chang jang pernah ia djoendjoeng tinggi² disana sini dalem kalangan radja Europa. Apakah jang Dr. Sun Yat Sen soedah oeroes dengen ini tangan-kanan'nja djanda Kaizer Tiongkok? Dr. Sun Yat Sen oendjoek keperloean merobah tjara pemerentahan sebegitoe lekas bisa'nja. Dimana ia memang ada seorang jang pande bitjara, tidalah soesah boeat Dr. Sun Yat Sen kasih mengerti dengen baek kefaedahan² apa sadja jang terdapet pada itoe perobahan, jang ia bagi dalem ampat tingkatan: Rakjat moesti dikasih onderwijs soepaia mendjadi pinter; Soember² kekajaan Tiongkok jang terpendem moesti dioesahaken; Pekakas² jang bergoena soepaia di pake dengen sepatoet'nja dan Negri moesti diboeka dengen leloeasa boeat perdagangan oemoem. Markies Li Hung Chang tida beda mempoenjai kedoedoekan sebage radja-moeda telah ganda vorstel'nja Dr. Sun Yat Sen dengen ketawa sadja; ia kasih alesan jang orang tida boleh goesar pada'nja kaloe ia tida bisa tjiptaken politiek² baroe kerna ia poenja oesia jang tinggi. Ini tjoema ada satoe alesan kosong, sebab boekan laen tapi ini radja moeda soedah soeloet api peperangan dengen Japan, dan ia poenja oesia ternjata tida mendjadi halangan boeat kamoedian pergi ke Japan, dimana ia sampe trima pelor dari satoe pemboenoeh dan bikin verdrag-dami jang paling menrendahken deradjat. Pada itoe koetika tida ada soerat-kabar jang populair terbit di Tiongkok; kaloe ada omongan² jang orang maoe denger, waroeng² teh mendjadi sebage ganti'nja. Perboeatan Dr. Sun Yat Sen mendjadi boewah toetoer orang banjak. Tiongkok tertjangtjang boekan maen tempo'nja, denger Sun Yat Sen dapet audientie pada tangan kanan'nja djanda-kaizer, lebih² Tiongkok tida habis mengerti, bagimana sesoedah brani berboeat demikian, kepala'nja belon poetoes. Dengen ini semoea Sun Yat Sen telah bikin diri'nja mendjadi terkenal di seloeroeh djagat, tapi mendjadi terkenal sadja Dr. Sun Yat Sen tida merasa tjoekoep. Penting boeat ia aken liat genap'nja ia poenja angen², dan sedari habis mengoedjoengi Li Hung Chang ia mendjadi taoe jang dari ini tangan-kanan djanda-kaizer, biarpoen ada mempoenjai koeasa dan pengaroeh, ia tida bisa harep bantoean sesoeatoe apa poen, dan ini membikin Sun Yat Sen bilang pada diri'nja sendiri, jang kaoem berpengaroeh tida bergoena, sebage djoega pemerentah Manchu sendiri. Ini kaoem setan membikin ia menetepken: doea² (*kaoem berpengaroeh dan pemerentah) moesti dibikin terdjoengkel". Tapi, sebagimana di ketahoei, banjak taon jang pait-getir telah liwat sebelon'nja kaliatan tanda² jang tjita²nja ada harepan bisa terkaboel. (bersamboeng; Perang Tiongkok-Japan telah berachir dengen kalah'nja ). [Non-text portions of this message have been removed]
[budaya_tionghua] Re: Riwajat Dr. Sun Yat Sen (IX)
Perang Tiongkok-Japan telah berachir dengen kalah'nja Tiongkok haroes djangan loepa jang Japan ada satoe negri ketjil, jang pada itoe tempo baroe sadja maoe mendjadi besar, tida oesah di boeat heran jang itoe kekalahan di pandang enteng sekali oleh negri² barat. Begitoelah negri² barat telah brani meminta beberapa kota dan poelaoe. Segera kita liat Port Arthur djatoh dalem tangan'nja Rusland, Tsingtao pada Duischland, Weihaiwei dan Kowloon pada Engeland dan Kwangchowan pada Frankrijk. Dengen ada'nja ini, orang bisa mengerti, boekan sedikit Tiongkok dapet hinaan. Dr. Sun Yat Sen ini ada satoe alesan tjoekoep aken bilang jang pembesar² Tiongkok kasih diri'nja di beli, dengen maksoed bikin padet kantong sendiri. Kabaran jang Kok Bo Tsu Shi goenaken pindjeman negri boeat bikin kapal-plesiran marmer di astana'nja, mengasih alesan lebih pada Dr. Sun jang pemerentah Manchu tida djalanken pemerentahan'nja dengen bener. Sehabis bitjara dengen markies Li Hung Chang, ia pergi ke oetara. Di lembah Yangtsze ia atoer segala apa jang perloe oentoek ia poenja pekerdja'an merobah. Doeloe soedah pernah orang berboeat demikian, tapi tida dengen tjara sebagimana ia berboeat sekarang. Dan ini tjara djoega membikin Dr. Sun Yat Sen beroentoeng roeboehken pemerentah Monarchie dari 2000 taon toea'nja dalem tempo separoh dari oesia manoesia. (bersamboeng; Pengalaman'nja di loear Tiongkok dan kedoedoekan'nja dari ia poenja ) [Non-text portions of this message have been removed]
[budaya_tionghua] Riwajat Dr. Sun Yat Sen (XII)
Achir'nja Dr. Sun Yat Sen pergi ke London, dimana ia memenoehi ia poenja perdjandjian, ia koendjoengi famillie Dr. Cantlie. Baroe sadja ketemoe Dr. Sun soedah tida keliatan lagi Di waktoe tengah malem tanggal 17 October 1896, Dr. Cantlie dibangoeni oleh seorang prempoean, jang bilang ia ada satoe istri'nja pegawe dari Legatie Tiongkok di Portland Place. Ini orang prempoean serahken pada itoe thabib (Dr. Cantlie) satoe kartjis nama, dimana terdapet ini batjaan: Akoe telah di ringkoes dengen ditangkep dalem Legatie Tiongkok pada hari minggoe jang laloe; akoe bakal di bawa dari sini (England) ke Tiongkok setjara gelap, dan tentoe akoe bakal di boenoeh mati. Toeloenglah akoe, lepasken akoe selekas'nja kaoe bisa. Satoe kapal soedah sedia deket Legatie Tiongkok, dan ini kapal bakal bawa akoe ke Tiongkok. Akoe taoe jang dalem antero pelajaran akoe aken ditoetoep dan tida nanti bisa bitjara sama siapa djoega. Akoe tjilaka sekarang!! Boeat sekarang ini toeloenglah ini orang jang bawa ini kabar; ia ada seorang jang amat miskin dan kaloe ketaoean ia lakoeken ini pekerdja'an tentoe sekali ia aken mati" Setrima'nja ini kabaran jang sanget mengagetken, pada tengah malem itoe djoega Dr. Cantlie pergi ke hoofdbureu politie rasia boeat minta pertoeloengan, tapi sia², sebab disini orang soeroe ia balik tidoer. Pada esok'nja Dr. Cantlie liat² keada'an di kantoor pemerentah di Dowing Street", tapi ia tida dapet kenjata'an ada apa² jang loear biasa, sebab merasa tida ada djalan lagi oentoek menoeloeng satoe djiwa, lebih lagi djiwa'nja bekas satoe moerid jang ia tjintai, laloe Dr. Cantlie ambil ia poenja pena dan toelis satoe soerat-kiriman dalem The Times', oentoeng sekali jang pada itoe waktoe, isi'nja soerat² kabar ada kosong; ini keada'an telah digoenaken oleh reporter² toekang oeloes kolom boeat toelis banjak sekali tentang ini kedjadian jang loear biasa dan begitoelah Dr. Sun Yat Sen poenja nama mendjadi terkenal dan di boeat tjerita'an oleh sesoeatoe orang Inggris (Bersamboeng; Dr. Sun Yat Sen mendjadi sama terkenal'nja di London dan)
[budaya_tionghua] Riwajat Dr. Sun Yat Sen (XI)
Dr. Sun pergi ke Honolulu, dan di sini ia telah ketemoe Dr. James Cantlie, goeroe'nja, jang pada waktoe Dr. Sun Yat Sen sampe disana djoestroe lagi maoe berangkat poelang ke London. Dr. James Cantlie dan ia poenja njonja merasa bangga bagimana satoe moerid dan seorang kristen, mereka dapet denger, ada mengambil bagian penting dalem pergerakan di Tiongkok, kendati itoe bisa membikin terbalik satoe pemerentahan. Demikian tatkala bertemoe dengen Dr. Sun Yat Sen, toean dan njonja Dr. Cantlie pesen pada'nja boeat iseng² djalan² ke London. Ini pesenan oleh Dr. Sun Yat Sen telah di samboet dengen goembira, sebab siapa taoe Tida lama kamoedian Dr. Sun Yat Sen pergi ke Amerika, dimana ia telah atoer pergerakan, boeat ia dapet bantoean oewang dari Mr. Soong Yao Hu, jang telah sediaken seantero kekajaan'nja boeat bikin Dr. Sun Yat Sen bisa sampeken ia poenja angen², sedeng anak²nja ia andjoerin boeat toeroet taoeladan dari ini thabib. Ia telah bikin propaganda loeas di Amerika Seriket, dengen dapet bantoean dari perkoempoelan² Tionghoa di sana; biar bagimana loeas'nja djoega ada'nja ia poenja propaganda, ternjata di Amerika Seriket ia hanja tjoema beroentoeng berdiriken tiga tjabang dari ia poenja pergerakan. Sebegitoe djaoeh Dr. Sun Yat Sen berdjalan, sebegitoe djaoeh djoega Kok Bo Tsu Hsi poenja mata² mengikoeti pada'nja. (bersamboeng; Achir'nja Dr. Sun Yat Sen pergi ke London, dimana ia)
[budaya_tionghua] Riwajat Dr. Sun Yat Sen (X)
Pengalaman'nja di loear Tiongkok dan kedoedoekan'nja dari ia poenja soedara menoeloeng tida sedikit pada'nja. Pada waktoe perang Tiongkok-Japan, ia berada di Honolulu, tempo ia berangkat ke Japan, ia soedah berdiriken di sana Hsing Chung Hui", setelah beres bikin pengatoeran di Japan, ia niat berangkat ke Amerika. Nistjajalah ia aken berangkat teroes ke sana, kaloe ia tida dapet telegram dari satoe soedagar dari kalangan pergerakan di Shanghai nama Soon Jao Ru, minta pada'nja boeat moelai ia poenja pergerakan di Tiongkok setjara terboeka. Begitoelah ia balik ke Canton. Di ini kota ia berdiriken satoe maatschappij-dagang dan satoe peroesahaan tani, dan sementara ini ia atoer apa² jang perloe oentoek menjampeken ia poenja maksoed, Sun & Company adalah nama dari peroesahaan'nja Dr. Sun Yat Sen. Ini firma sering kasih dateng barang dari loear negri, dan satoe kiriman jang sebetoel'nja Ham (*daging), ambtenaar² pabean dapetken anam ratoes poetjoek pistol! Toedjoeh poeloeh orang telah di tangkep dan orang taoe sendiri apa djadi'nja dengen mereka Dr. Sun Yat Sen telah moesti ditoeroenin dari tembok kota Canton dalem satoe kerandjang, dan ini tembok dari kota Canton sampe beberapa taon lagi, ia njata belon loepa, tempo beberapa taon kamoedian ia pegang kekoeasaan'nja di sitoe ia telah kasih prentah, boeat bongkar ini tembok dan soeroeh pasang satoe boulevard di sitoe. Orang bisa mengarti jang di dalem bagian tembok Canton. Dr. Sun Yat Sen di tjari kesana kemari, tapi soedah tentoe tida dapet di ketemoein sebab ia telah menjingkir lebih siang. Sedari itoe waktoe tida brenti'nja Dr. Sun Yat Sen di oeber, hingga perloe ia melariken diri ke Japan. Satoe tarohan besar telah di sediaken boeat ia poenja kepala dan Japan ia sering pilih boeat lindoengin djiwa'nja. Liwat makan tempo ia merasa perloe balik lagi ke Tiongkok oentoek mengatoer pekerdja'an'nja lebih djaoeh. Ini kali ia pake nama Japan, jalah Chung Shan Shao, jang mana berarti: Toekang kajoe dari pegoenoengan. Panggilan Chung Shan" boeat Dr. Sun Yat Sen mendjadi biasa diantara ia poenja kawan² Lantaran activiteit'nja segera orang taoe siapa ada'nja Chung Shan" dan pemerentah Japan, jang belakangan telah baek lagi dengen pemerentah Peking, telah di minta boeat tangkep Dr. Sun Yat Sen alias Chung Shan. (bersamboeng; Dr. Sun pergi ke Honolulu, dan di sini ia ).
[budaya_tionghua] Riwajat Dr Sun Yat Sen (XIV)
Kita inget bagimana di waktoe mengoendjoengi ini negri telah disamboet dengen goembira oleh soedagar² Tiongkok. Pendek'nja oleh orang² jang ternama. Japan poen ia poenja koendjoengan setjara gombira, tatkala student² dapet mengarti azaz'nja Dr Sun Yat Sen; ini kadjadian pada taon 1898. Banjak orang jang kamoedian telah mengadaken perobahan di Japan berada di bawah pengaroeh'nja, seperti Dr Sakuzo Yoshino dari imperial University, Toyohiko Kagawa, socialist Kristen dan pengarang² seperti Bunji Suzuki, president dari federatie kaoem boeroeh² Japan. Dalem kalangan bangsa Japan Dr Sun Yat Sen selama'nja kasih mengarti, jang orang Japan moesti bisa menghargai orang jang mempoenjai hati boeat brani korbanken diri, dan ini pengaroeh ternjata soedah disebar di tanah jang soeboer. Dr Sun Yat Sen mengarti jang ia moesti bisa kembangken angen²nja dalem kalangan jang lebih loeas, hendaklah ia maoe liat maksoed'nja lekas kesampean. Begitoelah ia telah terbitken di Hongkong satoe soerat-kabar, jang mendjadi salah satoe soerat-kabar modern jang pertama di Tiongkok. Dr Sun Yat Sen bekerdja keras oentoek memperbaekin Tiongkok, tapi tida taoe'nja di hadepan'nja ada berdiri Yuan Shih Kai, jang kenjata'an selama'nja bendoeng ia poenja djalan. Boeat Yuan Shih Kai gampang sekali aken menjoesahken Dr Sun Yat Sen, sebab sediri'nja, Yuan Shih Kai ada mendjadi Li Hung Chang poenja orang terpertjaja di Korea. Sendiri'nja lebih djaoeh Yuan Shih Kai ada di pertjaja oleh djanda'nja kaizer, tapi orang tida kira jang Yuan Shih Kai soedah Salah bertindak" kerna apa djadi timboel banjak keroewetan, antara laen gerakan boxer di Peking pada taon 1900, lantaran apa Tiongkok djadi ilang pamor'nja tida sedikit. (bersamboeng: Marah'nja Dr Sun Yat Sen boeat ini semoea gampang di mengerti, hingga )
[budaya_tionghua] Riwajat Dr Sun Yat Sen
Dr. Sun Yat Sen mendjadi sama terkenal'nja di London dan doenia Barat, seperti doeloe ia djadi terkenal di Timoer lantaran soedah brani ketemoein dan bitjara Lie Hung Chang. Orang bisa mengarti jang dengen keada'an begini roepa. Legatie Tiongkok djadi ketakoetan sendiri, teroetama sebab Lord Salisbury (-teroes kritiek dalem soerat-kabar-) soedah protest ini Penangkepan jang belon terboekti" dengen kasih oendjoek jang perboeatan demikian melanggar keangoengan'nja Inggris, jang di Negri'nja tida haroes terdapet satoe gedong jang di sediaken boeat tangkep dan hoekoem orang² dari kalangan politiek. Demikianlah kedjadian, tatkala soedah dateng tempo'nja itoe kapal berangkat, Dr. Sun Yat Sen dilepas dari pintoe belakang'nja gedong Legatie. Sesoedah terlepas Dr Sun Yat Sen segra landjoetken domontratie" dengen terang²an. Memang doeloan poen setjara samar² ia kembangken Nasionalisme" dan democratie". Belakangan Dr Sun Yat Sen tambal ia poenja principe Manoesia moesti dapet hak aken hidoep" dan kamoedian lagi, tersoeroeng oleh aliran Sociaalisme" jang mendjalar tjepet di Europa; tegesnja: Manoesia haroes di kasih halaman hidoep", dengen mana ia maoe mengartiken pemerentah moesti menanggoeng boeat kesedjateraan rakjat. Ini semoea telah di gaboengken dalem satoe boekoe jang ia namaken Sam Min Chu I". Atas ini pokok telah diatoer tjabang- tjabang'nja dalem oeroesan pemerentah, antara mana selaen'nja diwan (*dewan) jang pemdjalanken pemerentahan (*Eksekutif), diwan wet (*legistatief) dan diwan kahakiman (*Judikatif) ia poen tetepken ada'nja: Diwan pengoedjian dan diwan penilikan (* Trias Politica jang sanget madjoe di itoe djaman). Sebagimana orang taoe, ini azaz² Dr Sun Yat Sen telah masoeken dalem wet pemerentah Tiongkok, tatkala ia soedah beroentoeng pegang kendali pemerentahan. Kita perloe tjatet di sini Dr Sun Yat Sen poenja kekoeatan bekerdja, bagimana oentoek sampeken angen² ia tida segan boeat koeliling. Di doenia Timoer ia telah koendjoengi Toerki, Palestina, India, Siam, Tanah Melajoe dan INDONESIA (Hindia Olanda) poen tida loepoet trima koendjoengan. (Bersamboeng : Kita inget bagimana di waktoe ia (Dr Sun Yat Sen) mengoendjoengi ini negri telah)
[budaya_tionghua] Riwajat Dr Sun Yat Sen (XV)
Marah'nja Dr Sun Yat Sen boeat ini semoea gampang di mengerti, hingga dengen tida openi kaslametan djiwanja, ia balik ka Tiongkok dan menjaroe djadi toekang djoeal rempa-rempa; dengen menjaroe begini ia masoek di tangsi Hwayjo yang pernanja di sabola Oetara dari Canton. Banjak officier moeda jang berhaloean panas lindoengi padanja. Di waktoe lagi omong² sembari minoem teh, ia telah bisa asoet komandan dari bala tentara di sitoe aken berontak. Kamoedian ia pergi ke Hongkong boeat ambil sendjata jang telah ia simpen di sana. Dinest Pabean kenalin pada'nja dan tida kasih ia mendarat. Hoofmesster dari kapal jang ia toempangin adjak ia ke Taiwan, jang sementara soedah djadi djadjahan Japan. Dengen hati gagah ia koendjoengi goevenoer Japan dan ia soedah bisa bikin ini pembesar briken sendjata dan patroon pada'nja. Sementara ini semoea lagi di naekin ke kapal boeat diangkoet ke Hwayjo, kabinet Japan koebra, itoe goevenoer di panggil poelang dan demikianlah sendjata jang soedah sedia boeat di kirim tertahan. Kendati gagal di sini, kawan²nja Dr Sun Yat Sen tida tinggalken barang semenit pemimpin'nja, sebab di Hwayjo, student² dengen pake pakean jang serba sama bekerdja teroes, hingga dalem satoe tempo, mereka ini djadi oepama memedi bagi pembesar² Manchu. Student² di loear Tiongkok djoega beriken toendjangan'nja pada Dr Sun Yat Sen boeat merobah keada'an di Tiongkok mendjadi soeatoe gerakan jang loeas tida terhingga'nja. (bersamboeng: Dengen ini semoea Dr Sun Yat Sen tida poeas, maka kamoedian ia telah koendjoengi)
[budaya_tionghua] Re: Riwajat Dr Sun Yat Sen (XV)
Marah'nja Dr Sun Yat Sen boeat ini semoea gampang di mengerti, hingga dengen tida openi kaslametan djiwanja, ia balik ka Tiongkok dan menjaroe djadi toekang djoeal rempa-rempa; dengen menjaroe begini ia masoek di tangsi Hwayjo yang pernanja di sabola Oetara dari Canton. Banjak officier moeda jang berhaloean panas lindoengi padanja. Di waktoe lagi omong² sembari minoem teh, ia telah bisa asoet komandan dari bala tentara di sitoe aken berontak. Kamoedian ia pergi ke Hongkong boeat ambil sendjata jang telah ia simpen di sana. Dinest Pabean kenalin pada'nja dan tida kasih ia mendarat. Hoofmesster dari kapal jang ia toempangin adjak ia ke Taiwan, jang sementara soedah djadi djadjahan Japan. Dengen hati gagah ia koendjoengi goevenoer Japan dan ia soedah bisa bikin ini pembesar briken sendjata dan patroon pada'nja. Sementara ini semoea lagi di naekin ke kapal boeat diangkoet ke Hwayjo, kabinet Japan koebra, itoe goevenoer di panggil poelang dan demikianlah sendjata jang soedah sedia boeat di kirim tertahan. Kendati gagal di sini, kawan²nja Dr Sun Yat Sen tida tinggalken barang semenit pemimpin'nja, sebab di Hwayjo, student² dengen pake pakean jang serba sama bekerdja teroes, hingga dalem satoe tempo, mereka ini djadi oepama memedi bagi pembesar² Manchu. Student² di loear Tiongkok djoega beriken toendjangan'nja pada Dr Sun Yat Sen boeat merobah keada'an di Tiongkok mendjadi soeatoe gerakan jang loeas tida terhingga'nja. (bersamboeng: Dengen ini semoea Dr Sun Yat Sen tida poeas, maka kamoedian ia telah koendjoengi)
[budaya_tionghua] Re: Riwajat Dr Sun Yat Sen (XVI)
Dengen ini semoea Dr Sun Yat Sen tida poeas, maka kamoedian ia telah koendjoengi poela Indo-China dan Fillippijnen, begitoe poen Amerika dan Europa boeat propagandaken lebih loeas ia poenja angen². Sementara ini perang Rusland-Japan (1904) terdjadi di daerah Tiongkok, ia balik ke Tokyo dan himpoenken kombali ia poenja raad revolutionair. Wakil² dari 17 provencie di Tiongkok telah dateng, dan mereka ini kebanjakan terdiri dari stundent² jang toetoet peladjaran di universiteit² Japan. Laloe di berdiriken Tung Ming Hui", jang mengambil tempat'nja Hsing Chung Hui". Masing² student balik ke provincie'nja sendiri dan dalem tempo belon satoe taon mereka bisa wartaken soedah dapet riboean pengikoet, selaen'nja dalem provincie²nja masing² soedah dibriken tjabang dari Tung Ming Hui". Di Tentsin Dr Sun berdiriken hoofdkwartier dari ini perkoempoelan, dan sendiri'nja ia bekerdja teroes, sampe dateng waktoe Japan koentji pintoe'nja boeat masoek'nja, kamoedian di Indo-china Fransch, dan kamoedian lagi Fillippinen. Ini disebabken lantaran pemerentah Manchu kasih banjak barang manis" pada masing² negri terseboet, hingga sendiri'nja moesti ada pembalesan. Demikianlah Dr Sun tida mempoenjai tempat boeat bisa berdiam di Asia, maka itoe ia djadi terombang-ambing dalem doenia, kerna apa pimpinan di Tiongkok telah ia pasrahken pada Hu Han Ming dan Wan Chung Hui. (bersamboeng: Gerakan tida mati, tapi idoep teroes, sampe pada satoe waktoe )
[budaya_tionghua] Loen Gie
Setjara berkala aken saja tampilken ini kitab, jang mana semoeanja beroepa perkata'an² Nabi Khong-Tjoe dan para moerid²nja jang pernah idoep 400 hingga 500 taon sebelon Nabi'nja orang Nasrani lahir di ini doenia, goena agar meresep ke pembatja poenja hati maka saja hanja tampilken satoe atawa doea perkata'an dari ratoesan perkata'an tiap terbitnja ini Loen Gie di ini milis semoga pembatja milis tida bosen batja kombali oedjaran² dari kita bangsa Tionghoa poenja Nabi. Tida pandjang lebar inilah nummer pertama dari kitab Loen Gie jang saja pilih setjara atjak. Khong Tjoe ada bilang: To tjian seng tjie kok keng soe djie sin, tjiat yong djie ay, soe bin ie sie" Artinja: Soeatoe Negri jang maoe organisatie 1000 tentara dan kreta itoe perkara haroes di lakoeken dengen pengrasahan hormat dan dengen penoeh kepertjajaan terhadep rakjat, ongkos moesti di himatken dan menjita anak negri, prentah orang boeat andjoerin anak negri keloearken tenaga'nja, tapi kapan (*sewaktoe) soedah habis (*setelah) tanem padi". Sedikit keterangan: Inilah ada peroendingan Khong-tjoe boeat beresken negri dan kira² terbagi djadi lima bagian, Pertama: jalah tida perdoeli perkara besar ketjil, haroes hati² dengen pengrasahan menghormat, tida boleh sembarangan djatohken; Kedoea: tida haroes berboeat tjoerang bikin ilang kepertjaja'an pada rakjat negri; Ketiga: Padjek penghasilan negri haroes digoenaken dengen himat, kerna itoe didapet dari kringet dan daki'nja rakjat; keempat: Jang mendjadi pemimpin haroes goenaken mereka poenja liangsing boeat menjinta rakjat, sebage menjinta anak'nja sendiri; dan kelima: adalah soeroean orang andjoerin rakjat kerdja sama², tapi itoe moesti sesoedah'nja habis tanem padi, agar pekerdja'an sawah'nja tida terlantar. Hal diatas kaloe sadja pembesar militair bebodoran di Tiongkok soeka perhatiken, tentoe Tiongkok aken djadi koeat, sebagimana Japan jang selaloe perhatiken LOEN GIE" negri'nja bisa djadi koeat, sebalik'nja Tiongkok, dari mana itoe pepatah keloear, sedikit sekali orang jang memperhatiken, teroetama pimpinan'nja tjoema taoe peres anak negri masoekin oewang dalem kantong'nja sadja. (*kalimat terachir ini diboeat taon 1931, saja tida taoe apa sekarang ini (2007) Tiongkok jang soedah bisa keloear angkasa masih di seboet tida koeat?)
[budaya_tionghua] Re: Riwajat Dr Sun Yat Sen (XVII)
Gerakan tida mati, tapi idoep teroes, sampe pada satoe waktoe ini gerakan keliatan lekas aken mengasih hasil, tempo keada'an soedah berbahaja sekali. Pada tanggal 29 Maart 1911, anggota² dari Tung Ming Hui" merobos ke dalem istana radja moeda di Lung Chi Khuang, tapi di poeloel moendoer oleh tentara jang mendjaga di sitoe. Lantaran Lung Chi Kiang kasih prentah boeat ambil atoeran keras" banjak darah tertoempah di sitoe. Seolah-olah perboeatan keras jang demikian belon tjoekoep, belakangan ia telah soeroe tebas kepala'nja 72 patriot, kadjadian mana boekan bikin orang mendjadi koentjoep tapi sebalik'nja orang goeloeng tangan-badjoe'nja agar maksoed'nja lebih lekas kesampean. Sebage djawaban dari ini dan laen² kedjadian, Tung Ming Hui atoer satoe coup d'etat di Hankow di moesim semi jang kamoedian menjoesoel. Dr Sun Yat sen sendiri pergi ke Amerika boeat poengoet derma. Sementara ini dengen ada'nja beberapa kedjadian heibat, atoeran² lebih keras dari fihak pemerentah telah di ambil, antara mana di Wuchang pernah kedjadian ada banjak anak² moeda lelaki dan prempoean di hoekoem mati, sebab di sangka djahat. Ini soedah menimboelken moerka'nja student² dan laen² orang particulier. Radja moeda jang ada sedia tentara, segra mengeloearken ini. Di sitoe commandant dari ini barisan. Li Yuan Hung bekas student dari Japan, kasih taoe pada itoe radja moeda jang officier² dari tentara di sitoe ada berhaloean panas, dan mereka ini sebetoel'nja telah beli pangkat'nja dengen oewang jang mereka dapet dari Sun Yat Sen; dalem ini pembitjara'an Li Yuan Hung kasih taoe jang ia maoe bantoe pada'nja boeat melariken diri atawa boeat melawan sampe tida ada ketinggalan barang satoe orang. Ternjata Lung Chi Khuang pilih jang pertama dan begitoelah ia laloe di anter oleh Li Yuan Hung naek kapal Japan di waktoe malem. (bersamboeng: Pada ini waktoe kendali pemerentah'an di Peking ada dalem )
[budaya_tionghua] Re: Kwee Thiam Tjing ( trima kasih Janto...eh salah Hian)
Astaga.! Trima kasih, trima kasih atas toelisan jang berharga ini dari ik poenja soeami, mewakili Opa Kwee jang soedah tida ada di ini milis ini toelisan aken ia trima dengen hati jang girang, betoel ia batja soedara "janto". poenja toelisan dia liat ada itoe boekoe, tapi sajng pendek sekali. berdasar dari itoe literatoer jang sanget djitoe tinggal djedjak Kwee Thiam Tjing di Lay Po jang belon saja ketemoeken, poen sekiranja toean Jantoe jang sanget soeka sama silsilah boleh ada waktoe maen ke Webnja Kwee Thiam Tjing di kaloe anda kataken ada beberapa jang ingin batja saja bersoekoer, minimal saja ada satoe jang sanget perhatian dengen itoe orang (kwee Thiam Tjing) poen karena ini didapet dari boekoe jang sanget soesah maka hoekoemnja wadjib di simpen di ia poenja web sekali lagi Janto ..eh salah, Hian.trima kasih --- In budaya_tionghua@yahoogroups.com, "Steve Haryono" <[EMAIL PROTECTED]> wrote: > > > > Sdr. Tjamboek Berdoeri yth, > > > > Sesuai permintaan anda yang anda sampaikan di blog saya maka saya tuliskan > dibawah ini kutipan mengenai Kwee Thiam Tjing di buku : Orang orang tionghoa > jang terkemoeka edisi th 1935. Saya cc khan juga ke milis Budaya Tionghoa. > Mungkin juga ada beberapa yang ingin membaca. > > > > Toean Kwee Thiam Tjing > > > > Eersteredacteur dari dagblad "Mata Hari" > > Ia terlahir di Pasoeroean, sekola pertama dalem Europ. Lagere School Malang, > teroes ka Mulo di itoe tempat djoega. Kamoedian ia banjak ambil privaatles > dan zelfstudie, berbareng itoe moelai banjak bantoe soerat-soerat kabar, > teroetama dalem "Lay Po" jang itoe waktoe baroe terbit di Bandoeng dimana ia > oendjoek njata dalem toelisan-toelisannja bahoea dirinja bakal doedoekin > satoe tempat jang terpenting dalem journalistiek. Kamoedian ia doedoek dalem > staf-redactie "Soeara Publiek" jang itoe waktoe satelah ditingalken oleh > toean Phoa Tjoen Hoay lantes pindah dalem pimpinannja toean Lim Koen Hian, > dimana ia dengen sekalih goes telah dapet 9 persdelict jang kendati 6 > perkara telah bisa bebas tapi restant jang laen telah bikin ia mendekam > dalem pendjara 10 boelan lamanja. > > Pindah dari "Soeara Publiek" ia laloe masoek dalem staf "Sin Jit Po" bersama > toean Liem Koen Hian djoega jang ganti namanja itoe soerat kabat menjadi > "Sin Tit Po" sehingga ini hari. Itoe waktoe ia terdjoenken djoega dirinja > dalem pergerakan dan mendjadi salah satoe antara pendekar Pertij Tionghoa > Indonesia jang terkemoeka. Blakangan ia tinggal di Djember, dimana ia > menerbitkan dan pimpin "Pemberita", tapi akhirnja itoe soerat kabar > ditoetoep dan ia sekarang di Semarang doedoek dalem staf "Mata Hari" > > > > > > > > Salam, > > Steve Haryono > > > > PS. Saya mengutip seadanya seperti yang tertulis dibuku. Perhatikan > perbedaan Lim Koen Hian dan Liem Koen Hian. Perbedaan ini juga tertulis di > buku tersebut. > > > > [Non-text portions of this message have been removed] >
[budaya_tionghua] Riwajat Dr Sun Yat Sen XIX
Sementara ini di Shanghai Li Yuan Hung diangkat mendjadi Penganti President"; satoe comite dari kawan sendiri angkat pada'nja. Di waktoe Li Yuan hung bilang bersedia boeat doedoek dalem pemerentah apa sadja jang Tung Ming Hui di Shanghai hendak berdiriken. Tapi selaen'nja Li Yung Hung ada lagi orang² laen jang pantes diangkat, seperti Wang Cheng Ting, terpisah dari Hu Han Ming dan Wan Chung Hui dan laen²nja lagi. Dengen keada'an begini orang bisa mengarti jang boeat bikin tentrem keada'an ada baek pilih seorang jang tida bersaing satoe sama laen. Inilah boekan laen ada Dr. Sun Yat Sen jang soedah bikin ini semoea gerakan sehingga pemerentah Manchu roeboeh dan satoe Republiek tersedia boeat ganti'nja. Dr. Sun Yat Sen lagi doedoek di roemah goeroe dan sobat kentel'nja, Sir James Cantlie, di London; ia lagi pangkoe satoe anak ketjil, pada waktoe satoe telegram sampe terteken Raad dari toedjoeh belas provincie" dalem mana ia diminta boeat soeka trima djabatan President dari Republiek Tiongkok. (Bersamboeng: Ia batja itoe tellegram dan kamoedian serai itoe pada Sir James Cantlie, sedeng ia sendiri memaen teroes sama anak jang ia lagi pangkoe )
[budaya_tionghua] Riwajat Dr Sun Yat Sen XX
Ia batja itoe tellegram dan kamoedian serai itoe pada Sir James Cantlie, sedeng ia sendiri memaen teroes sama anak jang ia lagi pangkoe. Girang'nja ini orang toea Inggris boekan maen tempo membatja itoe; lantas poen ia bri slamat pada ia poenja bekas moerid jang dalem tempo tida bisa dibilang terlaloe lama soedah bisa doedoek di satoe korsi-pemerentah, memerentah satoe Republiek jang paling besar di dalem Doenia. Tida maoe membikin rakjat menjesel Dr. Sun Yat Sen balik ke Tiongkok dan pangkoe itoe djabatan, jang mana ia tjoema pangkoe 4 boelan, dan kamoedian ia serain itoe djabatan pada Yuan Shi Kai, jang keliatan kemaroek sama ini kedoedoekan. Dr Sun Yat Sen berboeat demikian sebab merasa itoe ada djalan jang paling baek boeat Tiongkok. Ia selama'nja bersedia boeat berkorban apa sadja boeat kebaekan'nja Tiongkok dan rakjat Tiongkok; dan boekti² dari ini perkata'an tertoendjoek dengen njata dalem seantero ia poenja penghidoepan pada sebelon peroebahan terdjadi, sampe ia mendjadi genap dan satoe Republiek Berdiri di Tiongkok. Dan di waktoe² negri atawa rakjat minta pengorbanan ia selama'nja bersedia boeat briken, dan ia poenja kedjoedjoeran boeat goena bangsa dan rakjat, membikin Dr Sun Yat Sen mendjadi terdjoendjoeng tinggi teroes, sampe ia menoetoep mata dan sampe sekarang poen itoe nama aken teroes terkenang. (bersamboeng: Selama hidoep'nja tida brenti'nja Dr. Sun Yat Sen kedjer)
[budaya_tionghua] Riwajat Dr Sun Yat Sen Tamat
Akoe poenja Ching Ling, akoe poenja Hoedjin dan kawan² jang paling setia, soekalah kaoe trima bersama ini, harian akoe menoetoep mata: Akoe poenja boekoe², akoe poenja pakean-pakean toea dan akoe poenja roemah di Shanghai, boekan sebage harta (-sebab akoe tida mempoenjai harta sesoeatoe apa dan ini semoea tida bisa dinamai harta- ) tapi hanja sebage tanda peringetan dari akoe" Tamat Nb Boeat jang kepingin liat Potret jang paling belakangan dari Dr Sun Yat Sen satoe badan penoeh bisa liat di http://tjamboek28.multiply.com/photos/photo/44/1 satoe web jang di boeat sama orang jang pernah di oesir dari ini milis
[budaya_tionghua] Riwajat Dr Sun Yat Sen XXI
Selama hidoep'nja tida brenti'nja Dr. Sun Yat Sen kedjer ia poenja angen² jalah bikin genap pekerdja'an merobah keada'an Tiongkok sehingga mendjadi sempoerna dan Tiongkok bisa terpandang dan machmoer. Lantaran ini semoea maka Dr Sun Yat Sen tida hartawan sebagi kebanjakan orang berpengaroeh di Tiongkok, kendati ia bisa, kaloe ia maoe. keada'an'nja jang demikian dengen teges bisa di loekisken dengen ini beberapa baris perkata'an jang ia telah toelis pada ia poenja hoedjin sedikit minuut sebelon menoetoep mata boeat semala-lama'nja. (bersamboeng: Akoe poenja Ching Ling, akoe poenja Hoedjin dan kawan² jang paling setia, )
[budaya_tionghua] Riwajat Dr Sun Yat Sen XVIII
Pada ini waktoe kendali pemerentah'an di Peking ada dalem tangan'nja satoe njonja moeda, iboe'nja kaizer jang masih anak. Kok Bo Tsu Hsi soedah menoetoep mata, kerna apa Yuan Shi Kai tida ada jang openi, sedeng doeloe ia berkoeasa besar. Soedah lama Yuan poelang ke kampoeng'nja, tapi lantaran ada krisis ia di panggil balik agar ia bisa lindoengin singgasana kaizer. Tapi ia lakoeken itoe pekerdja'an jang soedah djoestroe ada bertentangan dengen perboeatan melindoengin, dan ia sendiri sebetoel'nja haroes dikata memantjing dalem aer boetek. Di ini koetika tida sedikit djiwa telah melajang, djika orang inget pada pertempoeran di Hankow, semoea lantaran Yuan Shi Kai, belakangan tempo keada'an boeat singgasana kaizer berbahaja sekali, iboe'nja kaizer kasih prentah pada Yuan boeat maloemken: Mengakoei jang kehendak dari rakjat jang mana ada kehendak'nja Toehan, ada boeat dapet republiek, kita lepasken ini keradjaan dan koeasaken Yuan Shi Kai boeat atoer pemerentah'an atas pokok perwakilan". Dr. Sun Yat Sen berada di Sobat Louis tempo dapet kabar tentang keriboetan di Hankow. Ia boekan lekas² poelang, sebalik'nja ia teroesken perdjalanan'nja poeter doenia, dengen adem sambil dan poengoet oeroenan teroes. Ia di-interview oleh kaoem soedagar, financier dan minister² boeat oeroesan asing. Pada siapa ia briken harepan² baek bagi berdiri'nja Republiek Baroe dan Besar". Di Ameriak seriket ia loekisken gambar doea tangan saling berdjabatan jalah Republiek Amerika Seriket dan Tiongkok, dimana sekalian ia djandji boeat sediaken kemerdikaan bagi jang tergentjet; djoega di England ia bikin kenal Republiek Tiongkok jang bakal berdiri dengen sertain harepan² baek bagi madjoe'nja perdagangan dengen satoe bangsa jang merdika. (bersamboeng: Sementara ini di Shanghai Li Yuan Hung )
[budaya_tionghua] Penjerboean III
Lebih doeloe kaizer soedah panggil Sijh Pi menghadep ia bilang: Diantara kami poenja panglima perang tjoema ada sedikit sekali jang boleh di pertjaja, dari itoe akoe prentahken padamoe boeat kepalaken ini expeditie. Sijh Pi lantas menjaoet: Kaizer jang prentah bagimana hamba bisa simpen rasa takoet boeat badan sendiri! Waktoe Sijh Pi dengen doea kepala perang jang laen dateng menghadep pada kaizer boeat pengabisan kali, kaizer pesen pada mereka: Kaloe kaoe orang soedah dateng di poelo Djawa, lantas moesti kasih taoe pada balatentara dan pada pendoedoek dari itoe negri, bahwa antara poelo Djawa dan Tiongkok doeloe kala ada persobatan jang kekel sekali, tetapi oetoesan Tiongkok jang paling belakang dateng di itoe negri soedah di aniaja dan di seksa seperti binatang dan bahwa sekarang kaoe orang dateng disana boeat kasih hoekoeman pada itoe Radja, boekan oentoek memoesoehi pendoedoek di ini Negri. Lantas radja moeda dari Foeh Kien dikasih prentah boeat koempoel dari ia poenja provencie dan dari doea provencie jang paling deket, dengen bilangan 20.000 serdadoe boeat angkat satoe kepala perang boeat bagian kiri dan satoe boeat bagian kanan, serta 4 panglima boeat kepalaken 10.000 serdadoe. Djoega boeat siapken 1000 kapal jang moesti dikasih rangsoem goena terpake satoe taon poenja lama dan 40.000 potongan perak. Dalem boelan pertama dari taon 1293, itoe expeditie berlaboeh di Billiton. Disana orang gergadji papan boeat bikin perahoe² ketjil, aken bisa teroes masoek di soengei² di poelo Djawa. Dan panglima² perang bermoefakatan satoe dengen laen'nja tentang atoeran ia orang moesti poekoel poelo Djawa. (*sampe disini kita moesti kagoem di taon terseboet bangsa Tionghoa soedah mengerti betoel teknik penjerboean setjara militair) Dalem boelan ke doea. Ike Mese, di ikoetin oleh satoe panglima, beberapa secretaris (penasehat) dan 3 offcier dari Raad Perdamaian berangkat ke poloe Djawa, boeat teroesken kaizer poenja prentah. Roepa'nja ia orang ada niat boeat tjoba bikin taloek orang Djawa dengen djalan damai. Sementara itoe bagian jang laen dari itoe expeditie pergi ke poelo² Karimon Djawa dan dari sana teroes ke Toeban, di pesisir Rembang jang menoeroet satoe kabaran Tionghoa dari taon 1418, ada satoe tempat dagang besar, dengen lebih dari 1000 roemah², antara mana ada banjak orang Tionghoa poenja. Di Toeban Sjih Pi dan Kaoe Hsing ketemoe lagi pada Ike Mese. Ike Mese poenja icthiar boeat bikin orang Djawa menakloek dengen djalan damai tida berhasil, dan oleh itoe tiga pimpinan perang diambil poetoesan boeat kasih naek separoh dari ia orang poenja balatentara kedarat. Sjih Pi teroes dengen kapal²nja pergi dimoeara'nja kali Sedajoe (kali Solo) dan dari sana teroes masoek di kali Mas atawa kali Soerabaia. Kaoe Hsing dan Ike Mese dengen balatentara jang di kasih naek di darat dari Toeban teroes masoek ke dalem negri; satoe kepala dari 10.000 sedadoe djadi kepala'nja barisan jang berdjalan di moeka. Dari Sedajoe jang soedah djatoh dalem tangan'nja orang Tionghoa, di kirim 3 panglima perang dengen prentah boeat rampas djembatan Madjapahit.
[budaya_tionghua] Penjerboean IV
Di itoe waktoe Toemapel dapet setori dengen kerdjaan Kalang (Daha) dan Radja dari Toemapel, Hadji Ka-ta-na-ka-la (*Kertanegara) diboenoeh oleh radja Kalang, jaitoe Hadji Katang (*Djaja Katwang). Begitoelah hoekoeman, jang orang Tionghoa hendak beriken pada Radja Toemapel sebetoel'nja soedah di lakoeken oleh Radja Kalang. Anak mantoe dari Radja Toemapel, toean Pidjaja (*Raden Widjaja) hendak bales pemboenoehan mertoea'nja, ia bikin perang dengen Hadji Katang, tetapi tida bisa kalahken itoe Radja. Djadi ia moendoer ke Madjapahit. Waktoe ia denger Sijh Pi dengen balatentara lagi mendatengin, ia kirim beberapa oetoesan pada oficier² dari Raad Pedamaian, dengen bawa satoe keterangan dari semoea soengei² dan tempat² berlaboeh, serta satoe kart (*peta) dari Negri Kalang. Djoega ia menjataken soeka menakloek pada Tiongkok dan sekarang minta pertoeloengan Sijh Pi. Ia sendiri tida bisa tinggalken ia poenja balatentara; dari sebab itoe maka 3 officier dateng ketemoe pada'nja dan kombali lagi dengen minister pertama dari toean Pidjaja serta 14 ambtenaar² laen jang hendak kasih selamet dateng pada kaizer poenja pasoekan perang. Di hari pertama diboelan ke tiga, balatentara di koempoelken di kali Mas, jang masoek di selat Madoera. Inilah ada pintoe'nja tanah Djawa dan satoe tempat penting jang minister pertama dari Kalang. Hi-Ning- Koe-An, tida maoe serahken pada moesoeh, maski soedah diminta berkali-kali. Kepala dari pasoekan Tiongkok lantas sigra atoer tentara'nja, dan soeroeh djaga tempat tambangan (overvaart) oleh satoe kepala dari 10.000. 1000 Kapal² ketjil jang soedah ada di soengei dan barisan darat lantas di madjoeken bersama-sama. Hi-Ning-Koe-An, waktoe meliat ini, waktoe malem lantas tinggal lari benteng'nja dan lebih dari 100 kapal² Negri Kalang dapet di rampas oleh orang Tionghoa. Sekarang satoe psoekan tentara di prentah boeat djaga moeloet'nja kali Mas, dan bagian jang laen dari balatentara Tiongkok teroes madjoe.
[budaya_tionghua] Perhoeboengan jang paling toea antara Tiongkok dan poelo Djawa.
Ini kali saja maoe bertjerita dan tjoba pembatja bisa bandingken dengen sedjarah jang kita dapet sewaktoe SD atawa SMP dimana kisah penjerboean Radja Koeblai Khan, tapi kita tida diterangken kenapa hingga itoe penjerboean di lakoeken. Ini tjerita agak padjang dan aken saja toetoerken ketjara berkala, semoga pembatja dapet memahami dan meresep dengen baek. Karena ini versi boekan dari pihak poelo Djawa melaenken dari sedjarah Tiongkok jang tertjatet setjara rapih. Achir kata semoega itoe tjerita dapet bergoena bagi pembatja. I. Perhoeboengan antara Tiongkok dan poelo Djawa oemoer'nja soedah toea sekali. dari tjatetan² hikajat di Tiongkok kita dapet taoe, bahwa Fa Hien, seorang Tionghoa jang soedah dateng di tempat² soetji di Hindia, Inggris dan Ceijlon boeat keperloean igama, di dalem ia poenja perdjalanan poelang soedah dapet ketjilakaan di tengah laoetan, di deket poelo Djawa diseboet Ya-Va-Di. Ini hal kedjadian di taon 414 sesoedah'nja Christus di lahirken. Waktoe Fa Hien dateng di poelo Djawa belon ada orang Tionghoa laen. Ia lah jang pertama kali soedah kasih kabar, bahwa di poelo Djawa ada tinggal djoega orang Hindoe. Sedjak itoe tempo roepa'nja poelo Djawa soedah djadi terkenal oleh pemerentah di Tiongkok dan perhoeboengan perkara dagang dan laen oeroesan soedah di bikin antara ini negri dan beberapa bagian dari poelo Djawa. Di satoe pekabaran dari taon 435 di seboet Dja-Va-Da, kira² di taon 515 ini nama di robah djadi Langga-Soe atawa Langga. Di dalem hikajat dari dijnastie Tang (618 906) keradjaan di poelo Djawa, jang berniaga dengen Tiongkok, di seboet Kaling, orang djoega biasa namaken djoega Djawa. Boleh djadi keradjaan terseboet oleh orang Tionghoa di seboet Kaling, sebab jang pegang tali pemerentah di keradjaan itoe, ada orang² jang asal dari Kalinga (pesisir Timoer- Oetara dari Voor Indie) Di tempo dijnastie Song, ada naek di tachta keradjaan Tiongkok dalem taon 960, perniagaan dari Tiongkok di poelo Djawa ada rame sekali. Soedagar² Tionghoa jang dateng di poelo Djawa, di trima sebage tamoe di satoe roemah besar dan di kasih makan dan minoem sebrapa banjak ia orang soeka. Di taon 992 Maharadja ada kirim oetoesan pada keradjaan Tiongkok dan di dalem taon 1129 kaizer Tiongkok kasih berapa gelaran tinggi pada Radja Djawa. Di pengabisan dari abad ke 13, di deket kali Brantas ada doea keradjaan Hindoe, jang sebelah Oetara bernama Toemapel, dan jang di sebelah Selatan ( di dalem bilangan resident Kediri sekarang) ada Daha. Dalem taon 1292 pemerentah Tiongkok kirim satoe expeditie besar ke Toemapel. Waktoe barisan Tiongkok baroe naek ke darat poelo Djawa, keradjaan Toemapel soedah di binasaken oleh Hadji Katang, Radja dari Kalang atawa Daha. Panglima² Tiongkok lantas prentah soedadoe²nja madjoe teroes bikin binasa keradjaan Daha. Tapi waktoe kombali dari perdjalan'nja balatentara Tiongkok lantas di serang oleh satoe kepala perang dari bekas keradjaan Toemapel (*penghianat Toemapel). Orang² Tionghoa kepaksa balik kombali ke kapal²nja dan begitoelah expeditie berachir, jang sebetoel'nja soedah tida perloe, waktoe keradjaan Toemapel soedah binasa. (bersamboeng: Boekoe² hikajat Tionghoa ada tjatetken padjang sekali tentang itoe expeditie dari taon 1292. lantaran itoe expeditie ada di tjeritaken)
[budaya_tionghua] Penjerboean II
Boekoe² hikajat Tionghoa ada tjatetken padjang sekali tentang itoe expeditie dari taon 1292. lantaran itoe expeditie ada di tjeritaken seperti terseboet dibawah: Waktoe di dalem taon 1280. Radja Mongool Koeblai Khan soedah bisa kalahken Tiongkok dan naek di Tachta keradjaan ini, ia toeroet toeladan'nja Radja² Tiongkok jang doeloe², dan prentah pada oetoesan² boeat kasih taoe pada semoea keradjaan jang letak'nja ada berdeketan dengen Tiongkok, bahwa ia soedah doedoek di tachta keradjaan dari ini negri. Orang² Djawa soedah ada ratoesan taon teriket dengen tali persobatan dengen orang Tionghoa, setaoe dari lantaran apa, soedah djadi berobah pikiran'nja. Oetoesan jang membawa kabar hal Koeblai Khan soedah naek di atas tachta keradjaan Tiongkok, oleh ia orang Djawa di tangkep dan di seksa dengen tjara kedjem sekali dan kamoedian di lepas boeat bisa poelang kombali ke negri'nja. Koeblai Khan tida bisa lantas ambil poetoesan boeat bales itoe perboeatan chianat dari orang² Djawa, sebab letak'nja poelo Djawa ada terlaloe djaoeh dan ongkos² boeat kirim expeditie kesana ada terlaloe besar. Tapi perlahan-lahan toch segala halangan ini bisa dapet disingkirken dan satoe expeditie di siapken boeat di kirim ke poelo Djawa. Seperti kepala² dari itoe expeditie telah diangkat panglima² Sjih Pi, Ike Mese dan Kaoe Hsing. Doea panglima jang terseboet doeloean (Sjih Pi dan Ike Mase) ada orang Mongool, dan jang terseboet belakangan (Kaoe Hsing) ada orang Tionghoa. (bersamboeng : Lebih doeloe kaizer soedah panggil Sijh Pi menghadep ia bilang)
[budaya_tionghua] Re: Fw: Download GRATIS buku Tionghoa Dalam Pusaran Politik
Astaga!!! Bener saloet sama Pak Benny, dan ini boekoe bagoes kaloe tida salah saking tebelnja ini boekoe sampe seharga 250.000 roepia saja poenja Cd-nja dan jang terpenting nama Tjamboek berdoeri tertoelis di ini boekoe heheh. karena ini boekoe terbit sewaktoe proses pentjarian djati diri tjamboek berdoeri lagi di olah sama oom Ben maka tida ada nama Kwee Thiam Tjing dan pada saat itoe Stenley kasih adja itoe bahan jang dengen Indonesia dalem api dan bara dan pak benny moefakat ini ada satoe bahan jang sanget bagoes seperti Romo Shindoe masoeken bahan Idap ke boekoenja Kambing Hitam.. sekali lagi ini boekoe sanget bagoes !!! bereontoenglah boeat rekan milis jang sekarang bisa download setjara gratis --- In budaya_tionghua@yahoogroups.com, "idakhouw" <[EMAIL PROTECTED]> wrote: > > Salut saya buat Pak Benny yang mengambil segala resiko dari > mempublikasikan bukunya di internet demi readership yang lebih luas. > Melanjutkan usul Pak Irawan dan Pak Chan, bagaimana kalau tidak dibuat > gratis? seperti dilakukan perpus2/jurnal2 online: orang tidak bisa > mengakses buku/artikel tanpa membayar. >
[budaya_tionghua] Penjerboean (V sampe VII)
Oetoesan² dari toean Pidjaja ada dateng dan kasih kabar bahwa radja kalang teroes memboeroe pada toean Pidjaja sampe di Madjapahit dan sekarang di minta pertoeloengan'nja Tiongkok poenja soldadoe boeat lindoengken pada toean Pidjaja, dan satoe officier ada mengikoeti dengen sepasoekan soldadoe pergi ke Tjanggoe, pelaboean'nja kota Madjapahit. Kaoe Hsing djoega madjoe, menoedjoe ke djoeroesan Madjapahit, tetapi waktoe ia dapet kabar jang belon ada ketentoean apa soldadoe² kalang soedah dekat atawa masih djaoeh, ia kombali ke Kali Mas. Tida lama kamoedian ia dapet kabar dari Ike Mese, bahwa moesoeh aken dateng itoe malem djoega, dan ia di prentah boeat madjoe lagi ke Madjapahit. Di hari ke 7 soldadoe² kalang dateng menjerang pada toean Pidjaja dari 3 djoeroesan, dan di hari ke 8, waktoe masih pagi sekali, Ike Mese kepalaken sebagian dari tentara'nja boeat poekoel pada moesoeh di sebelah Barat-Selatan, tapi moesti kombali dengen pertjoema, sebab tida bisa dapetken itoe moesoeh. Kaoe Hsing belkai dengen moesoeh di sebelah Tiomoer-Selatan (*Tenggara) dan binasaken bilangan ratoesan soldadoe Kalang, sedeng sisa'nja bisa melariken diri ke goenoeng-goenoeng. Deket siang moesoeh djoega dateng lagi dari sebelah Selatan, Kaoe Hsing kombali labrak pada moesoeh jang baroe dateng, dan di waktoe sore bala tentara Kalang soedah berhasil di moendoerken. VI. Kaoe Hsing, itoe kepala perang bangsa Tionghoa, lantas berkata: Maski toean Pidjaja soedah menahloek, ia boleh dapet rasa menjesel dari hal itoe dan, dengen berserikat pada Kalang, lantas menjerang pada kita. Kaloe sampe kedjadian begitoe, kita poenja pasoekan bisa dapet soesah besar, dan kita tida bisa doega bagimana ini expeditie nanti berachir." Ini mendjadi Kaoe Hsing kasih pikiran boeat teroes poekoel negri Kalang sampe antjoer sama sekali. Di hari ke 15 pasoekan perang Tiongkok di petjah mendjadi 3 bagian boeat poekoel negri Kalang, dan kepala² perang soedah sama bermoefakatan jang ia orang aken bertemoe lagi satoe dengen laen'nja di hari ke 19 di Daha, iboe kota dari negri Kalang. Sebagian dari tentara toeroet djalan'nja kali Brantas menoedjoe ke selatan, ike Mase madjoe dari sebelah Oetara Daha dan Sjih Pi dari sebelah Timoer Daha dan Kaoe Hsing sisir tepi kali Brantas. Sedeng toean Pidjaja, dengen tentara'nja hanja pada bagian belakang. Betoel pada hari ke 19 ia orang sampe di Daha dimana radja Kalang ada melawan dengen lebih dari seratoes riboe soldadoe, peperangan moelai di waktoe masih djam 6 pagi dan berachir pada djam doea lohor. 3 labrakan moesti di lakoeken pasoekan Tiongkok sebelon benteng Daha bisa petjah. Bilang riboean tentara Kalang binasa oleh pedang'nja orang Tionghoa, dan tida bisa di itoeng soldadoe jang lompat dalem soengei. Poetera Radja Kalang moendoer dari Kraton'nja lari ke goenoeng bersama dengen itoe kraton soedah terkepoeng oleh pasoekan dari Tiongkok. Deket sore radja Kalang keloear dari Kraton boeat menakloek akibat'nja kraton loepoet dari pembakaran. Kamoedian Pidjaja tawan semoea Radja, permaisoeri dan anak dari officier² Kalang. Taoe ini semoea kamoedian Kaoe Hsing minta idzin boeat kedjer sang poetra, dengen bawa 1000 pasoekan Kaoe Hsing naek goenoeng boeat tjari itoe Poetra mahkota Kalang. Djoestroe pergi'nja Kaoe Hsing, pasoekan Tiongkok djadi dapet tjilaka. Sjih Pi dan Ike Mase soedah kena di bikin bodoh oleh orang² Djawa. VII. Dari penoetoep riwajat hal petjah'nja kota Daha dan taloek'nja Hadji Kalang, kita boleh bikin doegaan, pasoekan Tiongkok soedah dapet keroesakan tida sedikit lantaran itoe peperangan dengen labrakan hingga 3x, kerna kaloe tida begitoe, kepala² perang Tiongkok tentoe tida maoe trima dengen begitoe gampang Hadji Kalang menakloek diri, dan lantas sadja moendoerken pasoekan. Ini hal soedah membikin toean Pidjaja dapet pikiran boesoek, ia minta pada Sjih Pi dan Ike Mase, soepaia ia dibri idzin poelang ke negri'nja, aken menoelis satoe soerat baroe boeat menjataken ia soedah menaloek pada Tiongkok dan aken bikin sedia roepa² barang boeat di persembahken pada Kaizer. Ini permintaan di trima baek oleh Sjih Pi dan Ike Mase, dan toean Pidjaja dikasih doea officier dengen 200 soldadoe boeat anter" pada'nja. Di tengah djalan toean Pidjaja boenoeh ini doea officier plus 200 tentara dan dari doea djoeroesan ia lantas menjerang pada barisan Tiongkok jang lagi moendoer. Sjih Pi ada kepalaken bagian belakang dan oleh toean Pidjaja di pisah dari bagian jang lebih besar. Sembari beklai, ia moesti berdjalan berapa poeloeh mijl djaoeh'nja sebelon ia sampe di tempat kapal²nja berlaboeh.
[budaya_tionghua] Nama toeroenan dan Familliesysteem dari orang Tionghoa.
Penganter: Ini tjerita moengkin lebih di pahamin oleh orang dari kaoem Hokian semoga harep di makloem dan oetoek Nama toeroenan laen kesempatan aken saja toetoerken II. Familliesysteem I. Lebih doeloe di sini saja maoe tjaboet perkata'an'nja pengarang jang terkenal, Liang Chi Chao, siapa ada bilang bahwa kebangsaan Tionghoa itoe sebener'nja terdiri dari goendoekan famillie² besar. Dengen perkata'an mana Liang Chi Chao maoe kata, bangsa kita ada begitoe oetamaken soal perhoeboengan famillie. Ini pengoetaraan memang djoega tida salah. Kita poenja hikajat sedjek djaman koeno sekali telah mengoendjoek bahwa bangsa kita ada amat perhatiken terhadep perhoeboengan sanak, satoe anggota famillie jang berada di dalem kesoesahan oepama'nja, ada mendjadi tanggoengan laen sanak boeat briken pertoeloengan sekedar'nja. satoe famillie lid jang berada dalem kesoesahan poen ada di tanggoeng djoega kesoesahan'nja itoe sanak keloearga'nja. Maka pada djaman² jang telah liwat, di Tiongkok, orang haroes berlakoe hati² sekali boeat beroeroesan pada sesoeatoe orang, terlebih poela djika berlaenan kaoem, kerna satoe orang dari famillie Tan oepama'nja, kaloe ia dihinaken oleh orang dari laen famillie, itoe hinaan di rasaken djoega oleh semoea kaoem'nja Kepentingan satoe anggota famillie dibelaken oleh seantero orang jang terdiri dari satoe she (*batja seh) atawa satoe kaoem sebage mereka poenja kepentingan sendiri, maka djoega orang Tionghoa selaloe djaga agar perhoeboengan famillie itoe selaloe tinggal kekal dan tida terpoetoes. Salah satoe djalan boeat djaga agar perhoeboengan famillie adalah dengen tjiptaken seboetan² jang lengkep, dengen begitoe sekali kita denger itoe seboetan kita bisa lantas taoe mereka poenja iketan famillie satoe sama laen. Loeas'nja itoe iketan famillie jang berada di kalangan bangsa Tionghoa kita bisa saksiken dengen ada'nja panggilan Tjhien-lang terhadep orang jang masih toenggal satoe she. Oepama toean Tan Tjoe An dan toean Tan Kiem Tek, kendati mereka belon pernah bertemoe moeka, jang satoe tinggal di Nanking jang laen tinggal di Peking, mereka seboet Tjhien-lang satoe sama laen, jaitoe arti'nja sanak. Satoe Tjhien-lang pada djaman doeloe, sampe poen oleh bangsa kita jang berdiam di ini kepoeloean, senantiasa di perlakoeken sebage famillie sendiri oleh mereka jang bersamaan she. II. Satoe orang toea pernah menoetoer pada saja, pada belasan taon berselang orang² Tionghoa totok jang dateng di ini kepoeloean, oleh orang² jang biasa samboet kedatengan'nja kapal² jang dateng dari Tiongkok langsoeng di anter pada orang² jang serba mampoe dan jang bersamaan she. Di andeken ini hari ada dateng satoe jonk dari Tiongkok, di sitoe ada menoempang ampat orang dari kaoem Tan, ampat orang dari kaoem Oei, doea orang kaoem Ong dan satoe orang Dari kaoem Liem, mereka itoe nanti di antarken pada orang² jang bersatoe she. Dari orang jang bersamaan kaoem trima mereka dengen seneng hati, mereka beranggepan, itoelah memang soedah mendjadi koewadjiban satoe Tjhien-lang boeat toeloeng orang jang bersamaan leloehoer. Itoe orang² pada mereka poenja Tjhien-lang nanti di toeloeng dengen satoe dan laen djalan, siapa bisa bekerdja di beri pekerdja'an, jang pande berdagang poen di bantoe dengen sedikit kapitaal, jang dapet di koempoel dari oeroenan antara sesama orang jang bersatoe she (*ini satoe dari banjak hal jang bikin orang Tionghoa koeat dalem ekonomi). Begitoelah dengen ini sedikit penoetoeran kira'nja poen tjoekoep teges boeat kasih liat bagimana terhadep orang jang bersamaan she orang Tionghoa ada taroh perhatian dan anggep famillie sendiri, maka tida salah seperti apa jang Liang Chi Chao kata bahwa kebangsaan Tionghoa ada terdiri dari gaboengan famillie² besar, dan lantaran ada'nja itoe iketan jang kentjeng diantara famillie, maka kebangsaan Tionghoa tinggal tegoeh dan orang Tionghoa soesah di tjereken jang satoe dengen jang laen. III. Djitoe'nja Liang Chi Chao poenja perkata'an kita bisa saksiken lebih djaoeh dengen ada'nja panggilan² terhadep sesama bangsa kita jang begitoe familliaar. Satoe orang Tionghoa djika berhadepan pada lean orang Tionghoa, lebih toea atawa moeda'an dari kita, selaloe kita bahasaken ia `Ngko atawa Hia, arti'nja kanda. Seboetan `ngko atawa hia atawa lao-hsiung ini, tida sadja familliaar, malahan di sitoe ada menggenggem arti hormat terhadep orang jang kita adjak bitjara. Menoeroet adat Tionghoa, kaloe kita hargaken itoe orang, kita koedoe bahasaken dengen satoe seboetan jang mengoendjoek ia ada lebih toea. Sebab pernah toea itoe arti'nja ada mempoenjai kedoedoekan jang lebih tinggi. Djika kita berhadepan pada satoe orang jang soedah ada oemoer, kita bahasaken `Njik, atawa djika orang itoe djaoeh lebih toea dari ajah kita biasa'nja kita panggil pada'nja `Mpe. Itoe doea perkata'an, 'ntjik dan `mpe sebener'nja ada seboetan boeat mereka jang mendjadi soedara'nja ajah kita. Sementara kaloe kita berhadepan pada satoe njonja moeda, kita biasa panggil `Ngso, tetapi kaloe kit
[budaya_tionghua] Tjamboek Berdoeri mendjiplak!!!
Aha siapa itoe orang jang soedah poenja batang leher jang segitoe kakoe? Ahmad BS!! Ach kali ini saja tida maoe tanggapin doeloe itoe kalde poenja pernjataan sebelon ia bisa boektiin itoe tironaan (lebih teges kaloe ABS bisa boekti'in dari mana saja (toelisan'nja Opa Kwee) mendjiplak), kerna djika sekarang saja maoe labrak satoe kalde, aken boewang-boewang pikiran sadja, biar saja toenggoe sampe kapan poen dari ia poenja boekti. Saja (penjalin karja Opa Kwee Thiam Tjing) maoe tanja apa pantes membandingken Tjamboek Berdoeri dengen Ahmad kalde BS, saja pikir rekan² moefakat jang itoe perbedaan sanget djaoeh sekali bage poenjak goenoeng jang gilang goemilang dan dasar lembah jang gelap goelita. Tjamboek Berdoeri sedikit'nja pernah ramein kasanah doenia pers melajoe Tionghoa di djaman'nja, Ahmad kalde BS saja rasa poen pernah berdjasa pada doenia milis???, Ahmad kalde rasaken peristiwa Mei 98, Tjamboek Berdoeri rasaken peristiwa Tragedi Mergosono, walaoepoen sepintas ada kesamaan tapi saja maoe tanja apa sadja jang di perboeat sang Kalde djika di bandingken Tjamboek Berdoeri pada tragedi Mergosono dimana ia ridla sebage katjoeng mondar mandir dari Chung Hua Hui ke Ang Tien Ho kota Malang tampa rasa takoet, demi ia poenja bangsa jang ia tida rela bangsa laen bikin sate dari ia poenja kaoem. Sebaliknja Ahmad kalde BS tida tarik selimoet laloe ngoempet di kolong randjang soedah bagoes. Tapi jang di heranken ia ampe brani bilang Toelisan Opa Kwee adalah Djiplakan Hm! sebelon ia bisa kasih oendjoek di mana itoe djiplakan dan boleh djadi kira'nja itoe toelisan milik dari ia poenja leloehoer? Ini poen satoe pertanja'an besar. Saja tida perdoeli kaloe ini toelisan di bilang mentjatji maki orang, sebab satoe kali perloe itoe kalde dapet adjaran jang saja taoe di berbage milis ia ada satoe anak mas dan seberapa banjak ia poenja gondal ini boekan halangan boeat saja maki, terlebih ia soedah tjetjerowokan bahwa Hoedjin Tjamboek Berdoeri ada seorang Plagiat. Maka satoe kali petjoetan ke ia poenja adres saja rasa perloe agar sang kalde nantinja berdjalan lempeng lagi. Oentoek siansing Liang U jang bertjerita di taon 1963 di djalan ABC ini saja tida bisa poengkiri sebab saja taoe hanja Djawa Barat khoesoes'nja Bandoeng dimana penggiringan kaoem Tionghoa dari desa kekota ada jang paling berhasil di bandingken daerah laen (liat Hoakiao Pramoedya AT.) ditambah satoe tjontoh laen di mana keoetelan bangsa Tionghoa di pertontonken oleh Tjamboek Berdoeri di Malang dalem Indonesia dalem api dan Bara (hal 310 312) poen ini koetiban kombali di oelang oleh Romo Shindoe dalem ia poenja boekoe Kambing Hitam" saja koetibken ini toelisan: Waktoe Ori baroe berider, banjak keloearga Tionghoa jang masoek golongan mampoe atawa jang sedengan, njonja roemah'nja di hari-hari pertama tanggal 30 Oktober, pada iboek bikin pisang goreng, serabi, limpang limpoeng, getas, tegesnja koewee² jang sederhana tjara bikin'nja, kamoedian boedjang² jang disoeroe iderken. Sebentaran sadja itoe koewee² tjoemah tinggal t'enong'nja sadja, sebab harga'nja poen moerah, diantara doea tiga cent. Kenapa itoe banjak famillie Tionghoa berboeat begitoe? Soepaia sedikit banjak bisa tambahken persedia'an oewang'nja Ori jang oleh pemerentah ditetepken satoe orang tjoema boleh trima satoe roepia. Kendati itoe waktoe kita tida perloe sama oewang, kerna oemoem'nja kita soedah pada mempoenjai persediaan beras, ikan asin, telor, areng dan sebage'nja Iri hati memang baek, memang moesti ada, kerna zonder iri hati, tida ada stimulans, tida ada dorongan boeat tjoba perbaekin keada'an diri sendiri sampe bisa naek di tingkatan jang boeat iri hati tadi. Tapi nonsen ada'nja itoe dongean jang bilang, orang Tionghoa maka oemoem'nja bisa simpen doeit, kerna ia ada satoe pemeres, satoe lintah darat, satoe orang jang tjoema bisa perhatiken doeit, doeit dan sekali lagi doeit sadja. Jang kita oemoem'nja ada lebih koeat economie kita, itoe disebabken kerna kita lebih himat dimana tida perloe hamboerken oewang; kita lebih oelet bekerdja. Djika laen orang masih oero² sembari dengerin oelem'nja soeara dari ia poenja perkoetoet, kita soedah tjintjing lengen badjoe kita. Inilah sebab'nja dan laen sebab ada onzin" Ini pernjatan Opa Kwee dalem ia poenja boekoe Idab, saja tida taoe apa Kalde masih bisa bilang ini djiplakan orang jang ia sendiri tida taoe. Saja penjalin toelisan Opa Kwee pengen denger apa kata itoe kalde? Hoedjin Tjamboek Berdoeri
[budaya_tionghua] Re: OOT - Film Dokumenter Indonesia Tempo Doeloe
Wah bagoes toeh... gimana saja bisa dapetken?? Berhoeboengan atawa tida boekan djadi soal kaloe orang poenja otak djernih pasti ada kaitan antara Boedaja dan Sedjarah laen kaloe isi batok kepala oedah boetek, saja tida bisa omong djaoeh, koedoe pelan-pelan kasih kabar dari kwaliteit otak terseboet diatas semoga jang oedah ngedjeplak pasang omong tida djadi ketjil hari salam hoedjin Tjamboek Berdoeri > > - Original Message - > From: tempodoeloe1930 > To: budaya_tionghua@yahoogroups.com > Sent: Wednesday, June 06, 2007 5:12 PM > Subject: [budaya_tionghua] OOT - Film Dokumenter Indonesia Tempo Doeloe > > Dear All. > Suka film dokumenter nggak ? Gw baru punya kopi Film > Dokumenter Indonesia tempo doeloe (tahun 1938). >
[budaya_tionghua] Peristiwa.... Mei dan Mergosono apa bedanja???
Dari ini milis selama ampir seboelan penoeh saja ikoetin berbage pendapet jang sanget heibat dan djempol. Itoe peristiwa memiloeken memimpah kaoem Tionghoa dan Indonesier jang tida sedikit djiwa melajang. Maka'nja saja rasa boekan sadja kaoem Tionghoa jang moesti sakit hati tapi korban jang non Tionghoa poen berhak klaim itoe rasa sakit hati. Moengkin loepa atawa setaoe apa dimana kita pernah rasaken tragedi Mergosono di Malang di sitoe hanja" kaoem Tionghoa di Malang jang rela di giring oleh tentara perdjoeangan ke Mergosono jang berachir 20 orang lebih (kesoemoeanja Tionghoa data'nja djelas) di bakar hidoep² di satoe bekas goedang dimana ada majat jang sedeng berpelokan satoe dengen jang laen. Saja poen pingin denger rekan² jang sanget djempol dalem soal diskoesi. Hoedjin Tjamboek Berdoeri
[budaya_tionghua] Famillie Naam
I. Nama toeroenan Orang Tionghoa telah goenaken nama toeroenan atawa she sedjek djaman koeno sekali. Di waktoe permoelaan dynastie Tjoe (kira² 3000 taon jang liwat) soedah ada orang jang pake famillie-naam. Tetapi nama famillie itoe bolehlah di kata melaenken terdiri sadja dari hoeroef² jang memake hoeroef Lie" atawa prempoean. Itoe hoeroef She" atawa famillie-naam poen terdiri dari hoeroef Lie" jang berarti prempoean dan hoeroef Sing", terlahir, lantaran asal-oesoel bangsa kita menpergoenaken itoe nama toeroenan tadi'nja oentoek memperingatin bahwa kita ini terlahir dari fihak'nja iboe, maka hoeroef She" itoe terdiri dari gaboengan doea letter jang berarti terlahir dari fihak kaoem istri. Mana² famillie jang toea, seperti Kie, Yauw, Kiang, Soe dan laen-laen semoea goenaken hoeroef prempoean di bagian samping'nja. Sesampe'nja di djaman Tjhoen Tjhioe jaitoe kira² 500 taon belakangan, (*inget ini nama kitab pernah di pake djadi nama soerat-kabar di Soerabaia) baroelah terlahir lebih banjak nama toeroenan. Toean² jang telah batja boekoe Tong Tjioe Liat Kok" oepama'nja nistjaja mendapet taoe, bahwa itoe masa beberapa orang dari satoe keloearga masing² telah pake She jang berlaenan, lantaran itoe koetika orang belon perhatiken soal pake nama toeroenan. Aken seboet beberapa tjontoh disini saja maoe oendjoek, premier dari negri Tjhien jang terkenal, jaitoe Kian Siok anak'nja boekan pake she Kian, tapi she Pik, jalah Pik Iet Ping. Anak'nja Pik Lie Hee, itoe toekang angon kerbo di dalem oemoer 70 taon baroe bisa pangkoe djabatan minister, sesoedah terloenta-loenta lebih dari 20 taon lama'nja, djoega anak'nja boekan pake she Pik Lie, tetapi goenaken she Bing. Kita poenja poedjonggo jang terbesar Khong Tjoe, ajah'nja bernama Siok Liang Gie, tetapi ia sendiri pake she Khong. Minister van financien dari pemerentah Tiongkok Khong Siang Hie atawa lebih terkenal dengen nama H.H.Kung, djoega ada satoe toeroenan dari itoe poedjoenggo jang terbesar, Khong Tjoe. Khong Tjoe poenja toeroenan langsoeng jang ke 27, jaitoe Khong Tik Sing, djoega tetep goenaken she Khong. Barangkali para pembatja telah mahloem Khong Tik Sing itoe adalah toeroenan jang berhak rawat gredja dan roemah-aboe'nja kaoem Khong di Khiok-hoe atawa Chufu di Siantung, tetapi berhoeboeng dengen petjah'nja peperangan di Tiongkok dan ia tida soeka di pergoenaken sebage pekakas oleh moesoeh'nja Tiongkok, maka ia terpaksa tinggalken tempat kediaman'nja dan pergi ke Chungking. Ia ingin djaga nama leloehoer'nja, lantaran orang Tionghoa poenja kewadjiban goena djaga djangan nodaken itoe she, sebab kapan itoe she ternoda dari ia poenja perboetan jang koerang bener atawa tersesat, arti'nja ia telah berlakoe poet-hauw atawa melanggar kesoetjian dari leloehoer'nja. Khong Tik Sing pernah menerangken, maski bagimana djoega ia tida aken kasih diri'nja di pake boeat keoentoengan fihak jang menjerang Tiongkok dan bikin roegi tanah bapa'nja, sebab itoe ada satoe perboetan jang bertentangan pada angen² ia poenja leloehoer. Djadi di dalem lingkoengan she itoe ada terdapet djoega koeadjiban oentoek kita berlakoe jang baedjik dan bener. Aken kombali poela pada soal she, saja merasa perloe boeat terangken, bahwa pada djaman Tong Tjioe, ialah djaman Khong Tjoe belon terdapet itoe pantangan kawin dari she jang bersamaan, kerna dari saking sedikit'nja orang jang mempoenjai she, maka orang poenja kemerdikaan menikah djadi lebih loeas. Tetapi dengen perkata'an belon terdapet pantangan" boekan'nja saja maoe artiken orang boleh menikah jang terdiri dari seroepa nama toeroenan, hanja mereka jang pake seroepa she itoe oemoem'nja ada famillie deket dan mereka masih bersanak deket soedah sedjak djaman koeno di Tiongkok di larang menikah satoe sama laen. Djadi sendiri'nja itoe larangan tida perloe di lakoeken. Tetapi setelah semangkin banjak orang jang pake nama toeroenan, terbitlah itoe peradatan, mereka di tjegah boeat menikah pada orang jang mempoenjai toeroenan seroepa, lantaran di pandang masih bersanak deket satoe sama laen. Dan peradatan ini telah di pegang ketjeng, sampe pada kira² 30 taon doeloe orang moelai langgar. Baek di Tiongkok maoepoen di Indonesia orang jang brani menikah pada satoe gadis dari satoe she dianggep doerhaka, diasingken dari pergaoelan djoega di tjatji oleh publiek dan malah famillie'nja tida maoe kenal poela. Begitoe keras ada'nja peradatan Tionghoa itoe masa. Orang nistjaja masih inget, tatkala di Bandoeng pada kira² 30 taon berselang ada satoe pemoeda dari kaoem Tan menikah pada satoe gadis dari itoe famillie djoega, telah di kritik amat heibat oleh semoea soerat-kabar Tionghoa-melajoe, sehingga orang merasa perloe terbitken boekoe tentang perkawinan jang di anggep gandjil. Itoe tempo publiek oemoem'nja masih anggep, pernikahan dari doea orang moeda jang terdiri dari satoe famillie-naam ada loear biasa sekali. Tetapi belakangan pernikahan terseboet sering kedjadian, hingga pada masa ini orang tida pandang poela hal itoe sebage satoe perboeatan tida b
[budaya_tionghua] Re: Tjamboek Berdoeri mendjiplak!!!
Ia, saja selama toelis-toelis kaloe tida diseboetken nama itoe pasti Toelisannja Opa Kwee Thiam Tjing atawa tjamboek berdoeri, kalau saya pribadi mungkin saya tulis pake ejaam pada umumnja dan selalu saya bubuhin angka 28 di belakang nama tjamboek berdoeri. opsss itu kata kata suami saya jang sudah mundur dari ini milis. dengen ini adjaran semoga ABS tida kerap kali oesik atawa bikin tjamboek berdoeri pasang moeka ketjoet. dan inget Tjamboek Berdoeri itoe beda dengen Tjamboek Berdoeri28 agar jij paham punt. --- In budaya_tionghua@yahoogroups.com, "Akhmad Bukhari Saleh" <[EMAIL PROTECTED]> wrote: > > - Original Message - > From: hoedjin_tjamboek_berdoeri > To: budaya_tionghua@yahoogroups.com > Sent: Thursday, June 07, 2007 9:06 AM > Subject: [budaya_tionghua] Tjamboek Berdoeri mendjiplak!!! > > > Saja (penjalin karja Opa Kwee Thiam Tjing) maoe tanja apa pantes > > membandingken Tjamboek Berdoeri dengen Ahmad kalde BS > > --- > > Ooh, jadi kemarin ini posting hoedjin ternyata adalah menyalin Kwee > loosianjin punya karya rupanya... > Karena tidak disebut apa-apa mengenai acuan penulisannya, jadi ditanyakan > itu tulisan hoedjin sendiri atau salinan dari karya satu loocianpwee. > > Tetapi posting yang berkalde-kaldean sekarang ini, yang juga tidak disebut > apa-apa mengenai acuan penulisannya, tentunya tulisan hoedjin sendiri kan? > Dan bukannya salinan karya Kwee loosianjin... > > Wasalam. >
[budaya_tionghua] Re: Tjamboek Berdoeri mendjiplak!!!
> > Tetapi posting yang berkalde-kaldean sekarang ini, yang juga tidak disebut > apa-apa mengenai acuan penulisannya, tentunya tulisan hoedjin sendiri kan? > Dan bukannya salinan karya Kwee loosianjin... > > Wasalam. > Ini toelisan saja Tjamboek Berdoeri28 dan Opa Kwee poen soeka pake istilah kalde, sebetoelnja saja masoek ini milis males oentoek berdebat atawa beroending (karena soedah oekoer besarnja saja poenja isi batok kepala) hanja salin dan komen dikit-dikit. tapi kaloe saja ada orang maoe pendem lagi siapa itoe tjamboek berdoeri kepaksa saja goenaken saja poenja tangan dan pikiran boeat ketik-ketik djadi satoe atawa seboeah hoedjin Tjamboek berdoeri
[budaya_tionghua] Tjerita² Tionghoa dalem bahasa Djawa.
Oleh: Liem Thian Joe Ada satoe djaman di mana golongan pranakan Tionghoa di Djawa Tengah ada taroh perhatian besar pada kasoesastraan Djawa, jaitoe tatkala pembatja'an Melajoe jang goenaken hoeroef latijn belon ambil bagian penting di dalem kalangan masjarakat kita, seperti di dalem tempo setengah abad kemaren. Pada abad jang laloe, pertama berhoeboengan dengen pergaoelan jang rapet antara kaoem kita dan pendoedoek priboemi; kedoea lantaran pada masa itoe soeker'nja di dapet roemah² sekolah, baek Tionghoa maoepoen Melajoe, maka banjak anak² Tionghoa jang masoek di dalem sekola² priboemi, dimana selaen'nja beladjar hoeroef dan bahasa djawa djoega anak² itoe haroes pahamken kasopanan² djawa seperti moerid² laen'nja. Dari sitoe maka kesoesastraan Djawa lebih mendjalar loeas di kalangan pranakan Tionghoa. Ada banjak sekali orang² Tionghoa di itoe koetika jang begitoe pande goenaken hoeroet dan bahasa Djawa, tida beda'nja sebage pendoedoek Priboemi aseli. Dari sebab itoe achir'nja telah terbit boekoe² Watjan (kitab hoeroef dan bahasa Djawa pake tembang) dari tjerita Tionghoa. Sebegitoe djaoeh jang saja taoe, tjerita² Tionghoa jang di salin ke dalem bahasa dan hoeroef Djawa (pake tembang), antara'nja ada: Shih Djien Koei Tjing Tang; Shih Djien Koei Tjing See; Tik Tjhing Ban Hwa Lauw; Tik Tjhing Ping See; Tio Khong In Hoei Liong Thwan; Yo Tjong Poo; Sam Kok. Dari beberapa tjerita terseboet di atas, melaenken tjerita Sam Kok jang di tjitak dan tersiar loeas di kalangan Publiek, lantaran tjerita ini doeloe di moeat sebage feuilleton di dalem soerat-kabar SLOMPRET MELAJOE jang di terbitken oleh firma G.C.T. van Drop, Semarang, dari taon 1890 sampe 1894, tetapi belon tamat* (*) (Slompret Melajoe di terbitken pertama kali pada taon 1876 dan brenti terbit dalem taon 1910. Pengarang dari Sam Kok bahasa Djawa jang di moeat di dalem soerat kabar tadi adalah toean R. Goenawan di Maospati-Madioen dengen bantoean'nja seorang Tionghoa. tetapi nama pembantoe Tionghoa terseboet tida di seboetken. Oleh orang² jang mengarti kesoesastraan Djawa, salinan atawa tjara soeroepken pangkat² Tionghoa ke dalem kebesaran² Priboemi ada soeroep sekali, sementara tembang'nja amat bagoes. Teroetama bagian Khong Beng adoe bitjara di Tong Gouw dan Tjo Tjho kalah perang di Tjhik Phik, ada bagian² jang sanget di soeka oleh pembatja'nja.) Tjerita² jang laen semoea di toelis dengen tangan, malah djika saja perhatiken dari goerata²'nja sang hoeroef, orang tida goenaken pena dari logam boeat menoelis itoe, hanja masih pake boeloe gangsa. Boekoe² itoe ada mendjadi milik'nja famillie² Tionghoa toea jang soeka dengen boekoe pembatja'an. Sebegitoe djaoeh jang saja inget, boekoe Yo Tjong Poo ada milik'nja famillie Njoo di Ngadiredjo, Parakan, dan ada salinan'nja toean Njoo Tik Hap, jang sekarang telah beroesia koerang lebih 82 taon. Boekoe² watjan doeloe biasa di pindjemken oleh orang² jang mempoenjai kerdja, oepama lahirken anak, menikahken, kematian, gadangin orang sakit dan sebage'nja poela, dimana orang biasa doedoek sampe djaoeh malem atawa sampe fadjar. Goena mentjegah mereka mengantoek, maka orang batjaken boekoe² watjan itoe. Djoega entjim² pranakan Tionghoa pada djaman itoe, soeka sekali dengerin orang batja boekoe² Tionghoa itoe jang di salin ke dalem bahasa Djawa dan di tembangin. Boleh djadi sama getol'nja dengen kita poenja siotjia² dan ensoo² djaman sekarang djika nonton bioscoop. Saja doeloe kenal satoe entjim jang biasa trima panggilan dari golongan njonja² djika mempoenjai kerdja, oentoek batjaken boekoe salinan Tionghoa itoe boeat kaoem'nja. Djika ini entjim membatja ada poeloehan siotjia dan oewa² jang toengkoelin hati'nja goena dengerken itoe entjim poenja soeara jang moeloek, ia poenja tembang ada begitoe enak, dan orang kesengsem sampe terkadang deket fadjar baroe pada boebaran. Selaen itoe boekoe² salinan dari tjerita Tiongkok, ada lagi satoe boekoe watjan jang meloekisken lelakon pertjintaan antara satoe Sultan dan Njonja Koei, jang amat disoeka oleh golongan lelaki Tionghoa, sebab heibat!". Sampe pada permoelaan ini abad kaoem istri Tionghoa di Djawa Tengah masih asing dengen segala njanjian, apalagi Song" atawa lagoe² Barat, tetapi mereka lebih mengerti pada tembang² seperti Asmorodono, Midjil, Dangang goelo, Kinanti dan laen-laen. Tetapi sedjek di kalangan Tionghoa terdjadi perobahan, jaitoe dengen masoek'nja pembatja'an bahasa Melajoe dengen goenaken hoeroef latijn, boekoe² watjan begitoean lantas terdorong ke satoe pinggir. Djoega di Batavia di kawasan petjinan kira² 40 taon jang soedah ada kebiasa'an boeat dengerin TOEKANG DONGENG", jang tjeritaken tjerita² koeno Tionghoa di waktoe orang kematian enz. Doea toekang dongeng terkenal ada `Ntjek Lim Joen dan emah Kie Sen (jalah satoe mah'tjomblang). Seperti djoega di Tiongkok di ketahoei banjak toekang dongeng di djalan besar. Djoega di Batavia doeloe ada ini toekang² tjerita di Kongsi Besar di djalanan. Orang jang mao
[budaya_tionghua] Tjoema satoe Tjina
Antara mana toean Kwee oendjoek: Ini soal ada poenja berdjoeta tjabang jang tida bisa teritoeng, saja poen anggep Goebernemen Olanda atawa orang Olanda ada berdosa dalem ini perkara, tapi dosa paling besar adalah dari orang Tionghoa atawa Hoakiauw sendiri. Orang asing di Tiongkok ada berdosa, tapi Tiongkok poenja keboeroekan teroetama ada lantaran bampak'nja orang Tionghoa sendiri. Dr. Sun Yat Sen poen telah toetoerken dalem boekoe Sam Bin Tjoe Gie" tentang satoe pengalaman di satoe kapal, dimana satoe orang Tionghoa meloedah sembarangan, hingga captain Inggris dari itoe kapal lap itoe kotoran dengen setangan'nja sendiri. Pada 10 taon doeloe saja pernah toempang kapal Treub" dari Singapore ke Batawi, kebetoelan di sitoe ada menoempang djoega toean Tan Tek Hay, Kapitein Thung Tjoen Ho (papa'nja toean Thung Siang Keng dan Dr Thung Soei Hay), toean Khouw Oen Hoei dan beberapa poela Hoakiauw jang terkenal di Java, seperti toean The Pik Pin dan toean Goei Ing Hong dari Semarang. Di medja makan di samping saja ada doedoek Dr. Yen (ipar'nja Dr. Lim Boen Keng). Di depan kita ada doedoek satoe pranakan Tionghoa Betawi jang bawa doea bini'nja, antara laen² pridato bagoes itoe Engko Betawi" berkata dengen soeara keras dan mesem jang manis pada salah satoe istri'nja : Loe djangan maloe, makan sampe kenjang, kita djoega bajar tiket klas satoe seperti laen orang, ha ha ha , betoel tida siansing?". Boentoet'nja ini omongan ia toedjoeken pada toean The Pik Pin, jang berlaga tida denger dan tendang saja poenja kaki di bawah medja, sementara Dr. Yen simpoelin moeloet'nja sebentaran. Itoe engko Betawi" kira, satoe babi djoega boleh doedoek makan di klas satoe, asal sadja ia bajar (atawa di bajarin) tiket'nja. Sering terdjadi passagier klas satoe bangsa Tionghoa di gebah dari salon kapal, kerna ia dateng pake bakiak dan badjoe kaos boentoeng. Itoelah sebab'nja banjak kapal Europa (antara mana kongsi P & O) tida maoe trima orang Tionghoa sebage passagier klas satoe, sebab mereka nanti bikin roesoeh sadja. Lantaran itoe tjara mem-babi maka orang Tionghoa oemoem'nja di kapal dapet tempat di deket kakoes, di sitoelah mereka tida bisa ganggoe laen penoempang. Boekan sadja orang Tionghoa klas rendah jang bawa itoe tjara meninggil, kaizer Willheim doeloe soedah kirim poelang Tiongkok poenja satoe gezant, lantaran ia ini soeka korek kotoran idoeng'nja di medja makan. Demikian toean Tan Tek Hay poen ada korban dari bangsa'nja sendiri poenja tjara oemoem Pegawe di Prioek tida taoe dan tida haroes taoe, bahwa toean Tan Tek Hay ada tjhinke'nja Majoor Khouw Kim An, djoega dari idoeng'nja toean Thung Soei Hay tida bisa di liat ia ada poenja gelaran peladjaran paling tinggi" di Prioek soedah lebih dari satoe millioen Hoakiauw di gledah seperti toean Tan Tek Hay, kenapa baroe ini kali Majoo Khauw Kim An bikin riboet? Toean Khauw Kim An soedah poeloehan taon djadi Majoo Betawi, kaloe doeloe ia lakoeken kewadjiban dan perhatiken itoe tjara di Prioek terhadep pada orang Tionghoa, barangkali toean Tan Tek Hay tida di gledah, maka toean Majoo Khauw Kim An betoel'nja toeroet berdosa djoega, ia baroe bergerak kaloe diri'nja tersangkoet. Lebih djaoeh, boekan sadja di Indonesia, tapi di seloeroeh doenia orang Tionghoa di perlakoeken sebage sesampah, teroetama di Tiongkok sendiri dan oleh pembesar'nja sendiri. Dalem taon 1740 di Betawi soedah di boenoeh 10.000 orang Tionghoa, perkara demikian poen soedah terdjadi di Transvaal, di Mexico, di Filiphines, sementara di Tiongkok hal begitoe soedah tida ada itoengan'nja. Kaloe di liat itoe algemeene toestand di seloeroeh doenia, pokok'nja itoe penjakit haroes di tjari dalem peroet'nja orang Tionghoa sendiri, tentoe ada something rotten" dalem mereka poenja toeboeh jang bikin antero doenia djadi hinaken pada mereka Goebernemen atawa pembesar Olanda toch tida bisa paksa manoesia atawa doenia aken hormatken atawa indahken orang Tionghoa, djika mereka ini memang tida ada itoe harga boeat di hormatken atawa di indahken. Ada di bilang, bahwa kantoor doenia ada bikin beda antara orang koelit poetih dan koelit koening. Saja maoe tanja, apa orang Japan (koelit koening) djoega di perlakoeken sebage orang Tionghoa? orang aken djawab, tida sebab Japan poenja kapal perang. Tapi orang Arab tida poenja kapal perang, kenapa mereka tida di perlakoeken seperti orang Tionghoa??? Djadi orang Tionghoa di perlakoeken loear biasa, sebab mereka poenja tjara djoega loear biasa!!! Kaloe orang Tionghoa oemoem'nja bisa bawa diri dan djaga kehormatan'nja seperti orang Japan atawa orang Arab, TIDA SATOE HANTOE AKEN BISA HINAKEN MEREKA. Ini semoea pembatja di harep marah dan tjatji maki saja, jang berarti mereka soedah sadar dan itoe saja senang, sebab djangan salah sangka maksoed saja baek. Shanghai 1926. Kwee Hing Tjiat. corr Demikian ada itoe toelisan pedes, tapi siapa bisa sangkal kebeneran'nja? Dan antero isi'nja itoe toelisan bida di gaboeng djadi beberapa perkata'an jang kita beroelang-oe
[budaya_tionghua] Njoo Cheong Seng.
Boeah² Pena. Antara pengarang² Tionghoa jang ini waktoe dapet perhatian tjoekoep dari publiek, teritoeng djoega Njoo Cheong Seng, medewerker dari mandbladen Liberty dan Tjerita Roman. Ia ada hoeboengin dari salah satoe Opera, lantaran mana ia telah dapet kesempetan oentoek koelilingan seloeroeh Indonesia dan koendjoengi loear negri. Di bawah ini ada Njoo Cheong Seng poenja boeah² pena: Balas-membalas, kerna Hati-mati; kerna Mata-boeta, Mati tapi hidoep, Bertjerai-kasih. Batavia 1619, Sio-Sajang. Di bawah nama pendengan Monsieur d'Amour (satoe nama pendengan jang satimpal dengen orang'nja) ia telah tjiptaken: Sakit Hati, Orang jang berdosa, Salina, Kembang Mendoeroe dari Minahasa, Raden Adjeng Moerhia, Nala-Yini, Battalion-Setan, Algodjo. Selaen dari itoe ia telah toelis poeloehan tjerita pendek, lebih djaoeh ia ada salah satoe pengarang Tionghoa jang banjak menoelis sair-sairan. Sebage illustratie di bawah ini saja toeroenken beberapa sairan dari ia: Tanda mata. Mengirim ramboet, berpoeloeh lembar, sebage tanda mata; Mengirim sebotol aer-mata, mengoendjoeken tanda tjinta; Biar maski berpisah langgar laoetan ta'dapet berkata-kata; Deket, kita selaloe di hati, maski djaoeh-djaoeh di mata. Lelatoe. Kesalahan ketjil dalem penghidoepan ada seperti lelatoe, Lelatoe ketjil jang boleh menerbitken kebakaran besar, Terbakar'nja kesalahan² ketjil poen ada begitoe, Apabila kesalahan itoe ta'diperbaeki, diteroesken njasar. Penjakit-tjinta. Penjakit-tjinta ada satoe penjakit jang soesah di obatin'nja, Kerna itoe penjakit meresep kesoemsoem dan toelang semoea, Dengen perlahan ia meroesakin segala apa di seloeroeh toeboeh'nja, Dan dengen tentoe ia meroesakin soemanget dan abisken njawa. Di bawah kalimat Gagaklodra" ia telah tjiptaken satoe serie tjerita perampokan jang aneh, loear biasa, serem, ngeri dan mendebarken hati, tapi keseringan terlaloe di lebih-lebihken! Dalem diri'nja Gagaklodra (tjipta'an dari Njoo Cheong Seng) saja ketemoeken sifat²nja kita poenja pendekar² Kiam Hiap jang selaloe bersedia oentoek membela kebeneran dan terlaloe soeka satronin roemah'nja hartawan² pelit dan kedjem!! Sifat-sifat. Njoo Cheong Seng poenja tjerita² oemoem'nja bersifat romantisch-dramatisch. Di bagian permoelaan meloekisken satoe roman jang moeloek dan menjenangken hati; di tengah-tengah lelakon'nja ada dateng menjelak satoe penggoda jang memoetoesken itoe pertjinta'an. Semoea pengharepan moeloek mendjadi moesnah dengen tida tinggalken bekas²nja dan sebage ganti'nja moentjoel kesedihan dan kesengsara'an jang semingkin lama mendjadi semingkin heibat, hingga tertjipta'nja satoe drama jang memiloeken hati achir'nja tida bisa di tjegah lagi. Satoe pengarang jang seoemoer idoep'nja belon pernah makan roti'nja dalem kesedihan pasti tida bisa mengarang tjerita² sedih menarik hati, sebalik'nja satoe pengarang jang dalem penghidoepan'nja sering alamin kegagalan tentoe tida bisa paksaken diri menoelis satoe tjerita jang tida membajangken setitik kesedihan ada kesoesahan. Menoeroet tjerita'nja sendiri, Njoo Cheong Seng poenja penghidoepan ada penoeh dengen kegetiran, seolah-olah itoe ada boeat mendjadi bahan dari ia poenja toelisan sendiri. Banjak kegagalan ia telah ngalamken dalem penghidoepan'nja, lantaran mana ia djadi pertjaja pada takdir", sebagimana dari ia poenja oetjapan ini: Tadi'nja owee sendiri tida pertjaja bahwa manoesia idoep dalem doenia ini soedah di watesin oleh takdir. Tapi sasoedah owee idoep liwatin oesia dewasa soedah banjak tjitjipin asem-garem'nja doenia, owee baroe mengerti, bahwa kita orang ada di koeasain oleh jang Maha Koeasa, bahwa lelakon idoep kita ini, seperti soedah terloekis dalem boekoe takdir". Bagimana Njoo Cheong Seng poenja anggepan tentang penghidoepan? Idoep'nja saban orang seperti lelakon dalem panggoeng komedie, ada banjak hal gandjil terdjadi jang rasa'nja tida boleh terdjadi" Lebih djaoeh ia kata: Tikoengan dalem penghidoepan, poen ada seperti tikoengan dalem tandjakan goenoeng, banjak tikoengan² berbahaja. Satoe kali kita salah menikoeng, kita aken terdjoen ke djoerang, satoe kali kita salah djalan kita aken kesoempet di toebir² jang dalem. Siapa pernah idoep dengen perhatiken penghidoepan'nja tentoe nanti mereka sendiri'nja tida mengarti, kenapa djalan'nja penghidoepan ada penoeh dengen keanehan. Itoe semoea orang tida berasa, bahwa banjak kesengsaraan² idoep di sebabken oleh satoe kesalahan ketjil. Kesalahan² ketjil dalem penghidoepan itoe ada seaken-aken lelatoe api jang boleh menerbitken kebakaran besar. Kita idoep dalem doenia memang aneh sifat'nja, kita dateng sebage bajangan, kita pergi seperti bajangan". Berkali-kali Njoo Cheong Seng ada citeer Shakespeare poenja oetjapan jang terkenal: Doenia ada satoe panggoeng komedie, manoesia adalah anak² wajang'nja". Ini oetjapan dari Shakepeare sedikit atawa banjak ternjata ada mempengaroehin Njoo Cheong Seng poenja anggepan soal penghidoepan. Lebih djaoeh ia berpendapetan keberoentoengan boekan satoe kekekalan. Dimana ada keberoentoe